ᐃᑲᔪᕐᑎᐅᔪᑦ ᐅᐱᒋᔭᐅᓂᖓᑦᑕ ᐱᓇᓱᐊᕈᓯᖓᑦ ᐊᑑᑎᔭᐅᓛᕐᑐᖅ ᓄᕕᒻᐱᕆ 6 ᑎᑭᓪᓗᒍ 12, 2023.
ᑲᒪᑦᓯᐊᓲᒍᓂᕐᐹᓯᐅᕈᑎᒃ
ᐃᓕᑕᕐᓯᔭᐅᑎᒍᓐᓇᑕᑎᑦ ᐱᓇᓱᑦᓯᒪᔭᖏᑦ ᐊᑑᑎᖃᕐᓂᑯᑦ ᑲᒪᔨᐅᓲᑦ ᓄᓇᓕᑦᓯᓃᕕᓯ ᑐᓂᓯᓗᓯ ᐃᓚᐅᑎᑦᓯᒍᑎᒥᒃ ᐅᓪᓗᕆᐊᖅ ᑲᒪᔨᐅᔪᓄᑦ ᐱᒋᐊᕐᑎᓯᒍᑎᒃ
https://forms.office.com/r/
ᐃᑲᔪᕐᓯᒪᓂᖏᑦ ᐃᓕᑕᕆᔭᐅᒍᓐᓇᑐᑦ ᐃᓄᓕᒫᓄᑦ ᐊᒻᒪᓗ ᐃᓚᐅᒍᓐᓇᕋᔭᕐᓱᑎᑦ ᓄᓇᓕᓕᒫᓂᒃ ᓵᓚᖃᐅᑎᓂᒃ ᐱᓕᐅᑎᑎᑕᐅᓂᕐᒥᒃ
ᓱᓇᐅᕙ ᐱᐅᓯᕐᓱᓱᓂ ᐃᑲᔪᕐᑎᐅᓂᖅ?
ᑲᒪᔨᐅᓂᕃᕗᒍᑦ ᐃᓄᒻᒥᒃ ᑲᒪᖏᓐᓇᓕᒫᓲᒥᒃ ᐃᑲᔪᕐᓯᒪᒋᐊᕐᑐᖃᑦᑕᓲᒥᓪᓘᓃᑦ ᐃᓅᖃᑎᒥᓂᒃ ᐱᒍᓐᓇᓯᐊᖕᖏᑐᒥᒃ ᐱᕐᖃᔭᑦᓯᐊᖏᑦᑑᒍᑎᓕᒻᒥᓘᓐᓃᑦ. ᑲᒪᔨᐅᓂᕃᒍᓐᓇᐳᒍᑦ ᐃᓄᒻᒥᒃ ᑲᒪᓲᒥᒃ ᐃᓄᒻᒪᕆᒻᒥᒃ ᓴᓂᓪᓕᒥᓂᓪᓘᓃᑦ ᐳᐊᕐᕆᔭᕆᐊᕐᑐᕈᑦᔨᖃᑦᑕᑐᒥᒃ ᐊᐳᑎᐅᓕᕐᒪᑦ ᐊᓂᒋᐊᕐᕕᖓ. ᑲᒪᖃᑦᑕᕈᓐᓇᑐᖃᕐᐳᖅ, ᖃᓄᑐᐃᓐᓇᓯᐊᖅ.
ᓱᓇᐅᕙ ᐱᓇᓱᑦᑎᐅᓱᓂ ᐃᑲᔪᕐᑎ?
ᐱᓇᓱᑦᑎ ᐃᑲᔪᕐᑎᐅᓂᐊᕐᓱᓂ ᐱᓇᓱᒐᕆᑦᓱᓂᐅᒃ ᐃᑲᔪᕐᓱᓂᒋᑦ ᐱᕐᖃᔭᑦᓯᐊᖏᑦᑐᑦ ᐅᑉᕙᓗᓘᓐᓃᑦ ᐱᕐᖃᔭᖕᖏᑐᑦ. ᐱᓇᓱᑦᑏᑦ ᐃᑲᔪᕐᑎᐅᓱᑎᒃ ᐱᓇᓱᑉᕕᖃᓲᑦ ᓄᓇᕕᐅᑉ ᐃᓄᒻᒪᕆᒃᑯᕕᖏᓐᓂ ᐅᑉᕙᓗᓘᓐᓃᑦ ᐋᓐᓂᐊᓯᐅᕐᓂᓕᕆᔨᒃᑯᓂ. ᐊᒥᓱᑦ ᐃᓕᓐᓂᐊᑎᑕᐅᒪᖕᖏᑐᑦ, ᑭᓯᐊᓂ ᐊᒥᓱᑎᒍᑦ ᐱᒻᒪᕆᑲᓪᓚᓂᑦ ᖃᐅᔨᒪᔭᓖᑦ ᑲᒪᒋᔭᖃᕈᓐᓇᓂᕐᒥᒃ ᓄᓇᓕᐅᔪᑎᒍᑦ ᐊᒻᒪᓗ ᐱᓇᓱᒍᓐᓇᓂᕐᒥᑦ ᐃᑲᔪᕋᓱᐊᕈᒪᓂᕐᒥᓄᑦ ᐃᑲᔪᕐᑎᓭᓪᓘᑐᓂᑦ. ᐃᑲᔪᕐᓯᒪᔭᐅᑦᓯᐊᕆᐊᖃᕐᓂᖓᑦ ᐃᑲᔪᕐᑎᐊᔪᑦ ᐱᒻᒪᕆᐅᑎᒋᔪᖅ ᓄᓇᕕᒻᒥ ᐃᓚᒌᓄᑦ ᐊᒻᒪᓗ ᐃᓗᓯᓕᕆᓂᐅᑉ ᐊᐅᓚᑕᐅᓂᕆᔭᖓᓐᓄᑦ.
ᐃᑲᔪᕐᑏᑦ ᓄᓇᕕᒻᒥ
ᐃᑲᔪᕐᑏᑦ ᓄᓇᕕᒻᒥ ᖃᑦᓯᑐᐃᓐᓇᓂᑦ ᐅᑭᐅᖃᕈᓐᓇᑐᑦ ᓇᐅᑐᐃᓐᓇᓯᐊᕈᒍᓐᓇᓱᑎᓪᓗ. ᓄᓇᕕᒻᒥ ᐃᑲᔪᕐᑎᒋᔭᐅᔪᑦ ᒥᑦᓴᐅᓵᕐᓱᒋᑦ ᐅᓄᕐᓂᖏᑦ ᐃᒻᒪᖄ 140 ᐃᓄᐃᑦ. ᑭᖕᖑᒪᓇᕐᓂᖓᑕ ᐃᑲᔪᕐᑏᑦ ᓄᓇᕕᒻᒥ ᐅᓄᕐᓯᕙᓪᓕᐊᓂᓕᒃ ᐊᒥᓱᓂᒃ ᐱᑦᔪᑎᖃᕐᓱᓂ ᐱᔭᕐᓃᓗᕐᓇᐅᑎᐅᔪᓂᒃ ᐊᑐᐃᓐᓇᖃᑦᓯᐊᖏᓐᓂᖓᓄᑦ ᐊᓂᕐᕋᒥ ᐱᑦᔪᔭᐅᒍᑎᐅᒐᔭᕐᑐᓄᑦ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᓄᐃᑦᓯᒍᒫᕐᓂᐊᑐᑦ ᐸᕐᓇᑕᐅᒍᑎᓕᐊᒍᓯᒪᔪᓂᒃ ᐊᕐᕌᒍᕐᓄᑦ ᐱᖓᓱᓅᓕᖓᔪᓄᑦ (2023-2026) ᐃᑲᔪᕐᓯᒪᑦᓯᐊᒍᑎᐅᓚᖓᔪᓄᑦ ᐃᑲᔪᕐᑎᐅᔪᑦ ᐃᓱᐊᓪᓗᖁᑎᑦᓴᖏᓐᓄᑦ. ᓄᓇᕕᒻᒥ ᓄᓇᖃᕐᕕᐅᔪᓕᒫᑦ ᖃᓄᕐᑑᕈᑎᓕ ᐊᒍᒍᑎᖓᑦ ᐃᓚᖃᓯᐅᑦᔨᐅᒍᑎᐅᓚᖓᔪᖅ ᒪᑯᓄᖓ national policy (French only) ᐊᒻᒪᓗ ᐅᑯᓄᖓ government action plan (French only) (2021–2026) ᓇᒻᒥᓂᕐᓱᓱᑎᒃ ᐃᑲᔪᕐᑎᐅᔪᓄᑦ: ᐃᓕᑕᕐᓯᓂᖅ ᐃᑲᔪᕐᓯᓯᐊᕆᐊᕐᓂᒧᑦ.
ᐃᑲᔪᕐᑏᑦ ᐃᑲᔪᕐᓯᓂᖃᒻᒪᕆᑉᐳᑦ ᓄᓇᓕᒻᒥᓂᒃ ᐊᒻᒪᓗ ᐱᓇᓱᑦᑕᖏᑦ ᐊᔪᖕᖏᒪᕆᑦᓱᑎᒃ ᐱᒻᒪᕆᐅᑦᓱᑎᓪᓗ. ᐱᒐᓱᐊᒻᒪᕆᐅᑎᒋᔭᖏᑦ ᒥᑭᓪᓕᑎᕐᑕᐅᔪᑦᓴᐅᔭᖏᑦᑐᑦ. ᐃᑲᔪᕐᑎᖃᕐᓂᖏᑉᐸᑦ, ᐊᒥᓱᑦ ᐃᓄᐃᑦ ᐊᓯᑦᔨᒋᐊᖃᕋᔭᕐᑐᑦ ᐃᓅᑦᔪᓯᖏᑦᑕ ᐊᕙᑎᒋᔭᖏᑦ, ᓄᑦᑎᑎᕐᓗᑎᒃ ᓄᓇᒥᑦᑕ ᐊᓯᐅᓄᑦ ᐅᑉᕙᓗᓘᓐᓃᑦ ᖃᓪᓗᓈᑦ ᓄᓇᖓᓐᓄᑦ. ᐊᒥᓱᑎᒍᑦ ᐃᓄᑐᖃᐅᔪᑦ ᐱᒃᑯᓇᕐᑐᖁᑎᖃᕐᓱᑎᒃ ᐃᕐᖃᐅᒪᓇᕐᑐᓂᒃ ᐊᒻᒪᓗ ᓯᓚᑐᓂᕐᑕᖃᕈᓐᓇᓂᖃᕐᓱᑎᒃ ᓄᓇᓕᐅᔪᓂ.
ᐃᑲᔪᕐᑎᐅᔪᑦ ᐃᑲᔪᕐᓯᒪᔭᐅᑦᓯᐊᕆᐊᖃᕐᐳᑦ ᑲᔪᓯᑦᓯᐊᖁᒍᑦᑎᒍᑦ ᐱᓇᓱᓐᓂᕆᔭᖏᑦ, ᑭᖕᖒᒪᒋᕆᔭᐅᓪᓚᕆᒍᓐᓇᑐᖅ ᐊᒻᒪᓗ ᐱᔭᕆᐊᑑᒍᒍᓐᓇᕕᖃᕐᓱᓂ.
ᐱᔭᕐᓃᓘᒍᑎᐅᔪᑦ ᐃᑲᔪᕐᑎᐅᔪᓄᑦ ᐁᒣᑦᑑᒐᔪᑦᑐᑦ:
- ᐅᖁᒣᓪᓕᐅᓂᖅ ᐊᒻᒪᓗ ᓈᓚᕐᓃᖓᓂᖅ
- ᕿᓄᐃᓵᕐᖃᔦᓂᖅ ᐊᒻᒪᓗ ᕿᓄᖓᓂᖅ
- ᐃᓄᑑᑎᓂᖅ
- ᐅᐸᓗᕐᓂᖅ ᐊᒻᒪᓗ ᓄᐃᖃᑦᑕᖏᓐᓂᖅ ᐱᓇᓱᑉᕕᒧᑦ ᐃᓕᓐᓂᐊᕕᒻᒧᓘᓐᓃᑦ
- ᑮᓇᐅᔭᖃᑦᓯᐊᓂᕐᒥᒃ ᐱᓐᓀᓗᑕᖃᕐᓂᒃ
- ᓇᒻᒥᓂᖅ ᑲᒪᒋᔭᖃᑦᓯᐊᕈᓐᓇᖏᕐᓂᖅ ᑎᒥᒥᑎᒍᑦ ᐊᒻᒪᓗ ᐃᓗᓯᕐᓱᓯᐊᕐᓂᑎᒍᑦ
- ᐊᐅᒡᒐᓯᒪᒍᓐᓇᖏᓐᓂᖅ ᐃᓅᖃᑎᖃᕐᓂᑎᒍᑦ ᐊᒻᒪᓗ ᐃᓚᖃᕐᓂᕆᔭᒧᑦ ᐱᔭᑦᓴᖃᕐᓂᐅᔪᓄᑦ
- ᐊᓯᑦᔨᑐᕐᑐᕕᓂᐅᓕᕐᐸᑕ ᐃᑲᔪᕐᑎᒋᔭᐅᔪᑦ ᐊᒻᒪᓗ ᐃᑲᔪᕐᑕᐅᕙᑦᑐᑦ
ᑌᒣᑦᑎᓗᒋᑦ ᐱᔭᕐᓃᓘᒍᑎᐅᕙᑦᑐᑦ, ᐃᒣᑦᑑᔪᑦ ᑭᖕᖑᒪᓇᕋᔭᕐᑐᑦ:
- ᓄᕐᖃᖓᑫᓐᓇᕆᐊᖃᕐᓂᖅ ᐊᒻᒪᓗ ᑕᙯᕐᓯᓂᖅ
- ᐃᓱᒪᐅᑉ ᖃᓄᐃᖕᖏᓯᐊᕆᐊᖃᕐᓂᖓᑕ ᐃᑲᔪᕐᓯᔭᐅᓂᖓ
- ᐃᓱᐊᓈᕐᑎᓯᒐᓱᐊᕐᓂᖅ ᐱᓇᓱᑉᕕᒥ ᐅᑉᕙᓗᓘᓐᓃᑦ ᐃᓕᓐᓂᐊᑕᕐᒥᑕ / ᐱᓇᓱᒋᐊᓕᒥᑕ ᐃᑲᐅᕐᓂᕆᔭᖏᓐᓂᒃ
- ᑐᓴᐅᒪᑎᑦᓯᓯᐊᓂᖅ ᐊᒻᒪᓗ ᐃᓕᓐᓂᐊᑎᑕᐅᒪᓂᖅ
- ᑮᓇᐅᔭᕐᑎᒍᑦ ᐊᒻᒪᓗ ᐱᐅᒃᑯᑎᑎᒍᑦ ᐃᑲᔪᕐᑕᐅᓂᖅ
- ᐃᑲᔪᕐᓯᔭᐅᓂᖅ ᐊᓂᕐᕋᒥ ᓱᖃᑦᓯᑎᓂᒃ ᐃᓅᓯᕐᒥ ᐊᒻᒪᓗ ᐅᓪᓗᑕᒫᕐᓯᐅᑎᐅᔪᓂᒃ ᐃᓅᓯᕐᒥ
- ᑐᑭᒪᔭᖓᓐᓂᒃ ᐊᒻᒪᓗ ᐱᑦᔪᔨᓂᖅ ᐅᖃᐅᓯᖓ ᐊᑐᕐᓗᒍ.
ᐃᑲᔪᕐᑎᐅᔪᓂᑦ ᐅᐱᒍᓱᓐᓂᐅᑉ ᐱᓇᓱᐊᕈᓯᖓ ᐱᕕᑦᓴᖃᕐᕕᒋᔭᐅᔪᖅ ᖃᐅᒻᒪᓕᑎᕆᓂᕐᒥᑦ ᐃᑲᔪᕐᓯᒪᓂᕆᔭᖓᓐᓂᒃ ᐃᑲᔪᕐᑎᐅᔪᑦ ᐊᒻᒪᓗ ᑕᑯᑎᑕᐅᓂᖃᕐᑎᓗᒋᑦ ᐅᐱᒋᔭᐅᒻᒪᑕ.
ᐱᒋᐊᕐᓗᒍ ᓄᕕᒻᐱᕆ 6 ᑎᑭᓪᓗᒍ 12, 2023, ᐃᑲᔪᕐᑏᑦ ᐃᓕᑕᕆᔭᐅᒍᓐᓇᐅᑎᖃᓛᕐᑐᑦ ᓴᑉᕕᒥᐅᑕᕐᒥᑦ ᐅᓪᓗᕆᐊᖕᖑᐊᑕᓕᒻᒥᒃ. ᐅᓪᓗᕆᐊᖕᖑᐊᖅ ᑐᑭᖃᓛᕐᑐᖅ ᑕᓯᐅᕐᓯᓂᕆᔭᖓᓐᓂᒃ ᐱᓂᐊᕐᓂᖏᓐᓂ ᐊᒻᒪᓗ ᐱᒻᒪᕆᐅᔪᖁᑎᐅᒻᒪᑕ ᐊᒥᓱᓄᑦ ᐃᓄᓐᓄᑦ.
ᓴᐳᒻᒥᖃᑕᐅᓂᕐᓂᑦ ᓄᐃᑕᑎᑦᓯᒋᑦ
ᐊᒥᓲᓖᕐᑎᑕᐅᒍᓐᓇᑐᑦ ᐊᑭᓐᓇᒥᐅᑌᑦ (11x17):
Flyer - black & white (11"x8.5"):
