(ᓄᕐᖃᖓᒋᑦ) ᓄᕐᖃᕆᑦ ᓵᓚᖃᓂᐊᕋᕕᑦ ᐱᓕᐅᑎᓂᖅ



ᓄᓇᕕᒻᒥᐅᓕᒫᑦ ᐅᑭᐅᓖᑦ ᓯᑕᒪᐅᔪᕐᑐᓂᑦ ᐊᖓᔪᑦᓰᓗ ᐃᓚᐅᖁᔭᐅᕗᑦ 17ᒋᓕᕐᑕᖓᓄᑦ (ᓄᕐᖃᕆᑦ) ᓵᓚᖃᕐᓂᐊᕋᕕᑦ ᐱᓕᐅᑎᓂᕐᒧᑦ ᑖᓐᓇᓗ ᑲᔪᓯᓂᓕᖃᓛᕐᓱᓂ ᐁᕆᓕ 1ᒥᑦ ᒣ 13ᒧᑦ, 2019ᒥ.

ᐱᓇᓱᐊᕈᓯᕐᓂ ᐱᖓᓲᔪᕐᑐᓂ ᐱᓕᐅᑎᓂᕐᒥ, ᓱᐴᕈᓯᔭᓲᑦ ᓄᕐᖃᕋᓱᓐᓂᒧᑦ ᓱᐴᕈᑎᒥᒃ ᐱᓕᐅᑎᓂᕐᒧᑦ ᐃᓚᐅᖁᔭᐅᕗᑦ ᑕᒐ, ᓵᓚᖃᑐᐃᓐᓇᕆᐊᖃᓯᓗᑎᑦ ᐊᑦᔨᒌᖕᖏᑐᓂᑦ ᓵᓚᖃᐅᑎᐅᒍᓐᓇᑐᓂᑦ. ᓵᓚᓖᑦ ᐊᑎᖏᑦ ᐊᒧᔭᐅᓛᕐᖁᑦ ᐱᓕᐅᑎᓂᕐᒥ ᓱᐴᕈᓯᔭᕐᑌᓕᓂᕐᒥ ᓱᐴᕈᓯᔭᕐᓂᖏᑦᑐᓂ ᑭᓇᒃᑰᓂᖏᑦ ᐅᖃᕐᑕᐅᓛᕐᑐᑦ ᔫᓂ 2019ᒥ.

ᐱᖓᓱᑦ ᐱᑦᔪᑎᑦᓯᐊᑦ ᑕᑕᕐᓭᓂᕐᒧᑦ ᐱᓕᐅᑎᓂᕐᒧᑦ

  1. ᓄᕐᖃᓂᖅ ᓱᐴᕈᑎᒥᒃ ᐃᒻᒥᓂᒃ ᑲᒪᑦᓯᐊᓂᐅᕗᖅ. ᐃᓚᑎᑦ ᐃᓚᓐᓈᑎᓪᓗ ᐱᕕᓕᒫᖓᒍᑦ ᐃᓅᑯᑖᖁᔨᕗᑦ.
  2. ᓄᕐᖃᓂᖅ ᓱᐴᕈᑎᒥᒃ ᐊᒥᓱᐃᖑᑦᓱᓂ ᐳᕐᑐᓯᓕᐅᒥᑎᑦᓯᕗᖅ ᓄᕐᖃᖓᓂᕆᒍᓐᓇᑌᓐᓂᒃ ᓱᐴᕈᑎᒥᒃ ᐃᓅᓯᓕᒫᕐᓂ. ᓯᕗᓕᕆᑦ ᐃᑦᔭᕋᑦᓴᓯᐊᖑᓗᑎᑦ ᐊᒻᒪᓗ ᖃᓄᐃᓗᕆᐊᕐᓂᐅᔪᒥᒃ ᐱᒋᐊᕐᑎᓯᒋᑦ ᐃᓄᓐᓂᒃ ᖃᐅᔨᒪᔭᑎᓐᓂᑦ.
  3. ᑮᓇᐅᔭᓂᑦ ᓴᓂᕐᕓᒋᑦ! ᐃᓄᒃ ᓱᐴᕈᓯᔭᓲᖅ 10ᓂᑦ ᐅᓪᓗᓕᒫᒥ ᐊᑭᓕᓐᓂᑦ $20ᓂᑦ ᑮᓇᐅᔭᕐᑐᓲᖑᕗᖅ $300ᒐᓚᓐᓂᒃ ᑕᕐᕿᓕᒫᒥ ᓱᐴᕈᑎᓄᑦ.

ᖃᓄᖅ ᑕᑕᕐᓭᒍᓐᓇᕿᑦ ᐱᓕᐅᑎᓂᕐᒧᓕᖓᔪᓂᑦ

  1. ᐅᑭᐅᖃᕆᐊᖃᕐᖁᑎᑦ ᓯᑕᒪᐅᔪᕐᑐᓂᐅᑦᓴᓚᐅᕐᐸᑦ ᒫᑦᔨ 1, 2019ᒥ.
  2. ᐱᐊᕃᑦ ᐅᑭᐅᖃᕋᑕᖕᖏᑐᑦ 14ᓂᑦ ᐊᖏᕐᑕᐅᓯᒪᒋᐊᖃᕐᖁᑦ ᐊᖓᔪᕐᖄᒥᓄᑦ ᑲᒪᔨᒥᓄᓗᓐᓃᑦ.
  3. ᓄᕐᖃᕋᓱᓐᓂᒧᑦ ᐃᓚᓐᓈᕆᐅᔭᐅᔪᑦ ᐊᑎᕐᒥᓂᒃ(ᖏᓐᓂᑦ) ᐊᓪᓚᓯᒪᒋᐊᖃᕐᖁᑦ ᑕᑕᕐᓴᒐᕐᓂᑦ.
  4. ᐱᔭᕇᕐᓗᒍ ᑕᑕᕐᓴᒐᑦᓴᖅ:
    1. ᖃᕆᑕᐅᔭᑎᒍᑦ
    2. ᐊᓪᓚᕕᑦᓴᒥ
      1. ᐅᕗᖓ 1 819 964-2711 ᐅᕝᕙᓗᓐᓃᑦ 1 866 867-8026
    3. ᐅᖄᓚᐅᑎᒃᑯᑦ ᐅᕗᖓ 1 819 964-2222.
  5. ᐁᑦᑐᑕᐅᒍᓐᓇᓂᐊᕈᓂ ᓵᓚᖃᐅᑎᓂᑦ, ᓵᓚᓖᑦ ᓂᑯᑎᓐᑕᖃᕐᒪᖔᑕ ᑎᒥᖏᑦ ᖃᐅᔨᓴᕐᑕᐅᒋᐊᖃᕐᖁᑦ ᐱᓕᐅᑎᓂᐅᑉ ᓈᓂᖓᓂ.

ᓵᓚᖃᐅᑏᑦ

ᐃᓄᒻᒪᕇᑦ ᓱᐴᕈᓯᔭᓲᑦ (18 +):

  • ᓯᕗᓪᓕᖓ ᓵᓚᖃᐅᑎᒃ: ᕗᔅᑦ ᐃᐊ ᖃᖓᑦᑕᐅᑎᖏᑦ
  • ᑐᖓᓕᖓ ᖃᖓᑦᑕᐅᑎᒃ: Apple ᑕᓕᐊᖅ
  • ᐱᖓᔪᖓ ᓵᓚᖃᐅᑎᒃ: ᖃᑦᑌᑦ ᓵᑦᑐᔭᐅᑏᑦ

ᐅᑭᐅᑭᑦᑐᐃᑦ ᓱᐴᕈᓯᔭᓲᑦ (8ᓂᑦ 18ᓄᑦ ᐅᑭᐅᓖᑦ):

  • ᓯᕗᓪᓕᖓ ᓵᓚᖃᐅᑎᒃ: ᐃᓄᐃᑦ ᖃᖓᑦᑕᔫᖏᑦᑕ ᖃᖓᑦᑕᐅᑎᖏᑦ
  • ᑐᖓᓕᖓ ᓵᓚᖃᐅᑎᒃ: Apple ᑕᓕᐊᖅ
  • ᐱᖓᔪᖓ ᓵᓚᖃᐅᑎᒃ: ᑐᑫᓛᕈᑎᒃ

ᐃᓄᒻᒪᕇᑦ ᓱᐴᕈᓯᔭᕐᖃᔦᕋᓱᑦᑐᒧᑦ ᐃᓚᓐᓈᕆᔭᐅᔪᑦ (18 +)

  • ᕗᔅᑦ ᐃᐊ ᖃᖓᑦᑕᐅᑎᖏᑦ

ᐅᑭᐅᑭᑦᑐᐃᑦ ᓱᐴᕈᓯᔭᕐᖃᔦᕋᓱᑦᑐᓄᑦ ᐃᓚᓐᓈᕆᔭᐅᔪᑦ (8ᓂᑦ 18ᓄᑦ ᐅᑭᐅᓖᑦ):

  • ᐃᓄᐃᑦ ᖃᖓᑦᑕᔫᖏᑦᑕ ᖃᖓᑦᑕᐅᑎᖏᑦ

ᓱᓇᐅᕙ ᓄᕐᖃᕋᓱᓐᓂᒧᑦ ᐃᓚᓐᓈᖑᓂᖅ?

ᑕᒡᒐᓂ ᐊᕐᕌᒍᕐᒥ, ᓱᐴᕈᓯᔭᓲᖑᖕᖏᑐᑦ ᓱᐴᕈᓯᔭᕐᖃᔦᕐᓯᒪᔪᐃᓗ ᐃᓚᐅᖁᔭᐅᕗᑦ ᐱᓕᐅᑎᓂᕐᒧᑦ ᐃᓚᓐᓈᕆᔭᐅᓗᑎᑦ ᓄᕐᖃᕋᓱᑦᑐᓄᑦ.

ᓄᕐᖃᕋᓱᓐᓂᒧᑦ ᐃᓚᓐᓈᕆᔭᐅᔪᖅ ᑕᑕᕐᓭᒋᐊᖃᕐᖁᖅ ᐱᓕᐅᑎᓂᕐᒧᑦ ᐃᓚᐅᒍᒪᒍᑎᓂᑦ ᐊᑕᐅᓯᐅᓗᓂ ᐅᓄᕐᓂᓴᐅᓗᑎᓗᓐᓃᑦ ᓱᐴᕈᓯᔭᓲᑦ (ᐅᓄᕐᓂᐹᕆᒍᓐᓇᑕᖏᑦ ᐱᖓᓱᑦ) ᑕᑕᕐᓭᓯᒪᒋᐊᖃᕐᒥᔪᑦ ᐱᓕᐅᑎᓂᕐᒧᑦ. ᓴᐳᑦᔨᓂᕐᒥᓄᑦ ᒪᕐᕉᓂᒃ ᐱᖓᓱᓂᓗᓐᓃᑦ ᓱᐴᕈᓯᔭᓲᓂᑦ, ᓄᕐᖃᕋᓱᓐᓂᒧᑦ ᐃᓚᓐᓈᕆᔭᐅᔪᖅ ᒪᕐᕈᕕᓪᓗᐊᑐᓂᒃ ᐱᖓᓱᕕᓪᓗᐊᑐᓂᓗᓐᓃᑦ ᐳᕐᑐᓂᕐᓴᐅᕗᖅ ᓵᓚᖃᖃᑎᐅᒍᓐᓇᓂᖓ.

ᐊᑎᖏᓐᓂᒃ ᐊᓪᓚᕕᐅᒋᐊᓕᒻᒥᒃ ᑕᑕᕐᓴᒐᕐᑕᓕᒃ ᐊᒥᓱᐃᖑᔪᓄᑦ ᐃᓚᒌᑦᑎᑐᓄᓕᖓᔪᓂᑦ.

ᓄᕐᖃᕋᓱᓐᓂᒧᑦ ᐃᓚᓐᓈᕆᔭᐅᔪᖅ ᓴᐳᑦᔨᒋᐊᖃᕐᖁᖅ ᓱᐴᕈᓯᔭᓲᓂᑦ ᐱᓕᐅᑎᓂᕐᒥ ᐴᕈᓯᔭᕐᓂᒥᒃ ᓄᕐᖃᕋᓱᓐᓂᖏᓐᓂ.

ᖃᐅᔨᒋᐊᕐᕕᒋᓗᒋᑦ "10 ᒪᓕᒉᑦ ᐃᓚᓐᓈᓯᐊᖑᓂᕐᒧᑦ" ᑐᑭᓯᒋᐊᕐᕕᒋᓗᒋᑦ. 

ᐊᑐᐃᓐᓇᕈᕐᑎᓂᖅ ᐱᓕᐅᑎᓂᕐᒧᑦ

  “ᐱᓕᐅᑎᓂᕐᒧᑦ ᐃᑦᓯᕕᒃ” (ᓄᑖᖅ ᑕᒡᒐᓂ ᐊᕐᕌᒍᕐᒥ!)

  ᐃᑦᓯᕕᒃ ᐱᖁᑎᑕᓕᒃ ᐃᒫᙰᕈᑎᓂᓗ ᐃᑲᔪᕐᓯᒍᑎᑦᓴᓂᒃ ᐱᓕᐅᑎᓂᕐᒧᑦ ᐃᓚᐅᓂᕐᓄᑦ ᓄᕐᖃᓂᕐᒧᑦ ᓱᐴᕈᑎᒥᒃ. ᐁᑦᓯᒋᑦ "ᐱᓕᐅᑎᓂᕐᒧᑦ ᐃᑦᓯᕕᓐᓂᑦ" ᓄᓇᓕᓐᓂ ᑭᒡᒐᑐᕐᑎᒥ.

  ᖃᐅᔨᒪᖕᖏᑯᕕᑦ ᓄᓇᓕᓐᓂ ᑭᒡᒐᑐᕐᑎᖓᓂᒃ ᐅᖄᓚᒋᑦ 1 819 964-2222, ᓃᓂᕐᓗᒍ 301.

  ᓱᓇᐅᕙ “ᐱᓕᐅᑎᓂᕐᒧᑦ ᐃᑦᓯᕕᒃ”?
  • ᐃᓚᐅᔪᓄᑦ ᖃᐅᔨᒪᔭᐅᒋᐊᓖᑦ: ᐃᒫᙰᖁᔨᒍᑏᑦ ᐃᑲᔪᕐᓯᒍᑏᓪᓗ ᐅᓪᓗᖁᑎᓗ ᐃᑉᐱᒍᓱᒍᑎᒃ ᐱᕙᓪᐊᓂᕐᓂᒃ 
  • ᐊᓪᓚᓯᒪᔪᑦ ᐃᑲᔪᕐᓯᒍᓐᓇᑐᑦ ᐊᑐᐃᓐᓇᕈᕐᑎᓂᕐᓄᑦ ᓄᕐᖃᓂᕐᒧᑦ ᓱᐴᕈᑎᒥᒃ 
  • ᐸᑦᑖᐱᒃ ᐅᖁᒣᓪᓕᐅᑐᓄᑦ: ᓱᐴᕈᓯᔭᕈᒪᓂᕐᒥᒃ ᐊᓂᒍᐃᒍᑎᒃ ᐊᒻᒪᓗ ᐊᕐᓱᕈᕈᑕᕆᓂᕐᒥ ᐊᓂᒍᐃᒍᑎᒃ
  • ᐃᒪᖃᐅᑎᒃ: ᐃᒪᑐᐃᓐᓇᑐᕐᓂᖅ ᐃᑲᔪᕐᓯᓲᖑᕗᖅ ᓄᖑᑎᕆᑦᓱᓂ ᓂᑯᑎᓐᒥᒃ ᑎᒥᓐᓂ 
  • #ᓄᕐᖃᖓᒋᑦ ᓵᓚᖃᕐᓂᐊᕋᕕᑦᓄᓇᕕᒃ ᑕᓕᐊᕈᑎᒃ: ᓄᐃᑕᑎᓗᒍ ᐱᔪᕆᓃᑦ ᐃᓚᐅᓂᕐᓄᑦ!
  • #ᓄᕐᖃᖓᒋᑦ ᓵᓚᖃᕐᓂᐊᕋᕕᑦᓄᓇᕕᒃ ᓂᐱᑎᒐᖅ: ᑲᔪᖏᕐᓭᒍᑎᒃ ᐊᓯᑎᓐᓂᑦ ᐃᓚᐅᖁᓗᒋᑦ
  • ᒥᑭᔪᐃᑦ ᓂᐱᑎᒉᑦ: ᐃᑲᔪᕐᑎᒍᑦ ᓵᖕᖓᓯᑎᓪᓗᑕ ᓱᐴᕈᑎᓕᐅᕐᑎᓂᑦ ᓄᐃᑕᑎᑦᓯᓗᑎᑦ ᓱᐴᕈᓯᔭᖁᔨᖕᖏᓂᕐᒧᑦ ᐊᓪᓚᓯᒪᔪᓂᑦ! 

ᐊᓯᖏᓐᓄᑦ ᐃᑲᔪᕐᓯᒍᑏᑦ

ᑭᓯᑕᐅᒪᒍᑎᓂᒃ ᐃᓚᐅᔪᕕᓂᕐᓂᓗᓐᓃᑦ 2018ᒥᓂᑕᓂᒃ ᑕᑯᒋᐊᕈᒪᒍᕕᑦ, ᑎᑎᕈᒃ ᐅᓇ

ᑐᑭᓯᒋᐊᕐᕕᓴᖅ

ᓯᑎᕙᓐ ᐊᖕᒃᑎᓪ
1 819-964-2222, ᓃᓂᕐᓗᒍ 301