ᑐᕌᒐᖃᕐᓂᐊᑐᑦ ᑲᔪᖏᕐᓭᒍᑎᖃᕐᓗᑎᒃ ᑎᒥᒻᒥᒍᑦ ᓱᓇᓱᐊᕐᑎᓯᓂᖃᓲᖑᓗᓂ ᐃᓅᓯᕐᒥᓂ ᓄᓇᕕᒻᒥᐅᓂᒃ ᓱᓇᓱᐊᓲᖑᖁᔨᒍᑎᐅᓂᐊᕐᑐᓂᒃ ᖃᓄᑐᐃᓐᓇᑎᒍᑦ ᐊᒻᒪᓗ ᐃᑲᔪᕐᓯᒪᓂᐊᕐᑐᒥᒃ ᐊᑯᓂ ᐃᓅᓯᖃᑦᓯᐊᓚᖓᓂᖏᓐᓄᑦ.
ᑎᒥᒻᒥᒍᑦ ᓱᓇᓱᐊᕐᑎᓯᓂᖅ ᐊᒻᒪᓗ ᐱᐊᕋᕐᒥᒃ ᐱᕙᓪᓕᐊᑎᑦᓯᓂᖃᕐᓂᖅ
ᐱᐊᕃᑦ ᐱᕙᓪᓕᐊᑎᑦᓯᓲᖑᒻᒪᑕ ᐱᓇᓱᐊᕈᓐᓇᓕᕐᑕᒥᓂᒃ ᐊᑐᕐᓂᖃᑦᓯᐊᕈᓐᓇᓂᐊᕐᑐᒧᑦ ᐃᓅᓯᖏᓐᓂ ᐱᖕᖑᐊᓂᕐᑎᒍᕐᓱᑎᒃ ᐊᑦᔨᒋᖏᑐᓂᓪᓗ ᑎᒥᒻᒥᒍᑦ ᓱᓇᓱᐊᕐᑎᓯᒍᑎᐅᓲᒐᓚᓐᓄᑦ.
ᐃᑲᔪᕐᓯᒪᐅᑎᐅᓂᐊᕐᑐᓂᒃ ᓴᕐᕿᑎᑕᐅᔪᖃᕐᓂᐊᑐᖅ ᑕᒪᒃᑯᐊ ᓱᓇᓱᐊᕐᑎᓯᒍᑎᐅᒍᒪᓂᐊᕐᑐᑦ ᐯᕆᑦᓯᕕᐅᑉ ᐯᕐᓯᔨᖏᓐᓄᑦ ᐊᑦᔨᒌᖏᑑᑎᑕᐅᑦᓯᐊᖁᓪᓗᒋᑦ.
- ᑎᒥᐊᐱᒐ
ᑎᒥᐊᐱᒐ - ᖃᓄᐃᖏᓯᐊᕐᑑᓱᓂ ᑎᒥᒍᓗᒐ - 18-ᖑᑦᓱᑎᒃ ᓯᑯᑦᓴᔭᒦᑦᑐᑦ ᓴᓇᔭᐅᒪᑦᓱᑎᒃ ᐱᐊᕋᓕᕆᒍᑎᑦᓴᐅᓱᑎᒃ ᐅᑭᐅᓕᓐᓄᑦ 6-ᒥᑦ 18-ᒧᑦ ᑕᕐᕿᓂᒃ. ᑕᑯᑦᓴᐅᑎᑦᓯᓱᑎᒃ ᐃᙯᓕᓴᐅᑎᒋᔭᐅᓲᓂᒃ ᐱᐊᕋᕐᓄᑦ ᐯᕐᓯᔨᖏᓐᓄᓗ ᐱᕙᓪᓕᐊᑎᑦᓯᒍᑎᐅᓂᐊᕐᑐᓂᒃ ᑎᒥᖏᑦᑕ ᐊᐅᓚᒍᓐᓇᓂᖓᓂᒃ. ᑐᖕᖓᕕᖃᕐᑐᓂᒃ ᔫᑲ ᐃᙯᓕᓴᕈᓯᖏᓐᓂᒃ ᑐᕌᖓᑎᑦᓯᒍᑕᐅᓲᓂᒃ ᐊᑦᔨᒋᖏᑐᓄᑦ ᐊᐅᓚᑕᐅᓂᖃᓲᓄᑦ ᑎᒥᒃᑯᑦ. ᑖᒃᑯᐊ ᓯᑯᑦᓴᔭᒦᑦᑐᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦᑕ ᐱᐊᕋᕐᓂᒃ ᐃᓕᓐᓂᐊᑎᑦᓯᓴᐅᑎᒋᓂᕐᒥᒃ ᐱᓇᓱᐊᕐᕕᖓᑦ ᐱᓇᓱᐊᖃᑕᐅᑎᓪᓗᒍ 2013-ᒥ. ᑖᒃᑯᐊ ᐊᑐᐃᓐᓇᐅᑎᑕᐅᓲᖑᓕᕐᑐᑦ ᓄᓇᕕᐅᑉ ᐯᕆᑦᓯᕕᓕᒫᖏᓐᓂ.
- ᑎᒥᒐ
ᑎᒥᒐ - ᑎᒥᒐ - 30-ᐅᑦᓱᑎᒃ ᓴᓇᔭᐅᒪᔪᑦ ᐱᐊᕋᕐᓅᓕᖓᑎᑕᐅᑦᓱᑎᒃ ᐅᑭᐅᓕᓐᓄᑦ 18-ᓂᒃ ᑕᕐᕿᓕᓐᓄᑦ ᓯᑕᒪᓄᑦ ᐅᑭᐅᓕᓐᓄᑦ ᑎᑭᑦᑐᓂᒃ. ᑕᑯᑦᓴᐅᑎᑦᓯᓱᑎᒃ ᐃᙯᓕᓴᕈᓯᕐᓂᒃ ᔫᑲ ᐃᙯᓕᓴᕐᑎᓯᒍᑎᖏᓐᓂᒃ ᑐᕌᖓᓂᖃᕐᑎᓗᒋᑦ ᐊᑦᔨᒋᖏᑐᓂᒃ ᑎᒥᒥᒃ ᐊᐅᓚᑦᓯᒍᓯᐅᓲᕐᓂᒃ. ᐃᓚᖏᑦ ᐃᙯᓕᓴᕈᓯᓕᐊᖑᓯᒪᔪᑦ ᑌᔭᐅᒍᓯᖏᑦ ᐊᓯᑦᔨᑕᐅᓯᒪᓕᕐᑐᑦ ᐃᓕᖓᓂᕐᓴᐅᑎᑕᐅᒐᓱᐊᒧᑦ ᑕᒫᓂ ᓄᓇᒥ ᖃᓄᐃᑦᑑᒍᓯᖃᕐᓂᖓᓄᑦ, ᐅᑦᑑᑎᒋᓗᒋᑦ ᓇᓄᖃᓲᖑᓂᖓᓄᑦ ᐳᐃᔨᖃᓲᖑᓂᖓᓄᓪᓗ. ᑖᒃᑯᐊ ᓯᑯᑦᓴᔭᒦᑦᑐᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦᑕ ᐱᐊᕋᕐᓂᒃ ᐃᓕᓐᓂᐊᑎᑦᓯᓴᐅᑎᒋᓂᕐᒥᒃ ᐱᓇᓱᐊᕐᕕᖓᑦ ᐱᓇᓱᐊᖃᑕᐅᑎᓪᓗᒍ 2012-ᒥ. ᑖᒃᑯᐊ ᐊᑐᐃᓐᓇᐅᑎᑕᐅᓲᖑᓕᕐᑐᑦ ᓄᓇᕕᐅᑉ ᐯᕆᑦᓯᕕᓕᒫᖏᓐᓂ.