ᑖᒃᑯᐊ ᐱᓇᓱᑦᑏᑦ ᓴᐳᒻᒥᓂᖃᓲᖑᕗᑦ ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᓂᒃ ᐱᓇᓱᐊᒐᖃᕐᑎᓗᒍ ᐋᓐᓂᐊᑖᕐᑎᓯᑦᑌᓕᓂᕐᒥᒃ, ᖃᓄᐃᖏᓯᐊᕐᓂᒥᓪᓗ ᑫᓪᓗᑐᐃᓂᕐᒥᒃ, ᐃᓄᓕᒫᓂᒃ ᑐᑭᓯᒪᑎᑦᓯᓂᕐᒥᒃ, ᐃᑉᐱᒋᔭᖃᕐᓂᒥᓪᓗ ᐃᓄᐃᑦ ᖃᓄᐃᖏᓯᐊᕐᓂᑯᑦ ᖃᓄᐃᓕᖓᓕᕐᓂᖏᓐᓂᒃ ᐊᒻᒪᓗ ᑕᒪᑦᓱᒧᖓ ᓇᓗᓀᔭᕐᑕᐅᒍᑎᖏᓐᓂᒃ, ᐊᒻᒪᓗ ᐱᓗᐊᕐᑐᒥᒃ ᖃᓄᐃᖏᓯᐊᕐᓂᑎᒍᑦ ᓴᐳᑦᔨᓯᒪᓂᕐᒥᒃ. ᖃᓄᐃᖏᓯᐊᕐᓂᒧᑦ ᑲᑉᐱᐊᓇᕐᓯᒍᓐᓇᑐᐃᑦ ᓄᐃᒍᓐᓇᒪᑕ ᐊᕙᑎᐅᔪᖅ ᓱᒃᑯᓇᕐᑐᑖᕐᑎᑕᐅᑐᐊᕐᐸᑦ (ᐃᒪᒃᑯᑦ, ᐊᓂᕐᓂᑯᑦ, ᓄᓇᒃᑯᑦ), ᓴᓇᔭᐅᒪᔪᐃᓪᓗ ᐱᓂᕐᓗᓂᑯᖏᓐᓄᑦ ᐅᕝᕙᓘᓐᓃᑦ ᐱᓗᑲᓐᓂᑯᑦ ᑲᑉᐱᐊᓵᕆᓂᒃᑯᓘᓐᓃᑦ ᐱᓂᐊᕐᓂᓄᑦ.
ᑖᒃᑯᐊ ᐱᓇᓱᑦᑏᑦ ᖃᓄᐃᓕᒍᑎᖃᓲᖑᒻᒪᑕ ᑐᓴᕐᑎᓯᒍᑎᒋᔭᐅᔪᓄᑦ ᑕᒪᒃᑯᓄᖓ ᐊᑦᔨᒋᖏᑐᓄᑦ ᑲᒪᒋᐊᑦᓴᐅᑎᒋᓲᓄᑦ ᐋᓐᓂᐊᓂᓕᕆᓂᒃᑯᑦ, ᑕᒪᒃᑯᓇᖕᖓᓗ ᑎᒥᐅᔪᕐᓂᑦ ᑲᕙᒪᒃᑯᓂᓪᓘᓃᑦ ᐅᑦᑑᑎᒋᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐊᒻᒪᓗ ᑲᑎᕕᒃ ᐃᓕᓐᓂᐊᓂᓕᕆᕕᖓᓂᑦ, ᑲᕙᒫᐱᒃᑯᓂᑦ ᐊᒻᒪᓗ ᐃᓄᓕᒫᓂᑦ ᐱᑦᔪᑎᒋᔭᐅᔪᖃᓕᑐᐊᕐᒪᑦ ᐊᕙᑎᒥ ᐊᑦᑕᓇᕐᑐᖃᑐᐃᓐᓇᕆᐊᖃᕐᓂᖓᓄᑦ. ᑖᒃᑯᐊ ᑌᒪᖓᓕᒫᖅ ᐱᓇᓱᑦᑏᑦ ᐊᑐᐃᓐᓇᐅᒪᑎᑕᐅᓲᑦ (24/7) ᑲᒪᒋᐊᑦᓴᐅᑎᒋᒋᐊᖃᓲᖑᒐᒥᒃ ᑌᒪᖓᓕᒫᑦᓯᐊᖅ ᐅᐃᒪᓇᕐᑐᓂᒃ ᐊᕙᑎᒨᓕᖓᔪᓂᒃ. ᑭᖕᖒᒪᓇᓕᑐᐊᕋᒥᒃ ᓱᒃᑯᓇᑐᐃᓐᓇᕆᐊᓕᓐᓂᒃ ᑭᓪᓕᓯᓂᐊᓯᓲᑦ ᐊᒻᒪᓗ ᖃᐅᔨᑎᑦᓯᒍᑎᖃᕐᓱᑎᒃ ᖃᓄᐃᖏᓯᐊᕐᓂᒧᑦ ᖃᓄᐃᓕᒋᐊᖁᔨᒍᑎᓂᒃ ᒪᑯᓄᖓ ᓱᒃᑯᓇᕐᑐᖃᓕᑐᐊᕐᒪᑦ ᐃᓪᓘᑉ ᐃᓗᐊᓂᓗ ᓯᓚᑖᓂᓗ ᐊᓂᕐᓂᖓᓂᒃ, ᐃᒪᑦᓯᐊᒨᓕᖓᔪᓂᓪᓗ, ᐳᐃᔾᔪᕋᕐᕖᓗ ᐃᒪᖏᓐᓅᓕᖓᔪᓂᒃ ᐊᒻᒪᓗ ᓂᕿᑐᐃᓐᓇᓅᓕᖓᔪᓂᒃ, ᐊᒻᒪᓗᑦᑕᐅᖅ ᐃᒪᕐᓗᑫᑦ ᖃᓄᐃᓕᖓᓕᕐᓂᖏᓐᓄᑦ, ᐱᓇᓱᐊᕐᕕᒪᕆᓪᓗ ᓴᓗᒣᓪᓕᑎᕆᓂᖏᓐᓄᑦ, ᐊᑐᕐᑕᐅᒍᒣᕐᑐᐃᑦ ᑲᒪᒋᔭᐅᓂᖏᓐᓄᓗ ᐊᒻᒪᓗ ᐊᓯᖏᓐᓄᑦ.
ᐃᒪᕐᒥᒃ ᐃᒥᕐᑕᐅᒍᓐᓇᑐᒥᒃ
ᐳᐃᔾᔪᕋᕐᕖᑦ
ᑐᓴᕐᑎᓯᒍᑎᐅᒍᓐᓇᑐᓂᒃ ᐊᓐᓂᐊᓕᕐᓇᑐᓂᒃ ᐅᐃᕈᑎᑦᓴᔭᕐᓄᑦ ᐅᕝᕙᓘᓐᓃᑦ ᑕᒫᖕᙰᓇᖅ ᓄᐃᒍᓐᓇᑐᓄᑦ
ᐳᔪᕐᓗᐃᑦ
ᑭᑭᐊᑦᓴᔭᖅ/ᒨᒃᑯᔨ
ᑲᓐᓄᔭᖅ/Lead
ᑳᑦᒥᐊᒻ/Cadmium
ᐅᖁᕐᑌᑦ
ᓯᐊᕐᕆᔭᕐᕖᑦ
ᐊᕙᑎᒨᓕᖓᔪᓄᑦ ᐅᐃᒪᓇᕐᑐᓕᕆᓂᕐᒧᑦ
ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ
ᐃᓪᓕᐅᑉ ᑯᒪᖏᑦ
ᐃᒪᕐᒥᒃ ᐃᒥᕐᑕᐅᒍᓐᓇᑐᒥᒃ
ᒥᓂᓯᐹᓕᑎᒃᑯᑦ ᑲᒪᒋᔭᖃᓲᖑᕗᑦ ᐃᒪᕐᑖᑎᑦᓯᒍᓯᕐᒥᒃ ᐊᑐᓂᑦ ᓄᓇᕕᐅᑉ ᓄᓇᓕᖏᓐᓂ. ᐱᑦᔪᑎᒋᑦᓱᒍ ᐃᒪᕐᒥᒃ ᐃᒥᕐᑕᐅᒍᓐᓇᑐᒥᒃ ᐱᐅᔫᑎᑦᓯᒋᐊᖃᕐᓂᒧᑦ, ᖃᐅᔨᓴᕐᑕᐅᑎᑦᓯᒋᐊᖃᓲᖑᒻᒪᑕ ᐃᒪᕐᒥᒃ ᐃᓪᓗᓅᔭᕐᑕᐅᓲᓂᒃ, ᒪᓕᑦᓱᒋᑦ ᐅᑯᐊ ᒪᓕᒉᑦ ᐱᑦᔪᑎᒋᑦᓱᒋᑦ ᐃᒪᑦᓯᐊᑉ ᐱᐅᔫᒋᐊᖃᕐᓂᖓᓄᑦ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (ᑲᑎᕕᒃ) ᐱᒋᐊᖃᓲᖑᕗᑦ ᑕᒪᒃᑯᓂᖓ ᖃᐅᔨᓴᕐᑕᐅᒋᐊᓕᓐᓂᒃ ᐃᒪᕐᓂᒃ ᑌᒪ ᓯᕗᒧᐊᕐᑎᓯᑦᓱᒋᑦ ᓄᓇᕕᒻᒥ ᐃᓄᓕᒫᓂᒃ ᐋᓐᓂᐊᓂᓕᕆᕕᐅᑉ ᐱᓇᓱᐊᕐᕕᖓᓄᑦ. ᖃᐅᔨᓴᕐᑕᐅᓯᒪᔪᒥᒃ ᐃᒪᕐᒥᒃ ᐱᐅᔫᒋᐊᖃᕐᓂᖓ ᓇᒻᒪᓈᕈᓐᓀᑐᐊᕐᒪᑦ, ᑖᓐᓇ ᖃᐅᔨᓴᕐᕕᒪᕆᐅᔪᖅ ᖃᐅᔨᑎᑦᓯᒋᐊᖃᓲᖑᕗᖅ ᒥᓂᓯᐹᓕᑎᒥᒃ, ᑲᑎᕕᒃᑯᓂᓪᓗ ᐊᒻᒪᓗ ᐃᓄᓕᒫᓂᒃ ᐋᓐᓂᐊᓂᓕᕆᔨᐅᑉ ᑐᑭᒧᐊᑦᑎᓯᔨᒻᒪᕆᖓᓂᒃ. ᑲᑎᕕᒃᑯᓄᑦ ᑐᑭᒧᐊᑦᑎᑕᐅᓂᖃᕐᓗᑎᒃ, ᑖᒃᑯᐊ ᒥᓂᓯᐹᓕᑎᒃᑯᑦ ᖃᓄᕐᑑᕋᓱᐊᕆᐊᖃᓯᓲᑦ ᑕᒪᑦᓱᒪᐅᑉ ᖃᓄᐃᓕᖓᓕᕐᓂᖓᓄᑦ ᐊᒻᒪᓗ, ᐊᑐᕐᓂᖃᑐᐊᕐᐸᑦ, ᓴᐳᑦᔨᒋᐊᕐᓗᑎᒃ ᐊᑐᓲᓕᒫᓂᒃ ᑕᒪᒃᑯᓇᖕᖓᑦ ᐊᑦᑕᓇᕐᓯᑐᐃᓐᓇᕆᐊᓕᓐᓂᑦ. ᑖᓐᓇ ᒥᓂᓯᐹᓕᑎᐅᔪᖅ ᖃᐅᔨᑎᑦᓯᒋᐊᖃᕐᒥᔪᖅ, ᑭᖑᕙᕐᑎᓯᒍᓐᓀᓗᓂ, ᐃᒪᕐᒥᒃ ᐊᑐᓲᓂᒃ ᐃᒪᖅ ᐃᒥᕋᑦᓴᐅᓯᐊᕈᓐᓀᓂᖓᓄᑦ. ᐃᓄᓕᒫᓂᒃ ᐋᓐᓂᐊᓂᓕᕆᔨᐅᑉ ᑐᑭᒧᐊᑦᑎᓯᔨᒻᒪᕆᖓᑦ ᐱᑎᑕᐅᒋᐊᖃᓲᖑᒻᒥᔪᖅ ᑐᑭᓯᒪᐅᑎᑦᓴᓂᒃ ᓇᒻᒪᓯᐊᖏᑑᓕᕋᓗᐊᕐᒪᖔᑦ ᐊᒻᒪᓗ ᖃᓄᕐᑑᕆᐊᕈᑎᐅᓕᕐᑐᓄᑦ ᖃᓄᐃᓕᖓᓕᕐᓂᖓᓂᒃ ᑐᑭᑖᕆᒍᑎᑦᓴᒧᑦ ᐊᒻᒪᓗᑦᑕᐅᖅ, ᐱᔭᕆᐊᖃᑐᐊᕐᐸᑦ, ᐃᒪᕐᒥᒃ ᑎᕐᑎᑎᑦᓯᖄᕆᐊᖃᕐᓂᕃᓗᑎᒃ. ᐊᒻᒪᓗ, ᑖᓐᓇ ᐃᓄᓕᒫᓂᒃ ᐊᓐᓂᐊᓂᓕᕆᔨᐅᑉ ᑐᑭᒧᐊᑦᑎᓯᔨᒻᒪᕆᖓᑦ ᐃᒪᕐᒥᒃ ᑎᕐᑎᑎᑦᓯᖄᖁᔨᒍᓐᓇᒥᔪᖅ ᑖᓐᓇ ᒥᓂᓯᐹᓕᑎᐅᔪᖅ ᑭᖑᕙᕐᑎᓯᑐᐊᕐᐸᑦ ᐱᓂᐊᕐᓂᕆᒋᐊᓕᒥᓂᒃ ᐊᒻᒪᓗ ᖃᐅᔨᒪᓇᓕᑐᐊᕐᐸᑦ ᖃᓄᐃᖏᓯᐊᕐᓂᒧᑦ ᐊᑦᑕᓇᕐᑐᖃᑐᐃᓐᓇᓕᕆᐊᖓᓂᒃ.
ᐊᕙᑎᒥ ᖃᓄᐃᖏᓯᐊᕐᓂᓕᕆᔩᑦ ᐱᓇᓱᑦᑎᖏᑦ ᓴᐳᒻᒥᓲᖑᕗᑦ ᐃᓄᓕᒫᑦ ᐋᓐᓂᐊᓂᓕᕆᔨᖏᑦᑕ ᑐᑭᒧᐊᑦᑎᓯᔨᒻᒪᕆᖓᓂᒃ ᑕᒪᒃᑯᓂᖓ ᑲᒪᒋᔭᐅᒋᐊᓕᓐᓂᒃ ᐱᓇᓱᐊᓕᑐᐊᕐᒪᑦ. ᑖᓐᓇ ᐱᓇᓱᐊᕆᐊᖃᓲᖑᒻᒥᔪᖅ ᐃᓄᓐᓂᒃ ᐱᑎᑦᓯᑌᓕᒋᐊᖃᓲᖑᓂᕐᒥᒃ ᐱᓀᓗᑕᕐᓂᒃ ᑕᒪᑦᓱᒧᖓ ᐃᒪᕐᒧᑦ ᐃᒥᕐᑕᐅᒍᓐᓇᑐᒧᑦ. ᑕᒪᑦᓱᒥᖓ ᑭᓪᓕᓯᓂᐊᑦᑕᐅᑎᒋᒋᐊᖃᓲᖅ ᑐᓴᕐᑎᑕᐅᒪᓕᑐᐊᕈᓂ ᐋᓐᓂᐊᓕᕐᓇᑐᖃᕆᐊᖓᓂᒃ ᐃᒪᕐᒥᒃ ᐃᓕᑕᕆᔭᐅᑎᑦᓯᒋᐊᖃᕐᓂᒥᒍᑦ ᐊᑦᑕᓇᑐᐃᓐᓇᕆᐊᓕᓐᓂᒃ ᐊᒻᒪᓗ ᓇᓗᓀᕐᓯᓗᓂ ᓴᐳᑦᔨᓯᒪᒍᑎᑦᓴᐅᓂᐊᕐᑐᓂᒃ ᓄᐃᑕᐅᒋᐊᓕᓐᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑐᑭᓯᓂᐊᕐᕕᐅᔪᖃᕈᓐᓇᑐᖅ ᐅᑯᓂᖓ ᒪᓕᒉᑦ ᐱᑦᔪᑎᖃᕐᓱᑎᒃ ᐃᒪᑦᓯᐊᑉ ᐱᐅᔫᒋᐊᖃᕐᓂᖓᓄᑦ (ᖃᓪᓗᓈᑎᑐᑦ ᑭᓯᐊᓂ).
ᐳᐃᔾᔪᕋᕐᕖᑦ
ᐳᐃᔾᔪᕋᕐᓂᖅ ᑎᒥᒧᑦ ᓱᓇᓱᐊᕈᑎᐅᓲᖑᕗᖅ ᑲᔪᖏᕐᓭᒍᑎᑦᓴᐅᓱᓂ ᐱᐅᓯᓕᐅᒥᑎᑦᓯᒍᓐᓇᓂᖓᓄᑦ ᖃᓄᐃᖏᓯᐊᕐᓂᒥᒃ. ᑭᓯᐊᓂ, ᐊᑦᑕᓇᕐᑐᒦᑦᑌᓕᒍᑎᓂᒃ ᑫᓪᓗᑐᕐᑕᐅᔪᖃᕆᐊᖃᓲᖑᕗᖅ ᐳᐃᔾᔪᕋᓚᐅᕋᓂ ᐳᐃᔾᔪᕋᓕᕈᓂᓗ. ᑕᒪᒃᑯᐊ ᐊᑦᑕᓇᕐᑐᒥᑦᑎᓯᑦᑌᓕᒍᑏᑦ ᓴᐳᑦᓯᔨᒪᒍᓐᓇᓲᖑᒻᒪᑕ ᐊᑐᓲᓂᒃ ᑖᒃᑯᐊᓗ ᕿᑐᕐᖓᖏᓐᓂᒃ ᑕᒪᒃᑯᓇᖕᖓᑦ ᐋᓐᓂᐊᓕᕐᓇᕈᓐᓇᑐᓂᑦ ᐃᕐᐸᕙᓪᓕᐊᕈᓐᓇᑐᓂᒃ ᐳᐃᔾᔪᕋᕐᕖᑦ ᐃᒪᖏᑦᑎᒍᕐᑐᓄᑦ ᐊᒻᒪᓗᑦᑕᐅᖅ ᓱᒃᑯᓇᕐᑐᑖᕐᑎᓯᑦᑌᓕᒍᑎᐅᓗᓂ ᐳᐃᔾᔪᕋᕐᕕᓂᒃ ᖁᐱᕐᕈᑯᓗᓐᓂᒃ.
ᒥᓱᒐᓐᓂᒃ ᖁᐱᕐᕈᑯᓗᓐᓂᒃ ᓇᑦᔭᑕᐅᓲᓂᒃ ᐳᐃᔾᔪᕋᕐᑐᓄᑦ ᓱᒃᑯᐃᒍᓐᓇᓲᖑᕗᑦ ᐃᒪᕐᒥᒃ, ᒪᑯᐊ Cryptosporidium, Giardia, E. coli O157:H7, Shigella ᐊᒻᒪᓗ ᐊᓯᖏᓐᓂᒃ. ᑕᒪᒃᑯᐊ ᖁᐱᕐᕈᑯᓗᐃᑦ ᐋᓐᓂᐊᓕᐅᓲᖑᒻᒪᑕ ᐃᑎᑦᑕᓕᕐᑎᓯᒍᓐᓇᓱᑎᒃ ᐊᒻᒪᓗ ᖃᓂᒻᒪᕈᑎᐅᓗᑎᒃ, ᓄᕙᓐᓇᒧᑦ, ᑳᕐᖃᔦᕐᑎᓯᓗᑎᓪᓗ, ᓂᐊᖁᖕᖑᓇᕐᑐᒥᓗ, ᒥᕆᐊᖃᑦᑕᕈᑎᐅᓗᑎᓪᓗ ᐊᒻᒪᓗ ᓈᖕᖑᓇᕐᓗᑎᒃ ᐊᒻᒪᓗ ᐃᓚᖓᓂ ᐱᔪᒻᒪᕆᐅᒍᓐᓇᓱᓂ, ᐱᓗᐊᕐᑐᒥᒃ ᐊᑯᓐᓂᖏᓐᓂ ᐱᐊᕃᑦ ᐊᒻᒪᓗ ᓄᑕᕃᑦ.
ᐊᑐᓂᑦ ᐳᐃᔾᔪᕋᕐᑐᑦ ᐳᐃᔾᔪᕋᕐᕕᐅᑉ ᐃᒪᖓᓃᖃᑎᖃᓲᖑᒻᒪᑕ ᐊᓯᖏᓐᓂᒃ ᐳᐃᔾᔪᕋᕐᒥᔪᓂᒃ. ᐃᑎᑦᑕᓇᕐᑐᖃᕐᑐᒥᒃ ᐃᒪᕐᒥᒃ ᓱᔪᐃᔪᖃᕐᐸᑦ, ᐃᒪᕐᒥᒃ ᐄᓯᔪᖃᖃᑦᑕᑐᐊᕐᐸᑦ ᐊᓯᖏᓐᓄᑦ ᐋᓐᓂᐊᓕᕈᑎᐅᒍᓐᓇᓲᖑᕗᖅ. ᑕᒪᑦᓱᒧᖓ ᐃᓄᓕᒫᓂᒃ ᐋᓐᓂᐊᓂᓕᕆᓂᕐᒧᑦ ᐱᓇᓱᐊᕐᕕᖓᑦ ᐃᒣᓕᒋᐊᖁᔨᓲᖑᕗᖅ ᑕᒪᒃᑯᐊ ᐃᓄᑑᓈᕐᑎᑐᐃᑦ ᖃᓂᒻᒪᓇᕐᑐᖃᑐᐊᕈᑎᒃ ᐳᐃᔾᔪᕋᖃᑦᑕᑐᑦᓴᐅᖏᓪᓚᖅ ᐋᓐᓂᐊᓕᕐᓯᒪᓂᓕᒫᒥᓂ.
ᑐᓴᕋᑦᓴᖃᑦᓯᐊᒥᔫᒐᓗᐊᖅ ᑕᒪᒃᑯᐊ ᖁᐱᕐᕈᑯᓗᐃᑦ ᐋᓐᓂᐊᓕᕐᓇᑐᐃᑦ ᐃᕐᐸᒍᓐᓇᓱᑎᒃ ᐳᐃᔾᔪᕋᕐᕖᑦ ᐃᒪᖏᓐᓂᒃ ᑐᖁᕋᕐᑕᐅᓲᖑᒻᒪᑕ ᐳᐃᔾᔪᕋᕐᕖᑦ ᖁᐱᕐᕈᐃᔦᒍᑎᖏᓐᓄᑦ ᐊᑐᕐᑕᐅᓲᓂᒃ ᐳᐃᔾᔪᕋᕐᕕᓄᑦ. ᑭᓯᐊᓂ ᑕᒪᓐᓇ ᖁᐱᕐᕈᐃᔦᒍᑎᒃ ᑐᖁᕃᑦᓴᐅᑎᒋᓲᖑᑦᔭᖏᑦᑐᖅ ᖁᐱᕐᕈᓂᒃ. ᐊᑯᓂᐅᓂᕐᓴᒥ ᑕᒪᒃᑯᐊ ᑐᖁᕋᕐᑕᐅᒍᓐᓇᓲᖑᒐᓗᐊᑦ ᖁᐱᕐᕈᐃᑦ, ᐊᒻᒪᓗ ᐃᓚᖏᑦ ᒪᑯᐊ Cryptosporidium ᑐᖁᕋᕐᑕᐅᓲᖑᖏᑐᑦ ᐳᐃᔾᔪᕋᕐᕕᐅᑉ ᐃᒪᖓᓂᒃ ᖁᐱᕐᕈᐃᔦᒍᑎᖓᓄᑦ ᐊᒻᒪᓗ ᐊᒥᓱᒐᓚᓐᓂᒃ ᐅᓪᓗᓂᒃ ᐳᐃᔾᔪᕋᕐᕕᒦᒍᓐᓇᓲᖑᑦᓱᑎᒃ. ᑕᒪᑦᓱᒧᖓ ᑕᒐ ᑕᒪᒃᑯᐊ ᑲᒪᒋᔭᐅᑦᓯᐊᕋᓱᐊᕐᑑᒐᓗᐊᑦ ᐳᐃᔾᔪᕋᕐᕖᑦ ᐃᕐᐸᑎᑦᓯᒍᓐᓇᖏᓐᓇᓲᑦ ᐋᓐᓂᐊᓕᕐᓇᑐᓂᒃ.
ᐯᒃᒥ, ᐊᑐᕐᑎᑕᐅᓂᖏᑦ ᐅᑯᐊ ᒪᓕᒉᑦ ᐱᑦᔪᑎᒋᑦᓱᒋᑦ ᐳᐃᔾᔪᕋᕐᕖᑦ ᐃᒪᖃᑦᓯᐊᕆᐊᖃᕐᓂᖏᓐᓄᑦ ᐊᒻᒪᓗ ᐊᓯᖏᓐᓂᒃ ᐳᐃᔾᔪᕋᕐᕕᓕᐊᖑᓯᒪᔪᕐᓄᑦ ᐃᓱᒪᒥᐅᑎᐅᓲᖑᕗᑦ ᑌᒃᑯᓄᖓ ᑲᒪᒋᔭᖃᕐᑐᓄᑦ ᐳᐃᔾᔪᕋᕐᕕᓂᒃ (ᐅᑦᑑᑎᒋᓗᒍ ᓇᒻᒥᓂᖃᕐᑐᓕᒫᓄᑦ ᐊᐅᓚᑦᓯᔨᓄᓪᓘᓃᑦ ᐳᐃᔾᔪᕋᕐᕕᒥᒃ ᒪᓕᒐᕐᑎᒎᕆᐊᓕᓐᓂᒃ), ᐱᕕᖃᕐᑎᓯᒋᐊᓕᓐᓂᒃ ᐱᒍᑦᔨᔭᕐᒥᓂᒃ ᐊᑦᑕᓇᖕᖏᑐᒥᒃ, ᓴᓗᒪᔪᒥᓪᓗ ᐳᐃᔾᔪᕋᕐᕕᐅᑉ ᐃᒪᖓᓂᒃ ᑌᒪᖓᓕᒫᑦᓯᐊᖅ ᐊᒻᒪᓗ ᒪᓕᓪᓗᒋᑦ ᓄᐃᑕᐅᒪᔪᑦ ᐊᕐᕿᑕᐅᒪᔪᐃᑦ.
ᑐᑭᓯᒋᐊᓪᓚᕈᒪᔪᖃᕐᐸᑦ ᑕᑯᒋᐊᕐᑕᐅᒍᓐᓇᑐᑦ ᒪᑯᐊ:
- ᐊᑭᓐᓇᒥᐅᑕᓂᒃ ᓂᕕᖓᑎᑕᐅᔪᓂᒃ ᐳᐃᔾᔪᕋᕐᕕᒥ ᐃᕐᙯᑎᑦᓯᒋᐊᕐᓂᖃᕐᑐᓂᒃ ᑕᒪᒃᑯᐊ ᐋᓐᓂᐊᓕᕐᓇᑐᐃᑦ ᐃᕐᐸᑎᑕᐅᖏᓂᕐᓴᐅᒍᓐᓇᕆᐊᖏᓐᓄᑦ ᑕᒪᒃᑯᐊ ᐃᓄᒻᒪᕇᓪᓗ ᐱᐊᕃᓪᓗ ᓲᓱᑦᓴᕈᓐᓇᑐᐊᕐᐸᑕ ᓴᓗᒪᑦᓯᐊᕆᐊᖃᕐᓂᒥᒃ (PDF)
- ᐅᑯᐊ ᒪᓕᒉᑦ ᐱᑦᔪᑎᖃᕐᓱᑎᒃ ᐳᐃᔾᔪᕋᕐᕖᑦ ᐊᓯᖏᓪᓗ ᐳᐃᔾᔪᕋᕐᕕᓕᐊᖑᓯᒪᔪᑦ ᐃᒪᖃᑦᓯᐊᕆᐊᖃᕐᓂᖏᓐᓄᑦ (ᖃᓪᓗᓈᑎᑐᑦ ᑭᓯᐊᓂ)
ᑐᓴᕐᑎᓯᒍᑎᐅᒍᓐᓇᑐᓂᒃ ᐊᓐᓂᐊᓕᕐᓇᑐᓂᒃ ᐅᐃᕈᑎᑦᓴᔭᕐᓄᑦ ᐅᕝᕙᓘᓐᓃᑦ ᑕᒫᖕᙰᓇᖅ ᓄᐃᒍᓐᓇᑐᓄᑦ
ᐅᑯᐊᒪᓕᒉᑦ ᐊᑖᒍᕐᑐᑦ ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᐱᖁᔭᖏᑦᑕ ᓄᐃᑕᑎᑦᓯᓲᖑᕗᑦ ᓱᓇᐅᓂᖏᓐᓂᒃ ᐋᓐᓂᐊᓕᕐᓇᑐᐃᑦ, ᖃᓂᒻᒪᓇᕐᑐᐃᓗ ᐊᒻᒪᓗ ᓱᒃᑯᕈᑎᐅᒍᓐᓇᑐᓂᒃ ᑐᓴᕐᑎᓯᒍᑎᐅᒋᐊᓕᓐᓂᒃ ᐃᓄᓕᒫᑦ ᖃᓄᐃᖏᓯᐊᕐᓂᓕᕆᔨᖏᓐᓂᒃ ᑕᒪᒃᑯᓄᖓ ᐋᓐᓂᐊᓯᐅᕐᑎᓄᓪᓗ ᖃᐅᔨᓴᕐᕕᒪᕆᖏᓐᓄᓗ. ᑌᒪᑦᓭᓇᖅ ᐃᓚᖏᑦ ᖃᓂᒻᒪᕈᑎᐅᒍᓐᓇᑐᐃᑦ ᐊᓐᓂᐊᓕᕐᓇᑐᐃᑦ ᐱᓪᓗᒋᑦ, ᑯᐯᒃᑯᑦ ᐋᓐᓂᐊᓂᓕᕆᔨᖏᑦ ᐃᓱᒪᒋᔭᖃᕐᒪᑕ ᑕᒪᒃᑯᐊ ᐃᓚᖏᑦ ᐊᓐᓂᐊᓕᕐᓇᑐᐃᓪᓗ ᓱᒃᑯᓇᕐᑐᐃᓗ ᑌᒣᓕᑎᑕᐅᑦᓱᑎᒃ ᐅᐃᕈᑎᑦᓴᔭᓄᑦ ᐃᑉᐱᒋᔭᐅᒋᐊᖃᓲᖑᑦᓱᑎᒃ ᐃᓄᓕᒫᑦ ᐋᓐᓂᐊᓂᓕᕆᔨᖏᓐᓄᑦ. ᑕᒪᒃᑯᐊ ᑐᓴᕐᑎᓯᒍᑏᑦ, ᐊᓯᖏᓐᓂᒃ ᐱᑦᔪᑎᖃᕋᓗᐊᕐᒥᑎᓗᒋᑦ, ᐃᓕᑕᕐᓯᒍᑎᐅᒍᓐᓇᑐᑦ ᐱᓂᐊᕐᓂᓂᒃ ᐱᒪᑎᑦᓯᑌᓕᒍᑎᐅᒍᓐᓇᑐᓂᒃ, ᐱᕕᖃᓕᑐᐊᕐᐸᑦ, ᑕᒪᒃᑯᓂᖓ ᐊᓯᖏᓐᓂᒃ ᐃᓱᐃᓪᕈᑎᐅᒍᓐᓇᑐᓂᒃ ᓱᒐᓗᓕᐅᒥᑎᑦᓯᒍᑎᐅᒍᓐᓇᑐᓂᓪᓗ ᑌᒣᓕᖓᓕᕐᑐᓂᒃ.
ᓱᓇᐅᒻᒪᖔᑕ ᑕᑯᒋᐊᕈᓐᓇᑕᑎᑦ ᐅᕙᓂ
ᒪᓕᑦᓱᒋᑦ ᑖᑦᓱᒥᖓ ᓄᑭᖃᕐᑎᓯᒍᑎᐅᒍᓐᓇᑐᑦ1 ᐅᑯᓄᖓ ᐃᓄᓕᒫᑦ ᐊᓐᓂᐊᓂᓕᕆᔭᐅᓂᖏᑦᑕ ᐱᖁᔭᖏᓐᓄᑦ, ᑖᓐᓇ ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᑦ ᑭᓪᓕᓯᓂᐊᕈᓐᓇᓂᐊᕐᑐᖅ, ᐊᐱᕆᐅᑎᖃᕐᑎᓯᓂᒃᑯᑦ, ᐊᒻᒪᓗ ᓄᐃᑦᓯᓗᑎᒃ ᐃᒣᓕᒋᐊᖁᔨᒍᑎᓂᒃ (ᓂᕿᖃᑦᓯᐊᕆᐊᖃᕐᓂᒧᑦ, ᑲᒪᒋᐊᓪᓚᕈᑎᓄᑦ ᕿᒥᕐᕈᔭᐅᒋᐊᓕᓐᓂᒃ, ᐊᓯᖏᓐᓂᓗ). ᑖᒃᑯᐊ ᐊᕙᑎᒥᒃ ᖃᓄᐃᖏᓯᐊᕐᓂᓕᕆᔩᑦ ᑖᑦᓱᒥᖓ ᓴᐳᒻᒥᓂᖃᓲᖑᕗᖅ ᑕᒪᒃᑯᓂᖓ ᐱᓇᓱᐊᒐᖃᓕᑐᐊᕐᒪᑦ.
ᐳᔪᕐᓗᐃᑦ
ᐳᔪᕐᓗᐃᑦ ᐊᑦᑕᓇᕐᑐᒪᕆᐅᕗᑦ ᐊᓂᕐᑎᕆᔪᐃᑦ ᖃᓄᐃᖏᓯᐊᕐᓂᖏᓐᓄᑦ, ᑕᑯᑦᓴᐅᓲᖑᖏᒪᑕ, ᓀᔭᐅᒍᓐᓇᖏᑦᓱᑎᓪᓗ ᑎᐸᖃᕋᑎᓪᓗ, ᖃᑭᕐᓯᑎᑦᓯᒍᓐᓇᖏᒃᑲᓗᐊᕐᓱᑎᒃ ᐃᔨᓂᒃ ᐊᓂᕐᑎᕆᒍᑎᓂᓪᓘᓃᑦ ᑭᓯᐊᓂ ᓱᕐᕃᒪᕆᒍᓐᓇᓱᑎᒃ ᖃᓄᐃᖏᓯᐊᕐᓂᒥᒃ.
ᑕᒪᒃᑯᐊ ᐃᖏᕐᕋᐅᑎᑦᓴᔭᓕᒫᑦᓯᐊᑦ, ᐅᕐᖂᓯᓴᐅᑏᓪᓗ ᐊᓯᖏᓪᓗ ᐱᐅᒃᑯᑏᑦ ᐅᕐᓱᐊᓗᑦᓴᔭᕐᑐᓲᑦ ᒪᑯᓂᖓ ᐅᕐᓱᐊᓗᓐᓂᒃ, ᐅᕐᓱᐊᓗᑐᐃᓐᓇᓂᒃ, ᕿᔪᓐᓂᒃ, ᓱᐳᕐᑐᓂᒃ, ᑭᐊᑦᓴᐅᑎᓯᐅᑎᓂᒃ, ᖃᐅᔨᒪᔪᕐᓯᐅᑎᓂᒃ, ᐊᒻᒪᓗ ᐊᐅᒪᐅᓲᑦ ᓄᐃᑦᓯᓲᖑᕗᑦ ᐳᔪᕐᓗᒥᒃ. ᑌᒣᑦᑐᓄᑦ ᐱᐅᒃᑯᑏᑦ ᐊᑐᕐᑕᐅᓯᐊᖏᑐᐊᕈᑎᒃ, ᐅᑦᑑᑎᒋᓗᒍ, ᐊᑐᕐᑕᐅᒍᑎᒃ ᐃᓪᓗᒥ ᐅᒃᑯᐊᓯᒪᔪᕐᒥ ᐊᓂᕐᑎᕆᕕᖃᑦᓯᐊᖏᑦᑐᒥᓪᓘᓃᑦ ᐅᕝᕙᓘᓐᓃᑦ ᓱᒃᑯᖓᒐᓚᑦᑎᓗᒋᑦ ᐊᑐᕐᑕᐅᒍᑎᒃ ᓄᐃᑎᕆᒍᓐᓇᒪᑕ ᐳᔪᕐᓗᓂᒃ ᑐᖁᓐᓇᑑᒍᓐᓇᑐᓂᒃ. ᐃᓗᓐᓇᑎᒃ ᐃᑯᒪᓕᐅᕈᑏᑦ, ᓱᐴᔫᑦ, ᐅᕐᖂᓯᓴᐅᑏᑦ ᐃᑯᐊᓚᒧᑦ, ᑭᓪᓘᑎᓪᓘᓃᑦ ᐊᐅᓚᔪᓖᑦ, ᐃᒐᒍᑏᓪᓗ, ᓯᑕᒪᓂᒃ ᐊᑦᓴᓗᐊᓖᓪᓗ, ᓯᑭᑑᓪᓗ ᐊᓯᖏᓪᓗ ᓄᐃᑎᕆᓲᖑᕗᑦ ᐳᔪᕐᓗᓂ.
ᐳᔪᕐᓗᒧᑦ ᑐᖁᓐᓇᑑᒍᓐᓇᓂᖏᑦ ᓄᐃᑕᑎᑕᐅᕗᑦ ᐅᑯᓇᓂ ᑐᓴᕐᑎᓯᒍᑎᐅᒍᓐᓇᑐᓂᒃ ᐋᓐᓂᐊᓕᕐᓇᑐᓂᒃ, ᖃᓂᒪᓇᕐᑐᓂᓪᓗ ᐊᒻᒪᓗ ᓱᒃᑯᓇᕐᑐᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᕕᐅᒍᓐᓇᑐᑦ ᐅᑯᐊ:
- ᑯᐯᒃᑯᑦ ᐊᓐᓂᐊᓂᓕᕆᔨᖏᑦᑕ ᖃᕆᑕᐅᔭᒃᑰᕕᖏᑦ (ᖃᓪᓗᓈᑎᑐᑦ ᑭᓯᐊᓂ)
- ᕿᒥᕐᕈᐊᒍᓗᐃᑦ ᐳᔪᕐᓗᒃ ᑐᖁᑦᓯᒍᓐᓇᑐᖅ! ᐃᒻᒥᓂᒃ ᓴᐳᑦᔨᓯᒪᓚᐅᕆᑦ (ᖃᓪᓗᓈᑎᑐᑦ ᑭᓯᐊᓂ)
- ᕿᒥᕐᕈᐊᒍᓗᐃᑦ ᕿᑲᑫᓐᓇᕆᐊᕐᑐᓯᒪᔪᑦ, ᐅᑦᔨᕈᓱᓚᐅᕆᑦᓯ! ᐳᔪᕐᓗ ᑐᖁᑦᓯᒍᓐᓇᑐᖅ! (ᖃᓪᓗᓈᑎᑐᑦ ᑭᓯᐊᓂ)
ᑭᑭᐊᑦᓴᔭᖅ/ᒨᒃᑯᔨ
ᑕᒪᓐᓇ ᑭᑭᐊᑦᓴᔭᖅ (mercury) ᓱᒃᑯᓇᕐᑐᓴᔭᐅᕗᖅ ᓄᐃᑕᐅᒍᓐᓇᓲᖑᑦᓱᓂ ᐱᖓᓱᐃᑎᒍᑦ: ᐃᒻᒥᓂᑐᐃᓐᓇᓓᓗ, ᐱᕈᒍᓐᓇᖏᑦᑐᓴᔭᕐᓄᓗ ᐊᒻᒪᓗ ᐱᕈᒍᓐᓇᑐᓄᑦ. ᑖᒃᑯᐊ ᑭᖑᓪᓕᐹᖓᑦ ᖃᐅᔨᒪᔭᐅᒍᓯᖃᕐᑎᓗᒍ ᐃᒣᑦᑐᒥᒃ methymercury (MeHg). ᑕᒪᓐᓇ ᑭᑭᐊᑦᓴᔭᖅ ᐊᓂᕐᓂᒨᔭᓕᑐᐊᕋᒥ ᐃᒪᕐᒨᔭᓲᖑᒻᒪᑦ ᐱᕈᕐᕕᐅᒍᓐᓇᑐᒥ, ᑌᒪ MeHg-ᕈᕐᑎᑕᐅᓂᐊᓕᕐᒪᑦ ᖁᐱᕐᕈᑯᓗᐊᕐᔪᓄᑦ ᐊᒻᒪᓗ ᓄᐊᐸᓲᖑᑦᓱᓂ ᐃᓅᔪᐃᑦ ᐃᓗᐊᓃᑦᑐᖁᑎᖏᑦᑕ ᖄᖓᓂ. ᑕᒪᓐᓇ MeHg protein-ᒦᒋᐊᒥᒃ ᐱᐅᓯᖃᓲᖑᒻᒪᑕ ᐊᒻᒪᓗ ᓄᐊᑉᐸᓕᐊᓯᓲᖑᑦᓱᓂ ᓄᑭᐅᑉ ᖄᖏᓐᓂ, ᐅᑦᑑᑎᒋᓗᒍ, ᓂᕿᒥ, ᑕᒪᒃᑯᓇᓂ ᐆᒪᔪᕐᓂ.
ᐅᓄᕐᓂᓭᑦ ᓄᓇᕕᒻᒥ ᓂᕿᑐᐃᓐᓇᕆᔭᐅᓲᑦ ᑭᑭᐊᑦᓴᔭᖃᕐᓂᖏᑦ ᐳᒃᑭᑑᓂᖃᕐᑐᑦ. ᕿᓚᓗᒐᕕᓂᖅ (ᒥᑭᒡᒐᐅᓱᓂ, ᐃᒐᓯᒪᑦᓱᓂ ᐊᒻᒪᓗ ᓂᒃᑯᓕᐊᕆᔭᐅᑦᓱᓂ ᐱᔭᐅᑐᐊᕋᒥ ᐱᕕᐅᓂᕐᐸᐅᓲᖑᒻᒪᑦ ᐊᐅᒃᑯᑦ ᑭᑭᐊᑦᓴᔭᕐᑕᖃᕐᓂᒧᑦ ᓄᓇᕕᒻᒥᐅᑦ ᐊᑯᓐᓂᖏᓐᓂ, ᐱᓗᐊᕐᑐᒥᒃ ᐃᑭᕋᓴᕐᔪᐊᒥᐅᑦ, ᑕᒫᓂ ᓄᓇᖓᓂ ᓂᕆᔭᐅᓂᕐᐸᐅᓲᖑᒻᒪᑕ. ᕿᓚᓗᒐᐅᑉ ᑎᖑᖓᓗ ᑕᕐᑐᖓᓗ, ᓇᑦᓯᐅᑉ ᑎᖑᖓᓗ ᑕᕐᑐᖏᓪᓗ, ᐊᒻᒪᓗ ᐃᓯᐅᕋᓕᑦᑖᑦ (ᐃᖃᓗᑐᖃᐅᓂᖏᑦ) ᖃᐅᔨᒪᔭᐅᒻᒥᔪᑦ ᑭᑭᐊᑦᓴᔭᖃᕐᓂᓴᐅᓕᕆᐊᖏᑦ.
ᐃᓄᑑᓈᕐᑎᑐᒥᒃ ᐊᐅᖏᕐᑕᐅᔪᖃᕐᐸᑦ ᐊᓪᓚᑕᐅᔪᖃᕆᐊᖃᓕᕐᓗᓂᓗ ᑭᑭᐊᑦᓴᔭᒧᑦ ᐊᑦᑐᑕᐅᓯᒪᓕᕆᐊᖓᓄᑦ ᐊᓯᖏᓐᓄᓗ ᓱᒃᑯᓇᕐᑐᓴᔭᕐᓄᑦ. ᑕᒪᓐᓇ ᑭᑭᐊᑦᓴᔭᖅ ᖄᖏᐅᑎᓯᒪᓚᖓᑉᐸᑦ ᓇᓗᓀᕐᑕᐅᒪᓂᖃᕐᑐᒥᑦ ᑕᒪᑦᓱᒧᖓ ᐋᓐᓂᐊᓕᕐᓇᑐᓕᕆᓂᕐᒧᑦ ᑯᐯᒃᒥ, ᑖᒃᑯᐊ ᑕᒪᖏᒃ ᐋᓐᓂᐊᓯᐅᕐᑎᓗ ᖃᐅᔨᔭᐅᒪᓕᕐᑐᓂᒃ ᐱᑐᐊᕈᓂ ᐊᒻᒪᓗ ᐃᓕᑕᕆᔭᐅᒪᓂᖃᕐᑐᒥᒃ ᖃᐅᔨᓴᕐᕕᒪᕆᒻᒥᑦ ᖃᐅᔨᓴᓚᐅᕐᑐᒥᒃ ᑐᓴᕐᑎᓯᒋᐊᓖᑦ ᑕᒪᑦᓱᒧᖓ ᐊᓐᓂᐊᓕᕐᓇᑐᒧᑦ ᑖᑦᓱᒥᖓ ᐃᓄᓕᒫᑦ ᐊᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᓄᑦ. ᒪᓕᓪᓗᒋᑦ ᑖᑦᓱᒧᖓ ᓄᑭᖃᕐᑎᓯᒍᑏᑦ ᑖᑦᒥᓱᖓ ᑖᒃᑯᓄᖓ ᐃᓄᓕᒫᑦ ᖃᓄᐃᖏᓯᐊᕐᓂᓕᕆᔭᐅᓂᖓᓄᑦ ᐱᖁᔭᖏᓐᓄᑦ, ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᑦ ᑭᓪᓕᓯᓂᐊᕈᓐᓇᕕᖃᕐᓂᐊᑐᖅ, ᑐᑭᓯᓂᐊᑲᑦᑕᓂᒃᑯᓗᐊᖑᐊᖅ, ᐊᒻᒪᓗ ᓄᐃᑦᓯᓗᑎᒃ ᐃᒣᓕᒋᐊᖁᔨᒍᑎᓂᒃ (ᓂᕿᖃᑦᓯᐊᕆᐊᖃᕐᓂᒧᑦ, ᕿᒥᕐᕈᔭᐅᒋᐊᓪᓚᓂᕐᒧᑦ, ᐊᓯᖏᓐᓄᓗ). ᑖᒃᑯᐊ ᐊᕙᑎᒥ ᖃᓄᐃᖏᓯᐊᕐᓂᓕᕆᔩᑦ ᑖᑦᓱᒥᖓ ᓴᐳᒻᒥᓂᖃᓲᑦ ᐱᓇᓱᐊᕆᐊᓕᒥᓂᒃ ᑲᔪᓯᑎᑦᓯᒐᓱᐊᕐᑎᓗᒍ.
ᑲᓐᓄᔭᖅ/Lead
ᑕᒪᓐᓇ ᑲᓐᓄᔭᖅ/lead ᐊᑦᑕᓇᕐᑐᒪᕆᐅᕗᖅ ᐊᓂᕐᑎᕆᔫᑉ ᖃᓄᐃᖏᓯᐊᕐᓂᖓᓄᑦ ᑕᒪᓐᓇᓗ ᐊᑯᓂᐅᓕᕐᑐᖅ ᐃᓕᑕᕆᔭᐅᒪᓂᖃᓕᕐᓱᓂ. ᓯᕗᓪᓕᒥ ᖃᐅᔨᔭᐅᒋᐊᖕᖓᓯᒪᒐᓗᐊᕐᓱᓂ ᐃᓕᖓᓂᖃᕆᐊᖓ ᓄᓇᒦᑦᑐᓚᑳᓄᑦ, ᑕᒪᓐᓇ ᑲᓐᓄᔭᖅ ᐊᕙᑎᒥᒃ ᓱᒃᑯᓇᕐᑐᓕᐅᓲᖑᒋᐊᖓ ᑐᑭᓯᒪᔭᐅᓕᕐᑐᖅ ᒪᑯᑎᒎᓇ ᐊᓂᕐᓂᑎᒍᑦ (ᐅᕐᓱᐊᓘᑉ ᑲᓐᓄᔭᕐᑕᖃᕐᓂᖓᓄᑦ), ᐃᒻᒥᑐᐃᓐᓇᑎᒍᑦ (ᑌᑦᓱᒪᓂᑌᑦ ᐃᒪᕐᑖᑎᑦᓯᒍᓯᐅᓯᒪᔪᑦ ᓴᓇᔭᕕᓂᐅᑦᓱᑎᒃ ᓂᐱᓯᕐᑐᑕᕕᓂᐅᑦᓱᑎᓪᓘᓃᑦ ᑲᓐᓄᔭᕐᒧᑦ), ᓄᓇᒥ ᓱᒃᑯᓇᕐᑐᑕᓕᒻᒥ (ᐱᓇᓱᐊᕐᕕᐊᓗᐃᑦ ᐃᒋᐅᕐᖃᑕᖏᓐᓂᑦ), ᐄᓯᑲᑦᑕᓂᕐᒧᓗ ᒥᖑᐊᕈᑎᒥᒃ ᑲᓐᓄᔭᕐᑕᓕᒻᒥᒃ, ᓂᕿᑎᒍᓪᓗ (ᑲᓐᓄᔭᕐᒧᑦ ᐊᑐᕐᑕᐅᓲᒧᑦ ᖁᒻᒧᔪᐃᑦ ᒪᑐᔭᐅᒍᑎᖏᓐᓄᑦ), ᐊᓯᖏᓐᓂᓗ.
ᓯᕗᓪᓕᐹᒥ ᖃᐅᔨᔭᐅᒋᐊᖕᖓᑐᕕᓂᐅᑦᓱᑎᒃ ᑯᐯᒃᒥ ᐋᓐᓂᐊᓂᓕᕆᓂᕐᒧᑦ ᖃᐅᔨᓴᕐᑐᖃᕐᑎᓗᒍ (1994), ᓄᓇᕕᐅᑉ ᐃᓄᖏᑦᑕ ᑲᓐᓄᔭᕐᒧᑦ ᐊᑦᑐᑕᐅᕙᓐᓂᖏᑦ ᓱᕐᖁᐃᑕᐅᓚᐅᔪᒻᒪᑕ ᖃᐅᔨᓴᕐᑕᐅᔪᖃᕐᑎᓗᒍ ᐱᐊᕋᑦᓴᐅᑉ ᖃᓚᓯᖓᑕ ᐊᐅᖓᓂᒃ (1993-1996). ᑕᒪᓐᓇ ᖃᐅᔨᓴᕐᑕᐅᓂᖃᕐᑎᓗᒍ ᐃᓕᑕᕆᔭᐅᔪᖃᕈᓐᓇᓯᓚᐅᔪᒻᒪᑦ ᑕᒪᓐᓇ ᑲᓐᓄᔭᖃᓕᐅᒥᓯᒪᓂᖅ ᐊᐅᒻᒥ ᓇᑭᑦ ᐱᖃᑦᑕᓲᖑᒻᒪᖔᑦ. ᓱᓕᑎᑦᓯᒍᑎᐅᓯᒪᔪᓕᒫᑦ ᑕᑯᑦᓴᐅᑎᑦᓯᓯᒪᔪᑦ ᑕᒪᒃᑯᐊ ᓴᒃᑯᐃᑦ ᖃᓐᓄᔭᕐᑕᓖᑦ ᐱᒍᑕᐅᓗᐊᖑᐊᓲᖑᒋᐊᖏᑦ ᑲᓐᓄᔭᕐᒥᒃ ᓄᓇᕕᒻᒥᐅᑦ ᐊᑯᓐᓂᖓᑎᒍᑦ, ᐱᓗᐊᕐᑐᒥᒃ ᐱᐊᕋᕐᓄᑦ, ᓂᕆᖃᑦᑕᑐᐊᕋᒥᒃ ᐆᒪᔪᐊᕉᓂᕐᓴᔭᕐᓂᒃ. ᑌᒣᒻᒪᑦ ᑕᒪᒃᑯᐊ ᓄᓇᕕᐅᑉ ᐃᓄᖏᑦ ᐱᖃᑦᑕᖏᓐᓂᓴᐅᓂᐊᕐᑐᑦ ᑲᓐᓄᔭᕐᑕᓕᓐᓂᒃ ᑕᒪᓐᓇ ᐱᓀᓗᑕᖃᕐᑎᓯᒍᑕᐅᔪᖅ ᐱᓂᐊᕐᓂᖃᕐᕕᒋᓗᒍ, ᐃᒫᒃ ᐅᑦᑑᕋᐅᑎᒋᓗᒍ, ᐊᑐᕐᑌᓕᓗᓂ ᓴᒃᑯᓂᒃ ᑲᓐᓄᔭᕐᑕᖃᓲᓂᒃ ᐆᒪᔪᕐᓯᐅᓕᑐᐊᕈᓂ.
ᐃᓄᑑᓈᕐᑎᑑᑉ ᐊᐅᖏᕐᑕᐅᒪᒍᑎᖏᑦ ᐊᓪᓚᑕᐅᑎᑦᓯᓯᒪᔪᑦ ᐱᓯᒪᓂᖓᓄᑦ ᑲᓐᓄᔭᕐᒥᒃ ᐊᓯᖏᓐᓂᓗ ᓱᒃᑯᓇᕐᑐᓴᔭᕐᓂᒃ. ᑕᒪᓐᓇ ᑲᓐᓄᔭᐅᑉ ᖃᓄᐃᓪᓗᐊᑑᓂᖓ ᖄᖏᐅᑎᓯᒪᑐᐊᕐᐸᑦ ᑕᒪᑦᓱᒪᖕᖓᑦ ᑐᓴᕐᑎᓯᒍᑎᐅᒍᓐᓇᑐᓂᒃ ᐊᓐᓂᐊᓂᒃ ᑯᐯᒃᒥ, ᑕᒪᖏᒃ ᐋᓐᓂᐊᓯᐅᕐᑎᓗ ᖃᐅᔨᔭᐅᒪᓕᕐᑐᓂᒃ ᐱᑐᐊᕈᓂ ᐊᒻᒪᓗ ᐃᓕᑕᕆᔭᐅᒪᓂᖃᕐᑐᒥᒃ ᖃᐅᔨᓴᕐᕕᒪᕆᒻᒥᑦ ᖃᐅᔨᓴᓚᐅᕐᑐᒥᒃ ᑐᓴᕐᑎᓯᒋᐊᓖᑦ ᑕᒪᑦᓱᒧᖓ ᐋᓐᓂᐊᓕᕐᓇᑐᒧᑦ ᑖᑦᓱᒥᖓ ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᓄᑦ. ᒪᓕᓪᓗᒋᑦ ᑖᑦᓱᒧᖓ ᓄᑭᖃᕐᑎᓯᒍᑏᑦ ᑖᑦᒥᓱᖓ ᑖᒃᑯᓄᖓ ᐃᓄᓕᒫᑦ ᖃᓄᐃᖏᓯᐊᕐᓂᓕᕆᔭᐅᓂᖓᓄᑦ ᐱᖁᔭᖏᓐᓄᑦ, ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᑦ ᑭᓪᓕᓯᓂᐊᕈᓐᓇᕕᖃᕐᓂᐊᑐᖅ, ᑐᑭᓯᓂᐊᑲᑦᑕᓂᒃᑯᓗᐊᖑᐊᖅ, ᐊᒻᒪᓗ ᓄᐃᑦᓯᓗᑎᒃ ᐃᒣᓕᒋᐊᖁᔨᒍᑎᓂᒃ (ᓂᕿᖃᑦᓯᐊᕆᐊᖃᕐᓂᒧᑦ, ᕿᒥᕐᕈᔭᐅᒋᐊᓪᓚᓂᕐᒧᑦ, ᐊᓯᖏᓐᓄᓗ). ᑖᒃᑯᐊ ᐊᕙᑎᒥ ᖃᓄᐃᖏᓯᐊᕐᓂᓕᕆᔩᑦ ᑖᑦᓱᒥᖓ ᓴᐳᒻᒥᓂᖃᓲᑦ ᐱᓇᓱᐊᕆᐊᓕᒥᓂᒃ ᑲᔪᓯᑎᑦᓯᒐᓱᐊᕐᑎᓗᒍ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᓗᒍ:
- ᐃᓄᓕᒫᓂᒃ ᐋᓐᓂᐊᓂᓕᕆᓂᕐᒧᑦ ᖃᐅᔨᑎᑦᓯᒍᑏᑦ ᑲᓐᓄᔭᕐᒧᑦ ᑐᖁᓐᓇᑐᑖᕐᑎᓯᑦᑌᓕᓂᕐᒧᑦ ᓄᓇᕕᒻᒥ (ᖃᓪᓗᓈᑎᑐᑦ ᑭᓯᐊᓂ)
- ᓴᒃᑯᐃᑦ ᐅᖁᒣᓗᑕᖓ: ᖃᓄᖅ ᓱᕐᕃᓱᖑᕙ ᐃᓗᓯᕐᓂᒃ
ᑳᑦᒥᐊᒻ/Cadmium
ᑕᒪᓐᓇ cadmium ᐱᑕᖃᓲᖑᑦᓱᓂ ᑕᒪᖏᓐᓂ ᓄᐃᑕᔪᑐᖃᕐᓂᓗ ᐱᕈᕐᑐᓂᓪᓗ ᓄᐊᑉᐸᓕᐊᒍᓐᓇᓲᖑᕗᖅ ᑐᑦᑐᐃᑦ ᓂᕿᑦᓴᔭᖏᓐᓂ ᐊᓯᖏᓐᓂᓗ ᐱᕈᕐᑐᔭᕐᓂᒃ ᑕᒪᒃᑯᐊ, ᓂᕆᔭᐅᖃᑦᑕᑐᐊᕋᒥᒃ ᑐᑦᑐᓄᓪᓗ ᑐᑦᑐᕙᓐᓄᓗ, ᐱᕈᕐᐸᓕᐊᑎᑦᓯᓲᖑᒻᒪᑦ cadmium-ᖃᕐᓂᖓᓂᒃ ᐊᐅᖓᒍᑦ. ᑭᓯᐊᓂ, ᐃᓗᓐᓈᒍᑦ ᓱᕐᖁᐃᑕᐅᓯᒪᓂᖃᕐᒪᑦ ᑕᒪᒃᑯᐊ ᓇᐅᑦᓯᑐᐃᒍᑎᐅᓯᒪᔪᑦ ᐊᓂᕐᑎᕆᔪᐃᑦ ᐊᐅᖏᓐᓂ ᑌᒣᑕᐅᓯᒪᒋᐊᖏᑦ ᑐᐹᑭᒥᒃ ᓱᐴᕐᑐᓂᕐᒧᑦ.
ᐃᓄᑑᓈᕐᑎᑑᑉ ᐊᐅᖏᕐᑕᐅᒪᒍᑎᖏᑦ ᐊᓪᓚᑕᐅᑎᑦᓯᓯᒪᔪᑦ ᐱᓯᒪᓂᖓᓄᑦ ᑲᓐᓄᔭᕐᒥᒃ ᐊᓯᖏᓐᓂᓗ ᓱᒃᑯᓇᕐᑐᓴᔭᕐᓂᒃ. ᑕᒪᓐᓇ cadmium ᖃᓄᐃᓪᓗᐊᑑᓂᖓ ᖄᖏᐅᑎᓯᒪᑐᐊᕐᐸᑦ ᑕᒪᑦᓱᒪᖕᖓᑦ ᑐᓴᕐᑎᓯᒍᑎᐅᒍᓐᓇᑐᓂᒃ ᐋᓐᓂᐊᓂᒃ ᑯᐯᒃᒥ, ᑕᒪᖏᒃ ᐊᓐᓂᐊᓯᐅᕐᑎᓗ ᖃᐅᔨᔭᐅᒪᓕᕐᑐᓂᒃ ᐱᑐᐊᕈᓂ ᐊᒻᒪᓗ ᐃᓕᑕᕆᔭᐅᒪᓂᖃᕐᑐᒥᒃ ᖃᐅᔨᓴᕐᕕᒪᕆᒻᒥᑦ ᖃᐅᔨᓴᓚᐅᕐᑐᒥᒃ ᑐᓴᕐᑎᓯᒋᐊᓖᑦ ᑕᒪᑦᓱᒧᖓ ᐋᓐᓂᐊᓕᕐᓇᑐᒧᑦ ᑖᑦᓱᒥᖓ ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᓄᑦ. ᒪᓕᓪᓗᒋᑦ ᑖᑦᓱᒧᖓ ᓄᑭᖃᕐᑎᓯᒍᑏᑦ ᑖᑦᒥᓱᖓ ᑖᒃᑯᓄᖓ ᐃᓄᓕᒫᑦ ᖃᓄᐃᖏᓯᐊᕐᓂᓕᕆᔭᐅᓂᖓᓄᑦ ᐱᖁᔭᖏᓐᓄᑦ, ᐃᓄᓕᒫᑦ ᐋᓐᓂᐊᓂᓕᕆᔭᐅᓂᖏᑦᑕ ᑐᑭᒧᐊᑦᑎᓯᔨᒻᒪᕆᖓᑦ ᑭᓪᓕᓯᓂᐊᕈᓐᓇᕕᖃᕐᓂᐊᑐᖅ, ᑐᑭᓯᓂᐊᑲᑦᑕᓂᒃᑯᓗᐊᖑᐊᖅ, ᐊᒻᒪᓗ ᓄᐃᑦᓯᓗᑎᒃ ᐃᒣᓕᒋᐊᖁᔨᒍᑎᓂᒃ (ᓂᕿᖃᑦᓯᐊᕆᐊᖃᕐᓂᒧᑦ, ᕿᒥᕐᕈᔭᐅᒋᐊᓪᓚᓂᕐᒧᑦ, ᐊᓯᖏᓐᓄᓗ). ᑖᒃᑯᐊ ᐊᕙᑎᒥ ᖃᓄᐃᖏᓯᐊᕐᓂᓕᕆᔩᑦ ᑖᑦᓱᒥᖓ ᓴᐳᒻᒥᓂᖃᓲᑦ ᐱᓇᓱᐊᕆᐊᓕᒥᓂᒃ ᑲᔪᓯᑎᑦᓯᒐᓱᐊᕐᑎᓗᒍ.
ᐅᖁᕐᑌᑦ
ᐅᖁᕐᑌᑦ ᐳᔪᕆᓂᑦᓴᔭᐅᓲᖑᕗᑦ ᐊᑦᔨᒋᖏᑐᓂᒃ ᑕᐅᑦᑐᖃᓲᖑᑦᓱᑎᒃ. ᑕᒪᒃᑯᐊ ᐱᕈᒍᓐᓇᓲᑦ ᐊᖏᕐᕋᕆᔭᐅᔪᕐᓂ ᐁᔪᖓᓇᕐᑐᖃᑦᓯᐊᕈᓐᓇᑐᐊᕐᒪᑦ ᐊᒻᒪᓗ ᓄᒃᑭᓴᐅᑎᑖᕆᓲᖏᑦ, ᒪᑯᐊ ᕿᔪᐃᑦ, ᕿᑐᑦᑐᐃᑦ ᓯᑯᑦᓴᔦᑦ ᐊᒻᒪᓗ ᐊᑭᓐᓇᓴᔦᑦ ᐱᕕᒋᔭᐅᖃᑦᑕᓕᑐᐊᕐᒪᑕ. ᑕᒪᒃᑯᐊ ᓇᓂᔭᐅᓗᐊᖑᐊᓲᑦ ᐁᔪᖓᓇᕐᑐᒦᑦᑎᓗᒋᑦ, ᐅᑦᑑᑎᒋᓗᒍ ᐅᕝᕙᕕᐅᑉ ᐃᓗᐊᓂ ᐊᒻᒪᓗ ᐃᒐᓛᓂᒃ.
ᒥᑭᔪᖕᖑᐊᖑᑲᑦᑕᓲᖑᒐᒥᒃ ᐊᒻᒪᓗ ᐲᔭᕐᑕᐅᓯᐊᖃᑦᑕᓂᐊᕈᑎᒃ, ᑕᒪᓐᓇ ᐅᖁᕐᑕᖅ ᐱᓀᓗᑕᒻᒪᕆᒻᒥᒃ ᓄᐃᑦᓯᓚᖓᔪᑦᓴᐅᖏᑦᑐᖅ. ᐁᑉᐹᒍᓪᓗᑕᐅᖅ, ᐊᖏᓕᓯᒪᑐᐊᕋᒥᓪᓕ, ᑕᒪᓐᓇ ᐅᖁᕐᑕᖅ ᐲᔦᓯᓲᖑᑦᓱᓂ ᒥᑭᔪᕐᕈᐊᓂᒃ ᖃᖓᑕᒍᓐᓇᑐᓂᒃ ᓱᓇᑕᓕᒍᓗᓐᓂᒃ, ᐃᓚᖓᑎᒍᑦ ᖃᓄᐃᖏᓯᐊᕐᑐᒧᑦ ᐱᓀᓗᑦᓯᒍᑕᐅᒍᓐᓇᓲᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᑕᐅᔪᖃᕈᓐᓇᑐᖅ ᑲᓇᑕᐅᑉ ᐊᓐᓂᐊᓂᓕᕆᔨᒻᒪᕆᖏᑦᑕ ᖃᕆᑕᐅᔭᒃᑰᕕᖓᓂᒃ (ᖃᓪᓗᓈᑎᑐᑦ ᑭᓯᐊᓂ)
ᓯᐊᕐᕆᔭᕐᕖᑦ
ᐁᕆᓕᐅᓚᐅᕐᑐᒥ, 140 ᐅᖓᑖᓄᕐᑐᓂᒃ ᐃᓄᓐᓂᒃ ᑕᓚᑦᑎᑕᐅᔪᖃᓚᐅᔪᕗᖅ ᓱᒃᑯᓇᕐᑐᑕᓕᒻᒧᑦ ᐳᔪᕐᓗᒧᑦ ᓱᕈᓰᑦ ᖄᑭᕐᓂᖃᕐᑎᓗᒋ5 ᑲᖏᕐᓱᐊᓗᔾᔪᐊᑉ ᓯᐊᕐᕆᔭᕐᕕᖓᓂ; 30-ᒋᔭᖏᑦ ᐊᓂᕐᑎᕆᐅᓯᔭᑐᐃᓐᓇᒨᕐᑎᑕᐅᒋᐊᖃᓚᐅᔪᑦ ᐊᒻᒪᓗ 7 ᐅᐃᒪᓇᕐᑐᑰᕐᑎᑕᐅᓚᕿᑎᓗᒋᑦ ᑰᔾᔪᐊᒧᑦ ᐋᓐᓂᐊᕕᓕᐊᕐᑎᑕᐅᑦᓱᑎᒃ. ᑕᒐ ᖃᐅᔨᓴᕐᑕᐅᓕᑐᐊᕋᒥᒃ ᖃᓄᐃᓪᓗᐊᑐᒥᒃ ᐳᔪᕐᑕᐅᓂᑰᒻᒪᖔᑖ ᑕᒪᒃᑯᓂᖓᓗ ᓱᕐᕋᑕᐅᒪᔪᐃᑦ ᐃᓄᑑᓈᕐᑎᑐᐃᑦ ᐃᓱᐃᓪᓕᐅᕈᑎᒋᓚᐅᔪᔭᖏᓐᓂᒃ ᑎᒃᑯᐊᓯᒍᑕᓚᐅᔪᒻᒪᑦ nitrogen dioxide-ᖑᒋᐊᖓ ᑖᑦᓱᒪ ᓯᑯᓕᐅᕈᑎᐅᑉ ᐳᔪᖓᓄᑦ ᑌᒣᓕᔭᕕᓂᐅᓂᐊᖕᖒᕆᔭᐅᑦᓱᑎᒃ. ᐊᑦᔨᒋᖏᑐᓂᒃ ᐱᑦᔪᑎᖃᑐᐃᓐᓇᕆᐊᖃᓚᐅᕐᒥᔪᖅ ᑕᒪᓐᓇᐅᓚᐅᕐᑐᖅ, ᐃᒫ ᑖᑦᓱᒪ ᓯᑯᓕᐅᕈᑎᐅᑉ ᐳᔪᓕᐅᕐᓂᖓ ᐳᕐᑐᓂᕐᓴᕕᓂᐅᑐᐃᓐᓇᕆᐊᓕᒃ, ᐊᑐᕐᑕᐅᓂᕐᓴᐅᖃᑦᑕᓕᕐᓱᓂᓗ ᖄᑭᕆᐊᕐᑐᓯᒪᔪᖃᕐᓂᑯᖓᓄᑦ ᐊᒻᒪᓗ ᐱᓀᓗᑕᖃᕐᓱᑎᒃ ᐊᓂᕐᓂᓕᕆᐅᑎᒥᓂᒃ ᐊᒻᒪᓗ ᐳᔪᕐᓗᒥᒃ ᓀᓲᑦᓴᔭᖁᑎᖏᑦ ᐊᑐᕐᖃᔭᖕᖏᑑᑦᓱᑎᒃ ᓯᐊᕐᕆᔭᕐᕕᒥ ᐃᓕᔭᐅᒪᒐᓱᐊᕐᑐᓂᒃ.
ᐊᒥᓱᒐᓚᓐᓂᒃ ᑐᖁᓐᓇᑐᓄᑦ ᐱᔭᐅᔪᓂᒃ ᑐᓴᕐᑎᓯᒍᑎᐅᓯᒪᔪᖃᕐᑐᖅ ᐊᓯᐊᓂ ᓯᓚᕐᔪᐊᒥ. ᑯᐯᒃᒥ, 2000-ᒥᑦ 2012-ᒧᑦ, 15-ᖑᔪᓂᒃ ᑌᒣᓕᔪᕕᓂᕐᓂᒃ ᓯᐊᕐᕆᔭᕐᕖᑦ ᐃᓗᐊᓂ ᖃᐅᔨᑎᑦᓯᒍᑎᐅᓚᐅᔪᔪᑦ ᓄᓇᓕᓕᒫᑦ ᐱᓇᓱᐊᕐᕕᖏᓐᓄᑦ ᐃᓄᓕᒫᓂᒃ ᐊᓐᓂᐊᓂᓕᕆᕕᖓᓂᒥᐅᓄᑦ. ᐃᓚᖏᑦᑎᒍᑦ ᐃᓕᑕᕆᔭᐅᔪᖃᓚᐅᔪᒻᒥᔪᖅ ammonia-ᖃᕐᓂᑯᖓᓄᑦ ᓯᑯᒥᒃ ᖁᐊᖑᑎᑦᓯᒍᑎᖓ, ᐊᓯᖏᓪᓗ ᑕᒪᑦᓱᒧᖓ ᐊᐅᓚᔪᓂᒃ ᐃᖏᕐᕋᔪᖃᖃᑦᑕᑐᐊᕐᒪᑦ ᐳᔪᕐᓗᓕᐅᕐᓱᓂ carbon monoxide-ᒥᓪᓘᓃᑦ nitrogen dioxide-ᒥᓪᓘᓃᑦ ᑕᒪᒃᑯᓄᖓᓗᐊᖑᐊᖅ ᓯᑯᓕᐅᕈᑎᓄᑦ. ᐃᓗᓐᓈᑎᒍᓪᓕ, ᐃᓄᐃᑦ ᐃᓚᖏᑦ ᓯᐊᕐᕆᔭᕐᕕᒦᑦᑐᕕᓃᑦ, ᐃᓗᓐᓈᒍᓪᓕ ᑌᒃᑯᓗᐊᖑᐊᑦ ᐊᑐᓲᑦ ᓯᑯᑎᒍᕐᓱᑎᒃ (ᐱᖕᖑᐊᑏᓪᓗ, ᓯᐊᕐᕆᔭᕐᑐᐃᓗ), ᓱᕐᕋᑕᐅᖃᑦᑕᓚᐅᔪᑦ.
ᑌᒣᓕᔪᖃᓚᐅᕐᑎᓗᒍ ᑲᖏᕐᓱᐊᓗᔾᔪᐊᒥ, ᐃᓄᓕᒫᑦ ᐋᓐᓂᐊᓂᓕᕆᔨᖏᑦᑕ ᐱᓇᓱᐊᕐᕕᒋᔭᐅᔪᖅ ᓄᓇᕕᒻᒥ ᐃᓗᓯᓕᕆᔩᑦ ᑲᑎᔨᖏᓐᓄᑦ ᐸᕐᓇᓯᒪᐅᑎᓕᐅᓯᓚᐅᔪᑦ ᐊᓪᓚᑕᐅᑎᑦᓯᓗᑎᒃ ᐱᓀᓗᑕᕐᓂᒃ ᓯᐊᕐᕆᔭᕐᕖᑦ ᐃᓗᐊᓂ ᓄᓇᕕᐅᑉ ᓄᓇᓕᓕᒫᖏᓐᓂ ᐊᒻᒪᓗ ᑐᓴᕐᑎᓯᓗᓂ ᖃᐅᔨᔭᐅᑎᑦᓯᓗᓂᓗ ᓯᐊᕐᕆᔭᕐᕕᐅᑉ ᑲᒪᔨᒻᒪᕆᖏᓐᓂᒃ ᐃᑉᐱᒋᔭᖃᕆᐊᖃᕐᓂᖓᓄᑦ ᐃᓪᓘᑉ ᐃᓗᐊᓂ ᐊᓂᕐᓂᖃᑦᓯᐊᕆᐊᖃᕐᓂᒥᒃ ᐊᒻᒪᓗ ᐱᓂᐊᕐᓂᐅᒋᐊᖃᓲᓂᒃ ᓴᐳᑦᔨᓯᒪᒍᑎᑦᓴᒧᑦ ᐃᓄᐃᑦ ᖃᓄᐃᖏᓯᐊᕐᓂᖏᓐᓂᒃ.
ᑕᒪᓐᓇ ᑌᒣᓕᑎᑦᓯᑌᓕᒍᑎᒃ ᑐᕌᖓᑎᑕᐅᒻᒪᑦ ᓴᐳᒻᒥᒍᑎᐅᓚᖓᑎᓗᒍ ᒥᓂᓯᐹᓕᑎᓂᒃ ᑲᔪᓯᑎᑦᓯᓕᕐᐸᑕ ᑲᒪᒋᒋᐊᓕᒥᓂᒃ ᐃᑉᐱᒋᔭᖃᕆᐊᖃᕐᓂᒥᒃ ᐃᓄᐃᑦ ᓯᐊᕐᕆᔭᕐᕕᒥᒃ ᐊᑐᓲᑦ ᖃᓄᐃᖏᓯᐊᕆᐊᖃᕐᑎᓗᒋᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᖏᓂᓪᓗ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᑕᐅᔪᖃᕈᓐᓇᑐᖅ ᑲᖏᕐᓱᐊᓗᔾᔪᐊᒥ ᐱᔪᕕᓂᕐᒥᒃ ᑐᓴᕐᑎᓯᒍᑎᖏᓐᓂᒃ, ᐁᕆᓕ 2015 (ᖃᓪᓗᓈᑎᑐᑦ ᑭᓯᐊᓂ)
ᐊᕙᑎᒨᓕᖓᔪᓄᑦ ᐅᐃᒪᓇᕐᑐᓕᕆᓂᕐᒧᑦ
ᐊᕙᑎᒥ ᖃᓄᐃᖏᓯᐊᕐᓂᓕᕆᔩᑦ ᐊᑑᑎᔭᐅᓲᖑᕗᑦ ᐱᒪᑎᑦᓯᑌᓕᓂᕐᒥᒃ ᐊᒻᒪᓗ ᐅᐃᒪᓇᕐᑐᓄᑦ ᐊᑐᐃᓐᓇᐅᒪᓂᕐᒥᒃ ᖃᓄᐃᓕᔪᖃᑲᓪᓚᐸᑦ ᓄᓇᕕᐅᑉ ᓄᓇᓕᖏᑦᑕ ᓄᓇᖏᓐᓂ. ᑖᒃᑯᐊ ᑲᒪᒋᔭᖃᓲᖑᒻᒥᔪᑦ ᓱᔪᖃᓕᑐᐊᕐᒪᑦ ᓱᔪᖃᕇᑐᐊᕐᒪᓗ (ᐊᑐᕐᑎᓯᑦᓱᑎᒃ ᐅᐃᒪᓇᕐᑐᓕᕆᐅᑎᓂᒃ, ᐃᓄᓐᓂᒃ ᑐᓴᐅᒪᑎᑦᓯᓂᕐᒥᒃ ᐊᒻᒪᓗ ᐊᐅᓚᑕᐅᓚᐅᕐᑐᓄᑦ ᐅᖃᐅᓯᓕᐅᕐᓂᒥᒃ).
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᓗᒋᑦ ᐅᑯᓇᓃᑦᑐᑦ:
- ᑯᐯᒃ ᐅᐃᒪᓇᕐᑐᓕᕆᔨᖏᑦ (ᖃᓪᓗᓈᑎᑐᑦ ᑭᓯᐊᓂ)
- ᑯᐯᒃᒥ ᑐᖁᓐᓇᑐᓕᕆᕕᒃ ᐊᓐᓂᐊᕕᖓᑦ (ᖃᓪᓗᓈᑎᑐᑦ ᑭᓯᐊᓂ)
- Canutec (ᖃᓪᓗᓈᑎᑐᑦ ᑭᓯᐊᓂ)
ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ
ᖃᐅᔨᓴᕐᑎᒪᕇᑦ ᐅᓄᕐᑐᒪᕆᐅᑦᓱᑎᒃ ᑐᑭᑖᖃᑎᒌᑦᓯᒪᓲᖑᓕᕐᒪᑕ ᑖᑦᓱᒪ ᓄᓇᕐᔪᐊᑉ ᓯᓚᖓ ᐊᓯᑦᔨᕙᓪᓕᐊᓕᕆᐊᖓᓄᑦ. ᑕᑯᑦᓱᒋᑦ Ouranos-ᑯᑦ, ᓯᓚᐅᑉ ᐊᓯᑦᔨᕙᓪᓕᐊᓂᕆᓚᖓᔭᖓᓄᑦ ᐃᓱᒪᖕᖑᐊᕈᑏᑦ ᐃᓚᖃᕐᑎᑕᐅᑎᓪᓗᒋᑦ ᓂᕈᒥᓐᓂᖓ ᐳᕐᑐᓯᕙᓪᓕᐊᓚᖓᑎᓗᒍ ᑯᐯᒃ ᓄᓇᖁᑎᓕᒫᑦᓯᐊᖓᓂ, ᐃᓱᒪᒋᔭᐅᓯᒪᓕᕐᓱᓂᓗ ᐊᑑᑎᓂᕐᓴᐅᖃᑦᑕᓂᐊᕐᑎᓗᒍ ᐅᑭᐅᖑᓕᕐᐸᑦ ᑕᕐᕋᒥᐅᑦ ᓄᓇᖓᓂ, ᐃᓚᖃᕐᒥᑎᓗᒍ ᓯᓚᕐᓂᓗᓐᓂᓴᐅᓲᖑᓂᕐᓂᒃ ᓂᕆᐅᓇᖕᖏᓂᕐᓴᐅᓲᓂᓪᓗ. ᐊᕐᕌᒍᑕᒫᑦ ᓄᕗᔭᕐᓂᑦ ᐱᔪᓂᒃ ᐊᒻᒪᓗ ᓄᓇᖓ ᐊᐳᑎᑖᕐᓂᓴᐅᓚᖓᔪᕆᔭᐅᑦᓱᓂ ᑯᐯᒃ ᓄᓇᖓᑕ ᑕᕐᕋᒥᐅᖑᓂᖏᓐᓂ. ᐃᓗᓐᓈᒍᑦ, ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ ᓱᕐᕋᑕᐅᔪᐃᑦ, ᒪᑯᐊ ᐸᕐᖄᒪᕆᓐᓃᑦ, ᐅᓗᑦᔭᐅᓃᑦ, ᓄᓇᐅᑉ ᐊᑖᓂ ᖁᐊᖑᐃᓐᓇᓯᒪᔪᖅ ᐊᐅᑉᐸᓕᐊᓕᕐᒪᑕ, ᓄᓀᑦ ᓯᑐᕐᑑᓯᑐᐊᕐᒪᑕᓗ, ᓱᔪᑉᐸᓕᐊᓂᕐᒧᓗ, ᓇᐹᕐᑐᐃᑦ ᐃᑯᐊᓪᓚᖃᑦᑕᓗᑎᓪᓗ, ᓱᔪᑦᑕᐅᔪᖃᕐᓗᓂᓗ ᐃᒪᕐᒥᒃ ᐊᒻᒪᓗ ᓂᕿᒥᒃ, ᐆᒪᔪᕐᒥᐅᔭᕐᓂᒃ ᐋᓐᓂᐊᑖᕐᓇᑐᓂᓪᓗ ᐊᓯᖏᓐᓂᓗ ᓱᕐᕃᓂᖃᕈᓐᓇᓯᐊᕐᒪᑕ ᖃᓄᐃᖏᓯᐊᕐᑐᒥᒃ. ᐅᑦᑑᑎᒋᓗᒍ, ᑯᐯᒃ ᐅᑭᐅᕐᑕᑐᖓᓂ, ᑕᒪᒃᑯᐊ ᐋᓐᓂᐊᓕᕐᓇᑐᐃᑦ ᐁᑦᑑᑎᒋᔭᐅᑲᑦᑕᓂᕐᓴᐅᒍᓇᐅᑦᓱᑎᓪᓗ ᓄᕕᐅᕙᓐᓄᑦ ᐆᒪᔪᓄᓪᓘᓃᑦ. ᓱᕐᕋᑕᐅᓂᖃᕐᓂᐸᐅᔪᑦ ᑕᑯᔭᐅᒍᓐᓇᑐᑦᓴᐅᒥᔪᑦ ᐃᓱᐊᖁᑎᑎᒍᑦ ᐃᓪᓗᑎᒍᓪᓗ ᐊᒻᒪᓗ ᓄᓇᑐᐃᓐᓇᒥᑦᑐᒥᒃ.
ᑐᑭᓯᒋᐊᓪᓚᑐᖃᕈᒪᑉᐸᑦ, ᑕᑯᒋᐊᕐᓗᒋᑦ ᐅᑯᐊ:
- the Ouranos site (ᖃᓪᓗᓈᑎᑐᑦ ᑭᓯᐊᓂ)
- ArcticNet’s site (ᖃᓪᓗᓈᑎᑐᑦ ᑭᓯᐊᓂ)
ᐃᓪᓕᐅᑉ ᑯᒪᖏᑦ
ᐃᓪᓖᑦ ᑯᒪᖏᑦ ᒥᑭᔪᕈᓗᑦᓱᑎᒃ ᑕᑯᔭᐅᒍᓐᓇᓲᖑᑦᓱᑎᒃ ᐃᔨᒧᑦ; ᑲᔫᑦᓱᑎᒃ, ᐊᒻᒪᓗᑭᑖᖑᑦᓱᑎᓪᓗ ᐊᒻᒪᓗ ᐃᓴᕈᖃᖕᖏᓱᑎᒃ ᐊᒻᒪᓗ ᐋᐳᐃᑦ ᐱᕈᕐᑐᓕᐅᕈᑎᖏᓐᓂᒃ ᐊᑦᔨᖃᕐᑑᔭᕐᓱᑎᒃ. ᑕᒪᒃᑯᐊ ᕿᑲᑐᐃᓐᓇᓲᑦᓴᔭᐅᖏᑦᑑᒐᒥᒃ ᑕᑯᑦᓴᐅᒍᓐᓇᓲᖑᑦᓱᑎᓪᓗ ᐅᓐᓄᐊᑯᓗᐊᖑᐊᖅ ᐊᒻᒪᓗ ᓇᓂᔭᐅᒍᓐᓇᓲᖑᑦᓱᑎᒃ ᐊᓪᓕᓂᐅᑉ ᑭᓪᓕᖏᓐᓃᑎᓪᓗᒋᑦ. ᑖᒃᑯᐊ ᑮᓯᓲᖑᑦᓱᑎᒃ ᑯᒪᕈᓗᐃᑦ ᓂᕿᖃᓲᖑᑦᓱᑎᓪᓗ ᐃᓄᐃᑦ ᐊᐅᖏᓐᓂᒃ ᓯᓂᓕᑐᐊᕐᒪᑕ. ᑕᒪᒃᑯᐊ ᑯᒪᕈᓗᐃᑦ ᐊᐅᓚᑕᐅᓂᖃᖕᖏᑐᐊᕈᑎᒃ, ᐊᒥᓱᖕᖑᓲᖑᑦᓱᑎᓪᓗ ᐃᕐᐸᓴᐅᑎᒋᐊᐱᓲᖑᑦᓱᑎᓪᓗ.
ᐃᓪᓖᑦ ᑯᒪᖏᑦ ᐁᑦᑑᑎᖃᓲᖑᑦᔭᖏᑦᑐᐃᓕ ᐋᓐᓂᐊᓕᕐᓇᑐᓂᒃ. ᖃᓄᐃᖏᓯᐊᕐᓂᒧᑦ ᐊᑦᑕᓇᓗᐊᖑᐊᕈᑎᖓ ᑲᐱᔭᐅᑲᑦᑕᓂᐊᕈᓂ ᐊᒥᓱᓄᑦ ᑌᒣᓕᔭᐅᒍᓐᓇᒥᑦᓱᓂᓗ. ᑕᒪᒃᑯᐊ ᐅᖏᓚᓐᓇᑐᒻᒪᕆᐅᒍᓐᓇᓲᖑᑦᓱᑎᒃ ᓱᕐᕃᓕᕐᓗᑎᐊᓪᓛᑦ ᐃᓅᓯᕐᒥᒃ ᐅᓚᐱᑦᓯᓂᕐᒥᒍᑦ ᓯᓂᓐᓂᖓᓂᒃ ᐊᒻᒪᓗ ᐅᖁᒣᓪᓕᐅᕈᑕᐅᓕᕐᓱᑎᒃ ᓂᕆᐅᔮᕈᑕᐅᓕᕐᓱᑎᓪᓗ, ᐃᓅᖃᑎᖃᕐᖃᔦᕐᓗᓂᓗᐊᓪᓛᑦ.
ᐊᒥᓱᓂᒃ ᐊᕐᕌᒍᓯᒪᓕᕐᑐᓂᒃ, ᐃᓪᓖᑦ ᑯᒪᖏᑦ ᑯᐯᒃᒥ ᐃᕐᐸᕕᖃᕐᓯᒪᓕᕐᑐᑦ ᑌᒪᑦᓭᓈᖃᑕᐅᑎᓪᓗᒍ ᐊᓯᖏᓐᓂ ᓯᓚᕐᔪᐊᒥᐅᖑᒻᒥᔪᓄᑦ. ᑕᒪᑦᓱᒧᖓ ᐱᓀᓗᑌᑦ ᓄᐃᕙᓪᓕᐊᖃᑦᑕᓕᕐᒥᔪᑦ ᓄᓇᕕᒻᒥ. ᐊᒥᓱᒐᓚᓐᓂᒃ ᐱᑦᔪᑎᒋᔭᐅᔪᕐᓂᒃ ᑐᑭᓯᑎᑦᓯᒍᑕᐅᔪᖃᕈᓐᓇᒪᑦ ᐃᓪᓕᐅᑉ ᑯᒪᖏᓐᓂᒃ ᐱᑕᖃᕆᐊᖓᓄᑦ ᐃᓪᓗᒥ, ᐊᒻᒪᓗ ᑯᒪᖃᕐᓂᐸᐅᓂᐊᕋᓗᐊᕈᓂ ᐃᓪᓗᖓ ᐱᒋᐊᕐᑎᓯᕕᐅᓪᓗᑯᐊᐱᓲᖑᖏᓱᓂ ᑕᒪᑦᓱᒧᖓ ᐱᓀᓗᑕᕐᒧᑦ. ᐃᓪᓕᐅᑉ ᑯᒪᖏᑦᑕ ᓄᐃᑎᕐᐸᓕᐊᓚᕿᒍᑎᖏᑦ ᒪᑯᐊᖑᒻᒪᑕ:
- ᐃᓄᐃᑦ ᐊᐅᓚᑲᑦᑕᓂᕐᓴᐅᓕᑐᐊᕐᒪᑕ (ᓅᑦᑎᓱᑎᓪᓘᓃᑦ, ᓂᐅᕐᕈᓱᑎᓪᓘᓃᑦ, ᐊᓯᖏᓐᓄᓗ);
- ᐊᑐᕐᑕᐅᔪᖃᑐᐊᕐᒪᑦ ᓱᓇᑐᐃᓐᓇᓂᒃ ᐊᑐᕐᓂᓕᓐᓂᒃ (ᓂᐅᕐᕈᑎᕕᓂᕐᒥᒃ ᑕᐅᕐᓰᒍᑎᕕᓂᕐᒥᓘᓐᓃᑦ ᐊᑐᕐᓯᒪᔪᒥᒃ ᐃᓪᓗᒥᐅᑕᕐᒥᒃ ᐊᓐᓂᕌᓂᓪᓗ);
- ᖃᐅᔨᒪᑦᓯᐊᖏᑦᑑᓂᕐᒧᑦ ᐃᓪᓕᐅᑉ ᑯᒪᖏᓐᓂᒃ ᑌᒪ ᑐᖁᕃᑦᓯᐊᖏᑦᑑᓚᕿᓂᐊᓕᕋᒥ.
ᑲᑉᐱᐊᒋᔭᖃᓕᑐᐊᕋᒥᒃ ᐃᓪᓕᐅᑉ ᑯᒪᖏᓐᓂᒃ ᐱᑕᖃᕐᑎᓯᓕᕆᐊᖓᓄᑦ ᐃᓚᖏᑦ ᐃᓄᐃᑦ ᖃᐅᔨᑎᑦᓯᖏᑦᑑᑐᐃᓐᓇᕆᐊᖃᓲᖑᒻᒥᔪᑦ ᐊᖏᕐᕋᖓᓂ ᑯᒪᑦᑕᖃᓕᕆᐊᖓᓄᑦ, ᐱᓀᓗᑕᖃᕈᑎᒋᓕᕐᑕᖓ ᐱᓕᐅᒥᑐᐃᓐᓇᕆᐊᖃᕋᔭᕐᓂᖓᓄᑦ. ᑐᑭᓯᔭᐅᑦᓯᐊᒪᕆᒋᐊᖃᕐᒪᑦ ᑕᒪᒃᑯᐊ ᐃᓪᓕᐅᑉ ᑯᒪᖏᑦ ᓂᕈᐊᓯᒪᓪᓗᑯᐊᐱᓲᖑᑦᔭᖏᒻᒪᑕ ᓇᔪᕈᒪᔭᕐᒥᓂᒃ ᓇᓂᑐᐃᓐᓇᓯᐊᖅ ᐊᖏᕐᕋᕆᔭᐅᔪᕐᒦᒍᓐᓇᒪᑕ: ᐊᑦᓱᐃᑐᓂᓪᓗ ᐊᑦᓱᔪᕐᓂᓗ, ᐃᓄᑐᐃᓐᓇᐅᖏᑦᑐᓂᓪᓗ ᐊᒻᒪᓗ ᐃᓄᐃᑦ ᐃᓗᓐᓇᑎᒃ ᑯᒪᑦᑖᓯᒪᑐᐃᓐᓇᕆᐊᖃᑦᓯᐊᒥᒻᒪᑕ. ᐸᓯᑦᓯᒋᐊᖃᑦᔭᖏᓪᓚᒍᑦ ᐊᓯᑦᑎᓂᒃ ᐃᓕᕋᓱᓪᓗᑕᓗᓐᓃᑦ ᑭᓇᑐᐃᓐᓇᓕᒫᑦᓯᐊᑯᑦ ᑌᒣᑦᑐᒦᑐᐃᓐᓇᕆᐊᖃᓲᖑᒻᒪᑕ. ᐱᒻᒪᕆᐅᒍᑎᑐᐊᓕᒃ ᑕᒪᓐᓇ ᖃᓄᐃᓕᒍᑕᐅᑦᓴᐅᑎᒋᒋᐊᖃᕐᒪᑦ ᐱᑕᖃᓕᑐᐊᕐᐸᑦ.
ᐃᓪᓕᐅᑉ ᑯᒪᖏᓐᓂᒃ ᐲᕐᓯᒋᓱᐊᕆᐊᒥᒃ ᐱᔭᕆᐊᑭᑦᑑᔭᖏᒻᒥᔪᖅ ᐊᒻᒪᓗ ᓄᓇᓖᓪᓗ ᐃᓄᑑᓈᕐᑎᑐᐃᓪᓗ ᐊᔪᐃᓐᓇᓂᕐᓴᐅᒋᐊᖃᕐᓂᐊᓱᑎᒃ. ᖁᐱᕐᕈᓂᒃ ᑐᖁᕃᒍᑏᑦ ᐊᑐᕐᑕᐅᓯᐊᖕᖏᑐᐊᕈᑎᒃ ᑕᒪᒃᑯᓄᖓ ᐃᓪᓕᐅᑉ ᑯᒪᖏᓐᓄᑦ ᖃᓄᐃᖏᓯᐊᕐᓂᒧᑦ ᐊᑦᑕᓇᑐᐃᓐᓇᕆᐊᖃᕐᒥᔪᖅ.
ᑕᒪᖏᒃ ᐊᑦᑕᑐᕐᑐᓗ ᓇᒻᒥᓂᖃᕐᑐᓗ ᑲᒪᒋᔭᖃᕆᐊᖃᓲᖑᒻᒪᑎᒃ. ᒪᓕᑦᑕᐅᓯᐊᕆᐊᓖᑦ ᐃᒣᓕᐅᕆᐊᖃᕐᖁᑏᑦ ᓚᔪᑦ ᑕᒪᒃᑯᐊ ᕿᒥᕐᕈᐊᒍᓗᖏᓐᓂ. ᓱᓕ, ᐊᑦᑕᑐᕐᑐᐃᑦ ᑐᓴᕐᑎᓯᒋᐊᖃᓲᖑᑦᓱᑎᒃ ᓇᒻᒥᓂᓕᓐᓂᒃ ᐃᓪᓗᖁᑎᒥᓂ ᓇᓂᓯᑐᐊᕈᑎᒃ ᑯᒪᓐᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑐᑭᒋᐊᕐᕕᐅᒍᓐᓇᑐᑦ ᐅᑯᐊ:
- ᕿᒥᕐᕈᐊᒍᓗᐃᑦ ᐃᓪᓕᐅᑉ ᑯᒪᖏᑦ: ᐱᒪᑎᑦᓯᑌᓕᓂᕐᒧᑦ ᑲᒪᒋᔭᖃᕐᓂᒧᓪᓗ (ᖃᓪᓗᓈᑎᑐᑦ ᑭᓯᐊᓂ). ᑐᑭᓯᒪᐅᑎᑦᓴᓕᐊᖑᓯᒪᑦᓱᑎᒃ ᐊᓪᓚᑕᐅᓯᒪᔪᑦ ᖃᓄᖅ ᐃᓪᓕᐅᑉ ᑯᒪᖏᓐᓄᑦ ᐱᔭᐅᑦᑌᓕᒪᒍᑎᑦᓴᓄᑦ, ᐃᓕᑕᕐᓯᒍᑕᐅᒍᓐᓇᑐᓄᓪᓗ ᐱᑕᖃᓕᕆᐊᖏᑦ ᐊᒻᒪᓗ ᖃᓄᕐᑑᕈᑎᐅᒍᓐᓇᑐᓄᑦ ᑐᖁᕃᒍᓯᕐᒧᑦ.
- ᐅᑯᐊ ᑐᑭᒧᐊᒍᑏᑦ ᐃᓪᓗᒥ ᓇᒻᒥᓂᓕᓐᓄᑦ, ᐊᐅᓚᑦᓯᓂᓕᕆᔨᓄᓪᓗ ᐊᒻᒪᓗ ᑲᒪᔨᒻᒪᕆᓐᓄᑦ (ᖃᓪᓗᓈᑎᑐᑦ ᑭᓯᐊᓂ), ᑐᑭᓯᒪᐅᑎᑦᓴᖃᕐᑎᓗᒋᑦ ᐱᑕᖃᕐᑎᓯᑦᑌᓕᓂᕐᒧᑦ ᖃᐅᔨᒍᓐᓇᓂᕐᒧᓗ ᐱᑕᖃᓕᕆᐊᖓᓂᒃ ᐃᓪᓕᐅᑉ ᑯᒪᖏᓐᓂᒃ ᐊᖏᕐᕋᕆᔭᐅᔪᕐᒥ ᐃᓪᓗᒥᓪᓘᓃᑦ ᐊᒻᒪᓗ ᑐᖁᕋᕐᑕᐅᒍᓐᓇᓯᐊᕈᑎᖏᓐᓄᑦ.