"ᖃᓄᐃᓘᕈᑎᖃᕆᐊᓚᐅᕐᑕ ᑐᑭᓯᓂᐊᕋᑦᑕ ᑐᑭᖓᓂᒃ "
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᖅ ᐃᓅᓯᕐᒥᒃ ᐊᓕᐊᒋᔭᖃᕈᓐᓇᓂᖅ, ᓇᒻᒥᓂᖅ ᐅᑉᐱᕆᔭᖃᕐᓂᖅ, ᐃᓅᖃᑎᖃᑦᓯᐊᕈᓐᓇᓂᖅ ᐊᓯᒥᓂᒃ, ᐃᑲᔪᕐᓯᓂᖅ ᓄᓇᓕᓐᓂᒃ, ᐅᖁᒣᑦᑐᑰᓕᕈᓂ ᐊᓂᒎᑎᒍᓐᓇᓂᖅ, ᐃᑲᔪᕐᓯᔭᐅᓂᕐᓗ ᐅᖁᒣᑦᑐᑰᓕᕈᓂ.
ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᕐᓯᒪᕗᑦ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᖅ "ᓇᒻᒥᓂᖅ ᑕᑯᓐᓇᓂᖓ ᐊᒻᒪᓗ ᓇᒻᒥᓂᖅ ᐅᐱᒍᓱᓐᓂᖅ ᐃᓚᖃᕐᑎᓗᒋᑦ ᓭᒪᓂᕐᒥᒃ ᑎᒥᒃᑯᑦ, ᐃᑉᐱᓂᐊᕐᓂᑯᑦ, ᐃᓱᒪᒃᑯᑦ, ᐅᑉᐱᓂᒃᑯᑦ ᐊᒻᒪᓗ ᐃᓗᕐᕈᓯᒥ ᑭᓇᐅᓂᖓ." (ᐃᓄᓐᓅᓕᖓᔪᑦ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒧᓕᖓᔪᓂᑦ ᑐᖕᖓᕕᖏᑦ, 2001).
ᐊᑭᓐᓇᒥᐅᑕᖅ
2018 ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒥᒃ ᓄᐃᑕᑎᑦᓯᓂᕐᒥ ᐱᓇᓱᐊᕈᓯᖓᓂ ᐊᑭᓐᓇᒥᐅᑕᖅ ᐊᑦᔨᖑᐊᕐᑕᓕᒃ ᐃᓚᒌᓂᑦ ᐃᖃᓪᓕᐊᑐᓂᑦ ᓄᐃᑕᑎᑦᓯᓱᑎᑦ 8ᓂᑦ ᖃᓄᐃᓘᕈᑎᐅᒍᓐᓇᑐᓂᑦ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒧᓕᖓᔪᒥᒃ.
ᐅᐃᕆᒋᑦ!
ᓱᖃᑦᓯᒍᑏᑦ ᐅᑯᐊᑎᑐᑦ ᒪᙯᓐᓂᖅ, ᐆᒪᔪᕐᓂᐊᓂᖅ, ᐃᖃᓪᓕᐊᓂᖅ, ᓄᓂᕙᓐᓂᓗ ᐃᑲᔪᕐᓯᒪᕆᒃᑯᑦ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᒃ. ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒥᒃ ᑐᑭᓯᒪᔭᐅᖁᔭᕗᓐᓂᑦ ᐊᓪᓚᓯᒪᕗᒍᑦ ᐃᕿᐊᑦᑕᐅᑎᓂ. ᓄᓇᕕᒻᒥᐅᑦ ᐊᑕᐅᓯᕐᒥᒃ ᐁᑦᓯᒍᓐᓇᑐᑦ ᓄᓇᓕᒻᒥ ᖃᓄᐃᖕᖏᓯᐊᕐᓂᒥᑦ ᐱᓇᓱᑦᑎᒥ!
“ᖃᓄᐃᓗᕆᐊᒍᑎᖃᕆᑦ ᓇᕝᕚᓗᑎᑦ ᑐᑭᖓᓂᒃ” ᐊᑦᔨᓕᐊᕕᓂᕐᓂᑦ ᐱᓕᐅᑎᓂᖅ
ᒣ 7-13 ᐅᓪᓗᖏᓐᓂᑦ, ᑕᑯᑎᑎᒍᑦ ᖃᓄᖅ ᐃᓱᒪᑦᓯᐊᕆᐊᖃᕐᓂᓂᑦ ᑲᒪᒋᔭᖃᓱᖑᒻᒪᖔᕐᐱᑦ, ᑎᒥᓐᓂᑦ, ᐅᑉᐱᓂᕐᓂᑦ, ᐁᑉᐹᕆᓐᓂᑎᒍᓗ, ᓵᓚᖃᕈᓐᓇᖁᑎᑦ ᓯᕗᓪᓕᖓ ᓵᓚᖃᐅᑎᒃ ᐳᑑᕐᕆᑎᒃ; ᑐᖓᓕᐊᓂ ᐱᖓᔪᐊᓂᓗ ᓵᓚᖃᕈᑏᒃ ᐃᕐᖃᓴᐅᑏᒃ.
ᑕᑯᓂᐊᕆᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ Facebook -ᖓᓂᒃ ᑕᑯᓗᑎᓗ ᖃᓄᐃᓗᕆᐊᕈᑎᖃᕆᑦ ᓇᕝᕚᓗᑎᑦ ᑐᑭᖓᓂᒃ ᑐᑭᓯᒋᐊᑦᓯᐊᕕᒋᓗᒍ ᐃᓗᓕᖏᓐᓂᑦ.
ᑮᓇᐅᔭᖃᕐᑎᓯᓂᖅᑦ ᓄᓇᓕᒻᒥ ᓱᖃᑦᓯᒍᑎᐅᓚᖓᔪᓂᑦ
ᑮᓇᐅᔦᑦ ᐊᑐᐃᓐᓇᐅᑎᑕᐅᕗᑦ ᐃᓘᓐᓇᖏᓐᓄᑦ ᓄᓇᓕᓐᓄᑦ ᓱᖃᑦᓯᒍᑎᑦᓴᐅᒐᔭᕐᑐᓄᑦ ᐅᕝᕙᓗᓐᓃᑦ ᓄᓇᓕᒻᒥ ᐱᓇᓱᐊᕐᑕᐅᒐᔭᕐᑐᓂᑦ ᓄᐃᑕᑎᑦᓯᔪᓂᑦ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒧᓕᖓᔪᒥᒃ ᑕᕐᕿᖓᓂ ᒣᒥ.
Please send funding application form to the mental health agent at NRBHSS:
Laurence Millette
Mental health agent
laurence.millette@ssss.gouv.qc.ca
Fax: 819-964-2338
ᐅᖄᒍᑎᖃᕐᓂᖅ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒥᒃ
ᑕᑯᒋᐊᒃᑭᑦ ᐃᑲᔪᕐᓯᒍᓐᓇᑐᑦ ᑐᑭᓯᒪᓕᐅᒥᒍᑎᐅᓗᑎᑦ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒧᓕᖓᔪᓂᑦ ᐊᒻᒪᓗ ᐅᖄᖃᑎᒌᓐᓂᖃᕐᑎᓯᓗᑎᑦ ᑐᓴᐅᑎᒃᑯᑦ ᐅᕝᕙᓗᓐᓃᑦ ᐃᓄᓕᒫᕐᓯᓂᑎᒍᑦ:
- ᐃᓱᒪᑖᕐᕕᓭᑦ ᐅᖄᖃᑎᒌᓐᓂᓂᑦ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒧᓕᖓᔪᓂᑦ (ᖃᓪᓗᓈᑎᑐᑦ/ᐃᓄᒃᑎᑐᑦ)
ᐃᑲᔪᕐᓯᒍᑎᑦᓭᑦ ᐃᓕᓐᓂᐊᕕᓄᑦ ᐊᒻᒪᓗ ᐃᓅᓱᑦᑐᓂᑦ ᐱᓇᓱᖃᑎᓕᓐᓂᑦ
ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥᑦ ᕿᒥᕐᕈᐊᕌᐱᒃ: ᐃᓕᓐᓂᐊᑎᑦᓯᔩᑦ, ᐃᓕᓐᓂᐊᑎᓂᑦ ᐃᑲᔪᕐᑏᑦ, ᐊᖓᔪᕐᖄᖑᔪᑦ, ᐃᓄᓕᕆᔩᓗᓐᓃᑦ ᐃᑲᔪᕐᓯᒍᓐᓇᖁᑎᑦ ᐃᓕᓐᓂᐊᑎᓂᑦ ᓱᖃᑦᓯᒍᑎᓂᑦ ᐊᑑᑎᑎᓪᓗᒋᑦ ᐊᓪᓚᑕᐅᒪᔪᓂᑦ, ᐃᑲᔪᕐᓗᒋᑦ ᓇᒻᒥᓂᖅ ᑕᑯᓐᓇᕈᓯᕐᒥᓂᒃ ᐱᓇᓱᐊᕐᑎᓗᒋᑦ ᐊᒻᒪᓗ ᐱᐅᓂᕐᓴᓂᑦ ᑭᓇᐅᓂᕐᒥᓂᑦ ᐱᓇᓱᐊᕐᑎᓗᒋᑦ, ᑐᕌᒐᒋᒍᒪᔭᒥᓂᑦ ᓄᐃᑦᓯᑎᓪᓗᒋᑦ, ᓇᒻᒥᓂᖅ ᑲᒪᑦᓯᐊᓂᕐᒥᒃ, ᐊᓂᒎᑎᒍᓐᓇᓯᒋᐅᕐᓴᓂᖅ. ᐅᓇᒋᐊᓪᓚᓗ, ᕿᒥᕐᕈᐊᕌᐱᒃ ᐃᓗᓕᑕᓕᒃ ᑐᑭᓯᒪᔭᐅᒋᐊᓕᓐᓂᑦ ᑭᑦᓴᓂᕐᒧᓕᖓᔪᒥᒃ ᐊᒻᒪᓗ ᐃᓱᒫᓗᑎᓂᕐᓂᑦ ᓱᕐᕃᒍᑎᐅᓲᓂᑦ ᐃᓅᓱᑦᑐᓂᑦ.
- ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥ ᕿᒥᕐᕈᐊᕌᐱᒃ (ᖃᓪᓗᓈᑎᑐᑦ/ᐃᓄᒃᑎᑐᑦ)
ᐃᖃᓪᓕᐊᓂᖅ ᐃᑉᐱᓂᐊᕐᓂᓂᑦ: ᐃᑲᔪᕐᓯᒍᑎᒃ ᐱᐊᕋᕐᓂᑦ / ᑲᒃᑲᓛᓂᑦ ᓇᓗᓀᕐᓯᓗᑎᑦ ᐅᖃᕐᓗᑎᓗ ᐃᑉᐱᓂᐊᕐᓂᐅᔪᓂᑦ.
ᐊᑐᕐᑕᐅᒍᓐᓇᑐᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᒻᒦᑐᑦ
- Canadian Mental Health Association – Mental Health Week
- Canadian Mental Health Association – Understanding Mental Illness
- Inuit Tapiriit Kanatami – Social Determinants of Inuit Health in Canada
- Mental Health Commission of Canada - Inuit Mental Health First Aid Training
- Self-Care Plan Worksheet