ᑲᑎᒪᔩᑦ

ᐃᓄᑦᑕᖏᑦ 

ᑲᑎᒪᔨᖃᕐᓱᓂ 20-ᓂᒃ ᐃᓚᐅᔪᓕᒻᒥᒃ ᐃᑉᐱᒋᔭᖃᓲᖑᑦᓱᓂ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᓐᓂᒃ (ᐃᓗᓯᓕᕆᔩᑦ), (ᐊᓪᓚᖏᑦ 530.30)

ᓄᓇᓕᓕᒫᑦ ᑲᑎᒪᔨᖏᑦ ᐃᓄᖃᕐᓂᐊᑐᑦ ᐅᑯᓂᖓ ᐃᓄᓐᓂᒃ ᑎᓕᔭᐅᒪᓂᖃᕐᑐᓂᒃ:

  1. ᐊᑕᐅᓯᕐᒥᒃ ᑭᒡᒐᑐᕐᑎᒥᒃ ᑎᓕᔭᐅᒪᔪᒥᒃ ᐊᑐᓂᑦ ᑕᕐᕋᒥᐅᑦ ᓄᓇᓕᖓᓄᑦ ᐃᓚᐅᖃᑕᐅᔪᒧᑦ ᑕᒫᓂ ᓄᓇᒥ ᓇᓗᓀᕐᑕᐅᒪᒍᑎᖃᕐᑐᒥᒃ ᐅᑯᓄᖓ ᐊᓪᓚᖏᑦ 2-ᖓᓂ ᐱᖁᔦᑦ ᐱᑦᔪᑎᒋᑦᓱᒋᑦ ᑕᕐᕋᒥᐅᑦ ᓄᓇᓕᖏᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (ᓴᑉᑕ V-6.1); 
  2. ᐊᑐᓂᑦ ᐱᑦᔪᔨᕖᑦ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ ᐊᒻᒪᓗ ᐊᓯᐊᓂᒃ ᑎᓕᔭᐅᒪᔪᒥᒃ ᐊᑐᓂᑦ ᐱᑦᔪᔨᕖᑦ ᐃᓚᐅᔪᖁᑎᖏᓐᓄᑦ, ᓇᓪᓕᑳᕐᑕᐅᒪᔪᒥᒃ ᐊᑯᓐᓂᖏᓐᓂ ᐃᓄᐃᑦ ᑌᔭᐅᓯᒪᔪᑦ ᐅᕙᓂ ᐊᓪᓚᑕᐅᒪᔪᑦ 1-ᖓᓂ ᐊᓪᓚᖏᑦ 530.13-ᒥ; 
  3. ᓄᓇᓕᓕᒫᑦ ᑲᑎᒪᔨᖓᓂᒃ ᑎᓕᔭᐅᒪᔪᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᑎᒪᔨᖏᓐᓄᑦ; 
  4. ᓄᓇᓕᓕᒫᑦ ᑲᑎᒪᔨᖏᑦᑕ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ.

ᐃᓚᐅᒍᓐᓀᑎᓗᒍ ᐳᕐᑐᓂᕐᓭᑦ ᑲᒪᔨᒻᒪᕆᖓᑦ, ᑲᑎᒪᔩᑦ ᐊᓪᓚᕕᒻᒦᒍᓐᓇᓂᐊᕐᑐᑦ ᐱᖓᓱᓂᒃ ᐊᕐᕌᒍᕐᓂᒃ.  ᑖᒃᑯᐊ ᐃᓱᓕᕝᕕᐅᒍᑎᒃ, ᐊᓪᓚᕕᒻᒦᖏᓐᓇᓂᐊᕐᓱᑎᒃ ᐊᓯᑦᔨᑕᐅᖕᖏᓂᓕᒫᖏᓐᓂ ᑎᓕᔭᐅᒋᐊᓪᓚᖏᓐᓂᓕᒫᖏᓐᓂᓘᓐᓃᑦ.

ᐃᓚᒋᔭᐅᑎᓗᒍ ᐊᐅᓚᑦᓯᓂᓕᕆᓂᒃᑯᑦ ᐱᓇᓱᐊᕐᕕᖓᓄᑦ, ᑲᑎᒪᔩᑦ ᑲᒪᒋᔭᖃᕆᐊᖃᕐᒥᔪᑦ ᐃᓕᑕᕆᔭᐅᑎᑦᓯᒋᐊᖃᕐᓂᒥᒃ ᓯᕗᓪᓕᐅᔭᐅᒪᒋᐊᓕᓐᓂᒃ ᐃᓄᓐᓄᐊᖓᔪᓂᒃ ᐅᑯᓄᖓ ᐊᓐᓂᐊᓂᓕᕆᓂᒃᑯᓗ ᐃᓄᓕᕆᓂᒃᑯᓗ ᐱᒍᑦᔨᒍᑎᓄᑦ, ᓯᕗᓪᓕᐅᔭᐅᒪᒋᐊᓕᓐᓂᓗ ᑖᒃᑯᓄᖓ ᐃᓗᓯᓕᕆᔨᒃᑯᓄᑦ ᐊᕐᕌᒍᑕᒫᑦ ᐃᓄᓕᒫᓂᒃ ᑐᑭᓯᒪᑎᑦᓯᒍᑎᒋᒋᐊᓕᖏᓐᓄᑦ.

ᐱᖁᔦᑦ ᑎᓕᔨᓯᒪᒻᒪᑕ ᐊᒥᓲᓂᕐᓴᐅᓂᖃᕐᓂᐊᑎᓪᓗᒋᑦ ᐃᓄᑐᐃᓐᓀᑦ ᐃᓚᐅᔪᑦ ᑲᑎᒪᔨᖏᓐᓄᑦ ᐃᓗᓯᓕᕆᔨᒃᑯᓗ ᐊᓯᖏᓪᓗ ᐱᑦᔪᔨᕕᐅᒻᒥᔪᐃᑦ.

ᓄᑭᖏᑦ, ᐊᐅᓚᑕᖏᑦ ᑲᒪᒋᔭᐅᒋᐊᓖᓪᓗ ᑲᑎᒪᔨᓄᑦ

ᑲᑎᒪᔩᑦ ᐊᐅᓚᑦᓯᓲᖑᕗᑦ ᓄᓇᓕᓕᒫᑦ ᑲᑎᒪᔨᖏᑦᑕ ᐱᓇᓱᐊᒐᖏᓐᓂᒃ.  ᑖᒃᑯᐊ ᐊᑐᕐᑎᓯᓲᑦ ᓄᓇᓕᓕᒫᑦ ᑲᑎᒪᔨᖏᑦᑕ ᓄᑭᓕᒫᖏᓐᓂᒃ.  ᑖᒃᑯᐊ ᓇᓗᓀᕐᓯᓲᖑᒻᒥᔪᑦ ᓄᓇᓕᓕᒫᑦ ᑲᑎᒪᔨᖏᑦᑕ ᐸᕐᓇᓯᒪᔭᖏᓐᓂᒃ ᐊᑐᕐᑎᓯᓲᖑᑦᓱᑎᓪᓗ ᑲᒪᒋᒋᐊᓕᒥᓂᒃ, ᒪᓕᑦᓱᒋᑦ ᑯᐯᓕᒫᒥ ᐊᕐᕿᓱᕐᑕᐅᒪᔪᑦ, ᖃᓄᐃᓕᐅᖃᑎᖃᕐᓱᑎᒃ ᓄᓇᓕᓐᓂᒃ ᓄᓇᓕᓕᒫᓂᓪᓗ ᐊᒻᒪᓗ ᑯᐯᒃᒥ ᐱᓇᓱᐊᖃᑕᐅᔪᓂᒃ.

ᑲᑎᒪᔩᑦ ᒪᑯᓂᖓ ᐊᐅᓚᑦᓯᓲᖑᒻᒪᑕ:

  1. ᐃᓕᑕᕆᔭᐅᑎᑦᓯᓱᑎᒃ ᓯᕗᓪᓕᐅᔭᐅᒋᐊᓕᓐᓂᒃ ᐃᓄᐃᑦ ᑭᖕᖒᒪᒋᔭᖏᓐᓄᑦ ᐱᒍᑦᔭᐅᒋᐊᓕᓐᓄᑦ ᐊᒻᒪᓗ ᐱᒍᑦᔨᒍᑎᐅᒋᐊᓕᓐᓄᑦ ᑖᒃᑯᓄᖓ ᐃᓄᓐᓄᑦ, ᑭᓪᓕᖃᕐᕕᒋᑦᓱᒋᑦ ᐊᑦᔨᒋᔭᐅᖏᑐᒥᒃ ᐱᐅᓯᖃᕆᐊᖏᑦ ᐅᖃᐅᓯᖃᕆᐊᖏᓪᓗ ᑌᒃᑯᓄᖓ ᐃᓄᒋᔭᐅᔪᓄᑦ ᐊᒻᒪᓗ ᐊᑦᔨᒋᔭᐅᖏᑑᒋᐊᖓᓄᑦ ᓄᓇᖓᑕ ᐊᒻᒪᓗ ᒪᑭᑕᒐᓱᐊᕐᓂᓕᕆᐅᑎᖏᑦᑕ ᑕᒫᓂ ᓄᓇᒥ ᐊᒻᒪᓗ ᐱᕙᓪᓕᐊᑎᑦᓯᓗᑎᒃ ᑕᒪᑐᒥᖓ; 
  2. ᐊᒡᒍᑐᐃᑦᓱᑎᒃ ᐊᑦᔨᒋᑦᑎᓯᓂᒃᑯᑦ ᐱᓇᓱᑦᑎᓕᕆᐅᑎᓂᒃ, ᐱᑕᖃᓪᓚᕆᑦᑐᓂᓪᓗ ᑮᓇᐅᔭᑎᒍᓪᓗ ᐱᕕᑦᓴᐅᔪᓂᒃ ᐊᑐᐃᓐᓇᐅᑎᑕᐅᔪᓂᒃ ᑖᒃᑯᓄᖓ, ᑭᓪᓕᖃᕐᕕᒋᑦᓱᒋᑦ ᐊᑦᔨᒋᔭᐅᖏᑐᓂᒃ ᐱᐅᓯᖃᕆᐊᖏᑦ ᑖᒃᑯᐊ ᐅᖃᕐᑕᐅᒪᔪᑦ a)-ᒥ ᐊᒻᒪᓗ ᐃᑉᐱᒋᓗᒋᑦ ᑖᒃᑯᐊ ᒪᑭᑕᒐᓱᐊᕐᓂᑰᑦᓯᐊᕋᓗᐊᕐᒪᖔᑕ ᐊᑐᕐᑕᐅᓯᐊᕋᓗᐊᕐᒪᖔᑕᓗ; 
  3. ᑎᓕᔭᐅᔪᖃᕐᓱᓂ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ ᑲᑎᒪᔩᑦ; 
  4. ᑎᓕᔨᓗᑎᒃ ᐳᕐᑐᓂᕐᓴᓂᒃ ᐊᐅᓚᑦᓯᓂᓕᕆᔨᐅᓂᐊᕐᑐᓂᒃ; 
  5. ᑎᓕᔨᓗᑎᒃ ᓄᓇᓕᓕᒫᑦ ᐱᒍᑦᔭᐅᓯᐊᕆᐊᖃᕐᓂᖓᓄᑦ ᐅᓐᓂᓘᑎᓄᓪᓗ ᐃᑦᓯᕙᔨᑦᓴᖓᓂᒃ ᒪᓕᓪᓗᒋᑦ ᐱᖁᔭᕐᓂ ᐊᓪᓚᖏᑦ 63-ᒥ; 
  6. ᑲᔪᓯᑎᑦᓯᓗᓂ ᐸᕐᓇᓯᒪᐅᑎᑦᓴᓂᒃ ᐊᒻᒪᓗ ᐊᕐᕌᒍᑕᒫᑦ ᑲᒪᒋᔭᖃᕐᓂᒧᑦ ᑐᓴᕐᑎᓯᒍᑎᖏᓐᓂᒃ; 
  7. ᑐᓂᔨᓗᑎᒃ ᓄᓇᓕᓕᒫᑦ ᑲᑎᒪᔨᖏᓐᓄᑦ ᓯᕗᓪᓕᐅᔭᐅᒪᒋᐊᓕᓐᓂᒃ ᑕᒪᑦᓱᒧᖓ ᐊᓐᓂᐊᓂᓕᕆᓂᒃᑯᑦ ᐱᒍᑦᔨᒍᑎᓂᒃ ᐊᒻᒪᓗ ᐃᓄᓕᕆᓂᒃᑯᑦ ᐱᒍᑦᔨᒍᑎᓂᒃ ᐊᒻᒪᓗ ᐊᕐᕌᒍᑕᒫᑦ ᐱᓇᓱᐊᕐᑕᐅᓚᐅᕐᑐᐃᑦ ᑐᓴᕐᑎᓯᒍᑎᖏᓐᓂᒃ ᐃᓄᓕᒫᓄᑦ ᐃᓄᓕᒫᑦ ᑲᑎᒪᓂᖃᕐᑎᑕᐅᓕᕐᐸᑕ; 
  8. ᐊᖏᕐᑕᐅᑎᑦᓯᓗᑎᒃ ᑲᒪᒋᔭᖃᕐᓂᒧᑦ ᑭᓪᓕᖃᕐᕕᖃᕐᓂᒧᓪᓗ ᐊᖏᖃᑎᒌᒍᑎᖏᓐᓂᒃ; 
  9. ᐊᖏᕐᑕᐅᑎᑦᓯᓗᑎᒃ ᑮᓇᐅᔦᑦ ᐊᓪᓚᖁᑎᖏᓐᓂᒃ; 
  10. ᐃᑉᐱᒋᔭᖃᕐᓗᑎᒃ ᐱᓇᓱᑦᑕᐅᖃᑦᑕᑐᓂᒃ ᑭᓪᓕᖃᕐᑎᓯᓂᖏᓐᓂᓗ.

ᑕᑯᒋᐊᕐᑕᐅᒍᓐᓇᑐᑦ: ᐱᖁᔦᑦ, ᐊᓪᓚᖏᑦ. 63, 182.1, 385.1, 385.7, 391, 405, 405.1, 530.2, 530.27 ᐊᒻᒪᓗ 530.31.2. 

ᐃᓚᐅᔪᐃᑦ

ᑭᓇᒃᑰᓂᖏᑦ ᑲᑎᒪᔩᑦ ᒫᑦᓯ 4, 2021ᒥ

ᑲᑎᒪᔩᑦ ᐃᓄᑦᑕᖏᑦ 

  • ᐃᓕᓴᐱ ᐅᐃᑦᑕᖓᖅ, ᐊᖓᔪᕐᖄᖅ ᐳᕕᕐᓂᑐᒥᐅᑦ ᑭᒡᒐᑐᕐᑎᖓ
  • ᐋᓕ ᓈᓚᑦᑑᔭᖅ, ᐊᖓᔪᕐᖄᑉ ᑐᖓᓕᖓ ᐃᓄᑦᔪᐊᒥᐅᑦ ᑭᒡᒐᑐᕐᑎᖓ
  • ᒥᓂ ᑯᔩ, ᐊᓪᓚᑎ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐳᕐᑐᓂᕐᓴᖏᑦᑕ ᑐᑭᒧᐊᕐᑎᓯᔨᖓ
  • ᐱᓕ ᑮᓐ, ᐳᕐᑐᓂᕐᓴᓄᑦ ᑲᑎᒪᔨᐅᖃᑕᐅᔪᖅ, ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓄᑦ ᑭᒡᒐᑐᕐᑎᐅᓱᓂ
  • ᑯᓘᑦ ᑳᑦᐳᐊ, ᐳᕐᑐᓂᕐᓴᓄᑦ ᑲᑎᒪᔨᐅᖃᑕᐅᔪᖅ, ᑐᓚᑦᑕᕕᐅᑉ ᑲᑎᒪᔨᖏᑦᑕ ᑭᒡᒐᑐᕐᑎᖓ

ᑲᑎᒪᔩᑦ

  • ᑯᐊᔭ ᐸᓚᒥ, ᑰᑦᔪᐊᕌᐱᒻᒥᐅᓂᒃ ᑭᒡᒐᑐᕐᑎ
  • ᐋᓚᓯ ᑐᑦᑐᖅ, ᐅᒥᐅᔭᒥᐅᓂᒃ ᑭᒡᒐᑐᕐᑎ
  • ᓭᕋ ᕿᓐᓄᐊᔪᐊᖅ, ᐊᑯᓕᕕᒻᒥᐅᓂᒃ ᑭᒡᒐᑐᕐᑎ
  • ᐱᑕ ᐃᔦᑦᑐᖅ, ᐃᕗᔨᕕᒻᒥᐅᓂᒃ ᑭᒡᒐᑐᕐᑎ
  • ᐃᓕᓴᐱ ᔪᓕᐅᓯ, ᓴᓪᓗᒥᐅᓂᒃ ᑭᒡᒐᑐᕐᑎ
  • ᐃᓓᓴ ᐊᓚᑯ, ᑲᖏᕐᓱᔪᐊᕐᒥᐅᓂᒃ ᑭᒡᒐᑐᕐᑎ
  • ᓰᓚ ᓂᖏᐅᕈᕕᒃ, ᖁᐊᕐᑕᒥᐅᓂᒃ ᑭᒡᒐᑐᕐᑎ
  • ᐃᓕᓴᐱ ᐋᓇᖃᑕᒃ, ᑲᖏᕐᓱᒥᐅᓂᒃ ᑭᒡᒐᑐᕐᑎ
  • ᓗᐃᓴ ᑯᔩ, ᐊᐅᐸᓗᒻᒥᐅᓂᒃ ᑭᒡᒐᑐᕐᑎ
  • ᐃᓐᓄᓯᒪᖕᖏᑐᖅ, ᑕᓯᐅᔭᒥᐅᓂᒃ ᑭᒡᒐᑐᕐᑎᖃᖕᖏᑐᑦ
  • ᓱᕐᓕ ᒍᐃᑦ-ᑐᐳᐃ, ᑰᑦᔪᐊᒥᐅᓂᒃ ᑭᒡᒐᑐᕐᑎ
  • ᑖᕕᑎ ᐋᓇᓈᒃ, ᑲᖏᕐᓱᐊᓗᒃᔪᐊᒥᐅᓂᒃ ᑭᒡᒐᑐᕐᑎ
  • ᓛᔨ ᒍᐊᑦ, ᑐᓚᑦᑕᕕᒻᒥ ᐳᕐᑐᓂᕐᓴᓄᑦ ᑐᑭᒧᐊᕐᑎᓯᔨᒋᔭᐅᔪᖅ
  • ᔫᓯᐱ ᐸᑦᓚᔭᑦ, ᐃᓅᓕᑦᓯᕕᐅᑉ ᑭᒡᒐᑐᕐᑎᖓ
  • Claude Bérubé, ᒫᓐᓇᓯᐅᑎᐅᑦᓱᓂ ᐳᕐᑐᓂᕐᓴᓄᑦ ᑐᑭᒧᐊᕐᑎᓯᔨᒋᔭᐅᔪᖅ

ᑲᑎᒪᔨᓄᑦ ᐃᓚᐅᒻᒥᔪᑦ ᒥᓂ ᑯᔩ, ᑲᒪᔨᒻᒪᕆ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᓄᑦ. ᓛᔨ ᒍᐊᑦ ᑲᒪᔨᒻᒪᕆ ᑐᓚᑦᑕᕕᒻᒥ ᐋᓐᓂᐊᕕᒻᒥ.