ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓ ᓱᓇᒦᔪᖅ ᐋᓐᓂᐊᓯᐅᕐᑕᐅᒍᑎᓅᓕᖓᔪᓂᒃ ᐊᓪᓚᓯᒪᔪᑎᒍᓪᓗ ᐋᓐᓂᐊᓯᐅᑎᑖᕈᑏᑦ ᐱᐅᒡᒍᑎᖏᓐᓂᑭᓯᐊᓂ. ᓂᐅᕕᕈᑎᕕᓂᓕᒫᑦ ᓱᓇᑐᐃᓐᓇᓂᒃ ᐱᔾᔪᔨᒍᑎᓂᓪᓗ ᐃᓕᖓᔪᓂᒃ ᐋᓐᓂᐊᓯᐅᕈᑎᑦᓭ ᐱᐅᒡᒍᑏᑦ ᐋᓐᓂᐊᓯᐅᕈᑎᑦᓭᓗ ᐱᐅᒡᒍᑏᓪᓘᓃᑦ ᐱᕕᖃᕐᑎᑕᐅᕗᑦ ᐃᓚᐅᒍᓐᓇᓴᓚᐅᕈᑎᒃ ᑕᕝᕙᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖏᑦᑕ ᒪᓕᒐᖃᒍᑎᖏᔭᖏᓐᓂ ᐊᓪᓚᓯᒪᔪᐃᓪᓗ ᐃᓚᐅᒍᓐᓇᑐᑦ ᐱᕙᓪᓕᖁᑎᐅᔪᑦ.
ᐋᓐᓂᐊᓯᐅᕈᑎᑦᓭ ᐱᐅᒡᒍᑏᑦ ᐋᓐᓂᐊᓯᐅᕈᑎᑦᓭᓗ ᐃᓚᓖᑦ ᐅᑯᓂᖓ:
- ᒪᒃᑐᑎᑦᓴᔦᑦ;
- ᐋᓐᓂᐊᓯᐅᕐᑕᐅᒍᑏᑦ ᐆᑦᑑᑎᒋᓗᒋᑦ ᒪᒃᑐᑏᑦ;
- ᐋᓐᓂᐊᓯᐅᕈᑏᑦ ᐱᐅᒡᒍᑏᑦ ᐆᑦᑑᑎᒋᓗᒋᑦ ᐱᓱᒍᑏᑦ, ᐊᒃᓴᓗᐊᓖᑦ ᑫᓪᓗᐊᕈᑏᑦ;
- ᑭᒍᑎᓂᒃ ᓯᑦᑐᑎᕆᔩᑦ ᐱᓪᓗᑯᑦᑐᑎᒍᓪᓗ ᐃᑎᒐᐅᔦᑦ;
- ᑐᓵᒍᑎᓅᓕᖓᔪᐃᑦ ᐆᑦᑑᑎᒋᓗᒋᑦ ᑐᓵᒍᑏᑦ ᐋᕐᕿᓱᕐᑕᐅᓂᖏᓪᓗ;
- ᐊᓂᕐᑎᕆᐅᑏᑦ ᐊᓂᕐᓵᓂᕐᓅᓕᖓᔪᑦ ᐃᑲᔫᑏᑦ ᐱᐅᒡᒍᑏᑦ ᐋᓐᓂᐊᓯᐅᕈᑏᓪᓗ;
- ᐃᓇᖐᒍᑏᑦ ᑎᒥᐅᑉ ᐃᓚᖓ ᓇᑲᑕᐅᒋᐊᓕᕕᓂᐅᑉᐸᑦ, ᐆᑦᑑᑎᒋᓗᒍ ᓂᐅᖕᖑᐊᑦ.
ᐱᒻᒪᕆᒃ
- ᐃᓚᐅᔫᔫᖅ ᑲᒪᔨᒋᔭᖓᓘᓐᓃᑦ ᐊᐱᕐᓱᒋᐊᓕᒃ ᐋᓐᓂᐊᓯᐅᑎᓕᕆᔨᒥᒃ ᖃᐅᔨᒋᐊᕐᕕᖃᖁᔨᓗᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᐱᕕᖃᓂᐊᑐᐊᕈᓂ ᐊᖏᕐᑕᐅᒍᑎᒥᒃ ᓇᓗᓀᕐᓯᔪᒥᒃ ᐅᑎᕐᕕᐅᒍᑎᐅᒍᓐᓇᑐᒥᒃ ᓱᕐᖁᐃᑕᐅᑦᓯᐊᓚᐅᑲᑦᑎᓗᒍ ᐃᓚᐅᔫᔫᑉ ᐱᒍᓐᓇᕕᖃᕐᓂᖓᓂᒃ, ᐊᓪᓚᓯᒪᔫᓗᓂ ᐋᓐᓂᐊᓯᐅᑎᑖᕈᑎᒃ, ᐊᒻᒪᓗ ᐋᓐᓂᐊᓯᐅᑎᓕᕆᔨᐅᑉ ᐱᓇᓱᐊᕐᓂᕕᓂᖓ.
- ᐊᖏᕐᑕᐅᒍᑎᐅᔪᖅ ᒪᓂᔭᐅᔪᖅ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᓇᓗᓀᕐᓯᓯᒪᒐᔭᕐᑐᖅ ᐅᓄᕐᓂᖓᓂᒃ ᐅᑎᕐᑎᑕᐅᒍᑎᑦᓴᖓᓂᒃ ᑐᕃᓐᓇᑐᒧᑦ ᐋᓐᓂᐊᓯᐅᑎᓕᕆᔨᒧᑦ. ᐃᒣᓕᖓᔪᒦᑉᐸᑦ ᑖᓐᓇ ᐱᕙᓪᓕᖁᑎᐅᔪᖅ ᐱᕕᖃᕐᑎᓯᖕᖏᐸᑦ ᐊᑭᓕᕐᑕᐅᑎᑦᓯᒍᓐᓇᖏᑉᐸᑦ ᐃᓗᓐᓇᖓᓂᒃ, ᐃᓚᐅᔫᔫᖅ ᐊᑭᓖᔪᑦᓴᕈᕋᔭᕐᑐᖅ ᐊᒥᐊᒃᑯᖏᓐᓂᒃ ᐋᓐᓂᐊᓯᐅᑎᓕᕆᔨᒧᑦ.