ᖃᓂᒪᓇᕐᑐᖅ

ᐅᐃᒪᓇᕐᑐᒦᓐᓂᕃᓯᓚᐅᔪᑎᓪᓗᒋᑦ ᑯᐯᒃᑯᑦ ᑲᕙᒪᖓ ᒫᑦᓯ 14, 2020-ᒥ, ᑲᔪᓯᑎᑕᐅᒋᐊᖃᓪᓚᕆᓯᓚᐅᔪᕗᑦ ᐊᑑᑎᔭᐅᒋᐊᓖᑦ ᐃᓚᖏᑦ ᓇᐅᓕᒫᓂᒃ ᓴᐳᒻᒥᒍᒪᓂᕐᒧᑦ. ᐅᐃᒪᓇᕐᑐᒦᓐᓂᕃᓯᔪᖃᓚᐅᔪᑎᓪᓗᒍᓂᑦ, ᐋᓐᓂᐊᓯᐅᕐᑎᒪᕆ ᒪᕆ ᕈᓯᐊᑦ, ᑐᑭᒧᐊᑦᑎᓯᔨ ᓇᐅᓕᒫᓂᒃ ᖃᓄᐃᖕᖏᓯᐊᕐᓂᓕᕆᕕᒻᒥ ᓄᓇᕕᒻᒥ ᐃᓗᓯᓕᕆᕕᒻᒥ, ᐊᑦᔨᒌᖕᖏᑐᓂᒃ ᐊᑑᑎᔭᐅᒋᐊᓕᓐᓂᒃ ᓄᐃᑦᓯᒍᓐᓇᐅᑎᖃᕐᑎᑕᐅᕗᖅ ᑕᒪᓐᓇ ᐱᓪᓗᒍ.

ᑯᐯᒻᒥ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑐᕐᖃᑕᕐᕕᑯᑦ ᐅᖃᕐᓯᒪᔪᑦ ᐋᓐᓂᐊᓯᐅᕐᑎᒪᕆ ᒪᕆ ᕈᓯᐊᑦ “ᑲᔪᓯᑎᑦᓯᒍᓐᓇᓂᖓᓂᒃ, ᐱᓂᐊᕐᓂᓕᕆᓂᕐᓄᑦ ᐊᕝᕕᐊᑕᐅᒍᓐᓀᓗᓂ ᖃᓄᕐᓘᓃᑦ, ᓄᑭᖃᕈᑎᖃᕐᒪᑦ ᐅᖃᐅᓯᐅᔪᓂ ᓵᑉᑕ XI-ᒥ ᓇᐅᓕᒫᑦ ᖃᓄᐃᖕᖏᓯᐊᕆᐊᖃᕐᓂᖏᓐᓄᑦ ᐱᖁᔭᕐᒥ. ᕿᓄᒍᑎᖃᕈᓐᓇᑐᖅ ᑐᑭᓯᑎᑕᐅᒍᑎᒋᒋᐊᖃᕐᑐᕆᔭᒥᓂᒃ ᐋᓐᓂᐊᒥᒃ ᖃᐅᔨᓴᕐᓂᒨᓕᖓᔪᓂᒃ ᐊᑐᓕᕐᑎᑕᐅᖁᔨᒍᓐᓇᓱᓂᓗ ᓄᓇᕕᒻᒥ ᐊᑐᓕᕐᑎᑕᐅᒋᐊᓕᓐᓂᒃ ᓴᐳᒻᒥᒍᑎᑦᓴᓂᒃ ᓇᐅᓕᒫᑦ ᖃᓄᐃᖕᖏᓯᐊᕆᐊᖃᕐᓂᖓ ᐊᑦᑕᓇᕐᑐᒨᕈᑕᐅᖁᓇᒍ ᖃᓄᕐᑑᕈᑎᑦᓴᓂᓪᓘᓃᑦ ᑕᒪᒃᑯᓂᖓ.”

ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐋᓐᓂᐊᕖᓪᓗ ᑲᔪᓯᑎᑦᓯᓯᒪᒻᒪᑕ ᐊᑐᐃᓐᓇᐅᒍᑎᑦᓴᓂᒃ ᖃᓂᒻᒪᕈᑕᐅᖃᑦᑕᑐᖅ coronavirus -ᓚᔭᐅᔪᖅ ᓄᓇᕕᒻᒥ ᖃᓂᒻᒪᕈᑕᐅᓯᓐᓂᐸᑦ ᓄᓇᓕᒻᒦᑐᓄᑦ ᐃᕐᐸᖁᓇᒍ. ᑕᒪᓐᓇ ᐱᒻᒪᕆᐅᑎᔭᕗᑦ; ᓄᓇᕕᒻᒥ ᐱᓇᓱᕝᕖᑦ ᐊᐅᓚᑦᔭᕆᐊᕈᑎᖃᕐᑎᑕᐅᓯᒪᒻᒪᑕ ᑕᒪᑐᒥᖓ, ᐊᑐᐃᓐᓇᕈᕐᑎᖃᑕᐅᒍᓐᓇᕆᕗᓯ.

ᑐᑭᓯᒋᐊᕈᒪᒍᕕᑦ ᑕᑯᓂᐊᕆᑦ:

https://www.quebec.ca/en/health/health-issues/a-z/2019-coronavirus/

coronavirus

 
ᐅᐃᒪᔮᕐᖃᑦᑕᓇᒃ ᓴᐳᒻᒥᓯᐊᕐᓗᑎᑦ ᖃᓂᒻᒪᑐᐃᓐᓇᕆᐊᖃᕐᓂᓴᓂᒃ, ᑐᓴᐅᒪᒐᓱᐊᑦᓯᐊᕆᑦ, ᐊᒡᒐᓂᐊᑦᓯᐊᖃᑦᑕᓗᑎᓪᓗ !