Nunavik travel

ᖃᓄᐃᓗᖁᔨᒍᑏᑦ ᓄᓇᕕᓕᐊᕐᑐᓄᑦ


ᖃᓄᐃᓗᖁᔨᒍᑎᒃ 1 ᐊᖏᕐᑕᐅᓯᒪᒍᑎ ᐊᕐᕕᑕᕐᓂᐊᓂᕐᒧᑦ /ᐊᓂᑦᑌᓕᒋᐊᖃᕐᓂᒧᑦ ᐸᕐᓀᕈᑎ

ᖃᐅᔨᓴᕈᓐᓇᖁᓗᑕ ᐃᑭᒍᓐᓇᒪᖔᕐᐱᑦ, ᐊᓪᓚᕕᒋᒃᑭᑦ ᑖᒃᑯᐊ ᑭᐅᓗᒋᑦ ᐊᐱᕐᓲᑏᑦ ᐊᓪᓕᖏᓐᓃᑐᑦ ᖃᖓᑦᑕᕈᑎᑦᓭᑦ ᐃᓂᓕᐅᕐᑕᐅᒪᓕᕐᐸᑦ, ᖃᖓᑦᑕᕆᐊᖃᓚᐅᕐᓇᒃ ᑫᕙᓪᓚᒍᓰᑦ/ᐃᑲᐅᕐᓃᑦ 72 ᐊᓂᒍᓚᐅᕐᑎᓇᒋᑦ ᑭᐅᒋᕐᓯᒪᒋᐊᓕᑎᑦ:

https://form.dragnsurvey.com/survey/r/9baa781e

ᐊᖏᕐᑕᐅᒍᑎᒃ ᓄᓇᕕᓕᐊᕐᕈᓐᓇᓂᒧᑦ ᑎᑭᑎᑦᓯᕕᐅᒐᔭᕐᑐᑦ ᖃᕆᑕᐅᔭᑎᒍᑦ ᕿᒥᕐᕈᔭᐅᒋᕐᑐᕕᓂᐅᓕᕐᑎᓗᒋᑦ ᐊᐱᕐᓲᑎᓂᒃ ᑭᐅᒍᑎᕕᓂᖏᑦ.

  • ᖃᕆᑕᐅᔭᖃᖕᖏᑯᑦᓯ,ᐅᖄᓚᕕᖃᕈᓐᓇᒥᔪᓯ ᓄᓇᕕᒻᒥ ᐅᖄᓚᕕᑦᓴᓕᐊᒍᓯᒪᔪᖅ ᐃᓗᓯᓕᕆᔨᓄᑦ ᐅᓇ ᐅᖄᓚᕕᐅᒍᓐᓇᒥᔪᖅ 1-888-662-7482 ᐊᐱᕐᓲᑎᓂᒃ ᖃᓄᖅ ᑭᐅᒍᑎᖃᒐᓱᐊᕆᐊᒥᒃ ᓇᓗᑐᐊᕈᑦᓯ ᐊᒻᒪᓗ ᓄᓇᕕᒻᒨᕈᒪᑎᒋᔭᕐᓃᕕᑦ ᐊᖏᕐᑕᐅᔨᐊᖃᕈᒪᑐᐊᕈᕕᑦ.
     
  • ᖃᐅᔨᒐᓱᐊᕈᒪᑐᐊᕈᕕᓪᓗ ᓄᓇᕕᒻᒨᕈᑎᑦᓴᓃᕕᑦ, ᖃᕆᑕᐅᔭᑎᒍᑦ ᑕᑯᒐᓱᐊᕈᓐᓇᒥᔪᑎᑦ ᐅᕘᓇ: covid-travel.nrbhss@ssss.gouv.qc.ca


ᖃᓄᐃᓗᖁᔨᒍᑎᒃ 2 ᐊᓂᑦᑌᓕᒋᐊᖃᕐᓂᖅ

ᐃᑉᐱᒋᑦᓱᒍ ᐊᓂᑦᑌᓕᒪᓂᕐᒥᓃᑦ ᐃᕐᐸᑎᑦᓯᖏᑦᑐᒍᓐᓇᓯᐊᕐᓂᐸᐅᒪᑕ ᖃᓂᒪᓐᓇᖓᓂᒃ COVID-19ᒥᒃ, ᒪᓕᑦᑕᐅᓗᑐᕆᐊᖃᕐᓂᖏᑦ ᐊᓂᑦᑌᓕᒪᓂᕐᒥᒋᐊᖃᕐᖁᑦ ᑎᒻᒥᔪᒃᑯᑐᕕᓂᓕᒫᑦ/ᖃᖓᑦᑕᔫᒃᑯᑐᕕᓂᓕᒫᑦ. 1 ᐊᓂᑦᑌᓕᒪᓂᕐᒥᓂᖃᕈᓐᓇᖁᑦ ᖃᓪᓗᓈᑦ ᓄᓇᖓᓂ ᐅᑭᐅᕐᑕᑐᒥᓗᓐᓃᑦ (ᑕᒪᒋᓐᓂᓗᓐᓃᑦ ᓄᓇᓂ). ᐊᓂᑦᑌᓕᒪᓂᕐᒥᓂᖅ ᓄᕐᖃᓚᐅᕐᑐᒋᐊᖃᖕᖏᓚᖅ ᓯᕕᑐᓂᖃᕐᓗᓂ 14ᓂᑦ ᐅᓪᓗᓂᑦ, ᐃᓚᐅᖕᖏᑎᓪᓗᒍ ᐅᓪᓗᖓ ᓄᓇᕕᓕᐊᕐᕕᕕᓂᖓ.


ᖃᓄᐃᓘᖁᔨᒍᑎ 3 ᖃᐅᔨᓴᕐᑕᐅᓂᖅ ᖃᓂᒪᔪᖃᕐᒪᖔᕐᒥ ᖃᓂᒪᓇᕐᒧᑦ ᑰᕕᑦ-19-ᒧᑦ ᐊᐅᓪᓚᓚᐅᕋᓂ

Travelling with Children

ᐱᐊᕋᐃᑦ/ᑲᒃᑲᓛᑦ ᖃᐅᔨᓴᕐᑕᐅᒋᐊᖃᓪᓚᕆᑦᑐᑦ ᐅᑭᐅᓖᑦ ᖁᓕᓂᒃ/ᑕᓪᓕᒪᐅᔪᕐᑐᓂᒃ (10-ᓂᒃ) ᐅᖓᑖᓄᓗ ᐅᑭᐅᓖᑦ ᖃᐅᔨᓴᕐᑕᐅᖏᒃᑲᓗᐊᕈᑎᒃ ᖃᓄᐃᑦᔭᖏᑦᑐᑦ.

ᐊᐅᓪᓚᓂᐅᔭᕐᑐᓕᒫᑦ ᖃᖓᑦᑕᔪᒃᑯᑦ/ᑎᒻᒥᔪᒃᑯᑦ ᓄᓇᕕᓕᐊᕈᓐᓇᐅᑎᓂᒃ ᐊᖏᕐᑕᐅᓯᒪᐅᑎᓂᒃ ᐱᑎᑕᐅᓯᒪᕐᖄᕆᐊᓖᑦ NTAA-ᑯᓐᓄᑦ, ᑲᒃᑲᓛᒐᓓᑦ/ᐱᐊᕋᕋᓓᑦ ᓄᑕᕋᐃᓪᓗ, ᖃᓄᐃᓪᓗᐊᑐᓂᒃ ᑕᕐᕿᖃᒐᓗᐊᕈᑎᒃ/ᐅᑭᐅᖃᕋᓗᐊᕈᑎᒃ.

ᖃᐅᔨᒪᔭᐅᒋᐊᖃᕐᐳᖅ ᖃᐅᔨᓴᕐᑕᐅᒍᑎᕕᓃᑦ ᖃᓄᐃᖕᖏᑑᓂᕃᒋᐊᖃᕐᒪᑕ ᐊᐅᓪᓚᑐᖃᓚᐅᕐᑎᓇᒍ.

  • ᐊᐅᓪᓚᑐᓄᑦ ᒪᓐᑐᕆᐊᓪ ᑐᕈᑐ ᒥᕝᕕᖓᓂ ᐱᔪᓄᑦ,ᐅᒃᑑᐸ 28, 2020-ᒥ ᐱᒋᐊᕐᑐᒥᒃ, ᖃᓂᒪᔪᖃᕐᒪᖔᑦ ᑰᕕᑦ-19- ᒧᑦ ᖃᐅᔨᓴᕐᑕᐅᕕᑦᓴᒥᒃ ᐊᑐᐃᓐᓇᐅᑎᑕᐅᔪᖃᓛᓕᕐᑐᖅ ᖃᐅᔨᓴᕐᑕᐅᒍᓇᖃᑦᑕᓛᕐᒪᑕ ᒪᓐᑐᕆᐊᒥᑦ ᐱᓗᑎᒃ ᓄᓇᕕᓕᐊᓚᖓᔪᑦ. ᒪᓐᑐᕆᐊᓪ ᖃᖓᑦᑕᔫᕐᓂᐊᕕᖓᓂ ᖃᐅᔨᓴᕐᑕᐅᖃᑦᑕᓛᕈᓐᓀᑐᑦ. ᓇᐅᑦᓯᑐᕐᑕᐅᒍᑎᕕᓃᑦ ᖃᓄᐃᖕᖏᑑᓂᕃᔪᑦ ᓇᐅᑦᓯᑐᐃᕕᓕᐊᖑᓯᒪᔪᓂ 96 ᐃᑲᐅᕐᓃᑦ/ᑫᕙᓪᓚᒍᓰᑦ ᓯᕗᓂᐊᒍᑦ ᐊᐅᓪᓚᓚᐅᕐᑎᓇᒍ ᐊᖏᕐᑕᐅᒍᓐᓇᒥᔪᑦ.

ᓄᓇᕕᓕᐊᖃᑦᑕᓚᖓᔪᑦ ᖃᐅᔨᓴᕐᑕᐅᕕᑦᓴᖓ ᐅᕙᓃᑦᑐᖅ:
819 McCaffrey, Ville Saint-Laurent, Qc, H4T 1N3
ᑕᑯᔭᐅᕕᑦᓴᓕᐅᕆᐊᖃᕐᑐᑎᑦ ᐅᖄᓚᓗᑎᑦ ᐅᕗᖓ:
ᐅᖃᓚᐅᑎᖓ: 1-514-341-8888 or 1-833-341-3888 (ᐊᑭᖃᖕᖏᑐᖅ)
ᖃᕆᑕᐅᔭᒃᑯᓘᓐᓃᑦ: rdv-ntc.nrbhss@ssss.gouv.qc.ca

  • ᐊᐅᓪᓚᑐᓄᑦ ᔭᖕ-ᓗᓇᒡ ᒥᕝᕕᖓᓂ ᑯᐯᒃ ᓯᑎᒥ,ᒥᕝᕕᒥ ᓇᐅᑦᓯᑐᕐᑕᐅᕕᖃᖕᖏᑐᖅ COVID-19ᒧᑦ. ᓇᐅᑦᓯᑐᕐᑕᐅᒋᐊᕐᑐᕈᓐᓇᖁᑎᑦ ᓇᐅᑦᓯᑐᕐᕕᓄᑦ ᓄᓇᖁᑎᖓᓂᑦᑐᓄᑦ. ᓇᐅᑦᓯᑐᕐᑕᐅᓂᐅᑉ ᖃᐅᔨᒍᑎᖓᓂᒃ ᖃᓂᒪᓐᓇᖃᖕᖏᓂᕃᔪᒥᒃ ᐱᑕᖃᕆᐊᓕᒃ COVID-19ᒥ ᓇᐅᑦᓯᑐᕐᑕᐅᓯᒪᓗᓂ ᐃᑲᐅᕐᓃᑦ/ᑫᕙᓪᓚᒍᓰᑦ 96 ᓯᕗᓂᐊᒍᑦ ᐊᐅᓪᓚᕕᑦᓴᒥᓂ.
  • ᖃᖓᑦᑕᔫᖃᑦᑕᓚᖓᔪᓄᑦ ᐊᑭᓕᕐᑕᐅᓯᒪᒌᒃᑐᑯᑦ, ᓄᓇᕕᓕᐊᓚᖓᔪᑦ ᖃᐅᔨᓴᕐᑕᐅᕕᖓᓄᑦ ᐁᒍᓐᓇᑐᑎᑦ ᖃᐅᔨᓴᕐᑕᐅᕕᑦᓴᓕᐊᒍᓯᒪᔪᒧᓪᓘᓃᑦ ᓄᓇᑦᓯᓂ. ᓇᐅᑦᓯᑐᕐᑕᐅᒍᑎᕕᓃᑦ ᖃᓄᐃᖕᖏᑑᓂᕃᔪᑦ
    ᓇᐅᑦᓯᑐᐃᕕᓕᐊᖑᓯᒪᔪᓂ 96 ᐃᑲᐅᕐᓃᑦ/ᑫᕙᓪᓚᒍᓰᑦ ᓯᕗᓂᐊᒍᑦ ᐊᐅᓪᓚᓚᐅᕐᑎᓇᒍ ᖃᖓᑕᓚᖓᔪᐃᓪᓗ ᐊᑎᖏᑦᑕ ᐊᓪᓚᑕᐅᓯᒪᐅᑎᖏᑦ ᐊᐅᓪᓚᑎᑕᐅᒋᐊᓖᑦ ᐅᕗᖓ surveillance.vigie.nrbhss@ssss.gouv.qc.ca 3:00-ᖑᓚᐅᕐᑎᓇᒍ ᖃᖓᑕᓂᐅᓛᕐᑑᑉ ᐃᑉᐸᓴᖓᓂ. ᐊᑭᓕᕐᑕᐅᒌᕐᓯᒪᔪᒃᑯᑦ ᐊᐅᓪᓚᓚᖓᔪᑦ ᐊᖏᕐᑕᐅᓯᒪᕐᖄᕆᐊᖃᕐᓂᖏᓐᓄᑦ.


ᖃᓄᐃᓘᖁᔨᒍᑎ 4 ᐊᐱᕐᓲᑏᑦ ᖃᖓᑦᑕᔫᒧᑦ ᐃᑭᒋᐊᕐᑐᓯᔪᓂᒃ

ᐅᓪᓗᖓᓂ ᑎᒻᒥᔪᒃᑯᕆᐊᖃᕐᕕᒥ/ᖃᖓᑦᑕᔪᒃᑯᕆᐊᖃᕐᕕᒥ, ᑕᑕᕐᓭᒋᐊᖃᓂᐊᕐᖁᑎᑦ ᐊᐱᕐᓲᑏᓂᑦ. ᐃᓄᐃᑦ ᖃᓂᒪᓐᓇᐅᑉ COVID-19 ᖃᓄᐃᒍᑎᓖᑦ ᐊᓂᑦᑌᓕᒪᓂᕐᒥᑐᐃᓗ ᖃᓂᑕᓕᕕᓂᐅᓗᑎᑦ ᓱᕐᖁᐃᑕᐅᔪᒥᒃ COVID-19ᓕᒻᒧᑦ ᐃᑭᒍᓐᓇᖏᓪᓚᑦ.


ᖃᓄᐃᓘᖁᔨᒍᑎ 5 ᑐᖓᓕᖓᓂᒃ ᖃᐅᔨᓴᕐᑕᐅᓂᖅ ᖃᓂᒪᔪᖃᕐᒪᖔᑦ ᑰᕕᑦ-19- ᒧᑦ

ᖃᐅᔨᒪᓚᖓᕗᓯ ᖃᐅᔨᓴᕐᑕᐅᓕᕿᒋᐊᖃᖃᑦᑕᓚᖓᓕᕐᒪᑕ ᖃᓂᒪᓐᓇᑖᕐᓯᒪᒻᒪᖔᕐᒥᒃ ᐊᐅᓪᓚᓯᒪᔪᕕᓃᑦ ᖃᓪᓗᓈᑦ ᓄᓇᖓᓃᑦᑐᕕᓃᑦ 7-ᐅᒍᑎᒋᓕᕐᑕᖓᓂ ᐅᓪᓗᐃᑦ ᐅᑎᕐᓯᒪᓕᕐᓗᑎᒃ. ᐊᐅᓪᓚᓯᒪᔪᕕᓃᑦ ᐃᒻᒥᓂᒃ ᖃᐅᔨᓴᕐᑕᐅᕕᑦᓴᒥᓂᒃ ᐅᓪᓗᓕᐅᖃᑎᖃᕆᐊᓖᑦ ᐋᓐᓂᐊᓯᐅᕐᑎᓂᒃ ᓄᓇᓕᒻᒥᓂ. ᐃᓄᐃᑦ ᐊᐅᓪᓚᑐᑦ


ᐃᓄᐃᑦ ᐊᐅᓪᓚᑐᑦ ᒐᑉᒪᑯᔅᑐᐃᒥᑦ ᑰᑦᔪᐊᕌᐱᑎᒍᕐᑐᑦ:
  • ᓄᓇᕕᓕᐊᕈᓐᓇᓂᕐᒧᑦ ᐊᖏᕐᑕᐅᒪᒍᑎᖃᕆᐊᖃᕐᖁᑦ. ᑕᑕᕐᓴᓗᒋᑦ ᐅᑯᐊ ᐊᐱᕐᓲᑏᑦ:
    https://form.dragnsurvey.com/survey/r/9baa781e
  • ᓇᐅᑦᓯᑐᕐᑕᐅᒋᐊᑐᖕᖏᑐᑦ ᓄᓇᕕᓕᐊᕈᓐᓇᓂᕐᒧᑎᑦ ᐊᖏᕐᑕᐅᒪᒍᑎᑖᓂᐊᕈᓂ.
  • ᑕᑯᒋᐊᕐᓗᒍ ᐊᓂᑦᑌᓕᒪᓂᕐᒥᓂᕐᒧᑦ ᐱᖁᔭᖓ ᓄᓇᕕᒻᒧᓕᖓᔪᖅ (ᐃᒻᒥᓂᕿᑦᓱᓂ ᐊᓂᑦᑌᓕᒪᓂᕐᒥᓂᒃ ᐱᖁᔭᖓ):
    https://www.cngov.ca/covid-19/#self
    ᐊᑦᑕᓇᕐᑐᒥᒍᑎᐅᑐᐃᓐᓇᕆᐊᓖᑦ:: https://www.cngov.ca/covid-19/#risk

ᐋᕐᕿᑕᐅᒪᔪᑦ ᖃᓄᐃᓗᕈᑎᑦᓴᓕᐊᕕᓃᑦ ᐃᕐᐸᑎᑦᓯᓗᐊᕆᒃᑯᑎᑦᓴᓕᐊᖑᕗᑦ ᖃᓂᒪᓐᓇᖓᓂᒃ COVID-19 ᓄᓇᕕᒻᒥ. ᐱᒍᑦᔨᓱᑕ ᓄᓇᕕᒻᒥᐅᓂᑦ, ᓇᑯᕐᒦᖁᒍᑦ ᑲᑐᑦᔨᖃᑎᐅᑦᓯᐊᓂᑦᓯᓂᑦ.

1 ᐱᓇᓱᑦᑎᒋᔭᐅᓪᓗᑐᕆᐊᓕᒃ ᐱᓇᓱᖕᖏᓂᖓᓄᑦ ᓱᕐᕋᑕᐅᒐᔭᕐᐸᑕ ᑭᖕᖑᒪᓇᕐᑐᓂᑦ ᐱᓇᓱᑦᑎᓄᑦ ᐱᓇᓱᑦᑎᑕᐅᒍᓐᓇᖁᖅ ᐊᓂᑦᑌᓕᒪᓂᕐᒥᓂᕐᒥᓂ. ᑎᒥᐅᔪᖅ ᐱᓇᓱᑦᑎᓯᔪᖅ ᖃᓄᐃᓗᖁᔨᒍᑎᓂᑦ ᑐᓴᕐᑎᓯᓯᒪᒋᐊᖃᕐᖁᖅ ᐱᓇᓱᕝᕕᖓᓄᓕᖓᔪᓂᑦ ᐃᕐᐸᑎᑦᓯᑌᓕᓂᖃᕐᓗᑎᑦ (ᐅᑦᑑᑎᒋᓗᒋᑦ, ᐅᖓᓯᑦᑕᖃᕆᐊᓖᑦ 2ᓂᒃ ᓱᕐᖄᑎᕈᑎᓂᑦ, ᑮᓇᕐᒥᒃ ᒥᓕᒍᑎᒃᑲᓂᖅ ᑮᓇᕐᒥᓗ ᒥᓕᒍᑎᒃ ᐃᒐᓛᑦᓴᔭᖅ, ᐊᒡᒉᑦ ᓴᓗᒪᑦᓯᐊᕆᐊᖃᕐᓂᖏᑦ, ᐃᒻᒥᓂᒃ ᐃᑉᐱᒋᑦᓯᐊᕆᐊᖃᕐᓂᖅ ᖃᓂᒪᓐᓇᐅᑉ ᖃᓄᐃᒍᑎᖏᓐᓂᑦ ᐱᑕᖃᓕᕐᒪᖔᕐᒥ). ᐱᓇᓱᓐᓀᑦ ᐃᑲᐅᕐᓃᑦ/ᑫᕙᓪᓚᒍᓰᑦ ᓯᓚᑖᓂ, ᐱᓇᓱᑎᒋᔭᐅᓪᓗᑐᕆᐊᓕᒃ ᐊᓂᑦᑌᓕᒪᓂᕐᒥᖏᓐᓇᕆᐊᖃᕐᖁᖅ.