fosterfamilies

ᓄᓇᕕᒻᒥ ᐊᓇᕐᕋᐅᓚᐅᕐᑐᓲᑦ

 

ᐃᓚᒌᑦ ᐃᓚᖏᑦ ᐊᕐᓱᕈᓐᓇᑐᒃᑰᓕᑐᐊᕋᒥᒃ ᕿᑐᕐᖓᒥᓂᒃ ᓇᓃᕝᕕᓭᓪᓘᔨᐊᖃᓲᒍᕗᑦ ᐊᖓᔪᕐᖄᕆᔭᐅᔪᑦ ᓄᓪᓚᓯᐊᖃᑎᒌᒐᓱᐊᕐᓂᖏᓐᓂ ᐊᓯᖏᓪᓗ ᐱᑦᔪᑕᐅᒐᓗᐊᕐᒥᑎᓪᓗᒋᑦ. ᑌᒣᒻᒪᑦ ᐊᓇᕐᕋᐅᓚᐅᕐᑐᑫᓐᓇᕈᓐᓇᑐᑦ ᓄᐃᑕᐅᓯᒪᓲᒍᕗᑦ ᑕᒪᒃᑯᐊ ᐱᓪᓗᒋᑦ.

ᑯᐯᒃᒥ, ᓄᓇᕕᒻᒥᓗ ᕿᑐᕐᖓᒥᓂᒃ ᐱᕈᕐᓭᒍᒪᓲᒍᒻᒪᑕ ᐱᕈᕐᓴᕕᒋᓯᒪᔭᒥᓂᒃ ᓯᕗᓪᓕᐅᔨᑦᓱᑎᒃ. ᑌᒣᒻᒪᑦ, ᓄᓇᕕᒻᒥ ᐊᓇᕐᕋᐅᓚᐅᕐᑐᑐᑦᓴᖃᕆᐊᖃᕐᐳᖅ.

ᕿᑐᕐᖓᐅᔪᖅ ᐊᓇᕐᕋᐅᓚᐅᕐᑐᑐᓅᕐᑕᐅᐸᑦ, ᐅᕕᒐᕐᑐᐃᑦ ᓴᐳᒻᒥᔨᖏᑦ ᑲᒪᒋᔭᑦᓴᖃᕆᐊᖃᓲᒍᕗᑦ ᐊᖓᔪᕐᖄᕆᔭᐅᔪᑦ ᑲᒪᒋᔭᑦᓴᕆᒋᐊᖃᕐᑕᖏᓐᓂᒃ, ᑎᒍᒥᐊᓯᑦᓱᑎᓪᓘᓃᑦ. ᕿᑐᕐᖓᕆᔭᐅᔪᑦ ᐊᓇᕐᕋᐅᓚᐅᕐᑐᑐᓃᓯᑐᐊᕋᒥᒃ ᐃᑉᐱᒋᔭᐅᓯᓲᒍᕗᑦ ᐅᕕᒐᕐᑐᐃᑦ ᓴᐳᒻᒥᔭᐅᒍᑎᖓᓄᑦ ᐱᖁᔭᑎᒍᑦ  (YPA) ᐅᕝᕙᓘᓐᓃᑦ ᐱᖁᔭᕐᒧᑦ ᐱᑦᔪᑎᓕᒻᒧᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐅᑎᓂᒃ (ARHSSS). 

ᐅᕕᒐᕐᑐᐃᑦ ᓴᐳᒻᒥᔨᖏᑦᑕ ᐊᓪᓚᕕᖓ ᐃᓄᓕᕆᔩᓪᓗ ᐃᓕᑕᕆᔭᐅᓂᖃᕐᐳᑦ ᑲᒪᖃᑕᐅᒋᐊᖃᕐᓂᒥᓂᒃ ᐊᓇᕐᕋᐅᓚᐅᕐᑐᑐᓂᒃ ᑌᒣᒻᒪᑦ ᐱᔭᕆᐅᑐᔪᒃᑰᕈᑎᖃᓲᒍᕗᑦ, ᕿᑐᕐᖓᕆᔭᐅᔪᓂᒃ ᑲᒪᒋᔭᑦᓴᖃᕆᐊᖃᓲᒍᒐᒥᒃ ᐱᒍᑦᔭᐅᓂᕆᒋᐊᓕᖏᓐᓂᒃ ᐊᑑᑎᓕᕐᑕᒥᒍᑦ.

 

ᐊᓇᕐᕋᕆᔭᐅᓚᐅᕐᑐᑐᑦ ᓱᓇᐅᕙᑦ ?

ᐊᓇᕐᕋᐅᓚᐅᕐᑐᕈᓐᓇᐳᑎᑦ ᐃᓄᑑᒍᕕᑦ, ᐁᑉᐸᕇᒃᑯᑎᒃ ᐃᓚᒌᒍᑦᓯᓘᓐᓃᑦ ᐊᑕᐅᓯᕐᒧᑦ ᐊᒥᓱᓄᓪᓘᓃᑦ ᐃᓅᓱᑦᑐᓄᓪᓘᓃᑦ ᐱᓐᓀᓗᑕᖃᓕᕐᑐᓄᑦ ᐊᓇᕐᕋᒥᓂ. ᐊᓇᕐᕋᐅᓚᐅᕐᑐᑎᑕᐅᓲᑦ ᓇᐅᓕᒫᓂᒃ ᐱᒍᑦᔨᕕᓐᓄᑦ ᑭᖕᖒᒪᒋᔭᖏᓐᓂᒃ ᐱᒍᑦᔭᐅᒋᐊᖃᕐᓂᖏᓐᓄᑦ ᕿᑐᕐᖓᕆᔭᐅᔪᑦ ᐃᓂᖃᕐᑎᑕᐅᑦᓯᐊᓗᑎᒃ ᕿᑐᕐᖓᕆᔭᑎᑐᑦ-ᐃᓅᖃᑎᒋᓗᒋᑦ ᐃᓚᒌᑦᑐᓃᓪᓗᑎᒃ.

 

 

 

ᐊᓇᕐᕋᕆᔭᐅᓚᐅᕐᑐᑐᑦ ᓱᓇᑦᑎᐅᒋᐊᖃᕐᐸᑦ ?

ᐊᓇᕐᕋᐅᓚᐅᕐᑐᑐᑦ ᐃᓂᖃᕐᑎᓯᑦᓯᐊᕆᐊᓖᑦ ᕿᑐᕐᖓᕆᔭᑎᑐᑦ-ᐃᓅᖃᑎᖃᕐᓗᑎᒃ ᐃᓚᒌᓐᓂᒥᑎᒍᑦ. ᑲᑐᑦᔨᖃᑎᖃᑦᓯᐊᓗᑎᒃ ᑲᒪᔨᓂᒃ, ᐊᑐᐃᓐᓇᕈᕐᑎᖃᑎᒌᓚᖓᓗᑎᒃ ᑲᒪᒍᑎᑦᓴᒥᓂᒃ ᕿᑐᕐᖓᕆᔭᐅᔪᒥᒃ ᐃᓚᖏᓐᓂᓗ. ᑲᑐᑦᔨᖃᑎᖃᕆᐊᖃᕐᓱᑎᓪᓗ ᐊᖓᔪᕐᖄᒋᓐᓂᒃ ᓇᔪᕐᑎᒥᑕ ᐊᓯᖏᓐᓂᓗ ᐱᓇᓱᖃᑎᒋᒋᐊᓕᒥᓂᒃ ᐃᓕᓴᕐᕕᒦᑦᑐᑦ ᐆᑦᑐᕋᐅᑎᒃᑲ. ᓱᓕᓗ, ᑲᔪᓯᑦᓯᐊᕈᓐᓇᓂᕐᓴᐅᓲᖅ ᐊᓇᕐᕋᐅᓚᐅᕐᑐᓚᖓᔪᑦ ᐊᖏᕈᑎᖃᑦᓯᐊᑎᓪᓗᒋᑦ ᐃᓚᒌᓪᓗᑎᒃ ᑲᒪᒋᔭᖃᕐᓂᐊᓂᕐᒥᓂᒃ.  

 

 

ᓇᑭᑦ ᐱᒋᐊᕈᓐᓇᐳᖓ ᐊᓇᕐᕋᐅᓚᐅᕐᑐᕈᒪᓚᖓᒍᒪ ?

ᓄᓇᓕᑦᓯᓂ ᐅᕕᒐᕐᑐᐃᑦ ᓴᐳᒻᒥᔨᖏᑦᑕ ᐊᓪᓚᕕᖓᓄᑦ ᐅᖄᓚᓗᑎᑦ:

ᑕᓯᐅᔭᕐᔪᐊᒥ:  1- 866-281-0074

ᓴᓪᓗᐃᑦ  - Salluit: 819-255-8135

ᐃᕗᔨᕕᒃ - Ivujivik: 819-922-3393

ᐊᑯᓕᕕᒃ - Akulivik: 819-496-2730

ᐃᓄᒃᔪᐊᖅ - Puvirnituq: 819-988-2191

foster.home.puvirnituq@ssss.gouv.qc.ca

ᐃᓄᒃᔪᐊᒥ - Inukjuak: 819-254-8196

ᐅᒥᐅᔭᖅ - Umiujaq: 819-331-7643

ᑰᑦᔪᐊᕋᐱᒃ -Kuujjuaraapik: 819-929-3859

 

ᐅᖓᕙᒥ:  1- 866-281-0082

ᑰᔾᔪᐊᖅ   -Kuujjuaq: 819-964-2905 ext. 873

FosterYP.Kuujjuaq@ssss.gouv.qc.ca

ᑲᖏᕐᓱᐊᓗᔾᔪᐊᖅ - Kangiqsualujjuaq: 819-337-5335

ᑕᓯᐅᔭᖅ   - Tasiujaq: 819-633-5450

ᐊᐅᐸᓗᒃ  - Aupaluk: 819-491-7023

ᑲᖏᕐᓱᒃ    - Kangirsuk: 819-819-935-4748

ᖁᐊᕐᑕᖅ - Quaqtaq: 819- 492-9037

ᑲᖏᕐᓱᔪᐊᖅ - Kangiqsujuaq: 819-338-1138

 

 

ᖃᐅᔨᒪᕖᑦ ?

 

ᖃᐅᔨᒪᕖᑦ ᐊᓇᕐᕋᐅᓚᐅᕐᑐᖃᑦᑕᕈᓐᓇᕋᕕᑦ ᐊᑕᓕᒫᑐᐃᓐᓇᖏᑦᑐᒥᒃ ?

ᐊᓇᕐᕋᐅᓚᐅᕐᑐᕈᓐᓇᑐᑦ ᑭᖕᖒᒪᓇᓲᒍᕗᑦ ᖃᖓᑐᐃᓐᓇᓯᐊᖅ. ᐊᑯᓂᐅᖕᖏᑐᖅ ᐊᑯᓂᓕᑦᓱᒍᓘᓐᓃᑦ, ᐅᓪᓗᓂ ᐃᑭᑦᑐᐊᐱᑐᐃᓐᓇᓂᓪᓘᓃᑦ. ᐃᓂᑦᓴᓯᐅᕐᑕᐅᓲᑦ ᑭᖕᖒᒪᒋᔭᖏᑦ ᒪᓕᑦᓱᒋᑦ, ᐊᓇᕐᕋᐅᓚᐅᕐᑐᕈᓐᓇᑐᓪᓗ ᐊᑐᐃᓐᓇᐅᓂᖓᑎᒍᑦ.

 

ᐃᓚᓐᓅᕕᑦ ᓇᓪᓕᐊᓄᑦ ᐊᓇᕐᕋᐅᓚᐅᕐᑐᖃᑦᑕᕈᓐᓇᕆᕕᑦ ?

ᖃᐅᔨᒪᔭᐅᑦᓯᐊᕆᐊᖃᕐᐳᖅ ᐃᓂᑦᓴᖃᕆᐊᖃᓕᑐᐊᕐᒪᑦ ᕿᑐᕐᖓᕆᔭᐅᔪᑦ ᓇᓪᓕᐊ, ᐃᓚᓪᓚᕆᒋᔭᐅᔪᑦ ᓯᕗᓪᓕᐅᔭᐅᒋᐊᖃᕐᒪᑕ ᖃᐅᔨᒻᒫᕆᔭᖓᓘᓐᓃᑦ ᕿᑐᕐᖓᕆᔭᐅᔫᑉ. ᑌᒣᒻᒪᑦ ᐊᓇᕐᕋᐅᓚᐅᕐᑐᕈᓐᓇᐳᑎᑦ ᐃᕐᖑᑕᕐᓅᕕᑦ, ᖃᑕᖕᖑᑎᓐᓅᕕᑦ, ᐊᖕᖓᓅᕕᑦ/ᓄᐊᕋᓗᐊᕐᓅᕕᑦ, ᖃᖏᐊᕐᓅᕕᑦ ᓄᑲᖕᖑᐊᓅᕕᓪᓘᓃᑦ, ᐊᓂᖕᖑᐊᓅᕕᓪᓘᓃᑦ ᓄᓇᕐᖃᑎᑉᐱᓘᓐᓃᑦ ᕿᑐᕐᖓᖏᓐᓄᑦ ᓄᓇᓕᓂᓪᓘᓃᑦ ᐊᓯᖏᓐᓂᑦ ᐱᓯᒪᔪᓄᑦ.   

 

ᐊᓇᕐᕋᐅᓚᐅᕐᑐᕈᒪᔪᑦ ᖃᐅᔨᓴᕐᑕᐅᖄᕆᐊᖃᕐᐸᑦ ᐃᕐᖃᑐᕐᑕᐅᓚᐅᕐᓯᒪᒻᒪᖔᑕ ?

ᐊᓇᕐᕋᐅᓚᐅᕐᑐᕈᒪᔪᑦ ᒪᓕᑦᓯᐊᕆᐊᖃᕐᐳᑦ ᒪᓕᒐᕐᓂᒃ, ᖃᓄᐃᖕᖏᓯᐊᕆᐊᖃᕐᓂᖓᓄᑦ ᕿᑐᕐᖓᕆᔭᐅᔫᑉ.

ᒪᓕᑦᑕᐅᒋᐊᓖᑦ ᒪᑯᐊ ᐃᓚᖏᑦ:

  • ᐃᑦᓯᒎᓐᓂᓗᑦᓯᒪᔪᖃᕆᐊᖃᖕᖏᑐᖅ ᐱᒋᐊᖃᑦᑕᓂᑦᓯᒪᔪᖃᕆᐊᖃᕋᓂᓗ ᕿᑐᕐᖓᐅᔪᒥᒃ ᐃᕐᖃᑐᕐᑕᐅᒍᑎᒋᓯᒪᓗᒍ;
  • ᐊᓇᕐᕋᓯᒪᑦᓯᐊᓗᓂ; ᓯᓂᑦᑕᕕᒻᒥᐅᒍᒍᓐᓀᓗᓂ;
  • ᐊᕐᕌᒎᓐᓂ ᒪᕐᕉᓂ ᐊᓂᒍᕐᑑᓂ ᐅᕕᒐᕐᑐᐃᑦ ᓴᐳᒻᒥᔨᖏᓐᓄᑦ ᑭᖑᓂᖓᒍᑦ ᖃᓄᐃᓕᖓᓕᕐᒪᖔᑕ ᖃᐅᔨᒋᐊᕐᑕᐅᓚᐅᕐᓯᒪᒍᓐᓀᓗᓂ;
  • ᐊᖏᕐᑕᐅᖏᓪᓗᑐᖃᑦᑕᓗᑎᒃ ᐊᓇᕐᕋᐅᓚᐅᕐᑐᕈᒪᔪᑦ ᐅᕕᒐᕐᑐᐃᑦ ᓴᐳᒻᒥᔨᖏᓐᓄᑦ ᐊᓇᕐᕋᐅᓚᐅᕐᑐᕈᓐᓀᑎᑕᐅᓯᒪᔪᑦ.

 

ᐃᓄᑑᓗᑎᑦ ᐊᓇᕐᕋᐅᓚᐅᕐᑐᕈᓐᓇᕆᕕᑦ ?

ᐊᓇᕐᕋᐅᓚᐅᕐᑐᓲᑦ ᐊᒥᓲᓂᕐᓭᑦ ᐃᓄᑑᓲᑦ ᐊᓇᕐᕋᒥᓂ. ᐁᑉᐸᕇᑦ ᐊᓇᕐᕋᐅᓚᐅᕐᑐᕈᓐᓇᒥᑎᓪᓗᒋᑦ.

 

ᐊᓇᕐᕋᐅᓚᐅᕐᑐᕈᓐᓇᑐᖃᕆᕙ ᐱᓇᓱᒐᖃᕐᓗᓂᓗ ?

ᐊᓇᕐᕋᐅᓚᐅᕐᑐᑐᒦᑦᑐᑦ ᐃᓕᓴᕆᐊᑲᑦᑕᕈᓐᓇᓲᑦ ᐯᕆᑦᓯᕕᓕᐊᑲᑦᑕᕈᓐᓇᓱᑎᓪᓘᓃᑦ, ᐯᕆᑦᓯᕕᓪᓗ ᐊᑭᓕᕐᑐᑕᐅᑦᓲᒍᑦᓱᓂ !

 

ᐃᒣᓪᓗᐊᑐᓂᒃ ᐅᑭᐅᓕᒻᒧᑦ ᐊᓇᕐᕋᐅᓚᐅᕐᑐᕈᓐᓇᐳᖔᓚᔪᖃᕈᓐᓇᐸ ?

ᐊᓇᕐᕋᐅᓚᐅᕐᑐᕈᒪᒍᕕᑦ, ᐅᕕᒐᕐᑐᐃᑦ ᓴᐳᒻᒥᔨᒃᑯᖏᑦ ᐅᖄᕕᒋᒋᐊᕐᑐᕆᐊᓕᑎᑦ ᐃᓕᓐᓅᓕᖓᔪᓂᒃ, ᐱᐅᓯᕐᓅᓕᖓᔪᓂᒃ, ᐃᓅᓯᕆᔭᕐᓅᓕᖓᔪᓂᒃ ᐅᕝᕙᓘᓐᓃᑦ ᐃᓚᒌᓐᓂᓯᓐᓅᓕᖓᔪᓂᒃ. ᐃᓚᖏᑦ ᐊᓇᕐᕋᓴᑦᓯᐊᒍᒍᓐᓇᑐᑦ ᕿᑐᕐᖓᐅᔪᑦ ᐅᑭᐅᖏᑦ ᒪᓕᑦᓱᒋᑦ, ᐊᓯᖏᓪᓗ ᐊᓇᕐᕋᓴᑦᓯᐊᒍᒍᓐᓇᒥᑦᓱᑎᒃ ᕿᑐᕐᖓᐅᔪᑦ ᐅᑭᐅᖏᑦ ᒪᓕᑦᓱᒋᑦ.

ᖃᓄᐃᓕᖓᓂᕆᒋᐊᓕᖓ ᒪᓕᑦᑎᑕᐅᓲᖅ ᕿᑐᕐᖓᕆᔭᐅᔫᑉ ᑭᖕᖒᒪᒋᔭᖏᑦ ᑕᒐᑕᒐᓪᓗᑐᖅ ᑕᑯᑦᓱᒋᑦ.

  • 0-ᒥᑦ-  1-ᒧᑦ,
  • 1-ᒥᑦ-  6-ᓄᑦ,
  • 6-ᓂᑦ-12-ᓄᑦ,
  •  12-ᓂᑦ-18-ᓄᑦ,

ᐊᓇᕐᕋᐅᓚᐅᕐᑐᕈᓐᓇᓲᒍᒻᒥᔪᑦ ᕿᑐᕐᖓᐅᔪᓂᒃ 21-ᓂᒃ ᐅᑭᐅᕐᑖᖏᓐᓂᖏᓐᓂ ᓇᔪᕐᑎᖃᓚᖓᑦᓱᑎᒃ, ᐊᖏᕐᓯᒪᑐᐊᕐᐸᑦ ᐅᕕᒐᕐᑐᖅ ᐃᓕᓴᕆᐊᑦᓯᐊᓲᒍᑐᐊᕐᐸᓗ ᑖᒃᑯᓂᖓᑦᓭᓇᕐᓗ ᐊᓇᕐᕋᖃᕈᒪᑉᐸᑦ. ᑐᑭᓯᒋᐊᑦᓯᐊᕕᑦᓴᐅᕗᑦ ᐅᕕᒐᕐᑐᐃᑦ ᓴᐳᒻᒥᔨᖏᑦᑕ ᐊᓪᓚᕕᖓ.

 

ᐅᓪᓗᑕᒫᕐᑕᑐᓂᒃ ᑮᓇᐅᑦᔭᕈᓐᓇᑐᑦ ?

ᐊᓇᕐᕋᐅᓚᐅᕐᑐᑐᖃᕈᒪᒍᓂ ᑮᓇᐅᔭᖃᕐᓂᖅ ᐊᕝᕕᐊᓗᑕᐅᖕᖏᑐᖅ. ᑮᓇᐅᔭᑎᒍᑦ ᐃᑲᔪᕐᑕᐅᕕᑦᓴᓕᒃ. ᐱᒋᐊᕐᓂᖓᓂ, ᐊᓇᕐᕋᐅᓚᐅᕐᑐᓯᔪᑦ ᑮᓇᐅᑦᔭᓲᑦ $50.00-ᓂᒃ ᐅᓪᓗᑕᒫᑦ ᐊᑕᐅᓯᕐᒧᑦ ᕿᑐᕐᖓᐅᔪᒧᑦ.

ᑌᒪ, ᖃᐅᔨᓴᕐᑕᐅᒌᕐᓯᒪᓕᕈᑎᒃ, ᐅᓪᓗᑕᒫᑦ ᑮᓇᐅᑦᔭᓴᖃᑦᑕᓂᐊᕐᓱᑎᒃ $100.00-ᓂᒃ ᐊᑕᐅᓯᕐᒧᑦ ᕿᑐᕐᖓᐅᔪᒧᑦ.

 

ᐊᓇᕐᕋᐅᓚᐅᕐᑐᕈᒪᔪᑦ ᕿᓄᒍᑎᓕᐅᕆᐊᖃᕐᐸᑦ ?

ᕿᓄᒍᑎᓕᐅᕐᑐᖃᕈᓐᓇᑐᖅ, ᒪᓕᒐᑦᓴᑕᓕᒃ ᐊᓇᕐᕋᐅᓚᐅᕐᑐᕈᒪᔪᓄᑦ. ᑖᒃᑯᐊ ᐊᐱᕐᓲᑏᑦ ᑕᑭᓂᕐᓴᐅᒪᔪᑦ ᒪᓕᒐᓕᐅᕐᓯᒪᒍᑎᐅᓲᓂᑦ, ᐆᑦᑐᕋᐅᑎᒋᑦᓱᒍ ᐃᕐᖃᑐᕐᑕᐅᓚᐅᕐᓯᒪᔪᖃᕐᒪᖔᑦ ᖃᐅᔨᓴᕐᑕᐅᓂᐅᒋᐊᓕᒃ. ᐃᓄᒃᑎᑑᕐᑐᓂᒃ, ᖃᓪᓗᓈᑎᑑᕐᑐᓂᒃ ᐅᐃᒍᐃᑎᑑᕐᑐᓂᓪᓗ, ᑐᓵᔨᖃᕈᓐᓇᓱᑎᓪᓗ ᐅᕕᒐᕐᑐᐃᑦ ᓴᐳᒻᒥᔨᖏᑎᒍᑦ ᕿᓄᒍᑎᓕᐅᕋᓱᐊᕐᑐᖃᓕᕐᐸᑦ. ᕿᓄᒍᑎᓕᐊᕕᓃᑦ ᐱᔭᕇᕈᕕᐅᒃ, ᐋᕐᕿᒋᐊᑦᓯᐊᓯᒪᓕᕐᐸᑦ ᐊᖏᕈᑕᐅᓯᒪᓕᕐᐸᓗ, ᐊᓇᕐᕋᐅᓚᐅᕐᑐᓚᖓᔪᑦ ᑮᓇᐅᑦᔭᕈᓐᓇᓯᒐᔭᕐᑐᑦ $100.00-ᓂᒃ ᐅᓪᓗᑕᒫ.

ᖃᐅᔨᓴᕐᑕᐅᕙᓪᓕᐊᒍᒪᒍᕕᑦ, ᖃᐅᔨᒋᐊᕐᕕᖃᕈᓐᓇᐳᑎᑦ ᓄᓇᓕᑦᓯᓂ ᐅᕕᒐᕐᑐᐃᑦ ᓴᐳᒻᒥᔨᖏᓐᓂᒃ.

 

ᐅᓪᓗᑕᒫᑦ $100.00-ᑖᕐᑕᕈᑏᑦ ᑕᖅᑭᓄᑦ ᐊᓂᒍᕐᓯᒪᔪᓄᑦ ᐅᑎᕐᕕᐅᒍᑕᐅᒍᓐᓇᕆᕙᑦ ?

ᖃᐅᔨᓴᕐᑕᐅᒍᑎᐅᓯᒪᔪᑦ ᐊᑑᑎᔭᐅᓯᒪᕐᖄᕆᐊᓖᑦ $100.00-ᓂᒃ ᐅᓪᓗᑕᒫᑦ ᑮᓇᐅᑦᔭᑐᖃᖃᑦᑕᓂᐊᕐᐸᑦ ᐊᓇᕐᕋᐅᓚᐅᕐᑐᑐᓂᒃ. ᐊᑯᓂ ᐊᓇᕐᕋᐅᓚᐅᕐᑐᓕᕈᕕᑦ ᖃᐅᔨᓴᕐᑕᐅᒍᑎᓂᒃ ᑲᒪᓚᐅᕋᑕᕐᓇᒃ, ᑮᓇᐅᑦᔭᕈᑎᒋᒋᐊᓕᕕᓂᑎᑦ ᙯᑕᐅᕚᓪᓗᒋᐊᓖᑦ ᐊᓇᕐᕋᐅᓚᐅᕐᑐᕆᐊᖕᖓᓂᕕᓃᑦ ᐱᒋᐊᕐᕕᐅᑎᓪᓗᒍ ᑌᒪ ᖃᐅᔨᓴᕐᑕᐅᒍᑏᑦ ᐱᔭᕇᕐᑕᐅᐸᑕ ᙯᑕᐅᒍᓐᓇᓯᓂᐊᓕᕋᒥᒃ.

 

ᐊᓯᖏᑦ ᑮᓇᐅᔭᕐᑐᕈᑎᐅᓲᒍᒻᒥᔪᑦ ᕿᑐᕐᖓᐅᔪᕐᒨᓕᖓᔪᑦ ᐊᑭᓕᕐᑐᑕᐅᒍᓐᓇᕆᕙᑦ ?
 
ᑮᓇᐅᑦᔭᕈᑎᑦᓭᑦ
ᐊᕐᕌᒍᑕᒫᑦ4  ᐅᓄᕐᓂᐸᐅᒍᓐᓇᑐᑦ ᑮᓇᐅᑦᔭᕈᑎᑦᓭᑦ 2022-ᒥ (ᑖᒃᓯᖏᑦ ᐃᓚᐅᑎᓪᓗᒋᑦ)

ᐊᓐᓄᕌᓄᑦ 1 2

 

ᐊᑕᐅᓯᕐᒧᑦ ᕿᑐᕐᖓᐅᔪᒧᑦ:

 

4-ᓂᒃ ᐅᑭᐅᖃᕋᑕᖕᖏᑐᓄᑦ

$396.23

ᐅᑭᐅᓕᒻᒧᑦ 5-ᓂᑦ 11-ᓄᑦ

$438.28

ᐅᑭᐅᓕᒻᒧᑦ 12-ᓂᑦ 15-ᓄᑦ

$549.84

ᐅᑭᐅᓕᒻᒧᑦ 16-ᓂᑦ 17-ᓄᑦ

$625.68

ᐱᓕᐅᑦᔨᒍᑎᓂᒃ ᐱᖕᖑᐊᓂᕐᓄᑦ ᓱᒐᑦᓴᖃᕐᑎᑕᐅᓂᕐᓄᓗ 1 2

 

ᐊᑕᐅᓯᕐᒧᑦ ᕿᑐᕐᖓᐅᔪᒧᑦ:

 

4-ᓂᒃ ᐅᑭᐅᖃᕋᑕᖕᖏᑐᓄᑦ

$85.30

ᐅᑭᐅᓕᒻᒧᑦ 5-ᓂᑦ 11-ᓄᑦ

$189.63

ᐅᑭᐅᓕᒻᒧᑦ 12-ᓂᑦ 15-ᓄᑦ

$278.71

ᐅᑭᐅᓕᒻᒧᑦ 16-ᓂᑦ 17-ᓄᑦ

$322.29

ᐃᓕᓴᐅᑎᑦᓴᓄᑦ ᐃᓕᓴᕇᕐᐸᑕᓗ ᓱᖃᑦᓯᓂᕐᓄᑦ 1 3

 

ᐊᑐᐊᒐᕐᓄᑦ, ᐃᓕᓴᐅᑎᑦᓴᓄᑦ ᐃᓕᓴᕇᕐᓇᑎᓪᓗᒍ ᓱᖃᑦᓯᓂᕐᓄᑦ ᐃᓚᖏᓐᓄᑦ

 

ᐯᕆᑦᓯᕕᒻᒦᑐᒧᑦ ᐃᓕᓴᕆᐊᓕᓵᕐᑐᒧᓪᓘᓃᑦ

$152.91

ᐳᕐᑐᓂᕐᓴᒥᒃ ᐃᓕᓴᕐᑐᒧᑦ

$258.31

1 ᑮᓇᐅᔭᕐᑐᕈᑎᕕᓃᑦ ᓯᕗᓂᖓᒍᑦ ᐅᑎᕐᑎᑕᐅᒍᓐᓇᑐᑦ ᐊᖏᕈᑕᐅᓯᒪᕐᖄᓂᕈᑎᒃ, ᓂᐅᕕᕈᑎᕕᓂᕐᓂᒃ ᒪᓂᔨᕕᒋᓗᒋᑦ ᐅᕕᒐᕐᑐᐃᑦ ᓴᐳᒻᒥᔨᖏᑦ.

2 ᒪᓕᓪᓗᒍ ᕿᑐᕐᖓᐅᔫᑉ ᐅᑭᐅᖏᑦ ᒫᑦᓯ 31-ᒥ ᑌᑲᓂ ᐊᕐᕌᒍᒥ.

3 ᒪᓕᓪᓗᒍ ᕿᑐᕐᖓᐅᔫᑉ ᐅᑭᐅᖏᑦ ᓯᑦᑎᒻᐸ 30-ᒥ ᑌᑲᓂ ᐊᕐᕌᒍᒥ.

4 ᐊᕐᕌᒍ ᔭᓄᐊᕆ 1-ᒥᑦ ᐱᒋᐊᕐᑐᖅ ᑎᓯᒻᐸ 31-ᒧᑦ.

 
ᐊᓇᕐᕋᐅᓚᐅᕐᑐᑐᑦ ᐃᑲᔪᕐᓯᔭᐅᒍᓐᓇᐸᑦ ?

ᐅᕕᒐᕐᑐᐃᑦ ᓴᐳᒻᒥᔨᖏᓐᓄᑦ ᑲᑎᔭᐅᖃᑦᑕᕈᓐᓇᑐᑎᑦ ᑕᖅᑭᑕᒫᑦ ᐊᑕᐅᓯᐊᕐᓗᑎᑦ. ᓱᓕᓗ, ᕿᑐᕐᖓᐅᔪᑦ ᐃᓚᖏᑦ ᐱᒍᑦᔨᐅᑎᐅᓗᑭᖕᖏᑐᑎᒍᑦ ᐱᒍᑦᔭᐅᒋᐊᖃᓲᒍᒻᒥᒪᑕ. ᐱᒍᑦᔭᐅᒍᑎᑦᓴᖏᑦ ᐊᑭᓕᕐᑕᐅᓲᒍᒻᒥᔪᑦ ᐃᑉᐱᓂᐊᕐᓂᒥᒍᓪᓗ ᓴᐳᑦᔭᐅᓯᒪᒋᐊᓖᑦ ᐃᑲᔪᕐᑕᐅᒍᓐᓇᒥᑦᓱᑎᒃ.

ᐱᒋᐅᕐᓴᔭᐅᒋᐊᓪᓚᕈᓐᓇᒥᔪᑎᒃ ᐊᓂᕐᓭᒋᐅᕐᓴᓂᕐᒥᒃ  CPR.

 

ᐊᓇᕐᕋᐅᓚᐅᕐᑐᑐᑦ ᑲᑎᓯᖃᑦᑕᕈᓐᓇᐸᑦ ᕿᑐᕐᖓᕆᔭᐅᔫᑉ ᐊᖓᔪᕐᖄᖏᓐᓂᒃ ?

ᖃᖓᑦᑕᐅᑎᖏᑦ ᓯᓂᑦᑕᕕᖏᓪᓗ ᐊᑭᓕᕐᑕᐅᓲᑦ ᑐᑭᒧᐊᑦᑎᓯᔨᖓᓄᑦ ᐅᕕᒐᕐᑐᐃᑦ ᓴᐳᒻᒥᔨᖏᑦᑕ ᓄᓇᕐᖃᑎᒋᖕᖏᑐᐊᕋᒥᐅᒃ ᕿᑐᕐᖓᖓ. ᕿᑐᕐᖓᐅᔫᑉ ᐊᖓᔪᕐᖄᖏᓐᓂᒃ ᖃᐅᔨᒪᒐᓱᐊᑦᓯᐊᓗᑎᑦ ᐃᓅᖃᑎᒋᑦᓯᐊᓗᒋᑦ ᓱᖏᐅᑎᓴᕈᓐᓇᓯᐊᕐᓂᐊᒪᓪᓗ ᕿᑐᕐᖓᐅᔪᖅ. ᕿᑐᕐᖓᕆᔭᐅᔪᑦ ᐱᕙᓪᓕᓲᒍᕗᑦ ᑭᓇᒃᑯᓂᒃ ᐊᖓᔪᕐᖄᖃᕐᒪᖔᕐᒥᒃ ᖃᐅᔨᒪᑐᐊᕋᒥᒃ.

 

ᐊᓇᕐᕋᐅᓚᐅᕐᑐᑐᓃᑦᑐᑦ ᕿᑐᕐᖓᐅᔪᑦ ᓇᓪᓕᒋᔭᐅᒍᒪᕙᑦ, ᑲᒪᒋᔭᐅᒍᒪᕙᑦ ᑲᖐᒋᔭᐅᒍᒪᕙᓪᓗ ?

ᐊᓇᕐᕋᐅᓚᐅᕐᑐᑐᑦ ᕿᑐᕐᖓᐅᔪᓪᓗ ᓇᔪᕐᑎᖏᑦ ᐃᓅᖃᑎᒌᓐᓂᑯᑦ ᖃᓂᑕᕇᓕᕈᓐᓇᐳᑦ ᐃᓅᓯᕐᒥᒍᓪᓗ ᐊᓯᑦᔨᒍᓐᓇᓱᑎᒃ ᐱᐅᔪᒃᑯᑦ.

 

ᐆᒻᒪᑎᖃᕐᕕᖃᕆᑦ, ᐊᓇᕐᕋᖃᕐᑎᓯᒋᑦ. ᐊᓇᕐᕋᐅᓚᐅᕐᑐᑫᓐᓇᖃᑦᑕᕆᑦ.