ᓱᓇᐅᕚ?
ᐅᖁᕐᑕᖅ ᓄᓇᒥᑦ ᐱᓯᒪᔪᖅ ᓄᐃᓲᖅ ᒥᑭᔪᐊᐱᐅᑦᓱᓂ ᐳᐱᐊᕋᖅ. ᐃᓪᓘᑉ ᐃᓗᐊᓂ, ᐱᕈᕐᐸᓕᐊᓗᐊᖕᖑᐊᕈᓐᓇᑐᖅ ᐁᔪᖓᔪᓂ, ᐊᓄᕆᑖᕈᑎᖃᖕᖏᑐᓂ ᐃᓂᓂ ᐆᑦᑑᑎᒋᓗᒋᑦ ᐃᒐᓕᖅ, ᐊᓇᕐᕖᑦ ᐊᒻᒪᓗ ᐃᓂᓂ ᐃᒪᕐᒥᒃ ᐃᕐᖓᑐᕐᑕᓕᓐᓂ, ᐊᒻᒪᓗ ᐅᓗᑦᔭᐅᓂᐅᑉ ᑭᖑᓂᖓᒍᑦ.
ᐅᖁᕐᑕᖅ ᐃᓕᑕᕆᔭᐅᒍᓐᓇᑐᖅ ᐃᐱᕈᕐᑎᓯᓂᖓᓄᑦ (ᖃᑯᕐᑕᐅᕙᓪᓗᓲᖅ, ᓄᓇᐅᔭᐅᑦᓱᓂ ᐅᕝᕙᓘᓐᓃᑦ ᕿᕐᓂᑕᐅᑦᓱᓂ), ᐁᔪᖓᔪᕐᓱᓂᕐᒥᒃ ᑎᐸᓕᒃ ᐅᕝᕙᓘᓐᓃᑦ ᓇᓗᓀᒃᑯᑌᑦ ᐃᒪᖃᕆᐊᖓ ᐅᕝᕙᓘᓐᓃᑦ ᐁᔪᖓᒋᐊᖓ (ᐆᑦᑑᑎᒋᓗᒋᒃ ᐊᖏᓕᓯᒪᔪᖅ, ᐃᒪᐅᑉ ᐃᐱᕈᕐᑎᑕᖏᑦ), ᓇᓗᓀᕐᓯᒍᓐᓇᑐᑦ ᐱᑕᖃᕆᐊᖓ ᐊᑭᓐᓀᑦ ᐃᓗᐊᓂ ᐅᕝᕙᓘᓐᓃᑦ ᐊᑭᓐᓀᑦ ᖁᓛᖏᑦᑕ ᖄᖓᓂ.
ᐃᓗᓯᕐᒥᒃ ᓱᕐᕃᓂᖏᑦ
ᐊᖏᔫᖕᖏᑐᓂ ᒪᓂᕋᑦᑐᓂ ᐊᒻᒪᓗ ᓴᓗᒻᒪᓴᕐᑕᐅᓴᐅᑎᒋᑐᐊᕋᒥ, ᐅᖁᕐᑕᖅ ᐱᓀᓗᑕᓂᒃ ᓄᐃᑦᓯᓲᖑᖕᖏᑐᖅ. ᑭᓯᐊᓂ, ᐃᕐᐸᓲᖅ, ᐊᓂᕐᓵᑕᑦᑎᓅᔦᒍᓐᓇᑐᖅ ᐳᔪᕆᓂᕐᓂᒃ ᐃᓗᓯᕐᒧᑦ ᐱᓀᓗᑕᐅᒍᓐᓇᑐᓂᒃ.
ᐅᖁᕐᑕᖅ ᓱᕐᕃᓲᖑᖕᖏᑐᖅ ᐃᓘᓐᓇᑎᓐᓂᒃ. ᐃᓚᖏᑦ ᓱᕐᕋᑕᐅᓂᕐᒧᑦ ᓇᓗᓀᒃᑯᑕᐅᒍᓐᓇᑐᑦ ᐃᓚᓖᑦ ᑲᒃᑭᓕᓂᕐᒥᒃ, ᖁᐃᕐᑐᓂᕐᒥᒃ, ᐊᓂᕐᓵᓯᐊᖕᖏᓂᕐᒥᒃ, ᐳᕙᒃᑯᑦ ᐃᒻᒪᓂᕐᓂᒃ ᐊᒻᒪᓗ ᐅᖏᓚᓐᓂᓂᒃ ᐃᔨᒃᑯᑦ, ᕿᖓᒃᑯᑦ, ᐃᒃᒋᐊᑯᑦ ᐅᕕᓂᒃᑯᓗ.
ᐃᓄᐃᑦ ᐊᑦᑕᓇᕐᑐᒦᑐᐃᓐᓇᕆᐊᖃᕐᓂᐹᑦ ᑌᒃᑯᐊ ᐱᖒᓲᑦ, ᐳᕙᒃᑯᑦ ᐃᓗᓯᕐᓱᓯᐊᖕᖏᑐᑦ (ᐆᑦᑑᑎᒋᓗᒍ, ᐊᓂᕐᓵᓯᐊᕐᖃᔭᖕᖏᓂᖅ) ᐅᕝᕙᓘᓐᓃᑦ ᓴᖕᖐᓕᓯᒪᔪᑦ ᖃᓂᒻᒪᓯᕐᒥᒃ ᑎᒥᐅᑉ ᐅᓇᑕᕈᑎᖏᑦ, ᐊᒻᒪᓗ ᐃᓄᑐᙯᑦ, ᓄᑕᕃᑦ ᐊᒻᒪᓗ ᐱᐊᕋᑦᓴᓖᑦ ᐊᕐᓀᑦ.
ᐅᖁᕐᑎᓯᑦᑌᓕᒍᓯᖅ
- ᐊᓂᕐᕋᖅ ᐊᓄᕆᑖᕈᑎᖃᕐᑎᓯᐊᖏᓐᓇᓕᒫᕋᓱᓪᓗᒍ ᐱᒍᓐᓇᕕᓕᒫᖓᓄᑦ.
- ᐃᑭᖃᑦᑕᓗᒍ ᐊᓄᕆᑖᕈᑎ ᐃᓘᓐᓇᓂᐊᓕᕈᕕᑦ ᑭᖑᓂᖓᒍᓪᓗ ᐊᒻᒪᓗ ᐃᒐᓕᐅᑉ ᐊᓄᕆᑖᕈᑎᖓ ᐊᑐᖃᑦᑕᓗᒍ ᐃᒐᓕᕈᕕᑦ.
- ᓇᕝᕚᕋᓱᐊᑦᓴᐅᑎᒋᖃᑦᑕᓗᒋᑦ ᐃᒪᕐᒥᒃ ᐃᕐᖓᑐᑦ ᐋᕐᕿᑕᐅᑎᑦᓴᐅᑎᒋᓗᒋᓪᓗ ᑯᕕᔪᑦ ᐃᕐᖓᑐᐃᓘᓐᓃᑦ.
- ᐃᓂᖃᕐᑎᖃᑦᑕᓗᒋᑦ ᐊᑦᑐᐊᒍᓐᓀᓗᑎᒃ ᖃᓂᖕᖏᓗᐊᖕᖏᑐᒥᒃ ᐊᑭᓐᓇᒥᑦ ᐃᓪᓗᒥᐅᑌᑦ ᐊᓂᕐᓂᓴᖅ ᓂᒪᑦᓯᐊᖁᓗᒍ.
- ᐊᓪᓕᓃᑦ ᐋᕐᕿᖃᑦᑕᓗᒋᑦ ᖃᖓᑕᔪᒥ ᐃᓪᓕᒥ ᐊᓂᕐᓂᓴᖅ ᓂᒪᑦᓯᐊᖁᓗᒍ ᐊᓪᓕᓂᐅᑉ ᐊᑖᒍᑦ.
- ᐊᓪᓚᑎᖃᑦᑕᓗᒍ ᐃᒪᕈᕐᓯᒪᔪᖅ ᐃᓘᓐᓇᓂᐊᕐᕕᐅᑉ ᐊᕙᓗᐊᓂ ᐊᒻᒪᓗ ᑮᓇᕐᓂᐊᕕᐅᑉ ᒪᕐᕋᓕᕆᕕᐅᓪᓗ ᐊᕙᓗᖏᓐᓂ ᐊᑐᕇᕈᕕᒃᑭᑦ; ᑌᒫᑦᓭᓈᕐᓗᑎᑦ ᐃᒪᕐᒧᑦ ᐃᒐᓛᓃᑦᑐᒧᑦ ᐊᒻᒪᓗ ᐊᓯᖏᓐᓂ ᐃᓂᓂ.
- ᓄᐃᔪᖃᑦᓴᑐᐊᕐᐸᑦ ᐅᖁᕐᑕᐅᓂᒐᓛᐱᒻᒥᒃ (ᐆᑦᑑᑎᒋᓗᒍ, ᕿᕐᓂᑕᖅ ᐃᐱᐅᓂᖅ), ᓴᓗᒻᒪᓴᕐᓗᒍ ᐅᕝᕙᐅᑎᓕᒻᒧᑦ ᐃᒪᕐᒧᑦ ᐊᒻᒪᓗ ᐊᓪᓚᑎᑦᓯᐊᓗᒍ ᐸᓂᑦᓯᐊᑎᓪᓗᒍ.
*** ᐃᕐᐸᐸᑦ ᐅᖁᕐᑕᖅ ᐅᕝᕙᓘᓐᓃᑦ ᐃᒪᖅ ᐃᓪᓘᑉ ᐃᓗᐊᓅᕐᐸᑦ, ᖃᐅᔨᑎᓗᒍ ᑎᒥᐅᔪᖅ ᐅᕝᕙᓘᓐᓃᑦ ᐃᓄᒃ ᑲᒪᔪᖅ ᐃᓪᓗᔪᐊᓂᒃ ᓴᓇᒋᐊᓪᓛᓂᕐᒥᒃ ᖃᐅᔨᑎᑦᓴᐅᑎᒋᓗᒍ.
*** ᐃᓗᓯᒃᑯᑦ ᐱᓀᓗᑕᖃᕈᕕᑦ, ᐅᖄᓚᒋᑦ Info-Santé-ᒧᑦ ᐅᕗᖓ 811 ᐅᕝᕙᓘᓐᓃᑦ ᖃᐅᔨᒋᐊᕐᓗᒍ ᐋᓐᓂᐊᕕᓯ.
ᖃᐅᔨᒋᐊᓪᓛᕈᒪᒍᕕᑦ, ᖃᐅᔨᒋᐊᒃᑭᑦ ᐅᑯᐊ:
- ᐃᓗᓯᒃᑯᑦ ᐱᓀᓗᑌᑦ ᐅᖁᕐᑕᒧᑦ ᑌᒣᑎᑕᐅᔪᑦ | ᑯᐯᒃ ᑲᕙᒪᖓ
- La moisissure dans les maisons information pour les occupants des Premières Nations - ᐅᐃᒍᐃᑎᑑᕐᑐᖅ
- ᐃᓪᓗᓂ - ᑐᑭᓯᒋᐊᕈᑏᑦ ᓄᓇᖃᕐᖄᓯᒪᔪᑦ ᓄᓇᓕᖏᓐᓄᑦ - ᖃᓪᓗᓈᑎᑑᕐᑐᖅ
- Comment reconnaître et éliminer les moisissures (chumontreal.qc.ca) - ᐅᐃᒍᐃᑎᑐᑦ ᑭᓯᐊᓂ
- Moisissures à la maison: faites-leur la vie dure! - Une question de santé (gouv.qc.ca) - ᐅᐃᒍᐃᑎᑑᕐᑐᖅ
- ᐅᖁᕐᑕᖅ ᐲᔭᕈᒃ! - ᖃᓪᓗᓈᑎᑑᕐᑐᖅ