“ᐊᐅᒃᑯᑦ ᐱᑕᑦᓴᖃᓗᐊᕐᓂᖅ ᐃᓚᒌᓕᒫᓂᑦ ᓱᕐᕃᕗᖅ”
ᖃᐅᔨᒪᕖᑦ ᓯᕗᕐᖏᑕᐅᒍᓐᓇᑎᓪᓗᒋᑦ ᐊᒥᓲᓂᕐᓭᑦ ᐊᐅᒃᑯᑦ ᐱᑕᑦᓴᖃᓗᐊᕐᓃᑦ/ᒪᒪᕐᓴᐅᑎᖃᓗᐊᕐᓃᑦ 2-ᒥᒃ ᓱᒃᑯᕙᓪᓕᐊᖏᑦᑐᓗᓂᓗ ᐃᓗᓯᖅ, ᖃᓄᐃᖕᖏᓯᐊᕐᑐᒥᒃ ᐃᓅᓯᖃᕐᓗᓂ, ᑌᒣᒍᓐᓇᑐᖅ ᐱᐅᓯᕐᑖᓗᓂ ᖃᓄᐃᖕᖏᓯᐊᕐᑐᒥᒃ ᐃᓅᓯᖃᕐᓂᑎᒍᑦ ᐊᒻᒪᓗ ᓱᖏᐅᓯᓴᕐᓗᒋᑦ ᐱᐅᓯᕐᑖᓗᑎᑦ ᑌᒣᑦᑐᒥᒃ? ᖃᐅᑕᒫᑦ ᐃᙯᓕᓴᕐᓂᑎᒍᑦ, ᓂᕿᑦᓯᐊᓂᑦ ᓂᕆᓂᑎᒍᑦ, ᐅᖁᒣᓪᓕᐅᕈᑎᓂᑦ ᐃᑭᓪᓕᐅᒥᑎᑦᓯᓗᓂ ᓯᕗᕋᕐᓂᒥᓗ ᐅᑦᑑᑎᑦᓴᓯᐊᖑᕗᑦ.
ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒧᑦ/ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᕐᒧᑦ ᐅᓪᓗᖁᑎᓕᐅᕐᑕᐅᓂᕐᖁᖅ 1991ᒥ ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒧᑦ/ ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᒻᒧᑦ ᑲᑐᑦᔨᖃᑎᒌᓐᓂᖓᓄᑦ ᐊᒻᒪᓗ ᓯᓚᕐᔪᐊᒥ ᐃᓗᓯᓕᕆᓂᕐᒥ ᑎᒥᖁᑎᖓᓄᑦ ᐃᓱᒫᓗᑎᒋᔭᐅᕙᓪᓕᐊᓱᓂ ᑲᑉᐱᐊᓇᕐᓯᐸᓪᓕᐊᓂᖓᓂᒃ ᐊᐅᒃᑯᑦ ᐱᑕᑦᓴᖃᓗᐊᕐᓂᖅ/ᒪᒪᕐᓴᐅᑎᖃᓗᐊᕐᓂᖅ ᑎᒥᐅᔪᓄᑦ ᐃᓗᓯᓕᕆᓂᕐᒥ ᐱᒍᑦᔨᔨᓄᑦ ᓯᓚᕐᔪᐊᓕᒫᒥ. ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒧᑦ/ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᕐᒧᑦ ᐅᓪᓗᖁᑎᖓ ᑐᑭᓯᒪᔭᐅᑎᑦᓯᒐᓱᓐᓂᐅᕗᖅ ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒥᒃ/ ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᕐᒥᒃ ᓄᐃᑦᓯᒍᑎᐅᓗᓂᓗ ᐊᑑᑎᖃᓪᓚᕆᒍᓐᓇᑐᓂᑦ ᖃᓄᐃᓗᕈᑎᑦᓴᓂᑦ ᐊᒻᒪᓗ ᐊᑕᐅᑦᓯᑯᑦ ᖃᓄᐃᓗᕈᑎᒋᔭᐅᓗᓂ ᐊᑦᔨᒌᖕᖏᑐᓄᑦ ᐱᓇᓱᖃᑎᒌᑦᑐᓄᑦ ᑲᒪᒋᔭᖃᕐᓗᑎᑦ ᐊᐅᒃᑯᑦ ᐱᑕᑦᓴᖃᓗᐊᕐᓂᒥᒃ/ᒪᒪᕐᓴᐅᑎᖃᓗᐊᕐᓂᒥᒃ. 2007ᒥᓂᑦ, ᑐᖑᔪᕐᑕᖅ ᐊᒻᒪᓗᑭᑖᖅ ᓯᓚᕐᔪᐊᓕᒫᒥ ᐃᓕᑕᕐᓇᐅᑎᐅᕗᖅ ᑐᑭᓯᒪᔭᐅᑎᑦᓯᓂᕐᒧᑦ ᐊᐅᒃᑯᑦ ᐱᑕᑦᓴᖃᓗᐊᕐᓂᒧᑦ/ᒪᒪᕐᓴᐅᑎᖃᓗᐊᕐᓂᒧᑦ; ᓄᐃᑕᑎᑦᓯᔪᖅ ᓄᓇᓕᒃ ᑲᒪᒋᔭᖃᖃᑎᐅᓂᖓᓂᒃ ᐱᓀᓗᑕᖕᖑᐸᓪᓕᐊᔪᒥᒃ ᐊᐅᒃᑯᑦ ᐱᑕᑦᓴᖃᓗᐊᕐᓂᒥᒃ/ ᒪᒪᕐᓴᐅᑎᖃᓗᐊᕐᓂᒥᒃ.
ᓱᖃᑦᓯᒍᑎᖃᕐᑎᓯᓂᖅ ᐃᓅᖃᑎᒌᑦ ᐃᓚᐅᑎᓗᒋᑦ ᐊᓕᐊᓇᕐᑐᓗᑎᓗ ᑲᖐᒋᔭᐅᑎᑦᓯᒍᑎᑦᓴᓯᐊᖑᕗᖅ ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒥ/ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᕐᒥ ᐅᓪᓗᖁᑎᖓᓂ ᑲᖐᒋᔭᐅᓕᕐᑎᓯᒍᓐᓇᖁᖅ ᓄᓇᓕᒻᒧᑦ ᐃᓚᒌᓄᓗ ᐃᓚᐅᓚᕿᓗᑎᑦ. ᐅᓇᒋᐊᓪᓚᓗ, ᑕᒡᒐᓂ ᐊᕐᕌᒍᕐᒥ ᑐᖕᖓᕕᐅᔪᖅ "ᐊᐅᒃᑯᑦ ᐱᑕᑦᓴᖃᓗᐊᕐᓂᖅ / ᒪᒪᕐᓴᐅᑎᖃᓗᐊᕐᓂᖅ ᓱᕐᕃᕗᖅ ᐃᓚᒌᓕᒫᓂᑦ."
ᐃᓚᐅᔪᑦ ᑖᒃᑯᓇᓂ ᑕᑯᓚᖓᔭᑎᑦ ᐊᑦᔨᒌᖕᖏᑐᑦ ᐃᑲᔪᕐᓯᒍᑏᑦ ᐊᑐᕈᓐᓇᑕᑎᑦ ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒥ/ ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᕐᒥ ᐅᓪᓗᖓᓂ, ᐊᓪᓚᓯᒪᔪᑦ ᐅᑦᑑᑎᑦᓴᓯᐊᑦ ᐊᑑᑎᔭᐅᒍᓐᓇᑐᓂᑦ, ᑐᓴᐅᑎᒃᑯᑦ ᑐᓴᕐᑕᐅᔪᑦᓴᑦ, ᐃᓅᖃᑎᒌᓄᑦ ᑐᑭᓯᒪᖃᑎᒌᒍᑎᑎᒍᑦ ᓄᓇᓕᒻᒥᓗ, ᐊᐱᕐᓲᑏᓗ ᐊᑦᑕᓇᕐᑐᒥᒍᑎᐅᑐᐃᓐᓇᕆᐊᓕᓐᓂᑦ ᐊᐅᒃᑯᑦ ᐱᑕᑦᓴᖃᓗᐊᕐᓂᒧᑦ/ᒪᒪᕐᓴᐅᑎᖃᓗᐊᕐᓂᒧᑦ:
ᐃᑲᔪᕐᓯᒍᑎᒋᓗᒋᑦ ᐃᓕᓐᓂᒃ ᓱᖃᑦᓯᑎᑦᓯᑎᓪᓗᑎᑦ ᓯᓚᕐᔪᐊᒥ ᐊᐅᒃᑯᑦ ᐱᑕᑦᓴᖃᓗᐊᕐᑎᓯᑦᑌᓕᓂᕐᒥ/ ᒪᒪᕐᓴᐅᑎᖃᓗᐊᕐᑎᓯᑦᑌᓕᓂᕐᒥ ᐅᓪᓗᖁᑎᖓᓂ, ᑮᓇᐅᔭᖃᕐᑎᑕᐅᒍᓐᓇᖁᑦ $1 000-ᓂᑦ ᐊᑐᓂ ᓄᓇᓖᑦ ᓄᓇᕕᒻᒥ. ᓱᖃᑦᓯᒍᑏᑦ ᐊᑑᑎᔭᐅᒍᓐᓇᒥᔪᑦ ᑕᕐᕿᐅᑉ ᓈᓂᒋᐊᖓᓂ.
ᑮᓇᐅᔦᓕᕿᒍᑎᓂᑦ ᑕᑕᕐᓴᒐᖅ ᑮᓇᐅᔦᓕᕿᒍᑎᒃ.
ᐊᓪᓕᖓᓂ ᐊᓪᓚᓯᒪᔪᑦ ᐃᓕᓐᓂᐊᑎᑦᓯᒍᑎᑦᓭᑦ ᓄᐃᑕᕕᓃᑦ ᓄᓇᕕᒻᒥ ᐃᓗᓯᓕᕆᓂᕐᒥ ᑲᑎᒪᔨᖏᓐᓄᑦ ᐃᑲᔪᕐᓯᒍᑎᑦᓴᐅᓱᑎᑦ ᓄᓇᕕᒻᒥᐅᓂᑦ ᓯᕗᕐᖏᒍᑎᑦᓴᐅᓱᑎᑦ ᐊᐅᒃᑯᑦ ᐱᑕᑦᓴᖃᓗᐊᕐᓂᒥᒃ/ ᒪᒪᕐᓴᐅᑎᖃᓗᐊᕐᓂᒥᒃ ᐃᑯᓪᓚᑎᑦᓯᒐᓱᓐᓂᒥᓗ ᐋᓐᓂᐊᒥᒃ:
- ᐊᐅᒃᑯᑦ ᐱᑕᑦᓴᖃᓗᐊᕐᓂᖅ/ᒪᒪᕐᓴᐅᑎᖃᓗᐊᕐᓂᖅ ᐃᙯᓕᓴᕐᓂᓗ
- ᐊᐅᒃᑯᑦ ᐱᑕᑦᓴᖃᓗᐊᕐᓂᒥᒃ/ᒪᒪᕐᓴᐅᑎᖃᓗᐊᕐᓂᒥᒃ ᑐᑭᓯᑎᑦᓯᒍᑎᒃ
- ᐊᐅᒃᑯᑦ ᐱᑕᑦᓴᖃᓗᐊᕐᓂᖅ/ᒪᒪᕐᓴᐅᑎᖃᓗᐊᕐᓂᖅ ᑕᑉᐱᓕᓂᕐᓗ
- ᐱᐊᕋᑦᓴᖃᕐᓱᓂ ᐊᐅᒃᑯᑦ ᐱᑕᑦᓴᖃᓗᐊᕐᓂᖅ/ᒪᒪᕐᓴᐅᑎᖃᓗᐊᕐᓂᖅ
ᑐᑭᓯᒋᐊᕈᒪᒍᕕᑦ ᑮᓇᐅᔭᖃᕐᑎᓯᒍᑎᐅᒍᓐᓇᑐᓂᑦ, ᐃᑲᔪᕐᓯᒍᑎᑦᓴᓂᑦ ᓱᖃᑦᓯᒍᑎᓕᐊᑎᓐᓂᑦ ᐊᓯᖏᓐᓂᓗᓐᓃᑦ ᐊᐱᕐᓱᑎᑦᓴᖃᕈᕕᑦ, ᐅᖄᕕᖃᕆᑦ:
Veronique Dion Roy
Prevention & Health Promotion Coordinator
Veronique.dion-roy@ssss.gouv.qc.ca
(819) 964-2222, ext. 284
ᑐᑭᓯᒋᐊᕈᒪᒍᕕᑦ:
Health Canada - First Nation, Inuit and Aboriginal Health: Diabetes - Factsheets
The Quebec Diabetes Association: Diabetes Québec
The Canadian Diabetes Association: Diabetes Canada
The International Diabetes Federation (IDF): International Diabetes Federation