ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᑦ ᐊᐅᓚᔪᒻᒪᕆᐅᕗᑦ ᐃᓄᓐᓂ ᐊᕐᕌᒍᓕᒫᑉ ᐃᓗᐊᓂ. ᓄᓇᕕᒻᒥ ᐃᓗᓯᓕᕆᔨᒃᑯᑦ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᖏᑦ ᓇᐅᑦᓯᑐᐃᓐᓇᓲᖑᕗᑦ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᓂᒃ ᐊᕐᕌᒍᓕᒫᒥ, ᐃᓚᒋᔭᐅᑎᓪᓗᒍ Covid-19 ᖃᓂᒪᕐᔪᐊᓇᖅ, ᓄᕙᕐᔪᐊᓇᖅ ᐳᕙᒃᑯᓗ ᐃᒻᒪᓚᕿᒍᑎᐅᒍᓐᓇᑐᖅ ᖁᐱᕐᕈᑯᓗᒃ (RSV). ᑕᒪᓐᓇ ᓇᐅᑦᓯᑐᐃᓂᖅ ᑲᐅᔨᒪᒍᑕᐅᓲᖅ ᖃᓄᓪᓗᐊᑎᒋᒃ ᑕᒪᒃᑯᐊ ᖁᐱᕐᕈᑯᓗᐃᑦ ᐊᐅᓚᑎᒋᒻᒪᖔᑕ ᓯᓚᐅᑉ ᐊᓯᑦᔨᑕᕐᓂᖏᑦ ᒪᓕᑦᓱᒋᑦ, ᑐᓴᐅᒪᑎᑦᓰᓇᕐᐸᓱᑎᓪᓗ ᐃᓄᓐᓂᒃ ᐊᖑᒻᒪᑎᑦᓯᐊᑐᓂᒃ ᖃᐅᔨᒪᔭᐅᒋᐊᓕᓐᓂᒃ ᖃᓄᓪᓗᐊᑎᒌᓕᕐᒪᖔᑕ ᖃᓂᒻᒪᓐᓇᐅᒍᓐᓇᑐᐃᑦ ᓄᓇᕕᒻᒥ. ᐅᐸᓗᙰᕐᓯᒪᑦᓯᐊᒪᕆᒋᐊᖃᕐᑐᒍᑦ ᐃᑉᐱᒍᓱᑦᓯᐊᓗᑕᓗ ᑕᒪᒃᑯᐊ ᐳᕙᓐᓄᑦ ᖁᐱᕐᕆᕈᑎᐅᒍᓐᓇᑐᑦ ᐃᕐᐸᓗᐊᕐᑎᑌᓕᒐᓱᐊᕐᓗᒋᑦ.
ᓄᓇᕕᒻᒥ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᓂᒃ ᖃᕆᑕᐅᔭᒃᑯᑦ ᑲᒪᐅᑎᒃ
ᓄᓇᕕᒻᒥ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᓂᒃ ᑲᕆᑕᐅᔭᒃᑯᑦ ᑲᒪᐅᑎᒃ ᐊᑐᐃᓐᓇᐅᑎᑦᓯᓯᐊᕐᑐᖅ ᐊᖑᒻᒪᑎᑦᓯᐊᑐᓂᒃ ᖃᐅᔨᒪᔭᐅᒍᑎᑦᓴᖏᓐᓂᒃ COVID-19 ᖃᓂᒪᕐᔪᐊᓇᖅ, ᓄᕙᕐᔪᐊᓇᖅ ᐳᕙᒃᑯᓗ ᐃᒻᒪᓯᒪᒍᑕᐅᒍᓐᓇᑑᑉ ᐊᓯᖏᓐᓂᓗ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᓂᒃ ᓄᓇᕕᒻᒥ.
ᓄᓇᕕᐅᑉ ᓄᓇᖕᖑᐊᖓ ᑕᑯᑦᓴᐅᑎᑦᓯᔪᖅ ᓄᑖᖑᓂᕐᐹᓂᒃ ᓄᓇᑎᒍᑦ ᐃᕐᐸᓯᒪᑎᒋᓂᖓᓂᒃ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᐃᑦ, ᐊᑐᕐᓱᒍ ᐊᑦᑕᓇᕐᑐᒦᑦᑎᒋᓂᕐᒥᒃ ᓇᓗᓀᒃᑯᑕᖅ ᑕᐅᑦᑐᓕᑦᑎᒍᑦ ᐳᕕᕐᑕᔫᖑᔭᐅᓪᓗ ᐊᖏᑎᒋᓂᖏᑦᑎᒍᑦ, ᑐᑭᓯᒪᒍᑕᐅᒍᓐᓇᓱᑎᒃ ᐳᕙᒻᒥ ᖁᐱᕐᕈᑯᓘᑉ ᐊᐅᓚᑎᒋᓂᖓᓂᒃ ᐊᑐᓂ ᓄᓇᓕᓐᓂ. ᐃᕕᑦᓱᑲᐅᔭᖅ ᐊᑦᑕᓇᓪᓗᐊᖏᓐᓂᐹᖅ, ᖁᕐᓱᑕᖅ ᐊᑦᑕᓇᓪᓗᐊᖏᑦᑐᖅ ᐊᐅᐸᓛᖓᔪᕐᓗ ᐊᑦᑕᓇᕐᓂᐸᐅᑎᓪᓗᒍ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑑᑉ ᐃᕐᐸᕈᓇᐅᓂᕐᐸᐅᓂᖓᓄᑦ ᓄᓇᓕᒻᒥ. ᑕᓕᕐᐱᐊᓂ ᑐᑭᓯᑎᑦᓯᒍᑎᒃ ᓄᐃᑕᑎᑦᓯᔪᖅ ᑕᑯᔭᐅᓯᒪᔪᓂᒃ ᓱᕐᕋᐸᓕᐊᓂᐅᓯᒪᔪᓂᒃ 12-ᓂ ᑕᕐᕿᓂ ᓈᔪᓂ ᓄᓇᕕᒻᒥ ᐅᕝᕙᓗᓐᓃᑦ ᓄᓇᓕᓐᓂ ᓇᓗᓀᕐᑕᐅᔪᓂ ᖄᖓᓂᕐᓯᐹᖓᓃᑦᓱᑎᒃ.
ᑕᒪᒃᑯᐊ ᑐᑭᓯᑎᑦᓯᒍᑏᑦ ᓄᐃᑕᑎᑦᓯᔪᑦ ᐅᓪᓗᒥᐅᔪᖅ ᖃᓄᐃᓕᖓᓕᕐᓂᒥᒃ ᐊᓯᑦᔨᐸᓪᓕᐊᓂᐅᔪᓂᓪᓗ. ᐊᐅᓚᑦᔭᑕᐅᒪᑐᐃᓐᓇᕆᐊᓕᒃ ᐊᓯᑦᔨᖃᑦᑕᓂᖓᓄᑦ ᐳᕙᒃᑯ ᖁᐱᕐᕆᕈᑎᐅᒍᓐᓇᑐᓂᒃ ᓇᐅᑦᓯᑐᐃᓂᐅᑉ ᓱᓇᒥᑦᓯᖏᓚᕿᔪᖅ ᐊᑦᑕᓇᕐᑐᒦᒍᓐᓇᓂᐅᑉ ᕿᒥᕐᕈᔭᐅᒍᑎᖏᓐᓂᒃ.
ᐊᔪᖀᒋᐊᕈᑎᒃ ᐃᓕᖓᔪᖅ ᐊᑦᑕᓇᕐᑐᒦᓚᕿᑐᐃᓐᓇᕆᐊᖃᕐᓂᒧᑦ ᐳᕙᒃᑯᑦ ᖁᐱᕐᕆᕈᑕᐅᒍᓐᓇᑐᐃᑦ ᐃᕐᐸᓂᖓᓄᑦ
ᓴᐳᑎᓯᒪᑦᓯᐊᕈᒪᒍᕕᑦ ᐃᓚᑎᓐᓂᓗ ᐳᕙᒃᑯᑦ ᖁᐱᕆᓚᕿᒍᒪᖕᖏᒧᑦ, ᖃᓄᐃᖕᖏᓯᐊᕈᑕᐅᒍᓐᓇᑐᓂᒃ ᐊᑑᑎᑦᓯᐊᖏᓐᓇᓕᒫᕆᑦ. | |
ᖁᐃᕐᑐᕈᑎᖃᑦᓯᐊᓗᑎᑦ: ᖁᐃᕐᑐᖃᑦᑕᓗᑎᑦ ᑕᒋᐅᑦᓴᖃᑦᑕᓗᑎᓪᓗᓃᑦ ᐃᑯᓯᑉᐱᑦ ᐃᓗᐊᓄᑦ, ᑲᒃᑭᒍᑎᑦᓴᔭᒧᑦ ᑲᒃᑭᖃᑦᑕᓗᑎᑦ, ᐊᒡᒐᑎᑦ ᐃᕐᕈᑐᑦᓯᐊᖏᓐᓇᓕᒫᖃᑦᑕᓗᒋᑦ, ᑮᓀᓪᓗ ᒥᓕᑦᓯᒪᖃᑦᑕᓗᒍ ᐳᕙᒃᑯᑦ ᖁᐱᕐᕆᓯᒪᓂᐊᖕᖑᓇᕐᑐᓂᒃ ᒪᓗᓐᓇᐅᑎᖃᕈᕕᑦ. ᑲᐱᔭᐅᒪᓂᖅ ᓴᐴᓗᑕᑦᓯᐊᖑᓂᕐᐸᐅᕗᖅ ᐳᕙᒃᑯᑦ ᖁᐱᕐᕆᒃᑯᑎᐅᒐᒥ. ᖃᐅᔨᒪᒐᓱᐊᑦᓯᐊᕆᑦ ᑲᐱᔭᐅᒪᓃᑦ ᐊᖑᒻᒪᑎᓯᒪᑦᓯᐊᕋᓗᐊᕐᒪᖔᑦ ᐅᓪᓗᒥ. ᑕᑯᔭᑦᓴᐅᒍᒪᓗᑎᑦ ᐃᓂᓕᐅᕐᑕᐅᒍᒪᒋᑦ ᑲᐱᔭᐅᓗᑎᓪᓗ ᓄᓇᓕᑦᓯᑦ ᐋᓐᓂᐊᕕᐊᐱᖓᓂ. | |
ᐊᑦᑕᓇᓪᓗᐊᖏᓐᓂᐹᖅ, ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᐃᑦ ᐊᐅᓚᓪᓗᐊᖏᑦᑐᑦ ᐊᐅᓚᖕᖏᑐᓪᓘᓃᑦ | ᖃᓄᐃᖕᖏᓯᐊᕈᑕᐅᒍᓐᓇᑐᓂᒃ ᐊᑑᑎᑦᓯᐊᖏᓐᓇᓕᒫᕆᑦ. ᐱᔭᕆᐊᑭᑦᑐᐊᐲᑦ ᐊᑑᑎᑦᓱᒋᑦ ᐃᑯᓪᓚᑎᑦᓯᒍᓐᓇᑐᑦ:
|
ᐊᑦᑕᓇᓪᓗᐊᖏᑦᑐᖅ, ᐊᐅᓚᓪᓗᐊᖏᑦᑐᑦ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᑦ | ᐃᑉᐱᒍᓱᑦᓯᐊᕆᑦ ᖃᐅᔨᒪᒐᓱᐊᑦᓯᐊᖏᓐᓇᓕᒫᕐᓗᑎᓪᓗ ᒪᓗᓐᓇᐅᑎᖃᕈᕕᑦ ᖃᓂᒪᒍᕕᓪᓘᓃᑦ:
|
ᐊᑦᑕᓇᕐᓂᐹᖅ, ᐊᐅᓚᔪᒻᒪᕆᐊᓘᕐᑕᓕᒃ ᐳᕙᒃᑯᑦ ᖁᐱᕐᕆᕈᑎᐅᒍᓐᓇᑐᓂᒃ | ᐃᑉᐱᒍᓱᑦᓯᐊᒪᕆᐊᓗᒋᑦ, ᐱᓗᐊᕐᑐᒥᒃ ᐃᓄᐃᑦ ᐊᑦᑕᓇᕐᑐᒦᑐᐃᓐᓇᕆᐊᓖᑦ ᓴᓂᐊᓂ (ᐃᓄᑐᙯᑦ, ᐱᐊᕋᑦᓴᓖᑦ, ᑎᒥᒥᒍᑦ ᖃᓂᒪᓐᓇᒥᒃ ᐹᒍᑎᖃᑦᓯᐊᖏᑦᑐᑦ, ᐊᓐᓂᐊᒪᕆᓖᑦ, ᐱᐊᕌᕈᐊᐱᓪᓗ)
ᖃᓂᒪᒍᕕᑦ ᐊᑦᑕᓇᕐᑐᒦᑐᐃᓐᓇᕆᐊᖃᑦᑐᓴᔭᐅᒍᕕᓪᓗ, ᖃᐅᔨᑎᑦᓯᓴᐅᑎᒋᒋᑦ ᐋᓐᓂᐊᕕᒻᒥᒃ ᑲᒪᒋᔭᐅᓂᐊᕋᕕᑦ ᓄᕙᕙᕐᔪᐊᕈᕕᑦ COVID-19-ᖃᕈᕕᓪᓘᓃᑦ |
| |
