ᓄᕕᒻᐱᕆ 25 ᓯᓚᕐᔪᐊᓕᒫᒥ ᐅᓪᓗᖁᑎᒋᔭᐅᔪᖅ ᓄᖑᑦᓯᒐᓱᓐᓂᒧᑦ ᐱᓗᑲᑕᐅᓂᖏᓐᓂᑦ ᐊᕐᓀᑦ. ᑎᓯᒻᐱᕆ 10 ᓯᓚᕐᔪᐊᓕᒫᒥ ᐅᓪᓗᖁᑎᒋᔭᐅᔪᖅ ᐃᓄᓕᒫᑦ ᐱᒍᓐᓇᐅᑎᖏᓐᓂᑦ. ᓄᕕᒻᐱᕆ 25ᒥᑦ ᑎᓯᒻᐱᕆ 10ᒧᑦ, ᐃᓚᐅᖁᔨᕗᒍᑦ ᐃᓕᓐᓂᒃ ᓄᓇᓕᓐᓂᓗ 16ᓂᑦ ᐅᓪᓗᓂ ᖃᓄᐃᓘᕈᑎᖃᕐᓗᓯ ᓄᕐᖃᑎᑦᓯᓂᕐᒧᑦ ᐱᓗᑲᑕᐅᓂᖏᓐᓂᑦ ᐊᕐᓀᑦ. ᑖᑦᓱᒥᖓ ᓄᐃᑕᑎᑦᓯᕕᒻᒥᒃ, ᑕᑯᒍᓐᓇᓚᖓᔪᑎᑦ ᐃᑲᔪᕐᓯᒍᑎᑦᓴᓂᑦ ᑐᑭᓯᒪᔭᐅᑎᑦᓯᒍᑎᑦᓴᓂᑦ ᖃᓄᐃᓘᕈᑎᖃᕐᓂᒥᓗ ᓄᕐᖃᑎᑦᓯᓂᕐᒧᑦ ᐱᓗᑲᓐᓂᒥᒃ.
ᓱᒐᒥ 16ᓂᑦ ᐅᓪᓗᓂ ᖃᓄᐃᓘᕈᑎᖃᒐᓱᒃᑭᑕ ᓄᕐᖃᑎᑦᓯᒐᓱᓐᓂᒧᒃ ᐱᓗᑲᑕᐅᓂᖏᓐᓂᑦ ᐊᕐᓀᑦ? ᓯᓚᕐᔪᐊᓕᒫᒥ, ᐊᕐᓀᑦ ᓂᕕᐊᕐᓯᐊᓗ ᐊᑦᑕᓇᕐᑐᒦᒍᑎᖃᕐᓂᓴᐅᕗᑦ ᐱᓗᑲᑕᐅᓂᕐᒧᑦ. ᐅᑦᑑᑎᒋᓗᒍ, ᐊᕐᓀᑦ ᖁᓄᔪᕐᓂᐊᑕᐅᑐᐃᓐᓇᕆᐊᖃᕐᓂᓴᐅᕗᑦ, ᐃᓚᒌᑎᒍᑦ ᐱᓗᑲᑕᐅᑐᐃᓐᓇᕆᐊᖃᕐᓂᓴᐅᕗᑦ. ᐊᖑᑏᑦ ᐱᓗᑲᑕᐅᓲᖑᒻᒥᕗᑦ, ᐊᖑᑎᐅᓂᕐᒥᒃ ᐱᐅᓯᕆᔭᐅᔪᑦ ᐅᖄᖕᖏᑑᒍᑎᐅᑐᐃᓐᓇᕆᐊᖃᕐᒥᔪᑦ ᐊᖑᑎᓄᑦ ᐃᑲᔪᕐᑕᐅᑎᒍᓐᓀᓗᑎᓗ.
ᕿᓯᔭᒃ ᓴᕝᕕᒥᐅᑕᒃ ᑐᑭᓯᓇᕐᑎᓯᒍᑎᒃ: ᕿᓯᔭᒃ ᓄᐃᑕᑎᑦᓯᕗᖅ ᐊᕐᓇᓂᒃ ᐊᖑᑎᓂᓗ ᐱᓇᓱᖃᑎᒌᑦᑐᓂᑦ ᓭᒪᓂᖃᕐᓱᑎᑦ. ᐊᑐᕈᒃ ᕿᓯᔭᒃ ᓄᐃᑕᑎᑦᓯᓗᑎᑦ ᓲᓱᑦᓴᓯᐊᕐᓂᓂᒃ ᓇᑯᕐᓴᓂᕐᓂᓗ ᐊᕐᓇᓕᒫᓂᒃ ᐊᖑᑎᓂᓗ ᐃᓅᓯᕐᓃᑐᓂᑦ.
ᐊᒥᓱᖕᖑᓕᕐᑎᑕᐅᒍᓐᓇᑐᖅ ᐊᑭᓐᓇᒥᐅᑕᖅ ᑐᑭᓯᓇᕐᑎᓯᔪᖅ ᑐᑭᖓᓂ ᕿᓯᔭᒥᒃ ᓴᕝᕕᒥᐅᑕᒥᒃ, ᖃᓄᐃᓘᕈᓐᓇᒪᖔᕐᐱᓗ ᓄᕐᖃᑎᑦᓯᓗᑎᑦ ᐱᓗᑲᓐᓂᒥᒃ.
- ᐊᒥᓲᓕᕐᑎᑕᐅᒍᓐᓇᑐᖅ ᐊᑭᓐᓇᒥᐅᑕᖅ (ᐃᓄᒃᑎᑐᑦ)
- ᐊᒥᓲᓕᕐᑎᑕᐅᒍᓐᓇᑐᖅ ᐊᑭᓐᓇᒥᐅᑕᖅ (ᖃᓪᓗᓈᑎᑐᑦ)
- ᐊᒥᓲᓕᕐᑎᑕᐅᒍᓐᓇᑐᖅ ᐊᑭᓐᓇᒥᐅᑕᖅ (ᒍᐃᒍᐃᑎᑐᑦ)
ᐃᓅᖃᑎᒌᓄᑦ ᑐᑭᓯᒪᖃᑎᒌᒍᑏᑦ: “Like” ᓇᕿᓗᒍ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐃᓅᖃᑎᒌᓄᑦ ᑐᑭᓯᒪᖃᑎᒌᒍᑎᒧᓕᖓᔪᖅ Facebook-ᖓ, ᐊᒻᒪᓗ ᐊᓯᑎᓐᓄᑦ ᑕᑯᔭᐅᑎᓗᒍ ᐱᓗᑲᑎᑦᓯᑌᓕᒪᓂᕐᒧᓕᖓᔪᖅ!
ᑮᓇᐅᔭᖃᕐᑎᓯᓂᖅ: ᑮᓇᐅᔭᖃᕐᑎᓯᒍᑏᑦ $1000ᓄᑦ ᑎᑭᒍᓐᓇᑐᑦ ᐊᑐᓂ ᓄᓇᓕᓐᓄᑦ ᓱᖃᑦᓯᑎᑦᓯᒍᑎᑦᓴᐅᓗᑎᑦ ᐅᕝᕙᓗᓐᓃᑦ ᓄᓇᓕᒻᒥ ᐱᓇᓱᐊᕐᑕᐅᔪᑦᓴᓄᑦ ᐅᓪᓗᓂᑦ 16ᓂᑦ ᐱᒋᐊᕐᓂᖓᓂ ᐃᓱᐊᓄᑦ ᐱᓗᑲᑦᑕᐅᑎᑦᓯᑌᓕᓂᕐᒧᑦ ᐊᕐᓇᓂᑦ. ᑕᑕᕐᓴᓗᒋᑦ ᐊᑑᑎᒍᒪᔭᑎᓐᓂᑦ ᑮᓇᐅᔭᕐᑖᕋᓱᒍᑏᑦ:
- ᑮᓇᐅᔭᓂᑦ ᑐᑦᓯᕋᒍᑎᒃ ᑕᑕᕐᓴᒐᖅ (ᐃᓄᒃᑎᑐᑦ)
- ᑮᓇᐅᔭᓂᑦ ᑐᑦᓯᕋᒍᑎᒃ ᑕᑕᕐᓴᒐᖅ (ᖃᓪᓗᓈᑎᑐᑦ)
- ᑮᓇᐅᔭᓂᑦ ᑐᑦᓯᕋᒍᑎᒃ ᑕᑕᕐᓴᒐᖅ (ᒍᐃᒍᐃᑎᑐᑦ)
ᐃᓕᓐᓂᐊᕕᓐᓄᑦ: ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓗ ᐱᓇᓱᖃᑎᒌᑦᑐᕕᓃᑦ ᓄᐃᑦᓯᓱᑎᑦ ᐃᓕᓐᓂᐊᑎᑦᓯᒍᑎᑦᓴᓂᑦ ᐊᑐᐃᓐᓇᕈᕐᑎᓱᑎᑦ ᐊᕐᓇᐅᓂᕐᓄᑦ ᐊᖑᑎᐅᓂᕐᓄᓕᖓᔪᓂᑦ ᐊᒻᒪᓗ ᖃᓄᐃᖕᖏᓯᐊᕐᑐᒥ ᐁᑉᐸᕇᓐᓂᒧᓕᖓᔪᓂᑦ. ᐊᑐᓂ ᐃᓕᓐᓂᐊᑎᑦᓯᒍᑏᑦ ᐱᔭᕇᕐᑕᐅᒍᓐᓇᑐᑦ 45ᓂᑦ ᑕᕐᓵᐱᓐᓂᑦ. ᐁᒍᓐᓇᑕᑎᑦ ᐃᓕᓐᓂᐊᑎᑦᓯᒍᑏᑦ ᐊᑐᐃᓐᓇᕈᕐᑎᑕᕕᓃᑦ ᖃᕆᑕᐅᔭᒦᑦᑐᑦ ᐅᕙᓂ:
- ᐃᓕᓐᓂᐊᑎᑦᓯᒍᑎᑦᓴᓂᑦ ᐊᑐᐃᓐᓇᕈᕐᑎᓂᖅ ᐃᓕᓐᓂᐊᕆᐊᖕᖓᑐᓄᑦ – ᐳᕐᑐᓂᓕᓐᓄᑦ 3ᓂᑦ (ᖃᓪᓗᓈᑎᑐᑦ / ᐃᓄᒃᑎᑐᑦ)
- ᐳᕐᑐᓂᓖᑦ 4ᒥᑦ 7ᒧᑦ (ᖃᓪᓗᓈᑎᑐᑦ)
- ᐳᕐᑐᓂᓖᑦ 4ᒥᑦ 7ᒧᑦ (ᒍᐃᒍᐃᑎᑐᑦ)
- ᐳᕐᑐᓂᕐᓴᓂ 1ᒥᑦ 5ᒧᑦ (ᖃᓪᓗᓈᑎᑐᑦ)
- ᐳᕐᑐᓂᕐᓴᓂ 1ᒥᑦ 5ᒧᑦ (ᒍᐃᒍᐃᑎᑐᑦ)
ᐃᑲᔪᕐᓯᒋᐊᓪᓚᒍᓐᓇᑐᑦ:
|