ᐃᒻᒥᓂᐊᕐᑎᓯᑦᑌᓕᓂᕐᒧᑦ ᐱᓇᓱᐊᕈᓯᖓ

ᑖᓐᓇ ᓄᐃᑕᑎᑦᓯᕕᒃ ᐃᓱᒪᑖᕈᑎᑦᓴᓂᑦ ᐃᓗᓕᓕᒃ ᐃᑲᔪᕐᓯᒍᓐᓇᑐᓂᓗ ᐃᓕᓐᓂᒃ ᓄᓇᓕᓐᓂᓗ ᖃᓄᕐᑑᕆᐊᕈᑎᖃᕐᓗᓯ ᐃᒻᒥᓂᐊᕐᑎᓯᑦᑌᓕᒪᓇᐅᑎᓪᓗᒍ. ᑖᓐᓇ ᑐᑭᓯᒪᔭᐅᑎᑦᓯᒍᑎᒃ ᐃᑲᔪᕐᓯᔪᖅ ᐊᔪᐃᓐᓇᕈᑎᒋᔭᐅᔪᓂᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᓄᑦ ᐱᓇᓱᖃᑎᕗᓐᓄᓗ ᐊᕐᕌᒍᓕᒫᒥ ᓄᐃᑦᓯᒐᓱᓐᓂᒧᑦ ᐊᑦᑕᓀᑦᑐᒥᓐᓂᒧᑦ ᐃᒻᒥᓂᐊᕐᓂᒧᑦ ᓄᓇᓕᓐᓂ.

ᓇᐅᓕᒫᓂᒃ ᑐᓴᐅᒪᑎᑦᓯᒍᑏᑦ:

ᓄᓇᓕᓕᒫᓂ ᓇᐅᓕᒫᓂᒃ ᑐᓴᐅᒪᑎᑦᓯᒍᑏᑦ ᓄᐃᑕᐅᓯᒪᕗᑦ ᑐᕌᒐᖃᕈᑕᐅᑦᓱᑎᒃ ᓄᓇᕕᒻᒥᐅᓂᒃ ᐃᑲᔪᕈᒪᓂᕐᒥᒃ ᐊᑦᑕᓇᕐᓯᑐᐃᓐᓇᕆᐊᖃᕐᑐᓂᒃ ᓴᐳᑦᔨᒍᑎᑦᓴᖏᓐᓂᒃ, ᓇᐅᓕᒫᓄᓪᓗ ᖃᐅᔨᒪᔭᐅᑎᑦᓯᒍᓐᓇᓂᖏᓐᓂᓗ ᓱᓇᐅᒻᒪᖔᑕ ᐃᑲᔪᕐᑕᐅᕕᑦᓭᑦ.

ᐊᑦᔨᒌᖕᖏᑑᕗᑦ ᐃᑲᔪᕐᓯᒍᑎᑦᓭᑦ:

  • ᓄᐃᑕᐅᒋᐊᓪᓚᓛᕐᑐᖅ ᐃᑲᔪᕐᑕᐅᕕᑦᓴᖅ Reach Out Nunavik Facebook Page:  ᖃᐅᔨᒪᔭᐅᑎᑦᓯᕕᐅᑦᓱᓂᓗ ᐃᑲᔪᕐᑕᐅᒍᑎᑦᓴᓂᒃ ᐅᖃᐅᓯᑦᓴᓯᐊᕐᑕᖃᕐᓱᓂᓗ;
  • ᐊᑭᓐᓇᒥᐅᑕᓂᒃ ᐊᓪᓚᓯᒪᔪᕐᑕᓕᓐᓂᓗ ᑎᑭᑎᑦᓯᕕᐅᓛᕐᑐᑦ ᖁᓕᓪᓗ ᓯᑕᒪᓪᓗᐃᑦ ᓄᓇᓖᑦ, ᐃᕐᙯᑎᑦᓯᒋᐊᕈᑎᓂᒃ ᐃᑲᔪᕐᑕᐅᕕᑦᓭᑦ ᐊᑐᐃᓐᓇᐅᓂᖏᓐᓂᒃ;
  • ᓄᓇᓕᒻᒥ ᖃᐅᔨᒋᐊᕐᕕᐅᒍᓐᓇᑐᑦ ᓇᓪᓕᑳᕐᑕᐅᓯᒪᔪᑦ ᓄᓇᕕᒻᒥ ᐃᓱᒪᑦᓴᓯᐅᕐᕕᓴᐅᓗᑎᒃ ᖃᐅᔨᒪᔭᐅᑎᑦᓯᔪᑦᓴᐅᓗᑎᓪᓗ ᓇᐅᓕᒫᓄᑦ ᑐᓴᐅᒪᔭᐅᒋᐊᓕᓐᓂᒃ ᓄᓇᓕᓐᓂ ᐊᑐᓂ;
  • ᓀᓈᕐᑎᑐᑦ ᑕᑯᓐᓇᕋᑦᓴᓕᐊᕕᓃᑦ ᐃᓄᐃᑦ ᐱᒻᒪᕆᖁᑎᖏᓐᓅᓕᖓᔪᑦ, ᐃᓕᕐᖁᓯᖓᓘᓕᖓᔪᐃᓪᓗ ᑐᕌᒐᖃᕈᑕᐅᑦᓱᑎᓪᓗ ᓂᕆᐅᓐᓇᑐᖃᕈᓐᓇᓂᕐᒥᒃ ᓄᐃᑕᐅᒋᐊᕕᑦᑐᑦ;
  • ᐱᓇᓱᖃᑎᖃᕐᐸᓕᐊᓂᖅ ᓄᓇᓕᓕᒫᓂ ᐱᓇᓱᕝᕕᓂᒃ ᐃᑲᔪᕈᑎᑦᓴᓂᓪᓗ ᑐᓴᐅᒪᔭᐅᒋᐊᓕᓐᓂᒃ ᑐᓴᐅᔭᒪᐅᑎᑦᓯᓯᐊᕈᒪᒧᑦ;
  • ᐊᓯᖏᓪᓗ

ᑐᓴᐅᒪᖃᑎᒌᑦᓯᐊᕆᐊᖃᕐᐳᒍᑦ ᑐᑭᓯᒪᖃᑎᒌᑦᓯᐊᓚᖓᒍᑦᑕ ᐃᒻᒥᓂᐊᕐᓂᒨᓕᖓᔪᓂᒃ ᐃᑯᓪᓚᑎᒋᐊᓚᖓᒍᑦᑎᒍᓪᓗ. ᑕᒪᓐᓇ ᓇᐅᓕᒫᓄᑦ ᑐᓴᐅᒪᔭᐅᑎᑦᓯᓂᖅ ᐊᑕᐅᓯᐅᓕᖓᑎᑦᓯᒍᑎᐅᒍᒪᕗᖅ ᑲᔪᓯᓂᖃᑦᓯᐊᖁᑦᓱᒋᑦ ᐃᑲᔪᕐᓯᒍᓐᓇᑐᑦ ᐊᑐᐃᓐᓇᐅᔪᑦ ᐊᒻᒪᓗ ᐃᓱᒪᒋᔭᖃᕈᑎᑦᓯᐊᒍᑦᓱᓂ ᐱᒻᒪᕆᐅᒋᐊᖓᓂᒃ ᐱᓇᓱᖃᑎᒌᒋᐊᖃᕐᓂᐅᑉ ᐃᑯᓪᓚᑎᑦᓯᒋᐊᑦᓯᐊᕈᒪᓂᕐᒧᑦ.

ᑐᓴᐅᑎᒃᑯᑦ ᓂᑦᔮᔪᑦᓴᖅ: ᐃᓅᓯᖅ ᐅᖁᒣᑦᑐᓕᕐᐸᑦ, “ᙯᓯᒪᒍᓐᓇᖁᒍᑦ.” ᐃᓄᒃᑎᑐᑦ ᐅᖄᔪᑦ ᑐᓴᐅᑎᒃᑯᑦ ᓂᑦᔭᑎᑕᐅᔪᑦᓭᑦ ᑐᑭᓯᓇᑲᓪᓚᑐᑦ ᐅᖃᐅᓯᖏᑦ ᐃᑲᔪᕐᓯᒍᓐᓇᓱᑎᑦ ᐊᑦᑕᓇᕐᑐᒦᑐᐃᓐᓇᕆᐊᓕᓐᓂᑦ ᐃᓄᓐᓂᒃ ᓂᕆᐅᓂᑦᓴᓯᐊᖃᕐᑎᓯᑦᓱᑎᓗ. ᖃᕆᑕᐅᔭᒥᑦᑐᑦ ᐁᓗᒋᑦ mp3 ᓂᑦᔮᑎᓗᒋᑦ ᑐᓴᐅᑎᒥ ᓱᖃᑦᓯᓂᖃᕐᑎᓯᓂᓗᓐᓃᑦ.

ᐊᑭᓐᓇᒥᐅᑕᖅ: Check out soon in public places the new poster a part of the suicide prevention campaign.

ᐃᓕᓐᓂᐊᕕᓐᓄᑦ: ᐊᒥᓲᓕᕐᑎᓗᒍ ᑐᐱᖅ ᑕᐅᑦᑐᓕᐅᒐᖅ ᐃᓕᓐᓂᐊᑏᑦ ᓇᓗᓀᕐᓯᖁᓗᒋᑦ “ᐅᔭᕋᕐᓂᑦ” ᐃᓅᓯᕐᒥᓂᑦ.

ᑮᓇᐅᔭᖃᕐᑎᓯᒍᑏᑦ ᓄᓇᓕᒻᒥ ᓱᖃᑦᓯᓂᖃᕐᑎᓯᓂᕐᓄᑦ: ᑮᓇᐅᔭᕐᑑᑎᑦᓴᑖᕈᓐᓇᖁᑦ $1000ᓄᑦ ᑎᑭᑦᑐᓂᑦ ᐊᑐᓂ ᓄᓇᓖᑦ ᓱᖃᑦᓯᑎᑦᓯᒍᑎᖃᕐᓂᒧᑦ ᐅᕝᕙᓗᓐᓃᑦ ᓄᓇᓕᒻᒥ ᐱᓇᓱᑦᑕᐅᔪᒥᒃ ᐃᒻᒥᓂᐊᕐᑎᓯᑦᑌᓕᓂᕐᒧᓕᖓᔪᓂᑦ ᑕᕐᕿᖓᓂ ᕕᕈᐊᕆᒥ.

ᐅᖄᒍᑎᖃᕐᓂᖅ ᐃᒻᒥᓂᐊᕐᑎᓯᑦᑌᓕᓂᕐᒥᒃ: ᑲᓇᑕᓕᒫᒥ ᑐᖕᖓᕕᒋᔭᐅᔪᖅ 2018ᒥ ᐃᒻᒥᓂᐊᕐᑎᓯᑦᑌᓕᓂᕐᒥ ᐱᓇᓱᐊᕈᓯᖓᓂ “ᐅᖄᒍᑎᖃᕐᓂᖅ ᐃᒻᒥᓂᐊᕐᓂᒥᒃ ᐃᓅᓯᕐᓂ ᐊᓐᓇᑐᐃᕗᖅ”. ᑕᑯᒋᐊᒃᑭᑦ ᐃᑲᔪᕐᓯᒍᑎᑦᓴᓕᐊᕕᓂᕗᑦ ᐅᖄᒍᑎᖃᑦᓯᐊᓂᕐᒧᓕᖓᔪᑦ ᐃᒻᒥᓂᐊᕐᑌᓕᑎᑦᓯᓂᕐᒥᒃ ᑐᓴᐅᑎᒃᑯᑦ ᐅᕝᕙᓗᓐᓃᑦ ᑭᓇᓕᒫᒃᑯᑦ ᑲᑎᒪᖃᑎᒌᑦᑎᓗᒋᑦ:

ᓇᐅᓕᒫᓄᑦ ᑐᓴᐅᒪᖃᑎᒌᒍᑏᑦ: ᓃᓂᕐᓗᒍ “Like” Nunavik Regional Board of Health and Social Services ᕓᔅᐳᒃᖓᓂ, ᐊᒻᒪᓗ Reach Out Nunavik  ᕓᔅᐳᒃᖓ, ᓇᐅᓕᒫᓄᓗ ᑕᑯᔭᐅᓂᐊᕐᒪᑦ ᓃᓂᕐᓗᒍ share ᐃᒻᒥᓂᐊᕐᑎᓯᑦᑌᓕᓂᕐᒧᓕᖓᔪᑦ!

ᖃᐅᔨᒋᐊᕈᒪᒍᕕᑦ ᐃᒻᒥᓂᐊᕐᑎᓯᑦᑌᓕᓂᕐᒥᒃ:


ᓄᓇᕕᒻᒦᑐᐃᑦ ᐃᑲᔪᕐᓯᒍᓐᓇᑐᑦ

ᐃᓗᓯᓕᕆᓂᖅ ᐃᓄᓕᕆᓂᕐᒥᓗ ᐱᒍᑦᔨᕕᒃ:  819 ###-9090

ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᑦ ᐃᓄᐃᑦ ᐱᒻᒪᕆᖁᑎᖏᑦ ᐱᐅᓯᖏᓪᓗ ᐱᓇᓱᖃᑎᒌᑦᑐᑦ:

  • ᐅᖄᒍᓐᓇᖁᑎᑦ ᐃᑲᔪᕐᑎᒧᑦ, ᑫᕙᓪᓚᒍᓯᖏᑦ 9ᒥ ᐅᓪᓛᑯᑦ 5ᒧᑦ ᕿᑎᕋᓕᕇᒧᑦ: 1 877-686-2845
  • ᑐᑦᓯᕋᕈᓐᓇᖁᑎᑦ ᒪᒥᓴᕐᓂᖃᖁᔨᓗᑎᑦ ᑭᑦᓴᓂᕐᒧᑦ ᐃᓓᕐᓂᒧᓗ ᑲᑎᒪᓂᐊᕈᓯᕐᒥᒃ ᓄᓇᓕᓐᓂ: 1 844-964-2222 x318

24/7 ᐅᖄᓚᐅᑎᖓ ᐃᑲᔪᕐᓯᒍᓐᓇᑐᑦ:

  • ᑲᒪᑦᓯᐊᖅᑐᖅ ᐅᖄᓚᐅᑎᖓ: 1-800-265-3333 (ᖃᓪᓗᓈᑎᑐᑦ / ᐃᓄᒃᑎᑐᑦ)
  • ᓄᓇᖃᕐᖄᓯᒪᔪᐃᑦ ᐃᓄᐃᓪᓗ ᓯᕗᓂᑦᓴᖃᑦᓯᐊᕐᓂᒧᑦ ᓂᕆᐅᓐᓂᒃ ᐅᖄᓚᐅᑎᖓ ᐃᑲᔪᕐᓯᔪᕐᓯᒍᓐᓇᑐᑦ: 1-855-242-3310
  • ᐱᐊᕃᑦ (ᑲᒃᑲᓛᑦ) ᐃᑲᔪᕐᑕᐅᕕᖓ ᐅᖄᓚᐅᑎᖓ: 1-800-668-6868 www.kidshelpphone.ca (ᖃᓪᓗᓈᑎᑐᑦ / ᒍᐃᒍᐃᑎᑐᑦ)

ᑐᑦᓯᕋᕐᓗᑎᑦ ASIST ᐅᕝᕙᓗᓐᓃᑦ SafeTALK ᐃᓕᓐᓂᐊᑎᑕᐅᒍᒪᓗᑎᑦ, ᐅᖄᕕᖃᕆᑦ:

  • ᑐᑭᒧᐊᑦᑎᓯᔨᒃ ᐃᒻᒥᓂᐊᕐᑎᓯᑦᑌᓕᓂᕐᒧᑦ ᐅᕙᓂ 819-964-2222 x280
  • ᐃᒻᒥᓂᐊᕐᑎᓯᑦᑌᓕᓂᕐᒧᑦ ᐱᓇᓱᑦᑎᒃ ᑕᓯᐅᔭᕐᔪᐊᒥ ᐅᕙᓂ 819-254-8104