ᓂᕿᒥᒃ ᑲᑎᒍᑎᑲᓲᖏᓐᓇᐅᕗᒍᑦ
ᑕᒃᑲᓂ ᐊᕐᕌᒍᒥ, ᓄᒃᑭᓴᐅᑎᑕᓕᓐᓂᒃ ᓂᕿᑦᓯᐊᑑᒪᓂᐅᑉ ᑕᕐᕿᖓᓂ ᖁᕕᐊᓲᑎᐅᕗᖅ ᓇᓗᓀᒃᑯᑕᐅᑉ ᑌᔭᐅᒍᑎᖓ ᓂᕿᓄᑦ ᐱᑑᑎᑎᑕᐅᓲᖑᕗᒍᑦ ᐃᓘᓐᓇᑕ, ᓄᐃᑕᑎᑦᓯᔪᖅ ᐱᒻᒪᕆᐅᓂᖏᓐᓂᒃ ᓂᕿᑐᐃᓐᓀᑦ ᐊᒥᕐᖄᖃᑎᒌᒍᑕᐅ-ᑐᐊᕋᒥᒃ ᐃᓚᒌᓄᑦ, ᐱᖃᑎᒌᓄᑦ ᓄᓇᕐᖃᑎᒌᓄᓪᓗ. ᓈᒻᒪᓯᐊᕐᑑᓱᑎᒃ ᐃᓛᕐᑐᓯᒪᒐᑎᒃ, ᓄᓇᓕᒻᒥ ᐊᒻᒪᓗ ᓂᕿᑦᓴᔭᑐᖃᖏᑦ ᓂᕆᒃᑲᐃᖃᑦᑕᓯᒪᔪᑦ ᐃᓄᑐᐃᓐᓇᓂᒃ ᐊᒃᕌᖃᒍᒐᓴᖕᓂ ᑕᐅᓴᓐᑎᓂᒃ . ᓂᕿᑐᐃᓇᑑᒪᓂᖅ ᑲᔪᓯᓛᕐᑐᖅ ᒫᑦᔨ 26, 2026-ᒥ.
ᓂᕿᑦᓯᐊᑑᒪᓂᐅᑉ ᑕᖅᑭᖓ ᐱᕕᑦᓴᖃᕐᑎᓯᑦᓯᐊᖁᖅ ᐃᓕᑕᕐᓯᓂᕐᒧᑦ ᓈᒻᒪᓈᑦᓯᐊᑐᒥᒃ ᓂᕿᑦᓯᐊᑐᒪᓂᕐᒧᑦ, ᐃᓚᐅᖃᑎᒌᑦᓯᐊᓂᕐᒥᒃ ᐊᒻᒪᓗ ᒪᒪᕐᓴᖃᑎᒌᓐᓂᒥᒃ ᖃᓄᐃᖕᖏᓯᐊᓂᒨᓕᖓᑎᓪᓗᒍ.
ᑕᑯᒋᐊᕈᓐᓇᖁᓯ ᐊᑐᐊᒐᓕᐊᕕᓂᑦᑎᓂᒃ ᐃᑲᔪᕐᓯᓂᐊᑎᓗᒍ ᖃᓄᖅ ᐸᕐᓇᓂᑦᓴᓯᓐᓄᑦ ᓱᖃᑦᓯᑎᑦᓯᓂᕐᒥ ᓂᕿᑦᓯᐊᑑᒪᓂᐅᑉ ᑕᖅᑭᖓᓂ ᒫᔨᒥ ᐊᒻᒪᓗ ᓂᕿᑐᐃᓇᑑᒪᓂᐅᑉ ᐅᐳᓪᓗᖓᓂ (ᒫᑦᔨ 26).
ᓄᑖᑦ ᐊᑐᕋᑦᓭᑦ ᓴᐳᒻᒥᔪᑦ ᓂᕿᑦᓯᐊᓂᒃ ᓂᕆᓂᕐᒥᒃ
ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦ ᑕᒪᑦᓱᒥᖓ ᐱᕕᑦᓴᒥᒃ ᑐᖕᖓᕕᖃᕐᓗᑎᒃ ᐊᑑᑎᓚᖓᔪᑦ ᓂᕿᑦᓯᐊᑑᒪᓂᕐᒧᑦ ᑕᕐᕿᖃᕐᑎᓯᓂᕐᒥ ᓄᐃᑦᓯᓗᑎᒃ ᒪᕐᕉᓂᒃ ᓄᑖᓐᓂᒃ ᐊᑐᕋᑦᓵᓂᒃ ᓴᓇᔭᐅᓯᒪᔫᓂᒃ ᐱᕙᓪᓕᐊᑎᑦᓯᓂᕐᒥᒃ ᐱᐅᔪᓂᒃ, ᐃᓗᕐᖁᓯᕐᒨᓕᖓᔪᓂᒃ ᐊᑐᐃᓐᓇᓂᓪᓗ ᓂᕆᓂᕐᒥ ᓄᓇᕕᒻᒥ:
- ᓄᑖᖕᖑᕆᐊᕐᓯᒪᔪᖅ ᓄᓇᕕᒻᒥ ᓂᕿᑦᓯᐊᓂᒃ ᖃᐅᔨᒪᐅᑏᑦ: ᓄᑕᐅᓯᓕᕐᑕᐅᓯᒪᔪᖅ ᐱᑖᕐᕕᓴᖅ ᓴᐳᒻᒥᒍᑎ ᓄᓇᕕᒻᒥᐅᓂᒃ ᓄᒃᑭᓴᐅᑎᑕᓕᓐᓂᒃ ᓂᕿᑦᓯᐊᓂᓪᓗ ᓂᕿᓂᒃ ᓂᕆᖃᑦᑕᓂᕐᒥᒃ, ᑕᒪᒃᑯᐊ ᐃᑲᔪᕐᓯᓂᐊᕐᒪᑕ ᐃᓘᓐᓈᒍᑦ ᐃᓗᓯᕐᒥᒃ ᖃᓄᐃᖕᖏᓯᐊᕐᓂᒥᓪᓗ.
- ᐃᒑᑦᓭᑦ ᕿᒥᕐᕈᐊᖅ ᐃᒐᓂᖅ ᓄᓇᒥᒃ ᐃᒪᕐᐱᒥᓪᓗ ᐱᓯᒪᔪᓂᒃ: (english only) ᑖᓐᓇ ᐃᒑᑦᓴᓄᑦ ᕿᒥᕐᕈᐊᖅ ᐃᒑᑦᓴᑕᓕᒃ ᓄᓇᕕᒻᒥᐅᑦ ᐊᒥᕐᖄᖃᑎᒌᒍᑎᕕᓂᖏᓐᓂᒃ ᖃᒻᒥᖅ ᐱᓕᐅᑦᔨᑎᑦᓯᓂᖃᓚᐅᔪᑎᓪᓗᒋᑦ ᐃᒑᑦᓴᓂᒃ. ᖁᕕᐊᓲᑎᖃᕈᑎᐅᕗᖅ ᓄᓇᓕᓐᓂ ᓂᕐᓯᐅᓂᕐᒥᒃ ᖃᐅᔨᒪᓂᕐᒥᒃ ᑭᖑᕚᕇᓄᓪᓗ ᐱᐅᓯᑐᖃᕐᓄᑦ.
ᐊᐱᕆᐅᑎᑦᓴᖃᕐᐲᑦ? ᖃᐅᔨᒋᐊᕐᓗᑎᑦ ᐅᕙᑦᑎᓄᑦ
ᓂᕿᖃᑦᓯᐊᓂᖅ& ᓂᕿᑦᓯᐊᓕᕆᔩ