ᑯᐯᓕᒫᒥ ᖃᓂᒪᓇᖅ ᐃᕐᐸᓯᒪᓂᕋᕐᑕᐅᓕᓚᐅᔪᒻᒪᑦ ᑌᒪᖕᖓᑦ ᐱᕙᓪᓕᐊᔭᐅᒍᑕᐅᕙᒻᒪᑦ, ᓄᓇᕕᒻᒨᖃᑦᑕᓃᑦ ᖃᓪᓗᓈᓂᑦ ᐱᔪᓄᑦ ᒪᓕᒐᓕᐅᕐᑕᐅᒋᐊᓪᓚᓕᓚᐅᔪᒻᒥᒪᑕ ᐊᑑᑎᔭᐅᖃᑦᑕᓚᖓᔪᓂᒃ ᔭᓄᐊᕆ 9ᒥᑦ, 2021-ᒥ, ᐃᓱᓕᓂᖃᕈᒫᕐᓂᐊᑎᓪᓗᒋᑦ ᕕᕗᐊᕆ 8ᒥ, 2021ᒥ. ᑌᒃᑯᐊ ᔭᓄᐊᕆ 9ᒍᓚᐅᕐᑎᓇᒍ ᓯᕗᓪᓕᒥ ᒪᓕᒐᓕᐅᕐᑕᐅᓯᒪᐅᑎᐅᓚᐅᔪᑦ ᐊᑑᑎᔭᐅᒋᐊᓪᓚᓚᖓᔪᑦ.
ᕕᕗᐊᕆ 8, 2021 ᐱᒋᐊᕐᕕᒋᓗᒍ, ᓄᓇᕕᐅᑉ ᓯᓚᑖᓄᑦ ᓇᓗᓀᕐᑕᐅᓯᒪᐅᑎᓄᑦ ᑭᓯᐊᓂ ᓇᓗᓀᕐᑕᐅᒪᔪᐃᑦ ᐊᐅᓪᓚᕈᓐᓇᑎᑕᐅᓚᖓᔪᑦ, ᓄᓇᕕᓕᐊᕈᓐᓇᑎᑕᐅᓂᕐᒧᑦ ᐊᖏᕐᑕᐅᓯᒪᔪᐃᑦ ᑭᓯᐊᓂ ᐅᑯᐊ (https://nunavik.canvas.kc-c.ca/ntaa):
- ᓄᓇᕕᒻᒥ ᓄᓇᓯᒪᓪᓚᕆᑦᑐᐃᑦ;
- ᓄᓇᕕᒻᒥ ᓄᓇᓯᒪᓪᓚᕆᖕᖏᑲᓗᐊᕈᑎᒃ ᐃᓚᐅᔪᐃᑦ (ᐃᓚᖏᓪᓗ ᐆᒪᑎᒐᓱᐊᕐᑕᖏᑦ) ᐃᓚᖃᕐᓱᑎᒃ ᓄᓇᕕᒻᒥᐅᓂᒃ;
- ᐃᓗᓯᓕᕆᔭᐅᒋᐊᕐᑐᓗᑎᒃ ᐋᓐᓂᐊᓯᐅᕐᑕᐅᒋᐊᕐᑐᒋᐊᓖᒃ ᐋᓐᓂᐊᑎᐅᕐᑎᓄᑦ ᑕᑯᔭᐅᒋᐊᕐᑐᒋᐊᓖᑦ;
- ᐱᓇᓱᑦᑏᑦ ᐅᕝᕙᓘᓐᓃᑦ ᐱᓇᓱᒋᐊᕐᑐᒋᐊᓖᑦ ᓄᓇᕕᒻᒥ;
- ᓈᒃᑭᒍᓱᓐᓂᑯᑦ ᐊᐅᓪᓚᕈᓐᓇᑎᑕᐅᔪᐃᑦ;
- ᑭᖕᖑᒪᓇᕐᑐᓂᒃ ᐊᐅᓪᓚᑎᑦᓯᔩᑦ ᐅᕝᕙᓘᓐᓃᑦ ᐊᓂᕐᑎᕆᔪᓕᒫᑦ ᐃᓄᐃᑦ ᓄᓇᓕᓕᒫᓂ;
- ᐊᐅᓪᓚᕆᐊᓖᑦ ᐃᕐᖃᑐᐃᕕᒻᒧᑦ ᑐᑭᑖᕈᑕᐅᓯᒪᓂᕐᒥᒍᑦ ᒪᓕᒐᓕᐅᕐᑕᐅᓯᒪᔪᐃᑦ;
- ᐱᓇᓱᑦᑏᑦ ᐃᓚᖏᑦ, ᐱᓇᓱᑦᑎᒧᑦ ᑲᒪᒋᔭᐅᔪᐃᑦ ᓄᓇᕕᒻᒥᐅᒍᓪᓚᕆᑦᓱᑎᒃ.