ᓲᓲᑦᓴᓂᖅ ᐅᐱᒍᓱᓐᓂᓗ ᐃᓄᑐᖃᑦᑎᓂᒃ ᑐᖕᖓᕕᒻᒪᕆᐅᕗᖅ ᓄᓇᓕᑦᑎᓄᑦ ᓲᖑᔫᒍᑎᐅᑦᓱᓂ
ᐃᓄᑐᙯᑦ ᐱᒻᒪᕆᐅᓂᖓᑦ
ᐱᓇᓱᐊᕐᑎᓯᒍᑎᒋᓲᕗᑦ ᑐᖕᖓᕕᖃᕐᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᓄᐃᑦ ᖃᐅᔨᒪᐅᓯᖓᓂᒃ ᐃᓗᓯᓕᕆᓂᕐᒥᒃ ᖃᓄᐃᖕᖏᓯᐊᕐᓂᓕᕆᓂᕐᒥᓗ g ᑖᒃᑯᐊ ᑐᑭᓯᓇᕐᑎᓯᔪᑦ ᐃᓄᑐᙯᑦ ᖃᐅᔨᒪᐅᓯᕐᓂᒃ ᐱᐅᓕᓂᐊᕐᑎᐅᓂᖏᓐᓂᒃ ᐃᓗᕐᖁᓯᑦᑎᒍᓪᓗ ᖃᐅᔨᒪᐅᓯᖃᕐᓂᖏᓐᓂᒃ.
ᐃᓄᑐᙯᑦ ᐃᓄᑐᐃᓐᓀᑦ ᐃᓗᕐᖁᓯᖓᓄᑦ, ᐱᕐᖁᓯᖏᓐᓄᑦ ᐱᒻᒪᕆᐅᔪᖁᑎᖏᓐᓄᓗ ᐊᑐᕐᓂᖃᓪᓚᕆᑦᑐᑦ. ᖃᐅᔨᒪᐅᓯᖃᕋᒥᒃ, ᑕᓯᐅᓯᕐᓯᔨᐅᔪᑦ ᓄᓇᓕ, ᐋᓐᓂᐊᓯᐅᑎᖏᓐᓂᓗ ᐃᓄᑐᐃᓐᓀᑦ ᖃᐅᔨᒪᑦᓱᑎᒃ ᐱᒍᓐᓇᓯᔭᐅᓯᒪᒋᐊᓕᓐᓂᓗ, ᐊᒥᕐᖄᖃᑎᖃᓲᑦ ᐅᓂᒃᑳᑐᐊᕐᓂᒥᒍᑦ, ᐃᓕᓐᓂᐊᑎᑦᓯᓱᑎᒃ ᐃᓄᒃᑎᑐᓪᓗ ᐅᖃᐅᓯᖃᕐᓱᑎᒃ.
ᐃᓄᑐᖃᕐᓂᖅ ᐱᑐᖃᑎᖃᕆᐊᓪᓚᒋᐊᖃᕐᓂᖅ ᐱᒻᒪᕆᐅᔪᖅ ᒪᒥᓴᕐᓂᒧᑦ ᐃᓗᕐᖁᓯᑦᑕᓗ ᐆᒪᑎᑕᐅᒋᐊᓪᓚᓂᖓᓄᑦ, ᐱᓗᐊᕐᑐᒥᒃ ᓵᖕᖓᓯᓂᕐᒥ ᖃᓪᓗᓈᓄᑦ ᑎᑭᑕᐅᓯᒪᓂᑦᑎᓄᑦ ᓱᕐᕋᑕᐅᒍᑎᐅᓯᒪᔪᓂᒃ. ᐃᓚᒌᓄᑦ ᑐᖕᖓᕕᐊᑦᓱᑎᒃ, ᐃᓄᑐᙯᑦ ᓇᓪᓕᖃᓲᑦ ᐊᑦᑕᓇᖕᖏᑐᒦᓐᓇᓱᑎᓪᓗ, ᓄᓇᓕᒻᒥ ᐅᓚᐱᕐᓴᐅᑎᖃᕐᑎᓯᑦᓱᑎᒃ ᑭᖑᕚᖑᔪᓂᓪᓗ ᑕᓯᐅᓯᕐᓱᑎᒃ. ᐃᓄᐃᑦ ᖃᐅᔨᒪᔭᑐᖃᖏᑦ ᐅᖃᐅᓯᖃᑦᓯᐊᑐᑦ ᐃᓄᑐᙯᑦ ᐃᓚᐅᑦᓯᐊᕆᐊᖃᕐᓂᖏᓐᓂᒃ ᖃᓄᐃᖕᖏᓯᐊᕐᑐᒥᒃ, ᓲᖑᔪᑦᓯᐊᒥᒃ ᓄᓇᓕᖃᕐᓂᒧᑦ.
ᐃᓄᑐᙯᑦ ᖃᓄᐃᖕᖏᓯᐊᕆᐊᖃᕐᓂᖓ
**ᖃᓄᐃᖕᖏᓯᐊᕐᓂᒧᑦ ᐅᓪᓗᖁᑏᑦ: ᓄᓇᕕᒻᒥ ᐃᓄᑐᙯᑦ ᓇᓪᓕᐅᓂᕐᓯᐅᑕᐅᓂᖓ: ᐆᒃᑑᐱᕆ 1.
“ᐃᓄᑐᖃᕗᑦ ᑭᖕᖑᒪᑦᓯᒥᔪᑦ. ᐃᓄᑐᖃᖕᖑᐸᓪᓕᐊᓂᕐᒥᓂ, ᓴᐳᒻᔭᐅᒋᐊᖃᓯᓲᑦ ᐃᑲᔪᕐᑕᐅᖃᑦᑕᓗᑎᓪᓗ ᖃᐅᑕᒫᕐᓯᐅᑎᒥᓂᒃ ᖃᓄᐃᖕᖏᓯᐊᖁᓪᓗᒋᑦ ᐊᑦᑕᓇᕐᑐᒦᑎᑕᐅᑦᑌᓕᓗᑎᓪᓗ ᐅᓚᐱᕐᓴᐅᑎᖃᑦᓯᐊᑐᒦᓪᓗᑎᒃ. ᐅᐱᒍᓱᓲᖑᒻᒥᔪᑦ ᓂᕿᑐᐃᓐᓇᓂᒃ ᐸᔪᑦᑕᐅᒋᐊᒥᒃ, ᐱᓗᐊᕐᑐᒥᒃ ᓇᒻᒥᓂᖅ ᒪᙯᕐᖃᔭᕈᓐᓀᑐᐊᕋᒥᒃ ᐃᖃᓪᓕᐊᖃᔦᑐᐊᕋᒥᓪᓗ ᐱᐅᓯᕆᓲᕕᓂᕐᒥᓂᒃ ᐊᑑᑎᕐᖃᔦᕐᓱᑎᒃ. (ᐋᓂ ᖁᒫᓘᑉ ᐅᖃᐅᓯᕕᓂᖏᑦ, ᓰᐱᓰᒃᑯᓱᓂ 2023-ᒥ)
ᓄᓇᕕᒻᒥ ᐃᓄᑐᙯᑦ ᖃᓄᐃᖕᖏᓯᐊᕐᓂᕆᒋᐊᓕᖓᓂᒃ ᐱᓇᓱᐊᕐᓂᒧᑦ, ᓯᕗᓪᓕᐅᔨᒋᐊᖃᕐᐳᒍᑦ ᓲᓲᑦᓴᓯᐊᕐᓂᒥᒃ ᑭᖕᖑᒪᒋᔭᖏᓐᓂᒃ ᓇᓪᓕᑳᔭᖏᓐᓂᓗ , ᐃᓚᐅᑎᓪᓗᒍ ᐃᑲᔪᕐᑕᐅᒍᒪᖕᖏᑐᐊᕐᐸᑕ.
ᐊᑕᐅᑦᓯᑰᕐᓗᑕ ᐱᓇᓱᐊᖃᑎᒌᓪᓗᑕ ᐃᓄᑐᖃᕐᓂᒃ ᐊᕙᑎᖃᕐᑎᓯᑦᓯᐊᕈᓐᓇᖁᒍᑦ ᖃᓄᐃᖕᖏᓯᐊᕐᓇᑐᒥᒃ ᐃᒣᓘᕐᓗᑕ;
- ᐃᓱᒪᒋᔭᖏᓐᓂᒃ ᓈᓚᓪᓗᑕ ᐃᓱᒫᓗᒍᑎᖏᓐᓂᓗ
- ᐱᓇᓱᐊᕐᑕᕗᑦ ᐃᓄᑐᙯᑦ ᑭᖕᖑᒪᒋᔭᖏᓐᓅᓕᖓᑎᓪᓗᒋᑦ
- ᐃᓄᑐᖃᕐᓂᒃ ᐊᑑᑎᒋᐊᕈᓐᓇᑕᖏᓐᓂᒃ ᐊᑑᑎᑎᑦᓯᓯᐊᕐᓗᑕ.
- ᓲᓱᒋᑦᓯᐊᓗᒋᑦ ᑐᑭᓯᑦᓯᐊᓗᒋᓪᓗ ᐊᑑᑎᒍᒪᔭᖏᑦ.
- ᐃᓄᓕᒫᓄᑦ ᐃᓚᐅᖃᑎᐅᑎᑦᓯᐊᓗᒋᑦ ᓱᖃᑦᓯᖃᑎᐅᓗᑎᒃ.
ᐃᓄᑐᙯᑦ ᖃᓄᐃᖕᖏᓯᐊᕆᐊᖃᕐᓂᖓ ᐊᓪᓚᖑᕐᐊᓯᒪᔪᑎᒍᑦ
ᑕᑯᒍᓐᓇᑕᕐᓂᖅ ᐱᒍᑎᑦᓴᖃᕐᓂᖅ. ᖃᐅᔨᓵᕆᒍᑏᑦ ᐃᓄᑐᙯᑦ ᖃᓄᐃᖕᖏᓯᐊᕆᐊᖃᕐᓂᖓᓂᒃ, ᑖᒃᑯᐊ ᐊᓪᓚᖑᐊᕐᓯᒪᔪᑦ ᖃᐅᑕᒫᑦ ᐊᑑᑎᓲᖏᓐᓂᒃ ᓄᐃᑕᑎᑦᓯᔪᑦ, ᓲᓱᑦᓴᓂᕐᒥᒃ, ᐃᓅᓯᖓᓂᒃ ᐱᓗᑲᑕᐅᒌᒃᑯᑎᑦᓴᖏᓐᓂᓗ. ᐊᓪᓚᖑᐊᕐᓯᒪᔪᓂᒃ ᓄᐃᑦᓯᓂᒃᑯᑦ ᐅᓂᒃᑳᖑᐊᑎᒍᑦ ᐃᓘᓐᓇᖏᓐᓂᒃ ᑐᓴᕐᑎᓯᑎᒍᑎᐅᒐᓱᐊᕐᑐᒃ, ᐃᓱᒪᑦᓴᓯᐅᕈᑎᑦᓴᐅᓱᑎᒃ ᓄᓇᓕᑦᑎᓂᓪᓗ ᐱᐅᓯᕐᓱᓯᐊᖁᓪᓗᑕ.
ᐃᓄᑐᙯᑦ ᐊᑦᑕᓇᕐᑐᒦᑎᑕᐅᑦᑌᓕᓂᖓ
**ᖃᓄᐃᖕᖏᓯᐊᕐᓂᒧᑦ ᐅᓪᓗᖁᑏᑦ: ᓄᓇᕕᒻᒥ ᐃᓄᑐᙯᑦ ᐊᑦᑕᓇᕐᑐᒦᑎᑕᐅᑦᑌᓕᓂᕐᒧᑦ ᓇᓪᓕᐅᓂᕐᓯᐅᑕᐅᓂᖓ: ᔫᓂ 15
ᐃᓄᑐᙯᑦ ᐱᓗᑲᑕᐅᓂᖓ ᐃᓱᒫᓗᒋᔭᐅᓲᖑᒻᒪᑦ ᓄᓇᓕᓐᓂ ᓄᓇᕐᔪᐊᓕᒫᒥ, ᐃᓚᐅᑎᓪᓗᒍ ᓄᓇᕕᒻᒥ. ᑌᒣᒐᓗᐊᕐᑎᓗᒍ, ᑌᒣᑦᑑᓂᖓ ᐃᔨᕐᑕᐅᓯᒪᖏᓐᓇᓲᖅ ᑲᖕᖑᓇᕐᑑᑎᑕᐅᑦᓱᓂ ᐊᒻᒪᓗ ᐅᖃᕈᑎᖃᕈᒪᓲᖑᒐᑎᒃ.
ᐃᓄᑐᖃᕐᓂᒃ ᓴᐳᒻᒥᓂᖅ ᓄᓇᓕᑦᑎᓂ ᐱᒋᐊᕐᕕᖃᕐᑐᖅ ᐃᓕᑕᕐᓯᒪᒍᓐᓇᓂᕐᒥᒃ ᐅᖁᒣᓪᓕᐅᓂᖏᓐᓂᒃ ᖃᓄᐃᓕᒋᐊᕈᑎᒋᓗᒍᓗ.
ᖃᐅᔨᓵᕆᓂᖅ: ᓄᓇᕕᒻᒥ ᐃᓄᑐᙯᑦ ᖃᓄᐃᖕᖏᓯᐊᕆᐊᖃᕐᓂᖏᓐᓂᒃ ᖃᐅᔨᓵᕆᒍᑏᑦ
ᐊᑦᓱᖏᔮᕐᓗᒍ ᓇᓗᖕᖏᓂᕐᒥᑦ ᐃᓄᑐᙯᑦ ᐱᔭᒃᑯᔭᐅᓂᖏᓐᓄᑦ ᐱᓇᓱᐊᕈᑎᒥ. ᓄᐃᑕᖏᑦ ᐃᓗᓯᓕᕆᔨᒃᑯᓄᑦ ᑕᓐᓇ ᐃᓗᕐᖁᓯᖏᓐᓄᑦ ᐃᓕᖓᑦᓱᓂ ᐊᓪᓚᓯᒪᔪᑦ ᒪᓕᒐᖅ ᐃᓕᑕᕐᓯᒐᓱᐊᕐᓂᒧᑦ ᐃᓄᑐᙯᑦ ᐱᔭᒃᑯᑐᕐᑕᐅᓂᖏᓄᑦ. ᖃᐅᔨᓴᕆᑦ ᓇᓂᓯᒐᓱᐊᕐᓗᓯ ᓄᑭᑕᕐᕋᔭᕐᒪᖔᑦᑕ ᐃᓕᑕᕐᓯᐅᑎᓂᒃ ᐱᔭᕐᖁᔭᐅᓂᕐᒥᑦ ᖃᓄᐃᓕᒋᐊᕈᑎᑦᓴᒥᓪᓗ ᐃᓚᐅᔪᖁᑎᑦᑎᓂᒃ.
