ᐱᓇᓱᒍᑎᑦᓭᑦ ᐃᑲᔪᕐᑕᐅᕕᑦᓭᓗ ᓄᓇᓕᓕᒫᓂᒃ ᐱᓇᓱᑦᑎᑖᕐᐸᓕᐊᓂᕐ

ᑖᓐᓇ ᐱᓇᓱᐊᕐᕕᒃ ᓄᐃᑕᐅᓯᒪᔪᖅ 2009-ᒥ ᐱᕙᓪᓕᐊᑎᑦᓯᒍᑎᑦᓴᒧᑦ ᓄᓇᓕᓕᒫᑎᒍᑦ ᓯᕗᓕᕐᓯᓯᐊᕋᓱᐊᕐᓂᒥᒃ ᑕᑯᓐᓈᑕᐅᔪᖃᕋᓱᐊᕐᑎᓗᒍ ᓯᕗᓂᑦᓴᒥ ᑭᖕᖒᒪᒋᔭᐅᓂᐊᕐᑐᓂᒃ ᐱᓇᓱᑦᑎᓕᕆᓂᕐᑎᒍᑦ ᐊᓐᓂᐊᓂᓕᕆᔩᓪᓗ ᐃᓄᓕᕆᔩᓪᓗ ᑎᒥᖁᑎᖏᑦ (ᑕᒪᖏᒃ ᐋᓐᓂᐊᕕᒻᒪᕆᐅᔫᒃ ᐊᒻᒪᓗ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦ) ᐊᒻᒪᓗ ᐱᔪᓐᓇᓯᑎᑕᐅᔪᖃᕋᐊᓱᕐᑎᓗᒍ ᐊᒥᓲᓕᖓᔪᓂᒃ ᐃᓚᐅᑎᑦᓯᒐᓱᐊᕐᓂᒧᑦ ᓵᖕᖓᔭᐅᒋᐊᖃᓲᓂᒃ ᓄᓇᕕᐅᑉ ᓄᓇᖓᓂ.

ᑖᓐᓇ ᐱᓇᓱᐊᕐᕕᒃ ᑐᑭᒧᐊᑦᑎᓯᓲᖑᕗᖅ ᐸᕐᓇᑕᐅᒋᐊᓕᓐᓂᒃ, ᑐᑭᒧᐊᑦᑎᑕᐅᒋᐊᓕᓐᓂᒃ ᓇᓗᓀᔦᓂᕐᓂᓗ ᑕᒪᒃᑯᓂᖓ ᐱᒋᐅᕐᓭᓂᒃᑯᑦ ᐃᑲᔪᕐᓯᒪᐅᑎᖏᓐᓂᒃ ᐱᔪᓐᓇᓯᑎᑦᓯᒍᑎᐅᓲᓂᒃ ᐱᒍᑦᔨᒋᐊᖃᕐᓂᖅ ᑕᑯᓐᓈᓱᒍ ᑕᒪᒃᑯᓇᓂ ᐋᓐᓂᐊᓂᓕᕆᓂᒃᑯᓗ ᐃᓄᓕᕆᓂᒃᑯᓂᓗ.  ᑕᒃᑯᐊ ᐃᑲᔪᕐᓯᓲᑦ ᐱᐅᓯᓕᐅᒥᑎᑕᐅᔪᖃᓕᑐᐊᕐᒪᑦ ᐱᓇᓱᑦᑎᓄᑦ ᐱᐅᒋᔭᐅᑎᑕᐅᒐᓱᐊᕐᑐᓂᒃ ᑎᒍᒥᐊᖏᓐᓇᑎᑦᓯᒐᓱᐊᕈᑎᓂᓪᓗ ᐱᓇᓱᒐᖏᓐᓂᒃ ᐊᒻᒪᓗ ᐱᕙᓪᓕᐊᑎᑕᐅᔪᖃᕐᒥᓱᓂ ᐃᓄᐃᑦ ᑲᔪᓯᑎᑦᓯᓯᐊᕈᑎᑦᓴᖏᑦᑕ ᐸᕐᓇᓯᒪᐅᑎᖏᓐᓂᒃ.

ᑖᓐᓇ ᐱᓇᓱᐊᕐᕕᒃ ᑭᒡᒐᑐᕐᓲᖑᒻᒪᑦ ᐱᒍᑦᔨᔨᐅᔪᕐᓂᒃ ᐊᒻᒪᓗ ᓄᓇᓕᓕᒫᑦ ᑲᑎᒪᔨᖏᓐᓂᒃ ᑯᐯᒃᑯᑦ ᐋᓐᓂᐊᓂᓕᕆᔨᖏᑦᑕ ᓯᕗᓂᐊᒍᑦ ᐱᑦᔪᑎᖃᕐᓱᑎᒃ ᐱᐅᓯᓕᐅᒥᑎᑕᐅᔪᖃᕋᓱᐊᕐᓂᒥᒃ ᐃᓄᐃᑦ ᓄᓇᖓᓂ ᐱᕙᓪᓕᖁᑎᑦᓴᐅᓲᕐᓂᒃ (ᐃᑲᔫᑎᖏᓐᓂᒃ, ᐃᒻᒪᖃᐅᑎᖏᓐᓂᒃ ᐊᓯᖏᓐᓂᓗ) ᐊᒻᒪᓗᑦᑕᐅᖅ ᐊᑦᔨᒋᖏᑐᓂᒃ ᑯᐯᒃᒥᐅᔦᑦ ᑲᑎᒪᔨᐊᐱᖁᑎᖏᓐᓂᒃ ᐱᑦᔪᑎᒋᑦᓱᒍ ᐱᓇᓱᑦᑎᓕᕆᓃᑦ, ᓄᓇᓕᓕᒫᑎᒍᑦ ᐊᑦᔨᒋᔭᐅᖏᑑᒍᑏᑦ ᐊᓯᖏᓐᓄᓗ.  ᑕᒃᑯᐊ ᐃᑉᐱᒋᔭᖃᓲᖑᒻᒥᔪᑦ ᑯᐯᒃᑯᑦ ᐋᓐᓂᐊᓂᓕᕆᔨᖏᑦ ᑭᒡᒐᑐᕐᑕᐅᓯᐊᕋᓗᐊᕐᒪᖔᑕ ᐱᑦᔪᑎᖃᕐᓱᑎᒃ ᐱᕙᓪᓕᖁᑎᑖᕐᓂᓴᐅᑎᑦᓯᒐᓱᐊᕐᓂᒥᒃ ᑕᒪᒃᑯᓄᖓ ᓄᓇᓕᓐᓂ ᐱᓇᓱᑦᑎᑖᕆᔭᐅᔪᓄᑦ ᐃᓄᐃᑦ ᐱᓇᓱᑦᑎᖏᓐᓄᑦ.

ᐱᓇᓱᐊᖃᑕᐅᑎᓪᓗᒍ ᐳᕐᑐᓂᕐᓭᑦ ᑲᒪᔨᒻᒪᕆᖓᑕ ᐱᓇᓱᐊᕐᕕᖓᑦ, ᑖᓐᓇ ᐱᓇᓱᐊᕐᕕᒃ ᓴᐳᒻᒥᓂᖃᓲᖑᒻᒥᔪᑦ ᐱᓇᓱᑦᑎᑕᕆᔭᐅᔪᖃᓯᑐᐊᕐᒪᑦ, ᑲᔪᓯᑎᑕᐅᔪᖃᑐᐊᕐᒪᓗ ᐃᓕᓐᓂᐊᑎᑕᐅᔪᖃᑐᐊᕐᒪᓗ ᐊᐅᓚᑦᔭᑕᐅᔪᖃᑐᐊᕐᒪᓗ ᐃᓄᐃᑦ ᐱᓇᓱᑦᑎᖏᓐᓂᒃ ᓄᕐᖃᑕᖕᖏᑐᓂᒃ ᐱᓇᓱᑦᑎᖃᑦᓯᐊᕋᓱᐊᕈᑎᑦᓴᒧᑦ.