ᐳᑦᑕᐅᑏᑦ - The suicide-prevention conference

ᐳᑦᑕᐅᑏᑦ ᓄᓇᕕᒻᒥ ᐊᕐᕌᒍᑕᒫᕐᓯᐅᑎᒃ ᓄᓇᓕᓕᒫᓂ ᐃᒻᒥᓂᐊᕐᑌᓕᒪᓂᕐᒥᒃ ᐱᓇᓱᐊᕐᓂᖅ ᒪᒥᓴᕐᓂᒥᓗ ᑲᑎᒪᓂᕐᔪᐊᖅ. ᐳᑦᑕᐅᑏᑦ ᐱᒋᐊᕐᑎᓯᓂᐅᕗᖅ ᓄᓇᓕᓐᓂᑦ ᐱᓇᓱᐊᕈᑎᑦᓴᓕᐅᕐᓱᑎᑦ ᐅᖁᒣᑦᑐᑲᓪᓚᒥᒃ ᐃᒻᒥᓂᐊᕐᓂᒧᓕᖓᔪᒥᒃ, ᐅᐱᒍᓱᑦᓱᑎᓗ ᐃᓄᐃᑦ ᖃᐅᔨᒪᔪᒻᒪᕆᐅᓂᖏᓐᓂᑦ ᐊᑐᐃᓐᓇᕈᕐᑎᓂᕐᒥ ᐱᓇᓱᐊᕐᑕᐅᓂᖓᓂᓗ. ᑲᑎᒪᓂᕐᔪᐊᖅ ᐊᑦᑕᓀᑦᑐᒥᑦᓱᓂ ᐃᓚᐅᑎᑦᓯᓯᐊᕐᓱᓂᓗᕐᑐᖅ, ᐃᓚᐅᔪᓂᓗ ᐱᒍᓐᓇᓯᑎᑦᓯᒐᓱᑦᓱᑎᑦ ᐃᒻᒥᓂᐊᕐᑌᓕᑎᑦᓯᒪᓂᕐᒥᒃ ᐊᓂᒎᑎᑎᑦᓯᓂᕐᒥᓗ ᐃᒻᒥᓂᐊᕋᓱᑦᑐᕕᓂᕐᓂᑦ.

ᐱᒋᐊᕐᓂᕕᓂᖓ ᑲᑎᒪᓂᕐᔪᐊᑉ:

2010ᒥ, ᐱᓇᓱᐊᕐᑕᐅᓂᖓᑎᒍᑦ ᐃᓗᓯᓕᕆᓂᕐᒥ ᐱᒍᑦᔨᒍᑎᓂᑦ ᕿᒥᕐᕈᓂᖅ ᐱᓇᓱᐊᕐᑕᐅᕙᓪᓕᐊᑎᓪᓗᒍ, ᐃᒻᒥᓂᐊᕐᑌᓕᒪᑎᑦᓯᓂᖅ ᓇᓗᓀᕐᑕᐅᓂᕐᖁᖅ ᓄᓇᓕᓕᒫᓂ ᓯᕗᓪᓕᐅᔭᐅᖁᔭᐅᑦᓱᓂ ᐱᓇᓱᖃᑎᑦᓴᔭᖏᓐᓄᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐱᒍᑦᔨᕕᖓᓂ. ᓄᓇᓕᓕᒫᓂ ᐃᒻᒥᓂᐊᕐᑌᓕᒪᑎᑦᓯᓂᕐᒧᑦ ᑲᑎᖕᖓᔨᖏᑦ ᑲᑎᖕᖓᔨᖕᖑᑎᑕᐅᓐᓂᖁᑦ ᐅᓐᓂᑑᑎᓕᐅᖁᔭᐅᑦᓱᑎᑦ ᐱᒍᑦᔨᒍᑎᑦᓴᓂᑦ ᖃᓄᐃᓘᕈᑎᑦᓴᓂᓗ ᐃᑲᔪᕐᓯᒐᔭᕐᑐᓂᑦ ᐃᒻᒥᓂᐊᕐᑌᓕᒪᑎᑦᓯᓂᕐᒥᒃ ᓄᓇᖁᑎᖓᓂ. ᐃᓚᖓ ᐅᓐᓂᑑᑎᓕᐊᕕᓂᐅᑉ ᐱᒋᐊᕐᑎᓯᓗᑎᑦ ᐊᕐᕌᒍᑕᒫᑦ ᓄᓇᓕᓕᒫᓂ ᐃᒻᒥᓂᐊᕐᑌᓕᑎᑦᓯᓂᕐᒧᓕᖓᔪᒥᒃ ᒪᒥᓴᕐᓂᒥᓗ ᑲᑎᒪᓂᕐᔪᐊᒥᒃ, ᐱᓇᓱᑦᑕᐅᓗᓂ ᐃᓄᓐᓄᑦ ᐃᓅᓐᓅᓕᖓᓗᓂ, ᐊᑦᔨᐸᓱᖓ “Dialogue for life” ᑲᑎᒪᓂᕐᔪᐊᖅ ᒪᓐᑐᕆᐊᓪᒥ ᐊᑑᑎᔭᐅᓲᒥᑦ.

ᐳᑦᑕᐅᑏᑦ ᐊᑑᑎᓂᕕᓂᖏᑦ:

ᐊᕐᕌᒍᑕᒫᑦ, ᐳᑦᑕᐅᑏᑦ ᑲᑎᒪᓂᕐᔪᐊᖃᓲᑦ ᓇᓪᓕᑳᕆᑦᓱᑎᑦ ᓄᓇᓕᓐᓂᑦ. ᓄᓇᓕᒻᒥ ᐳᑦᑕᐅᑏᑦ ᑲᑎᖕᖓᔨᖏᑦ ᓱᓇᓂᑦ ᑲᑎᖕᖓᒍᑕᐅᓂᐊᕐᑐᓂᑦ ᖃᓄᐃᓗᕐᓂᐅᓂᐊᕐᑐᓂᓗ ᑐᑭᑖᕆᓲᖑᕗᑦ. ᑕᒪᓐᓇ ᐱᕕᑦᓴᓯᐊᖑᕗᖅ ᐱᒋᐊᕐᑎᓯᒍᑎᐅᓗᓂ ᓄᓇᓕᒻᒥᐅᓂᑦ ᑲᑎᒪᓂᕐᔪᐊᖃᕐᕕᐅᓂᐊᕐᑐᓂᑦ ᐱᓇᓱᖃᑎᒌᓪᓗᑎᑦ ᐱᓀᓗᑕᐅᔪᒥᒃ ᐃᒻᒥᓂᐊᕐᓂᒥᒃ. ᓄᓇᓕᓕᒫᓂ ᐱᓇᓱᖃᑎᒌᑦᑐᓴᔭᖏᑦ ᐃᑲᔪᕐᓯᖏᓐᓇᓕᒫᓲᖑᕗᑦ ᑲᔪᓯᔪᒥᒃ ᓄᓇᓕᐅᑉ ᑲᑎᖕᖓᔨᖏᓂᑦ ᐱᓇᓱᐊᕐᓂᓕᒫᖏᓐᓂᑦ.

  • ᐅᑦᑑᐱᕆ 21-26, 2018 ᑲᖏᕐᓱᔪᐊᖅ: ᑭᖑᕚᕇᑦ ᒪᑭᑕᖃᑎᒌᑦᑐᑦ
  • ᐅᑦᑑᐱᕆ 15-20, 2017 ᐃᓄᒃᔪᐊᓂ: “ᐊᓪᓗᕆᐊᕐᓂᖅ ᓯᕗᒧᑦ ᓴᐱᕋᓂ”
  • ᐅᑦᑑᐱᕆ 16-22, 2016 ᑰᑦᔪᐊᒥ: “ᐃᓓᕐᓂᖅ ᒪᒥᓴᕐᓂᓗ”
  • ᐅᑦᑑᐱᕆ 5-10, 2015 ᐳᕕᕐᓂᑐᒥ: “ᓯᕗᓪᓕᐹᓕᓂᖓ ᐳᑦᑕᐅᑏᑦ”
ᐳᑦᑕᐅᑏᑦ ᖃᓄᐃᑦᑑᓂᖓ ᑕᑯᓐᓇᓗᒍ
  • ᑲᑎᒪᓂᕐᔪᐊᖃᓲᑦ ᐱᓇᓱᐊᕈᓯᓕᒫᒥ, ᐃᓚᐅᑦᓱᑎᑦ 100 ᐃᓄᐃᑦ ᐅᖓᑖᓂ, ᐃᓚᐅᑎᓪᓗᒋᑦ ᓄᓇᓕᒻᒥᐅᑦ ᓯᓚᑎᖓᓂᓗ ᐱᓯᒪᔪᐃᑦ ᐃᓚᐅᔪᑦ, ᑲᑎᒪᓂᐊᕈᓰᑦ ᐃᓕᓐᓂᐊᑎᑦᓯᔨᖏᑦ, ᐃᓱᒪᑎᒍᑦ-ᐃᓅᖃᑎᒌᓐᓂᑎᒍᓪᓗ ᐃᑲᔪᕐᓯᔩᑦ, ᐊᒻᒪᓗ ᐊᑐᐃᓐᓇᕈᕐᑎᔩᑦ ᑲᑎᖕᖓᔨᖏᑦ.
  • ᖃᐅᑕᒫᑦ ᑲᑎᒪᓂᕐᔪᐊᒥ, ᐃᓚᐅᔪᐃᑦ ᑲᑎᒪᓂᐊᕈᓯᕐᓅᑲᑦᑕᓲᑦ ᐱᓇᓱᐊᕐᓱᑎᑦ ᐅᑦᑑᑎᒋᓗᒋᑦ ᒪᒥᓴᕐᓂᖅ ᐃᓖᕐᓯᒪᓂᕐᓗ, ᐃᓗᕐᕈᓯᑎᒍᑦ ᑭᓇᐅᓂᖅ, ᐃᓕᓐᓂᐊᓂᖅ ᐃᒻᒥᓂᐊᕐᑌᓕᒪᑎᑦᓯᓂᕐᒥᒃ, ᐱᒍᓐᓇᓯᑎᑦᓯᓂᖅ, ᐊᓯᒋᐊᓪᓚᖏᓪᓗ.
  • ᐅᓐᓄᑯᑦ ᓱᖃᑦᓯᒍᑏᑦ ᐅᒃᑯᐃᖔᓱᖑᕗᑦ ᓄᓇᓕᒻᒥᐅᓄᑦ. ᐃᓚᖃᖃᑦᑕᓯᔪᑦ ᒪᒥᓴᕐᓂᓂᑦ, ᐅᓂᒃᑳᓂᕐᓂᑦ, ᐱᐅᔪᓕᐅᕐᓂᓂᑦ ᒥᕐᓱᓂᕐᓂᓗ, ᓂᑦᔭᓗᑦᑖᓂᖅ, ᓇᒻᒥᓂᖅ ᑲᒪᑦᓯᐊᓂᕐᒥᒃ ᓱᖃᑦᓯᒍᑏᑦ, ᓄᓇᓕᒻᒥ ᓂᕆᒻᒫᑎᑦᓯᓂᖅ, ᐊᓯᒋᐊᓪᓚᖏᓪᓗ.
  • ᐊᒥᓱᐃᖑᔪᐃᑦ ᐃᓄᐃᑦ ᐃᓱᒪᑎᒍᑦ-ᐃᓅᖃᑎᒌᓐᓂᑎᒍᓪᓗ ᐃᑲᔪᕐᑏᑦ ᐊᑐᐃᓐᓇᐅᔪᑦ 24/7ᓂᑦ ᑲᑎᒪᓂᕐᔪᐊᒥ.
  • ᓄᓇᓕᒻᒥ ᓄᓇᓕᓕᒫᓂᓗ ᑎᒥᐅᔪᐃᑦ ᐊᑐᐃᓐᓇᐅᑎᑦᓯᔪᑦ ᐱᒍᑦᔨᒍᑎᓂᑦ ᐱᕕᑦᓴᐅᔪᓂᓗ ᓲᖑᓯᐅᒥᑎᑦᓯᓂᕐᒧᑦ ᖃᓄᐃᖕᖏᓯᐊᕐᓂᖏᓐᓂᑦ ᓄᓇᕕᒻᒥᐅᓂᑦ.