ᖃᓂᒪᓇᕐᑐᑖᕆᒃᑯᑎᒥᒃ ᑰᕕᑦ-19ᒥᒃ ᑲᐱᓯᖃᑦᑕᓃᑦ COVID-19

ᑲᐳᕐᑕᐅᖃᑦᑕᓛᓯᕗᑦ ᓄᓇᓕᓐᓂ ([DxE 8 2021). ᑐᑭᓯᒪᐅᑎᑦᓴᓕᒫᑦ ᓄᓇᓕᓐᓂ ᐊᑐᓂ (ᐅᓪᓗᖏᑦ, ᖃᑦᓯᖑᕐᓂᖓ ᓇᓃᓐᓂᓴᖓᓗ) ᑕᑯᑦᓴᐅᑎᑕᐅᓕᕐᖁᒃ. ᑕᑯᔭᐅᕕᑦᓴᓕᐅᕐᓯᒪᔪᖃᕆᐊᖃᓛᖕᖏᑐᖅ ᐃᓕᓴᕐᕕᐅᑉ ᐱᖕᖑᐊᕕᖓᓂ ᑲᐱᔭᐅᒋᐊᕐᑐᖃᑦᑕᓛᕐᑐᓄᑦ. ᐋᓐᓂᐊᕕᐊᐱᓐᓂ ᑲᐱᔭᐅᒋᐊᕐᑐᓛᕐᑐᓄᑦ, ᐅᖄᓚᕐᖄᕆᐊᖃᓛᕐᑐᓯ ᑲᐱᔭᐅᒋᐊᕐᑐᓚᐅᕋᓯ.
 
  • ᑭᓇᒃᑯᑐᐃᓐᓀᑦ 18-ᓂᒃ ᐅᑭᐅᓖᑦ ᐊᖓᔪᑦᓰᓗ ᑲᐱᔭᐅᒍᓐᓇᑐᑦ. ᒍᒪᔪᐃᑦ ᑭᓯᐊᓂ ᑲᐱᐅᒍᓐᓇᑐᑦ, ᑭᓯᐊᓂ ᑲᐱᔭᐅᒍᑦᓯ ᐱᐅᓂᕐᓴᐅᔪᕆᔭᐅᔪᖅ ᖃᓂᒻᒪᓂᕈᑦᓯ ᑰᕕᑦ-19-ᒧᑦ ᐱᔭᕆᐊᑦᑐᖁᓇᓯ.
  • ᐋᓐᓂᐊᓯᐅᕐᑎᑐᐃᓐᓇᒧᑦ ᐊᐱᕐᓱᑕᐅᖃᑦᑕᓛᕐᑐᓯ ᖃᓄᐃᖁᔭᐅᖕᖏᓇᑦᓯ ᐊᑦᑕᓇᕐᓯᖁᔭᐅᒐᓯᓗ ᑲᐱᔭᐅᒐᓗᐊᕈᑦᓯ. ᐃᓱᒫᓗᒋᔭᖃᕈᑦᓯ ᐊᐱᕐᓲᑎᒋᑦᓯᐊᓗᒋᑦ ᑲᐳᑎᒃ ᐱᓪᓗᒍ. ᐃᓄᒃᑎᑑᕈᓐᓇᑐᒥᒃ ᑐᓵᔨᖃᓛᕐᑐᑦ. ᐊᐱᕐᓲᑎᑦᓴᖃᕐᑐᖃᕐᐸᑦ ᐃᓱᒫᓗᒋᔭᖃᕐᑐᖃᕐᐸᓘᓐᓃᑦ.
  • ᑐᖓᓕᐊᓂᒃ ᑲᐱᔭᐅᒋᐊᖃᓛᕐᒥᔪᓯ. ᑕᒐᑕᒐᐅᓂᖓᓂ, ᑐᕌᒐᖃᕐᑐᒍᑦ ᐅᓄᕐᓂᐸᐅᒐᓱᐊᕐᑐᓂᒃ ᑲᐱᔭᐅᑎᑦᓯᒍᒪᓂᕐᒥᒃ ᓯᕗᓪᓕᐹᒧᑦ ᑲᐴᑎᒧᑦ ᐊᒥᓲᒍᓐᓇᕕᓕᒫᖏᑎᒍᑦ ᐊᒥᓲᒐᓱᐊᕐᑐᓂᒃ ᑲᐱᔭᐅᓯᒪᑦᓴᐅᑎᒋᖁᔨᒐᑦᑕ ᖃᓂᒻᒪᖁᔨᖕᖏᓇᑦᑕ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑐᓴᐅᒪᑎᑦᓯᓛᕐᑐᑦ ᐃᓄᓕᒫᓂᒃ ᖃᖓ ᑐᖓᓕᐊ ᑲᐴᑎ ᐊᑐᐃᓐᓇᐅᓛᕐᒪᖔᑦ ᖃᖓᓗ ᑲᐳᕐᑕᐅᒍᑎᐅᓛᕐᒪᖔᑦ.
  • ᑲᐱᔭᐅᒋᐊᕐᑐᓯᒍᑦᓯ, ᐁᖏᑦᑐᒥᒃ ᐅᕕᓂᕈᕐᓯᒪᖁᔭᐅᕗᓯ.
  • ᓯᕿᓂᖕᖑᐊᑦ ᓇᑦᓴᓗᒍ ᓱᑲᓐᓂᓴᐅᓛᕐᒪᑦ. ᓇᑦᓴᖏᒃᑲᓗᐊᕈᕕᐅᓪᓗ, ᑲᐱᔭᐅᒍᓐᓇᓯᐊᕐᓱᑎᑦ.

 

ᓄᓇᕕᒻᒥᐅᑦ ᖃᓄᐃᑦᑐᒧᑦ ᑲᐱᔭᐅᖃᑦᑕᓛᕐᖃᑦ ᖃᓂᒻᒪᕇᒃᑯᑎᑦᓴᒥᒃ ᑰᕕ-19-ᒧᑦ ᑲᐱᔭᐅᖃᑦᑕᓛᕐᖃᑦ ?

ᓄᓇᕕᒻᒥᐅᑦ ᑲᐱᔭᐅᖃᑦᑕᓛᕐᑐᑦ ᑲᐴᑎᒧᑦ Moderna ᖃᓂᒻᒪᕇᒃᑯᑎᑦᓴᒥᒃ ᑰᕕ-19-ᒧᑦ (mRNA-1273).  Moderna (mRNA-1273) ᖃᓂᒻᒪᕇᒃᑯᑎᑦᓴᖅ ᑰᕕ-19-ᒧᑦ ᑲᐴᑎᓕᐊᒍᓯᒪᔪᖅ Moderna Therapeutics Inc. ᑎᓯᑉᐸ 23, 2020-ᒥ, ᑲᓇᑕᒥ ᖃᓄᐃᖕᖏᐊᕐᑐᓴᐅᓂᕐᒥᒃ ᐱᓇᓱᐊᕐᑐᑦ ᐊᖏᕈᑎᖃᕐᓯᒪᔪᑦ ᑌᒣᑦᑐᒥᒃ ᑲᐴᑎᒥᒃ.

ᐊᓯᖏᑦ ᑲᐴᑏᑦ ᖃᓂᒻᒪᕇᒃᑯᑎᑦᓭᑦ ᑰᕕ-19-ᒧᑦ ᑕᒐᑕᒐ ᐊᑐᐃᓐᓇᐅᔫᒐᓗᐊᑦ, ᑲᐴᑎᒃ Moderna ᐃᓱᐊᕐᓂᐸᐅᕗᖅ ᐊᐅᓚᑕᐅᓂᕆᒋᐊᓕᖓ ᐃᓂᑦᓴᖃᑦᓯᐊᕆᐊᖃᕐᓂᖓᓗ ᐃᑭᓈᕐᑎᓯᒪᓂᕐᓴᐅᓱᑎᓪᓗ. ᑕᒪᒃᑯᐊ ᐱᑦᔪᑕᐅᑎᓪᓗᒋᑦ, ᐅᖓᓯᒋᔭᐅᔪᓄᑦ ᓄᓇᓕᓐᓄᑦ ᐊᒥᓲᓂᕐᓴᓄᑦ ᑎᑭᑎᑕᐅᖃᑦᑕᕈᓐᓇᓂᖓ ᐃᓱᐊᕆᔭᐅᓂᕐᐸᐅᕗᖅ.

ᐊᓯᖏᑦ ᑲᐴᑏᑦ ᐊᑐᐃᓐᓇᐅᒍᓐᓇᓯᓛᕐᒥᔫᒐᓗᐊᑦ ᓄᓇᕕᒻᒥ ᐊᑐᐃᓐᓇᐅᓯᓗᑎᒃ.

ᓱᓇᓪᓚᕆᐅᓂᖏᑦ, ᐅᐊᕈᑎᖏᓪᓗ ᖃᓄᕐᓗ ᐊᑑᑎᖃᕐᒪᖔᑦ Moderna ᑲᐴᑎᒃ ᑐᑭᓯᒋᐊᕐᕕᓴᐅᕗᖅ ᖃᕆᑕᐅᔭᒃᑯᑦ  Government of Canada website.

 

ᓄᓇᕕᒻᒥᐅᑦ ᓱᒧᑦ ᓯᕗᓪᓕᐅᔭᐅᒋᐊᖃᕐᓂᕋᕐᑕᐅᕙᑦ ᑲᕙᒪᒃᑯᓄᑦ ?

ᓄᓇᕕᒻᒥᐅᑦ, ᐊᓯᖏᑦ ᐅᖓᓯᒋᔭᐅᔪᒥᐅᑦ ᑌᒣᑎᑕᐅᒻᒥᒪᑕ, ᓯᕗᓪᓕᐅᔨᒐᑦᓴᐅᖃᑕᐅᕗᑦ ᐱᖓᓲᔪᕐᑐᓄᑦ ᓯᕗᓪᓕᐅᔨᒐᑦᓴᐅᖃᑕᐅᑦᓱᑎᒃ ᑲᐱᔭᐅᓂᕐᒧᑦ ᑯᐯᒃᒥᐅᓕᒫᑦ ᑲᐱᔭᐅᓚᐅᕐᑎᓇᒋᑦ. ᓯᕗᓪᓕᖅ ᐱᑦᔪᑎᒃ, ᐊᑐᐃᓐᓇᖃᖕᖏᓂᕐᓴᐅᒪᑕ ᖃᓄᐃᖕᖏᓯᐊᕐᑐᓴᐅᓂᕐᒧᑦ ᐱᒍᑦᔨᐅᑎᐅᓲᑦ ᐃᓚᖏᓐᓂᒃ. ᖃᓂᒻᒪᓚᕆᑦᑐᖃᕐᐸᑦ ᑰᕕᑦ-19-ᒧᑦ, ᓄᓇᕕᒻᒥᐅᖅ ᖃᓂᒻᒪᑐᖅ ᐊᐅᓪᓚᑎᑕᐅᒋᐊᖃᕋᔭᕐᒪᑦ ᓯᕿᓂᕐᒧᑦ ᒪᒥᓴᕐᑕᐅᒋᐊᕐᑐᓗᓂ. ᑲᐴᑎᒃ ᖃᓂᒻᒪᕇᒃᑯᑎᑦᓯᐊᒍᒻᒪᑦ ᓄᓇᓕᒥᑕ ᐊᓯᐊᓄᑦ ᐊᐅᓪᓚᕆᐊᖃᕋᔭᕐᒪᑦ ᖃᓂᒻᒪᑐᖅ ᒪᒥᓴᕐᑕᐅᒋᐊᕐᑐᓗᓂ.

ᓄᓇᕕᒻᒥᓗ, ᓂᓐᓂᐅᕋᓚᐅᑎᓲᒍᑦᓱᑎᒃ ᐃᓪᓗᒥᐅᒍᖃᑎᒌᑦ, ᖃᓂᒻᒪᕈᐊᑑᓂᕐᓭᑦ ᐃᓚᒋᔭᐅᒻᒥᑎᓪᓗᒋᑦ (ᐃᓄᒻᒪᕇᑦ, ᐆᑦᑐᕋᐅᑎᒃᑲ). ᖃᓂᒻᒪᑐᖅ ᑰᕕᑦ-19-ᒧᑦ ᐱᔭᕆᐊᑦᑐᓯᒪᓂᕐᓴᐅᓂᐊᓕᕐᒪᑦ ᐊᓂᑦᑌᓕᒋᐊᖃᓯᒍᓂ ᓂᓐᓂᐅᕋᓚᐅᑎᔪᓃᓪᓗᓂ (ᐃᓪᓗᐊᕈᓰᑦ/ᖃᕆᐊᑦ ᐊᒥᒐᕐᑐᑦ, ᓯᓂᕝᕕᓭᓪᓗ), ᖃᓂᒻᒪᕈᐊᑑᓂᕐᓭᓗ ᐃᓪᓗᒥᐅᖃᑎᒋᔭᐅᒍᑎᒃ ᖃᓂᒻᒪᓂᐅᔭᕐᓂᓴᐅᒍᓐᓇᓱᑎᒃ. ᑲᐴᑎᒃ ᖃᓂᒻᒪᕇᒃᑯᑎᑦᓯᐊᒍᕗᖅ ᖃᓂᒻᒪᕈᐊᕐᓂᓴᐅᓲᓄᑦ.     

 

ᓱᒧᑦ ᑲᐱᔭᐅᔪᖃᕆᐊᖃᑉᐸ ?

ᐃᓄᓕᒫᑦ ᑲᐱᔭᐅᓯᒪᖁᔭᐅᕗᑦ, Moderna ᑲᐴᑎᒃ ᖃᓂᒻᒪᕇᒃᑯᑎᑦᓯᐊᒍᒻᒪᑦ ᑰᕕᑦ-19-ᒧᑦ (90-% ᐅᖓᑖᓅᕐᑐᒥᒃ ᖃᓂᒻᒪᕇᒃᑯᑎᑕᖃᕋᒥ). ᖃᓂᒻᒪᑎᑕᐅᑦᑌᓕᒋᐊᖃᕐᒪᑕ ᖃᓂᒻᒪᕈᐊᕈᑎᖃᑐᐃᓐᓇᕆᐊᓖᑦ ᑰᕕᑦ-19-ᒧᑦ, ᑌᒃᑯᐊᓗ ᐁᑦᑐᑑᑕᐅᓲᒥᒃ ᖁᐱᕐᕈᒥᒃ ᐁᑦᑐᑕᐅᓂᐅᔭᕐᓂᐹᑦ. ᑌᒣᒻᒪᑦ ᓯᕗᓪᓕᐅᔨᒐᑦᓭᑦ ᓇᓗᓀᕐᑕᐅᓯᒪᖃᑦᑕᖁᑦ ᑲᐱᔭᐅᕐᖄᖁᔭᐅᓯᒪᑦᓱᑎᒃ ᓄᓇᕕᒻᒥᐅᓕᒫᓂᑦ.

 

ᓱᓇᐅᕙᑦ ᓱᕐᕋᑕᐅᓯᒪᒍᑕᐅᓲᑦ ?

ᑲᐱᔭᕕᓂᖅ, ᐃᓱᕐᕆᖏᑦᑑᑫᓐᓇᕈᓐᓇᑐᖅ. ᑲᐱᔭᕕᓂᐅᓗᓂ ᐅᓪᓗᓂ ᐊᒥᓲᖕᖏᑐᓂ. ᐃᓱᕐᕆᖏᑦᑑᑫᓐᓇᓗᓂ ᐊᑦᑕᓇᕐᓯᓂᐅᔭᖕᖏᑲᓗᐊᕐᓗᓂ; ᑲᑉᐳᓕᕆᓗᓂ, ᓂᐊᖁᖕᖑᖃᑦᑕᓗᓂ, ᓴᓐᓂᖃᑦᑕᓗᓂ, ᑕᖃᒪᖃᑦᑕᓗᓂ ᐆᓇᑐᐃᓐᓇᕆᐊᖃᕐᓱᓂᓗ. ᑎᒥᒃ ᓱᕐᕋᑕᐅᓯᒪᑫᓐᓇᓲᒍᒻᒪᑦ ᓴᐴᓗᑦᓯᐸᓪᓕᐊᓕᕋᒥ ᖃᓂᒪᕇᒃᑯᑎᑦᓴᒥᒃ.

ᑲᐳᑎᒥᒃ ᓱᒃᑯᕈᑎᖃᑐᐃᓐᓇᕆᐊᓖᑦ ᐃᑭᑦᑐᐊᐱᐅᓲᑦ. 1,000,000 ᐃᓄᐃᑦ ᑲᐱᔭᐅᓐᓂᐸᑕ 11 ᓱᒃᑯᕈᑎᖃᑐᐃᓐᓇᕆᐊᓖᑦ. ᑲᐱᔭᐅᕋᑖᕐᓱᑎᒃ ᖃᐅᔨᔭᐅᒍᓐᓇᓱᑎᒃ ᒪᒥᓴᕐᑕᐅᒍᑎᑦᓴᖃᕐᓱᓂᓗ. ᑌᒣᒻᒪᑦ 15-ᒥᓂᑦ ᓈᑦᓯᐊᕆᔭᐅᒋᐊᖃᓲᒍᕗᑦ ᐊᓂᔪᖃᓚᐅᕋᓂ ᐋᓐᓂᐊᕕᒻᒥᑦ.

 

ᐊᑦᑕᓇᕐᔭᖏᓪᓛ ᑲᐴᑎᒃ ?

ᖃᓂᒻᒪᕇᒃᑯᑏᑦ ᑰᕕᑦ-19-ᒧᑦ ᑲᐴᑏᑦ ᐊᑦᑕᓇᑦᔭᖏᓪᓚᑦ. ᓱᕐᕋᑕᐅᓯᒪᓇᑫᓐᓇᓲᒍᒐᓗᐊᕐᓱᑎᒃ ᓱᒃᑯᑕᐅᓪᓚᕆᒍᑕᐅᓪᓗᐊᓯᒪᖕᖏᑐᑦ ᒪᒥᓴᕐᑕᐅᒍᑎᐅᒍᓐᓇᓱᑎᓪᓗ.

ᑲᐴᑎᒃ ᖃᐅᔨᓴᕐᑕᐅᖃᑦᑕᓯᒪᔪᖅ ᐊᓯᖏᑦ ᑲᐳᑏᑦ ᖃᐅᔨᓴᕐᑕᐅᒍᑎᒋᓲᖏᓐᓂᒃ ᖃᓂᒻᒪᕇᒃᑯᑎᓕᐊᒍᓲᑦ. ᐅᓪᓗᒥᒧᑦ, ᒥᓕᐊᓐᓃᑦᑐᑦ ᑲᐱᔭᐅᓯᒪᓕᕐᑐᑦ ᖃᓂᒻᒪᕇᒃᑯᑎᑦᓴᒥᒃ ᑰᕕᑦ-19-ᒧᑦ ᓯᓚᕐᔪᐊᒥᐅᒍᖃᑎᒌᑦ. ᓱᕐᖁᐃᓯᒍᑎᐅᒋᐊᓪᓚᓱᑎᓪᓗ ᑲᐴᑎᐅᑉ ᐊᑦᑕᓀᑦᑐᓯᐊᒍᓂᖓᓂᒃ.

 

ᓄᓇᕕᒻᒥ ᑲᐳᕐᑕᐅᖃᑦᑕᓂᖅ ᖃᓄᐃᓕᖓᕙ ?

ᑲᐴᑏᑦ ᑎᑭᑎᑕᕕᓃᑦ ᖃᖓᑦᑕᔫᒃᑯᑦ ᓄᓇᕕᒻᒧᑦ ᔭᓄᐊᕆ 16, 2021-ᒥ. ᔭᓄᐊᕆ 18-ᒥ ᐱᒋᐊᕐᓱᑎᒃ, ᖃᓂᒻᒪᕈᐊᕐᑑᓂᕐᓭᑦ ᖃᓂᒻᒪᕈᑎᖃᑐᐃᓐᓇᕆᐊᖃᕐᓂᓭᓪᓗ ᖃᓂᒪᓇᕐᒥᒃ ᑰᕕ-19-ᒧᑦ ᑲᐱᔭᐅᖃᑦᑕᓯᓚᐅᔪᕗᑦ ᓄᓇᓕᓐᓂ.

ᕕᐳᐊᕆ 8-ᒥ ᐱᒋᐊᕐᓗᑎᒃ, ᓄᓇᓕᓐᓂ ᐊᑦᔨᒌᖕᖏᑐᓂ ᐃᓄᓕᒫᑦ ᑲᐳᕐᑕᐅᓂᖃᓛᓕᕐᑐᑦ ᐃᓄᒻᒪᕇᑦ ᑲᐱᔭᐅᒍᒪᔪᓕᒫᑦ. ᖃᓂᒻᒪᕈᐊᕐᑑᓂᕐᓭᑦ ᑲᐱᔭᐅᒍᓐᓇᓯᐊᓛᕐᒥᔪᑦ.

ᓄᓇᓕᓐᓂ ᐊᑐᓂ ᐋᓐᓂᐊᕕᐊᐲᑦ ᑐᑭᓯᒪᑎᑦᓯᖃᑦᑕᓛᕐᑐᑦ ᑲᐱᔭᐅᓂᖃᓚᖓᓕᑐᐊᕐᐸᑦ (ᐅᓪᓗᖓᓂᒃ, ᓇᓃᓐᓂᓴᖓᓂᒃ, ᑲᖓᐅᓂᖓᓂᓪᓗ) ᑲᐱᔭᐅᖃᑦᑕᓛᕐᑐᓂᒃ. ᖃᐅᔨᑎᑕᐅᒻᒣᑐᖃᕐᓂᐸᑦ ᐊᑐᕐᑎᓂᒃ, ᐃᓄᓕᒫᑦ ᑲᐱᔭᐅᓂᖃᓕᑐᐊᕐᐸᑕ ᑲᐱᔭᐅᒍᓐᓇᓛᕐᑐᑦ ᓯᕗᓪᓕᐅᔨᒐᑦᓴᓕᐊᒍᓯᒪᔪᑦ ᑲᐳᕐᑕᐅᓯᒪᓕᕐᐸᑕ, ᕕᐳᐊᕆ 2021-ᒥ.

 

ᑲᐱᔭᐅᒋᐊᖃᓪᓗᑐᕐᐸᑦ ?

ᐊᐅᑲ, ᑲᐱᔭᐅᒍᒪᔪᑦ ᑭᓯᐊᓂ ᑲᐱᔭᐅᒍᓐᓇᑐᑦ ᓇᒻᒥᓂᖅ ᑐᑭᑖᕈᓐᓇᑐᓯ, ᑭᓯᐊᓂ ᑐᑭᓯᒪᔭᐅᒋᐊᖃᕐᐳᖅ ᓱᕐᕃᓂᖃᕈᓐᓇᒪᑦ ᐊᒥᓱᒻᒪᕆᓐᓂᒃ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐃᓘᓐᓀᓂᒃ ᑲᐱᔭᐅᖃᑦᑕᖁᔨᕗᑦ.