ᐱᕕᖃᒃᑎᑕᐅᓂᖅ ᓲᓱᑦᓴᓂᑦᑎᒍᑦ ᑕᑯᒋᐊᒍᒪᓂᒃᒥᑦ ᐊᓪᓚᓯᒪᔪᖁᑎᒋᔭᐅᔪᓂᑦ ᓇᔪᕐᑎᒋᔭᐅᔪᓂᑦ ᑭᓇᑐᐃᓐᓇᑯᑦ ᑎᒥᐅᔪᖁᑎᖏᓐᓂᑦ ᐊᒻᒪᓗ ᓴᐴᓗᑕᖃᕐᓂᑯᑦ ᓇᒻᒥᓂᖏᓐᓅᓕᓕᖓᔪᓂᒃ ᑭᓇᓕᒫᒃᑯᓄᒃ ᐃᓕᖓᕗᖅ ᑭᓇᑐᐃᓐᓇᑯᑦ ᑎᒥᐅᔪᖁᑎᖏᓐᓄᑦ, ᐃᓚᒋᔭᐅᑎᓪᓗᒋᑦ ᓄᓇᕕᒃ ᖃᓴᐃᖕᖏᓯᐊᕐᓂᓕᕆᔨᒃᑯᑦ ᐊᒻᒪᓗ ᐃᓄᓕᕆᔭᖓᓐᓂᑦ. ᑖᓐᓇ ᒪᓕᒐᖅ ᓱᕐᖁᐃᓇᑦᓯᐊᑐᖅ ᐱᒍᓐᓇᐅᑎᒋᔭᐅᔪᑦᑎᒍᑦ ᐃᓄᖁᑎᖏᓐᓄᑦ, ᐆᑦᑑᑎᒋᓗᒍ ᑐᓴᕋᑦᓴᖏᓐᓂᑦ ᐊᒻᒪᓗ ᖃᐅᔨᔭᐅᒋᐊᖃᖕᖏᑑᓂᖏᓐᓂᑦ.
ᑭᓇᑐᐃᓐᓇᑯᑦ ᑐᑦᓯᕋᕐᑐᑦ ᑕᑯᒋᐊᒍᒪᓂᕐᒥᑦ ᓱᓕᒻᒪᖔᑕ ᑐᕌᕐᑎᑕᐅᒋᐊᖃᕐᖁᑦ ᐃᓄᑦᑕᖓᓄᑦ ᑲᒪᒋᔭᖃᓲᒧᑦ ᑐᕌᕐᑕᕕᖓᓄᑦ ᑐᓴᕋᑦᓴᖏᓐᓂᑦ ᐊᒻᒪᓗ ᓴᐴᓗᑕᖓᓂᑦ ᓇᒻᒥᓂᖏᓐᓅᓕᖓᔪᓂᑦ. ᑭᖑᓂᐊᒍᑦ ᐃᑲᔪᕐᓯᒪᓂᖃᒍᓐᓇᐳᒃ ᑭᓇᑐᐃᓐᓇᒥᑦ ᑐᑦᓯᕋᕐᑐᒥᑦ ᐃᑲᔪᕐᑕᐅᒍᒪᐅᑎᒥᓂᑦ ᐊᓪᓚᓂᕐᒥᑦ ᑐᑦᓯᕋᐅᑎᓕᐊᒥᓂᑦ ᐊᒻᒪᓗ/ᐊᒻᒪᓘᓐᓃᑦ ᐃᓕᑕᕐᓯᓂᕐᒥᑦ ᐊᓪᓚᑕᐅᓯᒪᔪᓂᑦ ᕿᓂᕐᑕᒥᓂᑦ.
ᖃᐅᔨᒪᖁᕙᑦᓯ ᑐᑦᓯᕋᐅᑏᑦ ᑐᕌᕐᑎᑕᐅᒍᑎᒥᒃ ᑐᓴᕋᑦᓴᓄᑦ ᐊᑭᓕᕋᑦᓴᖑᑐᐃᓐᓇᒋᐊᖃᕐᒪᑦ. (A-2.1, r. 3 - Règlement sur les frais exigibles pour la transcription, la reproduction et la transmission de documents et de renseignements personnels).
ᑐᑦᓯᕋᐅᑏᑦ ᑐᕌᕐᑎᑕᐅᒍᒪᓂᕐᒧᑦ ᐊᓪᓚᕕᖓᑎᒍᑦ ᐊᓪᓚᓯᒪᔪᓂᑦ
ᐊᓪᓚᕕᖓᑎᒍᑦ ᐊᓪᓚᑕᐅᓯᒪᔪᑦ ᐋᓐᓂᐊᓂᕐᒨᓕᖓᖕᖏᑐᐃᑦ ᐊᓪᓚᓯᒪᔪᑦ ᑭᓇᑐᐃᓐᓇᑯᓅᓕᖓᔪᓂᑦ ᑎᒥᐅᔪᖅ ᐱᓇᓱᐊᕐᓂᒥᑎᒍᑦ ᐱᔭᑦᓴᑎᒍᑦ. ᐆᑦᑑᑎᒋᓗᒋᑦ ᑲᑎᒪᐅᑎᕕᓂᕐᓂᑦ ᐊᓪᓚᓯᒪᔪᑦ, ᐃᓕᑦᓯᒋᐊᒍᑏᓪᓗ, ᒪᓕᒐᐃᑦ, ᑮᓇᐅᔭᓕᕆᐅᑏᑦ ᐊᒻᒪᓗ ᐊᖏᖃᑎᒌᒍᑏᑦ.
ᑐᑦᓯᕋᐅᑎᓕᐊᒋᔭᐅᔪᐃᑦ ᐅᖄᓂᕐᑎᒎᒍᓐᓇᑐᑦ ᐊᒻᒪᓘᓐᓃᑦ ᐊᓪᓚᓯᒪᔪᕐᑎᒍᑦ. ᑭᓯᐊᓂ, ᐊᓪᓚᑕᐅᓯᒪᔪᐃᑦ ᑐᑦᓯᕋᐅᑎᓕᐊᑦ ᓴᓂᕝᕙᑕᐅᓯᒪᒍᓐᓇᑐᑦ ᑐᕐᖃᑕᕐᕕᖓᓄᑦ ᑐᕌᕐᑕᕕᖓᓄᑦ ᑐᓴᕋᑦᓴᓂᑦ ᑲᒪᑎᑕᐅᔪᖅ ᐅᖏᖕᖏᓱᐊᕐᐸᑦ ᑐᕌᕐᑕᕕᒻᒧᑦ ᐊᒻᒪᓘᓐᓃᑦ ᐅᓪᓗᐃᑦ ᐊᕙᑏᑦ ᐅᖓᑖᓅᖕᖏᑐᐊᕐᐸᑦ.
ᑐᑦᓯᕋᐅᑏᑦ ᑐᕌᕐᑕᕕᒻᒧᑦ ᐊᒻᒪᓗ ᐋᕐᕿᒋᐊᕐᓂᒥᑦ ᓇᒻᒥᓂᒋᔭᐅᔪᓂᑦ ᑐᓴᐸᑦᓴᖏᓐᓂᑦ
ᓄᓇᕕᒃ ᓄᓇᓕᓕᒫᑎᒍᑦ ᖃᓄᐃᖕᖏᓯᐊᕐᓂᓕᕆᔨᒃᑯᑦ ᐊᒻᒪᓗ ᐃᓄᓕ$ᕕᖓ ᐃᓕᑕᕐᓯᓯᒪᕗᒃ ᑭᓇᑐᐃᓐᓇᑯᑦ ᐱᒍᓐᓇᕕᖃᕐᑎᑕᐅᒻᒪᑕ ᖃᐅᔨᒍᓐᓇᓂᕐᒥᑦ ᓇᒻᒥᓂᖏᓐᓂᑦ ᑐᓴᕋᑦᓴᖏᓐᓂᑦ ᐱᑕᖃᕐᒪᖔᑕ, ᑕᑯᒍᒪᒍᑎᒃ, ᐊᑦᔨᖓᓂᓪᓗ ᐱᑖᕐᓂᒥᑦ ᑐᓴᕋᑦᓴᒥᒃ, ᐊᒻᒪᓗ ᑐᑦᓯᕋᐅᑎᓕᐅᕐᓂᒥᑦ ᐋᕐᕿᒋᐊᕐᑎᓯᓂᕐᒥᑦ ᑕᒻᒪᐅᒪᔪᖃᒃᐸᑦ ᐊᒻᒪᓘᓐᓃᑦ ᐃᓚᑰᑐᐊᕐᐸᑕ ᑐᓴᕋᑦᓴᖏᑦ. ᑐᑦᓯᕋᐅᑎᓕᐊᕆᔭᐅᔪᐃᑦ ᐊᓪᓚᓯᒪᔪᕐᑎᒎᒋᐊᖃᕐᖁᑦ.
ᑐᓴᕋᑦᓴᐃᑦ ᐱᑦᔪᑎᖏᓗᒋᑦ, ᓇᒻᒥᓂᖏᓐᓅᓕᖓᔪᑦ ᑐᓴᒐᑦᓴᐅᒍᓐᓇᐳᒃ ᑐᕋᐃᓐᓇᑐᒃᑯᑦ ᑐᐸᐃᓐᓇᖏᑦᑐᑯᓘᓐᓃᑦ ᐃᓕᑕᕆᔭᐅᒍᓐᓇᐳᒃ ᐃᓅᓂᖓᓂᑦ.
ᐊᑑᑎᒍᓐᓇᓂᕐᓃᕕᑦ ᐱᒍᓐᓇᐅᑎᑎᒍᑦ ᑐᕌᕐᓂᒥᑦ ᐊᒻᒪᓘᓐᓃᑦ ᐋᕐᖀᒋᐊᕐᓂᒥᑦ, ᐊᑐᕐᑕᐅᖁᔨᕗᒍᑦ ᑭᖑᓂᖏᓐᓃᑐᓂᑦ ᐊᓪᓚᕕᐅᖏᐊᓕᓐᓂᑦ ᐊᒻᒪᓗ ᑐᔫᑎᒋᓗᒋᑦ ᖃᕆᑕᐅᔭᕐᑎᒍᑦ ᐅᕗᖓ media.nrbhss@ssss.gouv.qc.ca
- ᑐᑦᓯᕋᐅᑎᓕᐅᕐᓂᒥᑦ ᑐᕌᒍᑎᒥᑦ ᐊᓪᓚᕕᑦᑎᒍᑦ ᐊᓪᓚᓯᒪᔪᓂᑦ: ᑐᑦᓯᕋᐅᑎᒃ ᑎᒍᓯᒍᓐᓇᓂᕐᒧᑦ ᐊᓪᓚᖁᑎᒥᒃ
- ᑐᑦᓯᕋᐅᑎᓕᐅᕐᓂᒥᑦ ᑐᕌᒍᑎᒥᑦ ᓇᒻᒥᓂᕐᓅᓕᖓᔪᓂᑦ ᑐᓴᕋᑦᓴᓂᑦ ᓇᔪᕐᑎᖏᔭᐅᔪᓂᑦ ᑎᒥᐅᔪᒥᑦ: ᑐᑦᓯᕋᐅᑎᒃ ᑎᒍᓯᒍᒪᒍᑎᒃ ᐃᓄᑦᑕᖓᓄᑦ ᑐᑭᓯᒪᔭᐅᒍᑎᖏᓐᓂᑦ
- ᑐᑦᓯᕋᐅᑎᓕᐅᒍᕕᑦ ᐋᕐᕿᒋᐊᕐᑕᐅᖁᔨᓂᕐᒥᑦ ᓈᒻᒪᓈᕐᑐᕆᖕᖏᑕᕐᓃᕕᑦ ᐊᒻᒪᓘᓐᓃᑦ ᐃᓚᑰᔪᕆᔭᕐᓃᕕᑦ: ᑐᑦᓯᕋᐅᑎᒃ ᐋᕐᕿᒋᐊᕐᑕᐅᓂᖓᓂᒃ ᐃᓄᑦᑕᖓᓄᑦ ᑐᑭᓯᒪᔭᐅᒍᑎᖏᓐᓂᑦ
ᐱᓇᓱᐊᕐᑎᒃ ᑲᒪᔨᐅᑎᑕᐅᔪᖅ ᑐᕌᒍᑎᒥᑦ ᐊᓪᓚᑕᐅᓯᒪᔪᓐᓂᑦ ᐊᒻᒪᓗ ᐊᐅᓚᑕᐅᒍᓯᖏᓐᓂᑦ ᐃᓅᔫᑉ ᑲᒪᔨᐅᑎᑕᐅᔫᑉ ᓴᐴᓗᑕᖃᕐᓂᒥᑦ ᓇᒻᒥᓂᕆᔭᐅᔪᓂᑦ ᐊᓪᓚᑕᐅᓯᒪᔪᓂᑦ.
ᓂᑯᓚᔅ ᓚᕉ-ᑐᕈᑎᐊᓪ
ᓄᓇᓕᓕᒫᑎᒍᑦ ᑐᑭᒧᐊᕐᑎᓯᔨᒃ ᐸᕐᓇᓂᕐᒥᑦ, ᑎᒥᐅᔪᑎᒍᑦ ᐱᕙᓪᓕᐊᓂᑦᑎᒍᑦ ᐊᒻᒪᓗ ᐱᓇᓱᕝᕕᖓᑎᒍᑦ ᑲᒪᒋᔭᖏᓐᓂᑦ/ ᐃᑲᔪᕐᑎᐅᓱᓂᓗ ᑐᑭᒧᐊᕐᑎᓯᔨᒻᒪᕆᒻᒧᑦ
ᓄᓇᕕᒃ ᓄᓇᓕᓕᒫᑎᒍᑦ ᖃᓄᐃᖕᖏᓯᐊᕐᓂᓕᕆᔨᖏᑦ ᐊᒻᒪᓗ ᐃᓄᓕᕆᔨᖏᑦ
ᓯᕙᓕᐅᑎᖓ (819) 964-2222
ᐊᓪᓚᓯᒪᔪᕐᓂᐊᕕᖓᑕ ᐃᕐᓯᕕᐊᐱᖓ 900, ᑰᑦᔪᐊᖅ, ᑯᐸᐃᒃ J0M1C0
ᐃᓄᓕᕆᕕᐅᑦᓱᓂ ᑎᒥᐅᔪᖅ, ᓄᓇᕕᒃ ᓄᓇᓕᓕᒫᑦ ᖃᓄᐃᖕᖏᓯᐊᕐᓂᓕᕆᕕᖓ ᐊᒻᒪᓗ ᐃᓄᓕᕆᕕᖓ ᓵᑕᐅᒍᓐᓇᐳᒃ ᐱᖁᔭᒧᑦ ᓲᓱᑦᓴᓂᑦᑎᒍᑦ ᐊᐃᑦᑐᑐᐃᓂᕐᒥᑦ ᑐᓴᕋᑦᓴᓂᑦ ᐊᒻᒪᓗ ᓴᐴᓗᑕᖃᕐᑎᓯᓂᕐᒥᒃ ᓇᓐᒥᓂᕆᔭᐅᔪᓂᑦ ᑐᓴᕋᑦᓴᓂᑦ(ᑲᕙᒪᒃᑯᑦ ᑯᐸᐃᒻᒥ ᓇᓗᓇᐃᒃᑯᑕᓕᒃ A-2.1, r.2-ᒥᑦ) ᑕᐃᒪᐃᓐᓂᑯᖏᓐᓄᑦ, ᐊᑑᑎᒋᐊᖃᕐᐳᒃ ᐊᓪᓚᓗᑎᒃ ᑐᑭᑖᒍᑕᐅᔪᓂᑦ ᐊᒻᒪᓗ ᐊᓪᓚᓯᒪᔪᖁᑎᖏᑦ ᑐᕌᕐᑎᑕᐅᓗᑎᒃ ᑭᐅᒍᑎᐅᓗᑎᒃ ᑐᑦᓯᕋᐅᑎᓕᐊᓄᑦ ᑐᕌᕐᑕᕕᑦᑎᒍᑦ.
*** ᖃᐅᔨᒪᖁᕙᑦᓯ ᐊᓪᓚᓯᒪᔪᐃᑦ ᐃᓚᒋᔭᐅᔪᐃᑦ ᑐᕌᒍᑎᖓᓄᑦ ᑐᓴᕋᑦᓴᓂᑦ ᑐᑦᓯᕋᐅᑎᓂᑦ ᐊᑐᐃᓐᓇᑐᐃᓐᓇᐃᑦ ᐅᖃᐅᓯᖅ ᐊᑐᕐᑕᖓᒍᑦ ᑭᓯᐊᓂ ᐊᐅᓪᓚᑎᑕᐅᔪᕕᓂᐅᑎᓪᓗᒋᑦ. ***