ᖃᓄᖅ ᒪᓗᒋᓕᕐᑕᐅᓱᒍᒻᒪᖔᑦ ᐳᕙᓪᓗᓇᖅ

how to detect TBᐳᕙᓪᓗᓇᖅ ᓯᓓᕐᕆᓯᓲᑦᓴᔭᓪᓚᕆᐊᓗᒃ ᖃᓂᒻᒪᓯᐅᑦᓱᓂ ᐊᓪᓛᑦ ᑌᔭᐅᒍᓐᓇᕋᒥ "ᓂᐯᑦᑐᓴᔭᐅᑦᓱᓂ ᑐᖁᕃᔨ" ᑕᒪᒃᑯᐊ ᖃᓂᒻᒪᓯᐅᑉ ᐃᓕᑕᕐᓇᐅᑎᖏᑦ ᑕᕐᕿᓂ ᐊᒥᓱᓂ ᓄᐃᓲᒍᖕᖏᒪᑕ ᐊᓪᓛᑦ ᐊᕐᕌᒍᓂ ᐊᒥᓱᑐᕈᓐᓇᑐᖅ ᑖᓐᓇ ᐱᕈᕐᐸᓕᐊᑕᐅᒐᕐᓂᖓ. ᓴᕐᕿᓴᕋᑕᕋᒥᓗ ᑎᒥᒥᓕᕆᐊᖓ, ᑎᒦᑦ ᐃᓕᐊᕐᕆᓯᒌᕐᓱᓂ ᐃᑲᔪᕐᑕᐅᒍᒪᓗᓂ.

ᖃᓂᒻᒪᓯᖅ ᑖᓐᓇ ᓱᒃᑫᑐᒥᒃ ᐱᕙᓪᓕᐊᑕᐅᒐᓲᖅ, ᑎᒥᓕᒫᕐᓄᑦ ᐃᕐᐸᕇᕐᓱᓂ ᐃᓕᒪᓇᒐᓛᒐᓂ, ᐱᕈᕐᐸᓕᐊᓂᖓᓗ ᓱᑲᑦᑐᐊᓘᓕᕇᕐᓱᓂ ᐃᓂᓯᓯᒪᒐᔪᓲᖑᒐᒥ ᐳᕙᓐᓂ. ᓄᐃᓴᓕᕐᐸᑦ ᑖᓐᓇ ᖃᓂᒻᒪᓯᖅ ᖁᐃᕐᑐᑲᑦᑕᓯᐊᓗᑦᓴᕋᔭᕐᑐᑎᑦ ᓄᕐᖃᕈᓐᓇᖏᐅᒪᓲᒥᒃ ᑲᖐᖏᓪᓗᐊᕋᔭᕐᓇᒍᓗ ᑌᒣᓕᕋᓗᕈᕕᑦ. ᑭᓯᐊᓂ ᖃᓂᒻᒪᓯᖅ ᑖᓐᓇ ᐃᖏᕐᕋᔪᑐᖃᐅᓕᕈᓂ ᑎᒥᓐᓂ, ᐊᓯᐊᒍᑦ ᖃᓂᒻᒪᓯᐅᒍᓐᓇᒥᔪᓂᒃ ᓴᕐᕿᕕᐅᓕᕋᔭᕆᕗᑎᑦ, ᑌᒣᒻᒪᓗ ᐃᑉᐱᒋᑦᓯᐊᕆᐊᓕᒻᒪᕆᒃ ᓵᓚᐅᑦᑌᓕᒐᓱᐊᕈᑎᒋᓗᒍ.

ᐃᓄᒃ ᓇᓪᓕᐊ ᐊᑕᐅᓯᕐᒥ ᒪᕐᕉᓂᓘᓐᓃᑦ ᑎᒥᖓᑕ ᖃᐅᔨᓵᕆᒍᑎᖏᓐᓂᒃ ᐊᑑᑎᓕᕐᑐᖅ ᐋᓐᓂᐊᓯᐅᕐᑎᑯᓐᓄᑦ ᖃᐅᔨᓴᕐᑕᐅᒍᒪᒋᐊᓕᒃ ᖃᒻᒥᐅᒍᓐᓇᕕᓕᒫᖓᒍᑦ:

  • ᖁᐃᕐᑐᑲᑦᑕᓲᑦᓴᔭᐅᑦᔭᓇᒃ ᓄᕐᖃᕈᒣᖃᑦᑕᑐᒥᒃ ᖁᐃᕐᑐᖃᑦᑕᓕᕐᑐᑎᑦ ᐱᓇᓱᐊᕈᓯᒃ ᒪᕐᕉᒃ ᐅᖓᑖᓄᑦ
  • ᐅᕆᐊᖃᑦᑕᓕᕐᑐᑎᑦ ᐊᐅᒻᒥᒃ
  • ᓂᕆᒍᒪᑦᓯᐊᓲᖑᒍᓐᓀᑐᑎᑦ ᓴᓗᑉᐸᓕᐊᑐᐃᓐᓇᓕᕐᓱᑎᓪᓗ
  • ᑎᒦᑦ ᐆᓇᖃᑦᑕᑐᖅ
  • ᓴᕝᕖᑦ ᐋᓐᓂᐊᖃᑦᑕᑐᖅ ᐊᓂᕐᑎᕆᓕᑐᐊᕋᕕᑦ
  • ᐅᓐᓄᐊᒥ ᐊᐅᒃᑲᓂᖓᖃᑦᑕᑐᑎᑦ
  • ᓄᑮᑦᑑᖃᑦᑕᑐᑎᑦ ᑕᖃᒪᑐᐃᓐᓇᓱᑎᓪᓗ

ᒪᓗᒍᓱᑐᐊᕈᕕᑦ ᐳᕙᓪᓕᔭᒎᕐᓗᑎᑦ, ᓂᕆᐅᑦᓯᐊᕆᐊᖃᕐᖁᑎᑦ ᐊᒥᓱᐃᑎᒍᑦ ᖃᐅᔨᓴᕐᑕᐅᒍᑎᖃᖃᑦᑕᕆᐊᖃᓚᖓᒐᕕᑦ ᐋᓐᓂᐊᓯᐅᑎᒃᑯᓂ, ᐅᕕᓃᓪᓗ ᕿᓱᐹᕐᑕᐅᓗᓂ ᖃᐅᔨᓴᐅᑎᒧᑦ, ᓄᕙᒃᑯᕕᖃᕐᓗᑎᑦ ᐊᒻᒪᓗ ᑎᒦᑦ ᑕᕐᕋᑐᕐᑕᐅᓗᓂ. ᐃᓚᖏᑦ ᖃᐅᔨᓴᐅᑏᑦ ᐃᑲᐅᕐᓂᑐᓲᑦᓴᔦᑦ 48-ᓂᒃ ᑎᑭᑦᓱᒍ 72 ᐃᑲᐅᕐᓂᓄᑦ ᑐᑭᓯᓇᐅᑎᖏᑦ ᓄᐃᖕᖏᓂᖏᓐᓂ. ᐃᓚᖏᑦ ᐊᑯᓃᕐᓂᓴᒻᒪᕇᑦ ᖃᐅᔨᓴᐅᑏᑦ. ᖃᐅᔨᓴᕐᑕᐅᔪᕕᓂᐅᓗᑎᑦ ᖃᐅᔨᔭᐅᑦᓴᓂᕈᕕᑦ ᐳᕙᓪᓗᓇᕐᑕᖃᓕᕆᐊᖅ ᓯᓂᓐᓂᕋᕐᑕᐅᔪᒥᒃ ᒪᒥᓴᐅᑎᑖᕐᑎᑕᐅᓚᖓᔪᑎᑦ ᑐᖁᓴᐅᑎᖓᓂᒃ ᖁᐱᕐᕉᑉ. ᖃᐅᔨᓴᕐᑕᐅᓗᑎᑦ ᖃᐅᔨᔭᐅᑦᓴᓂᕈᕕᑦ ᐊᓱᐃᓛᒃ ᐳᕙᓪᓗᓇᕐᒥᒃ ᐃᖏᕐᕋᓕᕐᑐᒥᒃ ᑎᒦᑦ ᐱᑕᖃᓕᕆᐊᖓ, ᐋᓐᓂᐊᕕᒻᒦᒋᐊᖃᓯᑐᐃᓐᓇᕆᐊᖃᕐᑐᑎᑦ ᒪᒥᓴᕐᑕᐅᒋᐊᕐᑐᓯᒪᓗᑎᑦ.

ᑕᒪᒃᑯᐊᓕᒫᑦ ᐱᓇᓱᐊᕐᑕᐅᒍᑎᒋᒋᐊᑐᕋᔭᖕᖏᒥᔭᑎᑦ ᑌᒣᓕᖓᑦᑌᓕᒍᑎᓂᒃ ᐊᑐᕐᑕᐅᖁᔭᐅᓯᒪᔪᓂᒃ ᐊᑐᕐᓗᑎᑦ. ᐃᒫᒃ, ᕿᖓᖃᖕᖏᑐᒥ ᐊᓂᕐᑎᕆᕕᖃᓗᐊᖕᖏᑐᒥ ᐃᓄᓐᓂ ᐊᒥᓱᓃᖃᑦᑕᕈᕕᑦ ᓱᐴᕈᓯᔭᓗᐊᕐᑐᐊᓗᓐᓃᖃᑦᑕᓗᑎᑦ ᐊᒻᒪᓗ ᐃᓄᓐᓂ ᖁᐃᕐᑐᑐᐊᓗᑐᐃᓐᓇᓂᖃᑦᑕᕈᕕᑦ, ᐃᒐᓛᖏᑦ ᐊᒻᒪᑎᕐᓗᒋᑦ ᑎᕐᑐᖓ ᐃᓪᓘᑉ ᓴᓗᒻᒪᓗᒍ ᑌᒫᒃ ᐊᑦᑕᓇᕐᓂᐊᖏᒻᒪᑦ ᓇᔪᕆᐊᖅ.

ᐳᕙᓪᓗᓇᖅ ᖄᖏᓐᓈᑕᐅᒋᐊᒍᓗᖕᖑᐊᑐᐃᓐᓇᕈᓐᓇᖏᑦᑐᖅ. ᐃᓗᓯᕐᓱᓯᐊᕆᐊᖃᕐᓂᓂᐅᕕᑦ ᐸᐸᑦᓯᓯᐊᕆᐊᖃᕐᐳᑎᑦ, ᐃᓗᓯᕐᓱᓯᐊᕐᕆᐊᖃᕐᓂᖏᓐᓂᓗ ᓇᓪᓕᑕᕐᐱᑦ, ᐱᖃᓐᓈᐱᑦ, ᓄᓇᕐᖃᑎᓐᓂᓗ. ᑌᒣᒻᒪᑦ ᐃᓕᑕᕐᓂᐊᓯᐊᕐᓯᒪᒋᐊᖃᕐᐳᑎᑦ, ᖃᐅᔨᓴᕐᑕᐅᓗᑎᑦ, ᒪᒥᓴᐅᑎᑐᕆᐊᖃᕐᓂᕈᕕᓪᓗ ᐱᔭᐅᖁᔭᐅᔪᓂᒃ ᑲᔪᓯᐅᒐᑎᓯᑦᓯᐊᓗᑎᑦ.