ᐃᓱᒪᒋᔭᑎᓐᓂᑦ ᐅᖃᐅᓯᖃᕆᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᐱᒍᑦᔭᐅᒍᑎᖏᓐᓂᑦ ᓵᓚᖃᑐᐃᓐᓇᕆᐊᖃᕐᓱᑎᓗ ᐃᓄᐃᑦ ᖃᖓᑦᑕᔫᖏᑦ ᖃᖓᑦᑕᐅᑎᖏᓐᓂᑦ ᐁᐹᑦᓂᓗ!
ᑖᓐᓇ ᐱᓕᐅᑎᑎᑦᓯᒍᑕᐅᕗᖅ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᖏᓐᓄᑦ. ᓄᓇᕕᒻᒥᐅᓕᒫᑦ ᑭᐅᖁᔭᐅᕗᑦ ᖃᐅᔨᓴᕐᓂᒥ ᐃᓗᓯᓕᕆᓂᕐᒥ ᐃᑲᔪᕐᓯᒍᑎᓂ ᓄᓇᕕᒻᒥ: ᐊᑑᑎᔭᐅᓯᒪᔪᑦ, ᑲᒪᒋᔭᐅᒋᐊᓪᓛᓃᑦ, ᑐᑭᓯᒪᔭᐅᒋᐊᓖᑦ, ᐱᒍᑦᔭᐅᒍᓐᓇᓂᖅ. ᖃᐅᔨᓴᕐᓂᖅ ᐱᑦᔪᑎᖃᕐᖁᖅ ᓄᓇᕕᒻᒥ ᓄᓇᓕᓕᒫᓂ ᐋᓐᓂᐊᓯᐅᕆᓂᕐᒧᓕᖓᔪᓂᑦ ᐸᕐᓀᑕᐅᒍᑎᖓᓂ, ᑐᕌᒐᖓ ᐱᐅᓯᐅᒦᒋᐊᕐᓗᑎᑦ ᐃᓗᓯᓕᕆᓂᕐᒥ ᐱᒍᑦᔨᓂᐅᔪᓂᑦ ᓄᓇᓕᒻᒥᐅᓕᒫᓄᑦ.
ᓄᓇᕕᒻᒥᐅᑦ ᒪᕐᕉᓂ ᐊᑑᑎᒍᓐᓇᖁᑦ ᐃᓚᐅᓗᑎᑦ ᖃᐅᔨᓴᕐᓂᒧᑦ:
ᐊᓪᓚᕕᑦᓴᖅ ᑕᑕᕐᓴᒐᖅ ᐋᓐᓂᐊᕕᐊᐱᒻᒥ ᐃᓘᓐᓇᖏᓐᓂ ᓄᓇᓕᓐᓂ.
- ᐃᓚᐅᔪᓕᒫᑦ ᑭᐅᔪᑦ ᖃᐅᔨᓴᕈᑎᒥᒃ ᐃᓚᐅᑎᑦᓯᔪᐃᓗ ᓯᓚᑎᒥᓂᑦ ᖃᕆᑕᐅᔭᑎᒍᑦ ᐅᖄᓚᐅᑎᒥᓂᓗᓐᓃᑦ ᐃᓚᐅᒍᓐᓇᓛᕐᑐᑦ ᓇᓚᐅᑦᓵᓂᕐᒧᑦ ᑎᒍᔭᐅᓗᑎᑦ 10 ᓵᓚᓖᑦ:
- ᓯᑕᒣᑦ ᐃᓅᓱᑦᑐᐃᑦ ᐅᑭᐅᓖᑦ 14ᓂᑦ 18ᓄᑦ ᐊᒻᒪᓗ ᐱᖓᓲᔪᕐᑐᐃᑦ ᐃᓄᒻᒪᕇᑦ ᖃᑦᓯᑐᐃᓐᓇᓂ ᐅᑭᐅᓖᑦ.
- ᓵᓚᖃᐅᑏᑦ ᐃᓅᓱᑦᑐᓄᑦ ᐅᑭᐅᓕᓐᓄᑦ 14ᓂᑦ 18ᓄᑦ ᓯᑕᒣᑦ ᐁᐸᑦ.
- ᓵᓚᖃᐅᑏᑦ ᐃᓄᒻᒪᕆᓄᑦ ᐱᖓᓲᔪᕐᑐᐃᑦ ᐃᓄᐃᑦ ᖃᖓᑦᑕᔫᖏᓐᓂ ᖃᖓᑦᑕᐅᑎᖏᑦ ᐅᐸᒍᒪᔭᒥᓄᕐᓗᑎᑦ.
- ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐃᓚᒋᐊᕆᒋᐊᓪᓛᕈᒪᒍᑎᒃ ᓵᓚᖃᐅᑎᑦᓴᓂᑦ ᕈᓐᓇᖁᑦ.
- ᐱᓕᐅᑎᓂᖅ ᐅᒃᑯᐃᓛᕐᑐᖅ ᐁᕆᓕ 12ᒥᑦ ᒣ 12ᒧᑦ, 2018. ᑭᓇᑐᐃᓐᓇᖅ ᑭᐅᒍᒪᔪᖅ ᖃᐅᔨᓴᕐᓂᒥᒃ ᒣ 12, 2018 ᑭᖑᓂᐊᒍᑦ ᖁᔭᐅᕗᖅ, ᑭᓯᐊᓂ ᓵᓚᖃᐅᑏᑦ ᐊᑐᐃᓐᓇᐅᓛᖕᖏᑐᑦ ᑭᖑᓂᐊᒍᑦ.
- ᐃᓚᐅᔪᑦ ᑭᐅᒍᓐᓇᖁᑦ ᐊᑕᐅᓯᐊᑐᐃᓐᓇᕈᓐᓀᓗᑎᑦ (ᐊᒥᓱᓂᑦ ᐊᑑᑎᔭᐅᖃᑦᑕᓯᒪᔪᓂᑦ ᑭᐅᒍᑎᖃᕐᓗᑎᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐱᒍᑦᔨᒍᑎᖓᓂ), ᑭᓯᐊᓂ ᐊᑐᓂ ᐃᓚᐅᔪᑦ ᐊᑕᐅᓯᕐᒥᑭᓯᐊᓂ ᓵᓚᖃᕈᓐᓇᓛᕐᖁᑦ.
- ᓇᓚᐅᑦᓵᑕᐅᓛᕐᖁᑦ ᐊᑯᓐᓂᖏᓐᓂ ᔫᓂ 15ᒥᑦ ᐊᒻᒪᓗ 29, 2018. ᓵᓚᓖᑦ ᐅᖃᕐᑕᐅᓛᕐᖁᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᕓᔅᐳᒃ-ᖓᑎᒍᑦ ᔪᓓ 3, 2018ᖑᓚᐅᕐᑎᓇᒍ. ᖃᕆᑕᐅᔭᑎᒍᑦ ᐊᓪᓚᕕᐅᓛᕐᒥᔪᑦ ᐅᖄᓚᐅᑎᒃᑯᓘᓐᓃᑦ. ᑭᓇᐅᓂᖓ ᖃᐅᔨᓴᕐᑕᐅᑐᐃᓐᓇᕆᐊᓕᒃ ᐅᖄᓚᐅᑎᒃᑯᑦ.
- ᐅᖄᕕᖃᕈᓐᓇᖏᒃᑯᑕ ᓵᓚᓕᒻᒥ ᑕᕐᕿᓕᒫᑦ ᓈᑎᓪᓗᒍ ᓇᓚᐅᑦᓵᑐᕕᓂᐅᑎᓪᓗᒋᑦ, ᐊᓯᐊᓂ ᑎᒍᓯᓛᕐᑐᒍᑦ ᓵᓚᖃᕐᑐᓴᒥᒃ.
- ᑭᐅᒍᑎᓕᒫᑦ ᖃᐅᔨᓴᕐᓂᒥ ᐅᖃᔭᐅᑎᐅᓂᐊᖕᖏᓚᑦ.