ᖃᓄᐃᓐᓈ ᖃᐅᔨᓴᕐᑕᐅᕈᓐᓇᐳᖓ ᓯᕕᓕᔅᖃᓕᕐᒪᖔᕐᒪ?

ᐊᐅᒃᑯᑦ ᖃᐅᔨᔭᐅᓲᑦ ᓯᕕᓕᔅᖃᓕᕐᒪᖔᕐᒥᓂ. 

ᐊᐅᒃᑯᑦ ᖃᐅᔨᓴᕐᓂᐅᓲᑦ ᓄᓇᓕᐅᑉ ᐋᓐᓂᐊᓯᐅᕐᓂᓕᕆᕕᖏᓐᓂ.  ᓯᕕᓕᔅᖃᕐᒪᖔᑕ ᖃᐅᔨᓴᕐᓂᖅ ᐊᔪᒉᑦᑐᔭᐅᑦᔭᖏᑦᑐᖅ ᑯᔭᓐᓂᑯᑦ ᖁᐱᕐᕆᓇᕐᑐᓂ ᐁᑦᑐᑎᓂᐅᓲᓄᑦ ᖃᐅᔨᓴᖃᓕᐅᑦᔨᑎᑕᐅᓲᑐᖃᐅᒻᒪᑦ (ᖃᐅᔨᓴᕐᑕᐅᑲᓪᓚᓂᑎᒍᑦ).  ᐱᔭᕆᐊᑭᑦᑐᐊᐱᒃ ᓱᕐᖁᐃᓯᒍᑏᓪᓗ ᐊᑐᐃᓐᓇᐅᓯᓲᑦ ᐅᓪᓗᓂ ᐃᑭᑦᑐᓂ.  ᐱᑦᔪᑏᓪᓗ, ᖃᓄᐃᓘᕈᑎᑎᓪᓗ ᐋᓐᓂᐊᓯᐅᕐᑎᒧᑦ ᓱᕐᖁᐃᑕᐅᑦᔪᑎᖏᓗ ᐃᕐᐹᑎᕐᑕᐅᓲᑦᓴᔭᐅᒐᑎᒃ.

ᖃᑦᓯᕕᑦᑕᓗᑏᑦ ᖃᐅᔨᓴᕐᑕᐅᖃᑦᑕᑐᑦᓴᐅᕕᑦ?

ᐃᓗᓐᓇᑎᒃ ᑯᔭᒐᔪᓲᑦ ᐊᕐᕌᒍᑕᒫᑦ ᖃᐅᔨᓴᕐᑕᐅᖃᑦᑕᔪᑦᓭᑦ ᑯᔭᓐᓂᑎᒍᑦ ᖁᐱᕐᕆᓯᒪᓕᕐᒪᖔᑕ ᐁᑦᑑᑎᐅᒍᓐᓇᑐᓂᑦ, ᐅᓲᑉ ᐴᖓᓂ ᐊᑐᓲᖑᒐᓗᐊᕈᑎᒃ ᓄᓪᓚᖓᑦᓯᐊᖃᑎᖃᕋᓗᐊᕈᑎᓗ ᐁᑉᐸᖃᕐᓂᑎᒍᑦ ᐊᑕᐅᓯᕐᒥ.

ᐃᒻᒥᒎᓇᕐᑐᓕᒫᑦ ᐱᖃᑎᑖᕐᖃᒥᐅᒍᑎᒃ/ᐁᑉᐸᑖᕐᖃᒥᐅᒍᑎᒃ ᖃᐅᔨᓴᕐᑕᐅᔪᑦᓵᒃ ᑯᔭᓇᓱᐊᓯᓚᐅᕋᑎᒃ, ᐅᓲᑉ ᐴᖓᓂ ᐊᑐᖕᖑᓱᕋᓗᐊᕈᑎᒃ.

ᖃᐅᔨᓴᕐᑕᐅᒐᔪᓐᓂᖅ (ᑕᕐᖀᑦ ᐱᖓᓱᑦ ᐱᖓᓲᔪᕐᓗᓄᑕᒫᑦ) ᐅᑯᓄᖓ ᐃᓕᓲᖅ::

  • ᑯᔭᖃᑦᑕᐸᑦ ᐅᓲᑉ ᐳᖓᓂ ᐊᑐᕋᓂ;
  • ᑯᔭᖃᑦᑕᐸᑦ ᐃᓚᒪᓗᓂ ᐱᒐᓱᐊᕉᑕᕆᒍᓕᓘᓐᓃᑦ;
  • ᐊᒥᓱᓂ ᑯᔭᒐᖃᓲᕈᓂ, ᐊᑕᐅᓯᑐᐃᓐᓇᒥᓘᓐᓃᑦ, ᑭᓯᐊᓂᐅᒐᓗᐊᖅ ᐊᓯᖏᓐᓂᖃᑦᑕᐸ ᐊᒥᓱᓂᐊᓪᓛᑦ ᑯᔭᓐᓂᑎᒍᑦ.