ᐊᐅᓚᑦᔭᕆᐊᕐᓂᖅ...ᓈᒻᒪᓈᓪᓗᐊᓱᓂ
ᓄᓇᕕᒻᒥ ᐃᓗᓯᓕᕆᓂᕐᒧᓗ ᐃᓄᓕᕆᓂᕐᓄᓗ ᐱᑦᔪᔨᕕᒃ, ᐱᓇᓱᖃᑎᖃᕐᓱᓂ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ, ᒪᓂᒪᑎᑦᓯᕗᑦ ᐊᑭᖃᖕᖏᑐᓂᒃ ᐆᒻᒪᑎᒥᒃ ᓄᕐᙯᓇᕐᑐᒥᒃ ᐃᖏᕐᕋᓯᑎᑦᓯᒋᐊᓪᓚᓂᕐᒥᒃ, ᖁᓄᓪᓕᑐᑦ ᑲᐴᑎᖓᓐᓂᒃ ᐊᒻᒪᓗ ᐋᖓᔮᓐᓇᑐᓄᑦ ᑐᑭᓯᔪᑦ ᓇᕐᕿᑎᑕᐅᒋᐊᕈᑎᖏᓐᓅᓕᖓᔪᓂᒃ ᐱᒋᐅᕐᓴᑎᑦᓯᒍᑎᖃᕐᓂᓂᒃ ᐱᓇᓱᑦᑕᖃᕐᓂᖓ ᑰᒃᔪᐊᒥ, ᑖᒃᑯᐊ ᐃᓚᒋᔭᐅᔪᑦ ᓄᑖᓄᑦ ᐅᑦᑐᕋᐅᑎᐅᓗᑎᒃ ᐱᓇᓱᒍᑎᐅᓚᖓᔪᓄᑦ.ᑖᒃᑯᐊ ᑲᑎᒪᓂᐊᕈᓰᑦ ᐃᓕᖓᕗᑦ ᐃᓄᒻᒪᕆᓐᓄᑦ ᐅᑭᐅᓕᓐᓄᑦ 18-ᓂᒃ ᐅᖓᑖᓄᓪᓗ ᓯᕗᓂᖃᕈᑎᐅᑦᓱᑎᒃ ᐃᓚᐅᖃᑎᒌᑦᑐᓂᒃ ᐱᔪᓐᓇᐅᑎᑕᕐᑎᓯᓂᐅᒐᔭᕐᑐᒥᒃ ᐊᑐᑎᖃᓪᓚᕆᑦᑐᓂᒃ ᐱᓇᓱᒍᓐᓇᓯᒍᑎᑦᓴᖏᓐᓂᒃ ᑲᒪᒋᐊᕆᐊᖃᓕᕈᑎᒃ ᐅᐃᒪᓇᕐᓯᔪᓂᒃ, ᓲᕐᓗ ᐆᒪᑎᒥᓂᒃ ᓄᕐᙯᓇᔨᐊᓕᓐᓂᒃ ᐃᖏᕐᕋᓯᑎᑦᓯᒋᐊᓪᓚᓂᕐᒥᒃ, ᓱᑌᔪᕐᑐᒥᒃ ᖁᓄᓪᓕᓂᖃᓕᕐᑐᓂᒃ ᐅᕝᕙᓘᓐᓃᑦ ᐋᖓᔮᓐᓇᑐᓂᒃ ᐄᕐᖃᒐᕐᓂᒃ ᐊᒥᓱᑐᕐᓯᒪᓗᐊᒧᑦ ᑐᖁᓯᔪᓂᒃ. ᐃᓚᐅᖃᑕᐅᓂᒃᑯᑦ, ᐃᑲᔪᕐᓯᒍᓐᓇᖁᑎᑦ ᑲᑉᐱᐊᓇᖕᖏᓂᕐᓴᒥᒃ ᐊᑐᐃᓐᓇᐅᒪᓂᕐᓴᐅᓂᕐᒥᓗ ᓄᓇᕕᐅᑉ ᓄᓇᓕᖓᓂ.
ᐆᒻᒪᑎᒥᒃ ᓄᕐᙯᓇᕐᑐᒥᒃ ᐃᖏᕐᕋᓯᑎᑦᓯᒋᐊᓪᓚᓂᖅ (CPR)
ᐆᒻᒪᑎᒥᒃ ᓄᕐᙯᓇᕐᑐᒥᒃ ᐃᖏᕐᕋᓯᑎᑦᓯᒋᐊᓪᓚᓂᕐᒥᒃ ᐱᒋᐅᕐᓴᔭᐅᒍᑎᖃᕐᓃᑦ ᓯᕗᓂᖃᕈᑎᐅᕗᑦ ᐃᓕᓐᓂᐊᑎᑦᓯᒍᑎᖃᕐᓂᒥᒃ ᑲᒪᒋᐊᕈᑎᐅᒍᓐᓇᑐᓂᒃ ᐃᓄᒃ ᐊᓂᕐᑎᕆᓂᖃᑦᓯᐊᕈᓐᓀᐸᑦ ᐅᕝᕙᓘᓐᓃᖅ ᐊᑑᑎᔭᖃᓕᕐᐸ ᐆᒻᒪᑖᕐᓂᒥᒃ. ᐃᓕᓐᓂᐊᑎᑕᐅᖃᑎᒌᑦ ᐃᓕᑦᓯᑎᑕᐅᒍᑎᖃᓱᖑᕗᑦ ᐊᑑᑎᖃᓪᓚᕆᑦᑐᓂᒃ ᖃᓄᐃᓘᕆᒍᑎᑦᓴᓂᒃ ᐆᒻᒪᑖᓯᔪᒥᒃ ᑕᐅᑐᓕᕈᑎᒃ, ᐃᓅᑉ ᓴᕝᕕᖓᓂᒃ ᐊᔭᒋᐊᑲᓪᓛᓗᓂ ᐊᐅᖓ ᐃᖏᕐᕋᖏᓐᓇᖁᓪᓗᒍ, ᐊᑕᐅᑦᓯᑯᓪᓗ ᐊᓂᕐᓵᑎᑦᓯᑲᑕᓪᓗᓂ ᑌᒣᒋᐊᖃᑐᐊᕈᓂ. ᑖᒃᑯᐊ ᐱᒋᐅᕐᓴᑎᑦᓯᒍᑏᑦ ᐊᑑᑎᓪᓗᑐᕐᓂᒥᒃ ᐱᒋᐅᕐᓴᑎᑕᐅᒍᑎᐅᓛᕐᑐᑦ ᐊᑐᕐᓗᑎᒃ ᐃᓄᖕᖑᐊᓂᒃ ᐊᑐᓛᕐᒥᓱᑎᒃᓗ ᐆᒻᒪᑎᒥᒃ ᖁᑦᓴᓚᑦᑎᓯᒍᑎᓂᒃ, ᐆᒻᒪᑎᒥᒃ ᐃᖏᕐᕋᓯᑎᑦᓯᒋᐊᓪᓚᒍᑎᓂᒃ ᐃᓄᒃ ᐆᒻᒪᑖᕐᓱᓂ ᐅᐃᒪᓇᕐᓯᑎᓪᓗᒍ. ᑖᒃᑯᐊ ᓯᕗᓂᖃᕈᑎᐅᕗᑦ ᐱᑕᖃᕐᑎᓯᒍᑎᐅᒐᔭᕐᓂᒥᓂᒃ ᐃᓕᓐᓂᐊᑎᑕᐅᖃᑎᒌᑦ ᐳᕿᐊᓱᒍᓐᓀᓯᐊᕐᓂᕆᒐᔭᕐᑕᖏᓐᓂᒃ ᐱᔪᓐᓇᓂᕐᑕᓯᐊᕐᓗᑎᒃᓗ ᐅᐃᒪᒋᐊᖃᓕᕈᑎᒃ ᐱᑦᓯᐊᓗᑎᒃ ᐱᓇᓱᒍᑎᑦᓴᒥᓂᒃ, ᐃᓄᒻᒥᒃ ᐊᓐᓇᐅᒪᑎᑦᓯᒍᑎᐅᒐᔭᕐᑐᓂᒃ ᐋᓐᓂᐊᓯᐅᕐᑎ ᑎᑭᓚᐅᖕᖏᓂᖓᓂ.
ᐃᓄᒃ ᐊᐅᓚᑦᓯᔪᖅ:
Marc-André Lamontagne/ᒫᒃ ᐋᓐᑎᕆ ᓚᒨᓐᑖᖕ
marc-andre.lamontagne@ssss.gouv.qc.ca
EpiPens/ᖁᓄᓪᓕᓂᖃᓕᕐᑐᓄᑦ ᑲᐴᑎ
Epinephrine auto-injectors (ᖃᐅᔨᒪᔭᐅᑦᔪᑎᓖᑦ EpiPens-ᓂᒃ) ᓇᑦᓴᑲᑕᑦᑕᐅᒍᓐᓇᓱᑎᒃ ᓴᓇᓯᒪᕗᑦ ᐃᓄᒻᒧᑦ ᖁᓄᓪᓕᓂᖃᓕᕐᑐᒧᑦ ᓈᒻᒪᓈᕐᑎᓯᒪᔪᓂᒃ ᑲᐱᒍᑎᑦᓴᔭᐅᑦᓱᑎᒃ. ᑕᒪᓐᓇ ᐋᓐᓂᐊᖑᓲᖅ ᖁᓄᓪᓕᓇᕐᑐᑦ ᐊᑦᓯᕋᐅᑎᓕᒃ anaphylaxis/ᑎᒥᐅᑉ ᑕᖃᖓᒍᓲᖅ. ᐊᑐᕆᐊᖏᑦ ᐱᔭᕆᐊᑭᑦᑐᑦ, ᐊᑕᐅᓯᐊᕐᓗᒋᓪᓗ ᐊᑐᕋᑦᓴᔭᐅᑦᓱᑎᒃ, ᓄᖃᕐᑎᖃᕐᓱᑎᒃ ᑲᐱᒍᑎᐅᓕᕋᒥ epinephrine-ᑕᑦᓯᓲᑦ ᖁᕐᑐᕋᐅᑉ ᓄᑭᖓᓂᒃ. ᑕᒪᒃᑯᐊ epinephrine ᓱᑲᑦᑐᒥᒃ ᐳᓪᓕᒍᓐᓀᑎᑦᓯᓲᑦ, ᐊᓂᕐᑎᕆᓯᐊᓕᕐᑎᓯᑦᓱᑎᒃᓗ, ᐊᐅᓪᓗ ᐃᖏᕐᕋᓂᖓᓂᒃ ᓈᒻᒪᓯᓕᑎᕆᑦᓱᑎᒃ ᐅᐃᒪᓇᕐᑐᓯᐅᕐᑐᖃᓕᕐᑎᓗᒍ ᖁᓄᓪᓕᔪᒥᒃ. ᑖᒃᑯᐊ ᐋᓐᓂᐊᓯᐅᕈᒍᑏᑦ ᐊᑑᑎᖃᓪᓚᕆᑦᑐᑦ ᐃᓄᓐᓄᑦ ᐃᓅᓯᕈᑦᔭᐅᒍᓐᓇᑐᓄᑦ ᖁᓄᓪᓕᓇᕐᑐᓄᑦ ᖁᓄᓪᓕᕈᑎᖃᕐᓱᑎᒃ ᓂᕿᓂᒃ, ᖁᐱᕐᕈᑕᐅᓂᕐᓂᒃ, ᐋᓐᓂᐊᓯᐅᑎᓂᒃ, ᐅᕝᕙᓘᓐᓃᑦ ᐊᓯᖏᓐᓂᒃ, ᐱᑕᖃᕐᑎᓯᒍᑎᐅᓱᖑᒐᒥᒃ ᑕᕝᕓᓇᖅ ᐋᕐᕿᕙᓪᓕᐊᓯᓂᕐᒥᒃ ᑎᑭᐅᑎᔭᐅᓚᐅᖕᖏᓂᖓᓂ ᐋᓐᓂᐊᓯᐅᕆᒍᓐᓇᑐᓄᑦ. ᐱᒋᐅᕐᓴᔭᐅᒍᑎᖃᕐᓂᖅ ᖃᓄᖅ ᐊᑐᕐᑕᐅᓱᖑᓂᖏᓐᓂᒃ ᓱᕐᖁᐃᑐᒥᒃ ᐊᑐᐃᓐᓇᐅᒪᒍᑎᐅᒍᓐᓇᐳᑦ ᐃᓅᓕᑦᓯᒍᓐᓇᓱᓂᓗ ᑲᑉᐱᐊᓇᕐᑐᑯᓕᑫᓐᓇᑐᒥᒃ.
ᐅᐃᒍᑕᕐᓗᒋᑦ ᐱᑐᒍᑎᒥᒃ ᐅᑯᓄᖓ Allergy Quebec Auto-injectors-ᑯᓄᑦ (ᐃᓄᑦᑎᑑᕐᑐᑕᖃᖕᖏᑐᑦ)
ᐃᓄᒃ ᐊᐅᓚᑦᓯᔪᖅ:
Marc-André Lamontagne/ᒫᒃ ᐋᓐᑎᕆ ᓚᒨᓐᑖᖕ
marc-andre.lamontagne@ssss.gouv.qc.ca
ᐊᐅᓚᑕᐅᓂᖓ naloxone/ᓈᓚᒃᔫᓐ
ᐊᐅᓚᑕᐅᓂᖓ ᐋᓐᓂᐊᓯᐅᑎᓂᒃ ᐋᖓᔮᓐᑕᑐᕐᑐᓯᒪᔪᑦ ᓇᕐᕿᑎᑦᓯᒋᐊᕈᑎᐅᑉ ᐊᑦᓯᕋᐅᑎᓕᒃ naloxone/ᓈᓚᒃᔫᓐᒥᒃ ᐃᓚᖃᕐᐳᖅ ᖃᐅᔨᒪᒍᓐᓇᓂᕐᒥᒃ ᐋᖓᔮᓐᓇᑐᓂᒃ ᐱᓯᒪᓗᐊᒧᑦ ᓱᒃᑯᓯᔪᒥᒃ ᐊᑐᕆᐊᒥᓪᓗ naloxone/ᓈᓚᒃᔫᓐᒥᒃ ᓇᕐᕿᑎᑦᓯᒋᐊᕈᑎᒋᓗᒍ ᑐᖁᓯᔪᒥᒃ. Naloxone/ᓈᓚᒃᔫᓐ ᐋᓐᓂᐊᓯᐅᑎᐅᕗᑦ ᑭᐳᑦᑎᓯᒍᓐᓇᓱᓂ ᑐᖁᓐᓇᑐᒥᒃ ᕿᑲᕐᑎᓯᓚᐅᕐᑐᒍᓐᓇᑲᒥ ᐃᓄᓐᓄᓗ ᑐᖁᓕᕐᑐᓄᑦ ᐊᓂᕐᑎᕆᑦᓯᐊᕆᐊᓪᓚᒍᑎᐅᓱᖑᑦᓱᓂ. ᐱᒋᐅᕐᓴᔭᐅᒍᑎᖏᑦ ᐃᓚᖃᖏᓐᓇᓱᖑᔪᑦ ᐱᓯᒪᓗᐊᓕᕐᑐᒥᒃ ᑕᑯᑦᓴᐅᔪᖃᓕᑐᐊᕐᒪᑕ ᐊᖏᔪᕐᑐᓗᐊᕐᓯᒪᔪᖃᓕᑐᐊᕐᒪᓗ, ᓲᕐᓗ ᓱᒃᑫᑐᒥᒃ ᐊᓂᕐᑎᕆᔪᖃᓕᕐᒪ ᐅᕝᕙᓘᓐᓃᑦ ᐊᓂᕐᑎᕆᒍᓐᓀᑐᖃᑐᐊᕐᒪᑦ ᖃᐅᔨᒪᖏᕐᑐᖃᑐᐊᕐᒪᓗᓐᓃ, naloxone/ᓈᓚᒃᔫᓐᒥᒃ ᐱᑎᑦᓯᓂᖅ ᐃᓅᑉ ᓱᕐᓗᖏᓐᓄᑦ ᓱᑉᐱᕆᒍᑎᒋᑦᓱᒍ, ᐅᐃᒪᓗᓂᓗ ᐱᓇᓱᐊᓵᕐᓗᒍ ᓲᕐᓗ ᐅᐃᒪᓇᕐᑐᓯᐅᑎᒥᒃ ᙯᕐᖂᕆᓂᖃᓵᕐᓗᓂ ᐃᓄᒻᒥᓗ ᐃᑉᐱᒋᔭᖃᑦᓯᐊᓗᓂ ᑎᑭᓚᐅᖕᖏᓂᖏᓐᓂ ᐅᐃᒪᓇᕐᑐᓕᕆᔩᑦ. ᑕᒪᒃᑯᐊ ᓯᕗᓂᖃᕈᑎᐅᔪᑦ ᐃᓄᓐᓂᒃ ᐱᔪᓐᓇᓯᑎᑦᓯᒍᑎᐅᓇᓱᑦᓱᑎᒃ ᐅᐃᒪᓗᑎᒃ ᐱᓇᓱᑦᑕᖃᕈᓐᓇᓯᖁᓪᓗᒋᑦ ᐃᓄᓐᓂᒃ ᐃᓅᕐᖏᓕᕐᑐᓂᒃ ᐱᔭᐅᑦᓱᑎᒃ ᐊᖓᔮᓐᓇᑑᑦᓱᑎᒃ ᐋᓐᓂᐊᓯᐅᑎᓄᑦ.
- ᐱᑐᒍᑎ Naloxone Flyer (ᒍᐃᒍᐃᑎᑑᕐᑐᑕᖃᖕᖏᑐᑦ)
- ᐱᑐᒍᑎ ᐅᕗᖓ ᐊᑦᔨᖁᑎᒧᑦ Naloxone is safe for everyone (ᒍᐃᒍᐃᑎᑑᕐᑐᑕᖃᖕᖏᑐᑦ)
- ᐱᑐᒍᑎ ᐅᕗᖓ ᐊᑦᔨᖁᑎᒧᑦ Intervention protocol in an opiod overdose situation (ᒍᐃᒍᐃᑎᑑᕐᑐᑕᖃᖕᖏᑐᑦ ᐃᓄᒃᑎᑑᕐᑐᑕᖃᕋᑎᒃᓗ)
- ᐱᑐᒍᑎ ᐅᑯᓄᖓ “ᖃᓄᐃᓘᓗᒍnaloxone/ᓇᓛᒃᔫᓐ ᓱᕐᓗᒨᔭᕐᑕᐅᒋᐊᖃᕐᒪᖔᑦ: How to administer naloxone nasally
- (ᐃᓄᑦᑎᑑᕐᑐᑕᖃᖕᖏᑐᑦ)
naloxone/ᓇᓛᒃᔫᓐ ᑰᒃᔪᐊᒥ ᓇᑭᑦ ᐱᔭᐅᒍᓐᓇᓂᖓ:
- ᐋᓐᓂᐊᓯᐅᑎᑖᕐᕕᒃ
- ᖃᓄᐃᖕᖏᓯᐊᕐᑐᓕᕆᕕᒃ ᐋᓐᓂᐊᓯᐅᕆᕕᒃ
- ᐃᓄᓕᕆᔨᒃᑯᑦ (ᐃᑎᕐᑕᐅᒍᑎᒃ)
- I Care We Care
- ᐃᓱᐊᕐᓯᕕᒃ
- ᖃᔭᖅ ᐊᖑᑏᑦ ᑲᑐᑦᔨᖃᑎᒌᕝᕕᖓᑦ
ᐃᓄᒃ ᐊᐅᓚᑦᓯᔨ:
Isabelle Fortier/ᐃᓴᐱᐋᓪ ᕘᕐᓯᐄ
isabelle.fortier.rr17@ssss.gouv.qc.ca