MADO/ᐋᓐᓂᐊᑦ

ᑐᓴᕐᑎᓯᒍᑎᐅᒍᓐᓇᑐᓂᒃ ᐊᓐᓂᐊᓂᒃ ᐊᓐᓂᐊᖑᓲᖑᕗᑦ, ᐃᒻᒪᓇᕐᑑᓱᑎᓪᓗ ᐊᒻᒪᓗ ᑐᖁᓐᓇᑐᑦᓴᔭᐅᑦᓱᑎᒃ ᐊᑦᑕᓇᕐᑐᒥᑦᑎᓯᒍᓐᓇᓱᑎᒃ ᐃᓄᓕᒫᑦ ᖃᓄᐃᖏᓯᐊᕐᓂᖏᓐᓂᒃ. ᑕᒪᒃᑯᐊ ᐊᓐᓂᐊᓯᐅᕐᑏᓗ ᖁᐱᕐᕈᓇᕐᑐᖃᕐᒪᖔᑕᓗ ᖃᐅᔨᓴᕐᕕᖏᑦ ᑐᓴᕐᑎᓯᒋᐊᖃᓲᑦ ᑌᒣᑦᑐᖃᓕᕆᐊᖓᓂᒃ ᐋᓐᓂᐊᓂᓕᕆᓂᕐᓂᒃ ᐊᖓᔪᕐᖃᐅᑎᒐᓚᓐᓄᑦ.

ᒪᕐᕈᐃᓂᒃ ᑌᒣᑦᑐᓂᒃ ᐋᓐᓂᐊᖑᒍᓐᓇᑐᓂᒃ ᐃᓚᐅᑎᑕᐅᔪᖃᕐᐳᖅ ᐅᑯᓇᓂ ᒪᓕᒉᑦ ᐊᑖᒍᕐᑐᑦ ᐃᓄᓕᒫᑦ ᓐᓂᐊᓂᓕᕆᔭᐅᓂᖏᑦᑕ ᐱᖁᔭᖏᑦᑕ.

ᓱᓇᐅᒻᒪᖔᑕ ᑕᑯᒋᐊᕈᓐᓇᑕᑎᑦ ᐅᕙᓂ  (ᖃᓪᓗᓈᑎᑐᑦ ᑭᓯᐊᓂ)

ᓄᓕᐊᕐᓂᑯᑦ ᖁᐱᕐᕆᓇᕐᑐᐃᓗ ᐊᒻᒪᓗ ᐊᐅᒃᑯᑦ ᐃᒻᒪᓯᒪᓇᕐᑐᐃᓗ ᐱᓪᓗᒋᑦ, ᑕᑯᒋᐊᕈᓐᓇᐳᑎᑦ ᐅᕙᓂ.

ᐳᕙᓪᓗᓇᕐᑐᖅ

ᐳᕙᓪᓗᓇᕐᑐᖅ ᑲᔪᓯᔪᒥᒃ ᐃᓱᒫᓗᒍᑎᐅᖏᓐᓇᓲᖑᕗᖅ ᓄᓇᕕᒻᒥ. ᐳᕙᓪᓗᓇᕐᑐᖃᓲᑦ ᐃᑭᓪᓕᓕᐅᒥᓯᒪᓚᐅᔪᒐᓗᐊᕐᓱᑎᒃ 1980 ᐊᒻᒪᓗ 2003 ᐊᑯᓐᓂᖏᓐᓂ, ᑭᓯᐊᓂ ᐅᓄᕐᓯᓕᐅᒥᖃᑦᑕᓕᓚᐅᔪᑦ 2007-ᒥᓂᑦ. ᐃᓄᒻᒪᕆᕈᕐᖃᒦᓪᓗ ᐊᒻᒪᓗ ᐅᕕᒃᑲᐅᓱᑎᒃ ᐃᓚᒌᖑᔪᑦ ᕿᑐᕐᖓᓖᑦ ᓱᕐᕋᑕᐅᓂᕐᐸᐅᖃᑦᑕᓚᐅᔪᑦ. ᐊᒥᓱᒻᒪᕆᓐᓂᒃ ᐱᑦᔪᑎᖃᕐᐳᖅ ᐳᕐᑐᔪᒻᒪᕆᒻᒥᒃ ᐳᕙᓪᓗᓇᕐᑐᖃᓲᖑᓂᖓᓄᑦ.

ᓯᕗᓪᓕᐹᖓᓂ, ᐊᒥᓱᓂᒃ ᐃᓄᒻᒪᕆᓐᓂᓗ ᐃᓄᑐᖃᕐᓂᓗ ᓇᐅᒃᑯᑐᐃᓐᓇᖅ ᐃᒻᒪᓯᒪᔪᕕᓂᐅᑐᐊᕋᒥᒃ ᓄᐃᑦᓯᑎᑦᓯᒋᐊᓪᓚᓲᖑᒻᒪᑕ ᐳᕙᓪᓗᓇᕐᑐᒥᒃ. ᐊᒻᒪᓗᑦᑕᐅᖅ, ᖃᐅᔨᓴᕐᑕᐅᓯᒪᔪᐃᑦ ᑕᑯᑦᓴᐅᑎᑦᓯᓯᒪᑦᓱᑎᒃ ᑕᒪᓐᓇ ᐳᕙᓪᓗᓇᖅ ᓄᐃᑕᐅᓚᕿᓲᖑᒋᐊᖓᓄᑦ ᐃᓅᖃᑎᒌᑦᑐᐃᑦ ᐊᑯᓐᓂᖏᓐᓂᒃ ᑕᒪᒃᑯᓄᖓ ᓂᕆᑦᓯᐊᖃᑦᑕᖏᓐᓂᓄᑦ, ᐊᔪᕐᓴᓂᕐᓄᑦ, ᐃᒥᐊᓗᓐᓂᓗ ᐊᖓᔮᓐᓇᑐᓂᓪᓗ ᐊᑐᓗᑲᓐᓂᓄᑦ, ᐊᒻᒪᓗ ᐃᓪᓗᖃᑦᓯᐊᖏᑦᑑᓂᕐᒧᑦ. ᑕᒪᒃᑯᐊ ᐃᓪᓗᒥ ᓂᓐᓂᐅᓲᑦ ᐳᕙᓪᓗᓇᕐᑐᒥᒃ ᐁᑦᑑᑎᖃᒻᒪᕆᓲᖑᒋᐊᖏᑦ ᖃᐅᔨᒪᔭᐅᓲᖑᓕᕐᒥᔪᑦ.

ᑕᑯᓂᐊᕆᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᓄᖑᑎᕆᑦᑕ ᐳᕙᓪᓗᓂᕐᒥᒃ ᓄᐃᑕᑎᑕᖏᓐᓂᑦ