ᐃᓄᓐᓅᓕᖓᔪᐃᑦ ᑭᓇᒃᑰᓂᖏᑦ
ᓄᓇᕕᒻᒥ ᐃᓗᓯᖏᑦ 2021 ᐃᓄᐃᑦ ᑭᓯᑕᐅᒍᑎᖏᑦ ᑐᖕᖓᕕᑎᒍᑦ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇ ᖃᐅᔨᑎᑦᓯᒍᑎ ᑐᑭᓯᓇᕐᑎᓯᔪᖅ ᐊᑦᔨᒌᖕᖏᑐᓂ ᐃᓄᓐᓅᓕᖓᔪᓂᒃ ᐊᒻᒪᓗ ᑭᓯᑕᐅᖃᑦᑕᓯᒪᔪᐃᑦ ᖃᐅᔨᒪᔭᐅᔪᑦ ᓄᓇᕕᒻᒥᐅᑦ ᐅᓄᕐᓂᖏᑦ 2021 ᑎᑭᑦᓱᒍ. ᒪᓕᑦᓱᒋᑦ ᑲᓇᑕᒥ ᑭᓯᑦᑏᑦ ᐊᒻᒪᓗ ᓂᕈᐊᕐᑕᐅᖃᑦᑕᓯᒪᔪᑦ ᐋᓐᓂᐊᓂᓕᕆᓂᕐᓅᓕᖓᔪᐃᑦ ᐊᐅᓚᑦᓯᕕᖏᑦᑕ ᑐᕐᖃᑕᕐᕕᖏᑦ, ᐊᓪᓚᓯᒪᔪᐃᑦ ᓴᕐᕿᑎᑦᓯᔪᑦ ᖃᓄᐃᓕᖓᓕᕇᑦᑐᓂᒃ ᓄᓇᕕᐅᑉ ᐃᓗᐊᓂ ᑯᐯᑉ ᐃᓗᐊᓂᓗ. ᐃᓗᓕᕐᑕᓕᒃ ᑐᓂᕐᕈᓯᐊᖑᖃᑦᑕᓯᒪᔪᑦ, ᐅᓄᕐᓃᑦ, ᐊᒻᒪᓗ ᐃᓗᐃᒃᑫᑦ ᐊᕕᑦᑐᑕᐅᒪᔪᑦ ᐃᓪᓗᓕᓐᓅᓕᖓᑦᓱᑎᒃ, ᐃᓕᓐᓂᐊᓂᕐᒧᑦ, ᐱᓇᓱᒐᖃᕐᓂᒧᑦ, ᐊᒻᒪᓗ ᑮᓇᐅᑦᔭᓵᕆᔭᐅᔪᓂᑦ.
ᓄᓇᕕᒻᒥ ᐃᓗᓯᖏᑦ 2018 ᐃᓄᐃᑦ ᑭᓯᑕᐅᒍᑎᖏᑦ ᑐᖕᖓᕕᑎᒍᑦ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇ ᖃᐅᔨᑎᑦᓯᒍᑎ ᑐᑭᓯᓇᕐᑎᓯᔪᖅ ᐊᑦᔨᒌᖕᖏᑐᓂ ᐃᓄᓐᓅᓕᖓᔪᓂᒃ ᐊᒻᒪᓗ ᑭᓯᑕᐅᖃᑦᑕᓯᒪᔪᐃᑦ ᖃᐅᔨᒪᔭᐅᔪᑦ ᓄᓇᕕᒻᒥᐅᑦ ᐅᓄᕐᓂᖏᑦ 2016 ᑎᑭᑦᓱᒍ. ᒪᓕᑦᓱᒋᑦ ᑲᓇᑕᒥ ᑭᓯᑦᑏᑦ ᐊᒻᒪᓗ ᓂᕈᐊᕐᑕᐅᖃᑦᑕᓯᒪᔪᑦ ᐋᓐᓂᐊᓂᓕᕆᓂᕐᓅᓕᖓᔪᐃᑦ ᐊᐅᓚᑦᓯᕕᖏᑦᑕ ᑐᕐᖃᑕᕐᕕᖏᑦ. ᑖᓐᓇ ᐱᐅᓯᐅᓯᒪᔪᖅ ᑐᖕᖓᕕᐅᓚᐅᕐᓯᒪᔪᖅ ᓄᑕᐅᓯᓕᕐᑐᐃᒍᑎᒥ 2024-2025-ᖑᑎᓪᓗᒍ, ᑌᒣᑦᓱᒍ, ᐅᓄᕐᓂᖏᑦ ᐊᒻᒪᓗ ᖃᐅᔨᑎᑦᓯᒍᑏᑦ ᑖᑦᓱᒥᖓ ᐊᑦᔨᐸᓱᓖᑦ.
ᐃᓗᓰᑦ ᓄᓇᕕᒻᒥ 2011: ᐃᓄᓕᒫᓅᓕᖓᔪᑦ ᐊᒻᒪᓗ ᒪᑭᑕᒐᓱᐊᕐᓃᑦ ᖃᓄᐃᓕᖓᓂᖏᑦ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇᖃᐅᔨᑎᑦᓯᒍᑎ ᐃᓗᓕᕐᑕᓕᒃ ᐃᓄᓐᓅᓕᖓᔪᓂᒃ ᑭᓯᑕᐅᒍᑎᐅᖃᑦᑕᓯᒪᔪᓂᑦ ᓄᓇᕕᒻᒥᐅᓂᑦ ᐊᕐᕌᒍᑦ 2011 ᑎᑭᑦᓱᒍ. ᐃᓄᓐᓅᓕᖓᑦᓱᑎᒃ ᐊᒻᒪᓗ ᐃᓄᐃᑦ ᒪᑭᑕᒐᓱᐊᕐᓂᖏᓐᓄᑦ ᐋᕐᕿᓯᒪᓂᖏᓐᓄᑦ. ᖃᐅᔨᒪᔭᐅᔪᑦ ᐱᓯᒪᔪᑦ ᑯᐯᒃᑯᑦ ᒥᓂᔅᑕᖃᕐᕕᖓᓂ ᐃᓗᓯᓕᕆᓂᕐᒥᒃ ᐊᒻᒪᓗ ᐃᓄᓕᕆᓂᕐᒥᒃ (MSSS), ᐃᓚᐅᑎᓪᓗᒍ ᑲᓇᑕᒥ ᑭᓯᑦᑏᑦ, ᐃᓚᐅᑎᓪᓗᒍ Institut de la statistique du Québec, 2004 ᖃᓄᐃᓂᕐᐱᑖ? ᐃᓗᓰᑦ ᖃᐅᔨᓴᐅᕐᑕᐅᓂᖏᑦ, ᐊᒻᒪᓗ ᓄᓇᖃᕐᖄᓯᒪᔪᐃᑦ ᐃᓄᐃᑦ ᖃᐅᔨᓴᕐᑕᐅᓂᖏᑦ. ᑖᓐᓇ ᐱᐅᓯᐅᓯᒪᔪᖅ ᑐᑭᓯᓇᑦᓯᐊᓂᕐᓴᑕᓕᒃ ᓄᑕᐅᓯᓕᕐᑐᑕᐅᓯᒪᔪᓂ, ᒪᓂᔨᑦᓱᓂᓗ ᐊᓪᓚᓯᒪᔪᓂᒃ ᖃᓄᐃᓕᖓᓕᕇᑦᓯᐅᑐᕐᑕᖃᕐᓱᓂ ᐊᓯᖏᓐᓄᑦ ᐃᓄᐃᑦ ᓄᓇᖏᓐᓄᑦ.
ᐃᓄᒻᒪᕇᓪᓗ ᐃᓄᑐᙯᓪᓗ ᐃᓗᓯᒋᔭᖏᑦᑕ ᖃᓄᐃᑦᑑᓂᖏᑦ
ᓄᓇᕕᒻᒥ ᐃᓗᓯᒋᔦᑦ ᖃᓄᐃᑦᑑᓂᖏᑦ 2021, 15-ᓂᑦ ᐅᑭᐅᓖᑦ ᐅᖓᑖᓄᑦ ᐃᓄᐃᑦ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇ ᐃᓗᓯᒋᔦᑦ ᖃᓄᐃᑦᑑᓂᖏᑦ ᑐᖕᖓᕕᖃᕐᖁᑦ ᐃᓄᓕᒫᑦ ᐃᓗᓯᒋᔭᖏᓐᓂᑦ ᐅᑭᐅᓕᓐᓂᑦ 15-ᓂᑦ ᐅᖓᑖᓄᓪᓗ. ᒪᓕᑦᓱᒋᑦ ᑭᓯᑦᑕᐅᒪᔪᑦ ᓂᕈᐊᕐᑕᐅᓚᐅᕐᑐᕕᓃᑦ ᐋᓐᓂᐊᓯᐅᕆᕕᓐᓂ-ᐊᐅᓚᑦᓯᓂᓕᕆᕕᓐᓂ, ᐊᓪᓚᖁᑎ ᑕᑯᑦᓴᐅᑎᑦᓯᕗᖅ ᐊᑦᔨᒌᖕᖏᑐᓂᑦ ᓄᓇᕕᒻᒥ ᐱᓯᒪᔪᓂᑦ ᐃᓚᐅᑎᓪᓗᒋᑦ ᑯᐯᒻᒥ. ᓇᓗᓀᕐᓯᔪᖅ ᐱᐅᓯᐅᓲᓂᑦ ᓇᐅᓕᒫᓅᓕᖓᔪᓂᒃ ᐃᓗᓯᕐᒨᓕᖓᔪᓂᒃ, ᐊᑑᑎᑦᑕᑐᓂᑦ ᐃᓗᓯᒃᑯᑦ ᐱᓀᓗᑕᒋᔭᐅᓲᓂᑦ ᐊᒻᒪᓗ ᐃᓅᕈᓐᓀᕈᑎᐅᓲᑦ ᓱᓇᐅᓂᖏᓐᓂᒃ ᐊᒻᒪᓗ ᐋᓐᓂᐊᕕᓕᐊᕈᑎᒋᔭᐅᓲᓂᑦ. ᑭᖑᓪᓕᐹᒥ, ᓄᐊᑕᐅᒪᔪᐃᑦ ᑐᑭᓯᓇᕐᑎᓯᒍᑎᖏᑦ ᓴᕐᕿᑎᑕᐅᒪᔪᑦ ᑖᑦᓱᒥᖓ ᐊᓪᓚᓯᒪᔪᒥ ᐃᓗᓯᕐᓅᓕᖓᔪᐃᑦ ᐱᓇᓱᐊᕐᑕᐅᒍᑎᒋᔭᖏᓐᓂᒃ ᐊᒻᒪᓗ ᐱᒍᑦᔨᐅᑎᐅᔪᓂᒃ ᒪᓂᔭᐅᒪᔪᓂᒃ ᓄᓇᕕᒻᒥᐅᓄᑦ ᖃᐅᔨᓴᕐᑕᐅᓯᒪᔪᓄᑦ.
ᓄᓇᕕᒻᒥ ᐃᓗᓯᒋᔦᑦ ᖃᓄᐃᑦᑑᓂᖏᑦ 2018, 15-ᓂᑦ ᐅᑭᐅᓖᑦ ᐅᖓᑖᓄᑦ ᐃᓄᐃᑦ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇ ᐋᕐᕿᓯᒪᓂᖓ ᓴᕐᕿᑎᑦᓯᕗᖅ ᐋᓐᓂᐊᕖᑦ ᓱᓇᐅᓂᖏᓐᓂᒃ ᐊᒻᒪᓗ ᐃᓅᕈᓐᓀᕈᑎᐅᕙᓪᓗᓲᓂᑦ, ᐃᓚᐅᑎᓪᓗᒋᑦ ᐃᓄᓐᓅᓕᖓᔪᐃᑦ ᓄᐊᑕᐅᒪᔪᑦ ᓄᓇᕕᒻᒥᐅᓄᑦ ᐅᑭᐅᓕᓐᓄᑦ 15-ᓂᑦ ᐅᖓᑖᓄᓪᓗ 2017-ᒧᑦ ᑎᑭᑦᓱᒍ. ᓄᐊᑕᐅᒪᔪᑦ ᐱᔭᐅᓯᒪᔪᑦ ᓂᕈᐊᕐᑕᐅᒪᔪᓂᒃ ᐋᓐᓂᐊᓯᐅᕆᕕᓐᓂ-ᐊᐅᓚᑦᓯᓂᓕᕆᕕᓐᓂ. ᑖᓐᓇ ᐋᕐᕿᑕᐅᒪᔪᖅ ᐱᒍᑦᔨᐅᑎᐅᓚᐅᕐᓯᒪᔪᖅ ᑐᖕᖓᕕᒋᔭᐅᑦᓱᓂ 2021-ᒥ ᓄᑕᐅᓯᓕᕐᑐᑕᐅᓚᐅᕐᑐᕕᓂᕐᒥᒃ 2024–2025, ᑌᒣᑦᓱᒍ, ᐅᓄᕐᓂᖏᑦ ᐊᒻᒪᓗ ᑐᓴᐅᒪᑎᑦᓯᒍᑏᑦ ᐃᓚᐅᑎᑕᐅᔪᑦ ᑖᑦᓱᒥᖓ ᐅᓄᕐᓂᖏᑦ ᐊᑦᔨᐸᓱᒌᑦᑐᑦ.
ᐃᓗᓯᒋᔦᑦ ᖃᓄᐃᑦᑑᓂᖏᑦ ᓄᓇᕕᒻᒥ 2015: ᑐᖕᖓᕕᒋᑦᓱᒋᑦ ᐅᕕᒃᑫᑦ, ᐃᓄᒻᒪᕇᑦ ᐃᓄᑐᙯᓪᓗ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇ ᐋᕐᕿᓯᒪᓂᖓ ᐊᑐᐃᓐᓇᕈᕐᑎᑕᐅᓯᒪᔪᖅ 2015-ᖑᑎᓪᓗᒍ ᐊᒻᒪᓗ ᑐᓴᕐᑎᓯᐅᑎᓕᐅᖁᓪᓗᒋᑦ ᐃᓄᐃᑦ ᐃᓗᓯᕆᔭᖏᑦᑕ ᒥᑦᓵᓄᑦ. ᐊᓪᓚᓯᒪᔪᕐᑕᓕᒃ ᑐᓴᐅᒪᑎᑦᓯᒍᑎᓂᑦ ᐊᑦᔨᒌᖕᖏᑐᓂᒃ ᐃᓗᓰᑦ ᐱᓀᓗᑕᕆᔭᐅᓯᒪᔪᓂᒃ ᐊᒻᒪᓗ ᐃᓄᐃᑦ ᐱᐅᓯᒋᖃᑦᑕᓯᒪᔭᖏᓐᓂᒃ ᐃᓗᓯᐅᑉ ᒥᑦᓵᓂ, ᐊᑦᑕᓇᕐᑐᐃᑦ ᓴᕐᕿᖃᑦᑕᓯᒪᔪᑦ, ᐊᒻᒪᓗ ᑐᑭᓯᓇᕐᑎᓯᑦᓱᓂ ᑭᖕᖒᒪᒋᔭᐅᔪᓂᒃ ᖃᐅᔨᓴᕐᑕᐅᒋᐊᓕᓐᓂᒃ ᐃᓗᓯᓕᕆᕕᓐᓄᑦ. ᐊᑕᐅᑦᓯᑯᑦ ᐱᔭᐅᓯᒪᑦᓱᑎᒃ, ᐊᓪᓚᓯᒪᔪᑦ ᑐᑭᓯᓇᕐᑎᓯᔪᓂᒃ ᐃᓗᓕᑦᑕᓕᒃ ᐃᓱᒪᒋᔭᑦᓴᕆᔭᐅᔪᓂᒃ ᐃᓗᓯᓕᕆᕕᓐᓄᑦ ᐊᒻᒪᓗ ᓇᓗᓀᕐᓯᒐᓱᐊᖁᓪᓗᒋᑦ ᓱᓇᓄᑦ ᓱᕐᕋᑕᐅᓂᖃᓲᖑᒻᒪᖔᑕ ᓄᓇᕕᒻᒥᐅᑦ.
ᐃᓚᒌᑦ ᐃᓗᓯᖏᓐᓅᓕᖓᔪᑦ ᐋᕐᕿᓯᒪᓂᖏᑦ
ᓄᓇᕕᒻᒥᐅᑦ ᖃᓄᐃᒻᒪᖔᑕ ᖃᓄᐃᓕᖓᓂᖓ 2018-ᒥ, ᐊᓈᓇᐅᔪᑦ ᕿᑐᕐᖓᖏᓪᓗ ᖃᓄᐃᒻᒪᖔᑕ (ᖃᓪᓗᓈᑎᑑᕐᑐᐃᑭᓯᐊᓂ)
ᑖᓐᓇ ᐋᕐᕿᑕᐅᒪᔪᖅ ᓴᕐᕿᑎᑦᓯᕗᖅ ᑐᑭᓯᒪᔭᐅᔪᓂᒃ ᐃᓗᓯᕆᔦᑦ ᖃᓄᐃᑦᑑᓂᖏᓐᓂᒃ ᐱᐊᕋᕐᓂ ᐅᑭᐅᑭᑦᑐᓂᒃ ᐃᓚᒌᓂᓪᓗ ᓄᓇᕕᒻᒥ, ᒪᓕᑦᓱᒋᑦ ᖃᐅᔨᒪᔭᐅᔪᑦ ᐊᑐᐃᓐᓇᐅᔪᑦ 2012-ᒧᑦ ᑎᑭᑦᓱᒍ. ᓇᓗᓀᕐᓯᕗᖅ ᐃᓄᐃᑦ ᐱᐅᓯᒋᖃᑦᑕᓯᒪᔭᖏᓐᓂᒃ, ᐃᓚᒌᑦ ᓇᔪᕐᑕᖏᑦᑕ ᖃᓄᐃᓕᖓᓂᖏᓐᓂᑦ, ᓄᓇᓖᑦ ᐃᓪᓗᖁᑎᖏᑦ, ᐊᒻᒪᓗ ᐱᐅᓯᒋᔭᐅᓲᓂᒃ ᐃᓗᓯᒃᑯᑦ ᐱᓀᓗᑕᖃᕐᑎᓯᓚᕿᐅᑎᐅᓲᓂᒃ ᐋᓇᓇᐅᔪᓂ, ᐃᓚᒌᑦᑐᓂ ᐊᒻᒪᓗ ᐱᐊᕋᕐᓂᒃ. ᖃᐅᔨᒪᔭᐅᔪᑦ ᐱᓯᒪᔪᑦ ᑯᐯᒃᑯᑦ ᒥᓂᑦᓵᖃᕐᕕᖏᓐᓂ ᐃᓗᓯᓕᕆᓂᕐᒥᒃ ᐊᒻᒪᓗ ᐃᓄᓕᕆᓂᕐᒥᒃ (MSSS), ᑲᓇᑕᒥ ᑭᓯᑦᑏᑦ, ᐊᒻᒪᓗ ᐃᓄᓕᒫᑦ ᐃᓗᓯᖏᓐᓅᓕᖓᔪᓂ ᖃᐅᔨᓴᕈᑎᕕᓂᕐᓂᒃ.
ᓄᓇᕕᒻᒥ ᐃᓗᓯᒋᔦᑦ ᖃᓄᐃᑦᑑᓂᖏᑦ 2015-ᒥ ᐱᐅᓯᐅᓯᒪᔪᑦ: ᐱᐊᕃᑦ ᐅᑭᐅᑭᑦᑐᑦ ᐃᓚᖏᓪᓗ, ᐅᕕᒃᑫᑦ, ᐃᓄᒻᒪᕇᑦ ᐊᒻᒪᓗ ᐃᓄᑐᙯᑦ
ᑖᓐᓇ ᐊᓪᓚᖁᑎ ᐊᓪᓚᓯᒪᔪᕐᑕᓕᒃ ᑐᓴᐅᒪᑎᑦᓯᒍᑎᓂᒃ ᓄᓇᕕᒻᒥ ᐃᓗᓯᒋᔦᑦ ᐋᕐᕿᓯᒪᓂᖏᓐᓂᒃ 2014: ᐱᐊᕃᑦ ᐅᑭᐅᑭᑦᑐᐃᑦ ᐃᓚᖏᓪᓗ, ᐊᒻᒪᓗ ᓄᓇᕕᒻᒥ ᐃᓗᓯᒋᔦᑦ ᐋᕐᕿᓯᒪᓂᖏᑦ 2015: ᐅᕕᒃᑫᑦ, ᐃᓄᒻᒪᕇᑦ ᐊᒻᒪᓗ ᐃᓄᑐᙯᑦ.
ᓄᓇᕕᒻᒥᐅᑦ ᖃᓄᐃᒻᒪᖔᑕ ᖃᓄᐃᓕᖓᓂᖓ 2014-ᒥ: ᑲᒃᑲᓛᑦ, ᐱᐊᕃᑦ ᐃᓚᖏᓪᓗ (ᖃᓪᓗᓈᑎᑑᕐᑐᐃᑭᓯᐊᓂ)
ᖃᓄᐃᒻᒪᖔᑕ ᖃᓄᐃᓕᖓᓂᖓ ᑕᑯᒋᐊᕈᑎᑦᓴᐅᕗᖅ ᐃᓘᓐᓈᒍᑦ ᖃᓄᐃᒻᒪᖔᑕ ᑲᒃᑲᓛᑦ, ᐱᐊᕃᑦ ᐃᓚᖏᓪᓗ ᓄᓇᕕᒻᒥ, ᑐᖕᖓᕕᒋᑦᓱᒋᑦ ᖃᐅᔨᓴᐅᑎᕕᓃᑦ 2012-ᒧᑦ ᑎᑭᑦᑐᑦ. ᕿᒥᕐᕈᕈᑕᐅᓯᒪᔪᑦ ᑭᑎᑦᔪᑎᑎᒍᑦ, ᐃᓚᒌᓪᓗ ᖃᓄᐃᑦᑐᒥᒃ ᐃᓅᓯᖃᕐᓂᖏᓐᓂᒃ, ᓄᓇᓕᓐᓂᓗ ᐃᓱᕐᕉᑎᑦᓴᓂᒃ, ᖃᓄᐃᒍᑎᐅᓲᓂᓪᓗ ᓱᕐᕃᓯᒪᔪᓂᒃ ᐊᓈᓇᐅᔪᓂᒃ, ᐃᓚᒌᓂᓪᓗ, ᕿᑐᕐᖓᖏᓐᓂᓗ. ᖃᐅᔨᓴᐅᑎᐅᒋᐊᖕᖓᑐᕕᓂᕐᓂᒃ ᐱᕕᐅᓯᒪᕗᑦ ᑐᕐᖃᑕᕐᕕᑯᑦ (MSSS), ᑲᓇᑕᒥ ᑭᑎᑦᓯᒍᑎᓕᕆᔩᑦ, ᐃᓄᓕᒫᓪᓗ ᖃᓄᐃᒻᒪᖔᑕ ᖃᐅᔨᓴᐅᑎᕕᓃᑦ.
ᑐᑭᓯᒋᐊᓪᓛᕈᒪᒍᕕᑦ
ᑐᑭᓯᒋᐊᓪᓛᕈᒪᒍᕕᑦ, ᖃᐅᔨᓴᕐᕕᒋᓗᒋᑦ ᑐᖕᖓᕕᑎᒎᕐᑐᑦ ᑐᓴᕐᑎᓯᐅᑏᑦ ᐱᓯᒪᔪᑦ ᖃᓄᐃᓕᕐᐱᑖ? 2017 ᐃᓗᓯᓅᓕᖓᔪᓂ ᖃᐅᔨᓴᕈᑎᕕᓂᖅ, ᓇᓪᓕᖏᑦ ᐊᓪᓚᖁᑏᑦ ᑎᒥᒨᓕᖓᔪᑦ ᐊᒻᒪᓗ ᐃᓱᒪᓅᓕᖓᔪᑦ ᖃᓄᐃᓕᖓᓂᖏᑦ ᐃᓚᐅᑎᓪᓗᒋᑦ ᐃᓄᓐᓅᓕᖓᔪᑦ ᓇᓗᓀᕐᓯᐅᑏᑦ ᓄᓇᕕᒻᒥᐅᑦ ᐃᓗᓯᒋᔭᖏᑦ, ᐊᒻᒪᓗ ᑐᓴᕐᑎᓯᐅᑏᑦ ᐃᓗᓯᓅᓕᖓᔪᑦ ᖃᐅᔨᓴᕈᑎᕕᓃᑦ ᐳᕐᑐᓂᕐᓴᒥ ᐃᓕᓐᓂᐊᑎᓂ ᓄᓇᕕᒻᒥ, ᐅᕕᒃᑲᕗᑦ ᖃᓄᐃᑉᐸᑦ?