ᖃᓄᐃᓐᓈ ᓯᕕᓕᔅᑖᕐᑌᓕᕈᓐᓇᐳᖓ?
ᐅᓲᑉ ᐴᖓᓂ ᐊᑐᕐᐸᓗᓂ ᑯᔭᑦᑐᖃᓕᕈᓂ ᐱᐅᓂᕐᐸᐅᕗᖅ ᓯᕕᓕᔅᑖᕐᑌᓕᓂᕐᒧᑦ. ᐊᑮᑦᑐᔦᑦ ᐅᓲᑉ ᐴᖏᑦ ᐊᑐᐃᓐᓇᐅᓯᐊᕐᐳᑦ ᐋᓐᓂᐊᓯᐅᕐᓂᓕᕆᕕᓐᓂ. ᖃᐅᔨᓴᕐᑕᐅᒐᔪᐃᓐᓇᓂᖅ ᐊᓯᓐᓂᐊᐸᖕᖏᓂᕐᓗ ᐱᐅᔫᒻᒥᔫᒃ ᓯᕕᓕᔅᑖᕐᑌᓕᓂᕐᒧᑦ. ᑯᔭᒐᔪᓲᓄᓪᓕ, ᐱᒻᒪᕆᐅᕗᖅ ᖃᐅᔨᓴᕐᑕᐅᕙᒋᐊᖅ ᐱᖓᓲᔪᕐᑐᓂᑦ ᖁᓕᓪᓗ ᒪᕐᕈᓘᓄᑦ ᑕᕐᖀᑦ ᐊᓂᒍᕆᐊᑕᒫᑦ.
ᓯᕕᓕᔅᑖᒋᐊᓪᓚᕈᓐᓇᐳᖔ ᐊᑕᐅᓯᕕᒋᑐᐃᓐᓇᓇᒍ?
ᐊᐊ, ᐱᒻᒪᕆᐅᓚᕿᕗᑦ ᓴᐳᒻᒥᒪᑦᓯᐊᓇᓱᐊᕆᐊᖅ (ᐅᓲᑉ ᐴᖓ) ᖃᐅᔨᓴᕐᑕᐅᓗᑭᕙᓪᓗᓂᓗ. .
ᐱᐊᕋᑦᓴᖃᕐᓂᐸᑦ, ᖃᓄᖅ ᓯᕕᓕᔅ ᓱᕐᕃᓂᖃᕈᓐᓇᐸ ᐱᐊᕋᕐᓃᕕᑦ?
ᐱᐊᕋᑦᓴᓕᓕᒫᑦ ᓄᓇᕕᒻᒥ ᐱᖓᓱᕕᑦᑕᐅᓱᑎᒃ ᖃᐅᔨᓴᕐᕕᐅᓲᑦ ᓯᕕᓕᔅᖃᓕᕐᒪᖔᕐᒥᓂ ᐱᐊᕋᑦᓴᖃᕐᓂᒥᓂ, ᐊᓯᖏᓐᓂᓗ ᖃᐅᔨᓴᕐᕕᐅᕙᑦᓱᑎᒃ ᐃᓅᓕᓚᐅᕐᑎᓇᒍ ᐱᐊᕋᒃ. ᐱᒻᒪᕆᐅᔪᐃᑦ ᑕᒪᒃᑯᐊ ᖃᐅᔨᓴᕐᓂᐅᕕᓲᑦ ᐱᓪᓗᒍ ᐋᓐᓂᐊᓯᐅᕐᑕᐅᒪᖕᖏᑯᓂ ᓯᕕᓕᔅ ᐱᓀᓕᑦᓯᓚᕆᒍᓐᓇᒪᑦ ᐱᐊᕋᑦᓴᐅᔪᒥᒃ, ᓲᕐᓗ ᐃᓅᓕᑲᐱᓪᓗᓂ, ᑐᖃᖓᓗᓂ ᐊᓂᓗᓂ, ᖃᕆᑕᖓᑦ ᓱᕐᕋᑕᐅᒪᓂᖃᕐᓗᓂ, ᐃᔨᖏ, ᓯᐅᑎᖏ ᐆᒻᒪᑎᖓᓗ.
ᐃᑲᔪᕐᓯᒍᑎᑦᓭᑦ ᒪᓕᑦᑕᐅᔪᑦᓭᓗ
ᑐᑭᓯᒋᐊᒃᑲᓂᕈᒪᑐᐊᕈᕕᒃ ᑯᔭᓐᓂᓅᖓᔪᓂᑦ ᐃᓗᓐᓀᒍᑦ, ᐁᑉᐹᕇᑦᓯᐊᓂᕐᓅᖓᔪᓂᑦ, ᑯᔭᓐᓂᑎᒍᑦ ᐁᑦᑑᑎᓂᐅᓲᓃᑦ ᖁᐱᕐᕆᓇᕐᑐᓂᑦ ᐊᒻᒪᓗ ᓱᓀᑦ ᓴᐳᒻᒥᒪᕈᑎᐅᒍᓐᓇᒪᖔᑕ:
www.irespectmyself.ca