ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ

**ᒍᐃᒍᐃᑎᑐᑦ ᑐᓴᕋᑦᓴᓕᐊᖑᓯᒪᔪᖅ ᐅᖃᐅᓯᐅᑉ ᐁᑉᐸᖓᓄᑦ ᑐᓴᕋᑦᓴᓕᐊᖑᒍᑎᐅᑦᓱᓂ ᕿᒥᕐᕈᒋᐊᓪᓚᑕᐅᒪᖕᖏᑲᓗᐊᕐᓱᓂ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᒥᓂᔅᑕᑯᖏᓐᓄᑦ. ᐊᖏᖃᑎᒌᒍᑎᐅᖕᖏᐸᑕ, ᒍᐃᒍᐃᑎᑑᕐᑐᐃᑦ ᑐᓴᐅᒪᑎᑦᓯᒍᑏᑦ ᒪᓕᑦᑕᐅᓂᐊᕐᓗᑎᒃ.

• ᓱᓇᐅᕙ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ
• ᖃᓄᖅ ᓴᐳᒻᒥᓯᐊᕈᓐᓇᒪᖔᕐᐱᑦ ᐃᔩᒃᑭᓂᒃ ᑕᕐᕿᓗ ᓯᕿᓂᕐᓗ ᓇᓚᕋᑦᓴᒋᓪᓗᐊᓂᖓᓂ
• ᓱᕐᕃᒪᒍᑎᐅᑐᐃᓐᓇᕆᐊᓖᑦ ᐃᔩᒃᑭᓄᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓴᒋᓪᓗᐊᓂᖓᓂ
• ᐊᓃᕐᓂᖅ ᑕᕐᕿᓗ ᓯᕿᓂᕐᓗ ᓇᓚᕋᑦᓴᒋᓪᓗᐊᓂᖓᓂ

ᓱᓇᐅᕙ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ

ᑕᕐᕿᓗ ᓯᕿᓂᕐᓗ ᓇᓚᕋᑦᓴᒋᓪᓗᐊᓂᖓ ᐊᑑᑎᓲᖑᕗᖅ ᑕᕐᕿᖅ ᓯᓚᕐᔪᐊᑉ ᓯᕿᓂᐅᓪᓗ ᐊᑯᓐᓂᖓᒎᑐᐊᕐᒪᑦ, ᓯᓚᕐᔪᐊᖅ ᑖᕐᑐᒦᑎᑦᑕᐅᓚᕿᓚᐅᕐᑐᓚᕿᑦᓱᓂ.

ᑕᕐᕿᖅ ᐊᕐᖁᓵᓕᕈᓂ ᓯᕿᓂᕐᒥᒃ, ᓯᕿᓂᖅ ᑖᕐᓯᓯᒪᔫᔮᓚᕿᑕᐅᓗᓂ.  ᖃᓂᖕᖏᑕᒌᓂᖓ ᑕᕐᕿᐅᑉ ᓯᕿᓂᐅᓪᓗ, ᐃᓂᓪᓚᓯᒪᒍᓯᒋᔭᒋᓪᓗ ᒪᕐᕈᐃᓕᖓᔫᓐᓂᒃ ᑕᑯᓐᓇᓇᑐᐃᓐᓇᕆᐊᓕᒃ ᑕᕐᕿᓗ, ᓯᕿᓂᕐᓗ ᓇᓚᕋᑦᓯᒋᓪᓗᐊᓕᕐᐸᑏᒃ:

• ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᑑᒃ: ᑕᕐᕿᖅ ᑕᕐᕇᔪᖅ ᓯᕿᓂᓕᒫᒥᒃ
• ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᖏᓗᐊᕌᐱᑦᑑᒃ: ᑕᕐᕿᖅ ᓯᕿᓂᐅᑉ ᓇᓛᓄᓪᓗᐊᖏᓗᐊᕐᑐᖅ

ᑕᕐᕿᖅ ᓯᕿᓂᓕᒫᒥᒃ ᑕᕐᕇᑐᐊᕐᒪᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᕋᕐᑕᐅᔪᖅ. ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᑖᕐᓯᓚᐅᑐᓯᒪᓲᖑᕗᖅ ᐃᑭᑦᑐᓂᑦ ᑕᕐᓵᐱᓐᓂᑦ

ᑕᕐᕿᖅ ᓯᕿᓂᕐᓕᒫᒥᒃ ᑕᕐᕇᖏᑐᐊᕐᒪᑦ, ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ ᐃᓗᐃᑦᑑᓲᖑᖕᖏᑐᖅ

ᓄᓇᕕᒻᒥ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᕐᓂᖓ ᐃᓗᐃᑦᑑᓛᖕᖏᑐᖅ

ᐊᕐᕋᒍᐃᑦ ᐃᓗᐊᓂ ᓄᓇᕕᒻᒥ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖏᑦ ᐃᓗᐃᑦᑑᓛᖕᖏᑐᑦ. ᐅᓪᓗᐃ ᓇᓗᓀᕐᑕᐅᒪᑦ ᐅᑯᐊ:

ᐸᕐᓇᓂᐅᔪᖅ ᑯᐯᒥ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓄᑦ ᐁᕆᓕ 8, 2024ᒥ

ᐁᕆᓕ 8 2024ᒥ, ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖃᓛᕐᑑᒃ ᑯᐯ ᕿᓚᖓᓂ.  ᐱᓂᐊᕐᓂᐅᔪᖅ ᐊᑑᑎᓕᑭᑕᓲᖑᒐᓂ ᑕᕐᕿᓗ ᓯᕿᓂᕐᓗ ᓇᓚᕋᑦᓴᒋᓪᓗᐊᓂᖓ, ᐊᑑᑎᓲᖑᕗᖅ ᑕᕐᕿᖅ ᓯᓚᕐᔪᐊᑉ ᓯᕿᓂᐅᓪᓗ ᐊᑯᓐᓂᖓᒎᑐᐊᕐᒪᑦ, ᓯᓚᕐᔪᐊᖅ ᑖᕐᑐᒦᑎᑦᑕᐅᓚᕿᓚᐅᕐᑐᓚᕿᑦᓱᓂ.

ᕿᑎᕋᓕᕇᒥ 2:11-4:25ᓗ ᒥᑦᓵᓂ ᕿᑎᕐᕋᖓᓃᓪᓗᐊᓛᕐᖁᖅ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ

ᑯᐯᒥ ᖃᓪᓗᓈ ᓄᓇᖓᓂ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ ᓯᕕᑐᓂᖃᕐᓛᑦᑐᖅ ᑕᕐᓵᐲᓐᓂᒃ ᐊᒥᓲᖕᖏᑐᓂᒃ  3:25 ᐊᒻᒪᓗ 3:40 ᐊᑯᓐᓂᖓᓂ. ᓄᓇᕕᒻᒥ ᐃᓗᐃᑦᑑᑎᓐᓇᒍ.

ᐃᔩᒃᑭᓂᒃ ᐊᑦᑕᓇᕐᑐᒦᑦᑎᓯᑦᑌᓕᒍᐅᑎᒍᓐᓇᑐᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ

ᐱᐊᕃᑦ, ᐃᓄᐃᓪᓗ ᐃᑲᔪᑦᑕᐅᒋᐊᓖᑦ ᐃᑉᐱᒋᔭᐅᑦᓯᐊᖏᓐᓇᕆᐊᓖᑦ ᒪᑦᓯᐊᕋᓗᐊᕐᒪᖔᑕ ᒪᓕᑦᑕᐅᒋᐊᓕᓐᓂᒃ

ᓯᕿᓂᕐᒥᒃ ᑕᑯᓐᓇᓂᖃᕆᐊᖃᖕᖏᑐᖅ ᐊᑦᑕᓇᕐᑐᒦᑦᑎᓯᑦᑌᓕᒍᑎᓂᒃ ᐃᔩᓐᓄᑦ ᐊᑐᖕᖏᑐᐊᕈᕕᑦ, ᐃᔨᓗᓕᓪᓚᕆᑐᐃᓐᓇᕆᐊᖃᕋᕕᑦ, ᐃᒡᒐᑐᐃᓐᓈᓂᒃ ᐊᑐᕋᓗᐊᕈᕕᑦ. ᓯᕿᓂᖅ ᑖᕐᓯᓯᒪᒐᓗᐊᕋᒥ ᐅᓗᕆᐊᓇᖏᓐᓇᒪᑦ ᐃᔩᓐᓄᑦ, ᑌᒣᒻᒪᑦ ᑕᑯᓐᓇᒍᓐᓇᐅᑎᓕᐊᖑᓯᒪᔪᓂ ᑭᓯᐊᓂ ᐃᒡᒐᓯᒪᒋᐊᓕᒃ ᑕᑯᓐᓇᑐᖃᓚᖓᒍᓂ.

ᑕᑯᓐᓇᕈᒪᑐᐊᕈᕕᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂᒃ ᐱᕕᑦᓴᖃᑦᓯᐊᑐᑎᑦ ᐊᑦᑕᓇᕐᑐᒦᑦᑎᓯᑦᑌᓕᓗᑎᒃ ᐃᔩᒃᑭᓂᒃ. ᓯᕿᓂᕐᒧᑦ ᑐᕃᓐᓇᑐᒥᒃ ᑕᑯᓐᓇᖏᒃᑯᕕᑦ ᐱᐅᓂᕐᐸᐅᔪᖅ.

ᑕᑯᓐᓇᓂᖅ ᑐᕃᓐᓇᖏᑦᑐᒥᒃ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ

ᑕᑯᓐᓇᕈᒪᑐᐊᕈᕕᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂᒃ ᐱᕕᑦᓴᖃᑦᓯᐊᑐᑎᑦ ᐊᑦᑕᓇᕐᑐᒦᑦᑎᓯᑦᑌᓕᓗᑎᒃ ᐃᔩᒃᑭᓂᒃ. ᓯᕿᓂᕐᒧᑦ ᑐᕃᓐᓇᑐᒥᒃ ᑕᑯᓐᓇᖏᒃᑯᕕᑦ ᐱᐅᓂᕐᐸᐅᔪᖅ:

• ᐃᑦᓯᕕᒻᒥᒃ ᐊᑐᕐᓗᑎᑦ ᑕᑯᓐᓇᕈᑎᓕᐅᕈᓐᓇᖁᑎᑦ.  ᒪᐅᖓ ᑕᑯᓂᐊᕆᑦ ᖃᓄᖅ ᓴᓇᒍᓐᓇᒪᖔᕐᐱᑦ ᑕᑯᓐᓇᕈᑎᒋᓂᐊᕐᑕᓂᒃ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ
• ᑕᑯᓐᓇᓗᒍ ᑕᕐᕃᑦ ᐃᓄᒐᑎᑦ ᓴᓐᓂᖓᑎᓪᓗᒋᑦ ᓄᓇᒧᑦ ᑕᑯᓐᓇᓗᑎᑦ. ᓯᕿᓂᐅᑉ ᐃᑯᒪᖓ ᐃᓄᒐᕐᐱᑦ ᓴᓐᓂᖓᔪᓕᐊᑉ ᑭᓪᓛᐱᖓᒍᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓ ᓄᓇᒧᑦ ᓄᐃᑕᑦᓴᕈᒍᓐᓇᑐᖅ. ᐊᑦᑕᓇᕐᑐᒦᑦᑌᓕᕈᒪᒍᕕᑦ ᓯᕿᓂᕐᒧᑦ ᑐᓄᖕᙰᓇᕐᓗᑎᑦ.

• ᖃᕆᑕᐅᔭᒃᑯᑦ ᑕᑯᓐᓇᕈᓐᓇᕕᖃᓛᕐᒥᔪᑎᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ, Astrolab at parc national du mont-megantic ᑕᑯᓐᓇᕕᒋᒋᐊᕐᑐᕈᓐᓇᑌᑦ.

ᑕᑯᓐᓇᓂᖅ ᑐᕃᓐᓇᑐᒥᒃ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ

ᐃᓄᐃᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓕᕐᑎᓗᒍ ᑕᑯᓐᓇᑐᖃᕈᒪᒍᑎ ᖃᐅᑕᒫᑦ ᐊᑦᑕᓇᕐᑐᒦᑦᑎᓯᑦᑌᓕᒻᒪᕆᒋᐊᓕᒃ ᐃᔨᓂᒃ ᐃᒡᒐᓯᒪᑦᓯᐊᓗᓂ ᑕᑯᓐᓇᕈᑎᓕᐊᖑᓯᒪᔪᓂᒃ ᐃᒡᒑᓂᒃ ᓄᓇᕐᔪᐊᑉ ᓇᓗᓀᒃᑯᑕᖓᓂᒃ ISO12312-2.

ᐃᒡᒑᓂ ᐊᑐᓚᐅᕐᓇᒃ:

• ᑕᑯᓐᓇᕈᓐᓇᐅᑎᓕᐊᖑᔪᕕᓂᕐᓂᒃ ᐃᒡᒑᓂᒃ ᐊᑐᕐᓗᑎᑦ, ᓂᐅᕕᕐᑕᐅᒪᑦᓱᑎᒃ ᓂᐅᕕᕐᕕᒥ ᐃᒡᒐᓕᐅᓲᓂᒃ ᑕᑯᓐᓇᕈᓐᓇᐅᑎᓂᒃ
• ᑕᑯᓐᓇᕈᓐᓇᐅᑎᓕᐊᖑᑦᓱᑎ ᐃᒡᒑᒃ ᓱᒃᑯᖓᖕᖏᑲᓗᐊᕐᒪᖔᑕ ᑲᒪᒋᓗᒋᑦ ᐊᑐᓚᐅᕐᓇᒋᑦ.
• ᐃᔭᐅᑎᕐᓯᒪᓲᖑᒍᕕᑦ ᑕᑯᓐᓇᕈᓐᓇᐅᑎᓕᐊᖑᓯᒪᔪᓂᒃ ᐃᒡᒐᓯᒪᒍᓐᓇᑐᑎᑦ ᐃᔩᒃᑭᒃ ᑕᕐᕆᑕᐅᓯᒪᑦᓯᐊᓚᕐᐅᐸᑕ

ᐃᒡᒐᓯᒪᓗᑎᑦ ᑕᑯᓐᓇᕈᓐᓇᐅᑎᓕᐊᖑᔪᕕᓂᕐᓂᒃ ᓯᕿᓂᖅ ᑭᓯᐊᓂ ᑕᑯᑦᓴᐅᒋᐊᓕᒃ, ᐊᓯᓕᒫᑦᓯᐊᖏᑦ ᓱᓇᐅᒐᓗᐊᕐᐸᑦ, ᐃᑯᒣᓪᓗ ᑕᑯᑦᓴᐅᒋᐊᖃᖕᖏᑐᑦ. ᐃᒡᒐᓯᒪᓗᑎᑦ ᓯᕿᓂᐅᑉ ᐊᓯᖓᓂᒃ ᑕᑯᒍᓐᓇᕈᕕᑦ, ᐃᒡᒑᒃ ᐊᑐᕐᑕᐅᒋᐊᖃᖕᖏᑑᒃ ᓯᕿᓂᕐᒥ ᑕᑯᓐᓇᕈᑎᐅᓗᑎᒃ.

ᑭᕙᒃᑑᑏᒃ ᐊᑦᑕᓀᑦᑐᒦᑎᓯᑦᑌᓕᒍᑎᐅᖕᖏᒪᑏᒃ ᐃᔩᓐᓄ ᑕᑯᓐᓇᕈᑎᐅᒋᐊᖃᖕᖏᑑᒃ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂᒃ.

ᐊᐅᓚᔨᒋᑦ!

ᐃᒡᒐᑐᐃᓐᓈᒃ ᐱᐅᔪᐊᓘᒐᓗᐊᕈᑎᒃ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᑕᑯᓐᓇᕈᑎᐅᒋᐊᖃᖕᖏᑑᒃ ᐊᑦᑕᓇᕐᑐᒦᑦᑎᓯᑐᐃᓐᓇᕆᐊᖃᕐᒪᑕ ᐃᔩᓐᓂᒃ, ᑎᑦᑖᐱᐅᕋᓗᐊᕈᓂ.

ᐃᔩᒃᑭᓄᑦ ᐊᑦᑕᓇᕐᓯᒍᑎᐅᑐᐃᓐᓇᕆᐊᓖᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ

ᐃᔨᕗᑦᑕ ᐊᑦᑕᓇᕐᑐᒨᕐᑎᓯᑦᑌᓕᒍᑎᒋᓲᖑᒍᑎᖏᑦ ᐊᑑᑌᕈᓲᖑᕗᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ, ᐅᑦᑑᑎᒋᓗᒍ, ᕿᕐᖓᓇᓕᑐᐊᕐᒪᑦ ᕿᕐᖓᑌᓕᓂᕆᓲᕗᑦ, ᓯᑯᖕᖏᓛᓐᓂᕗᑦ, ᐃᔨᕗᓪᓗ ᖁᕝᕕᓕᐅᒃᑳᑎᑕᐅᑦᓱᑎᒃ, ᑯᕝᕕᓕᐅᒃᑳᖏᑦᑑᓚᕿᑦᓱᑎᓘᓐᓃᒃ ᓯᕿᓐᓂᕌᓗᐊᕈᓐᓀᓂᑯᖓᓄᑦ.

ᑌᒣᒐᓗᐊᕐᑎᓗᒍ ᓯᕿᓂᐅᑉ ᐆᔪᕈᒥᐊᕐᓗᖏᑦ ᐅᓗᕆᐊᓇᓪᓚᕆᖏᓐᓇᑐᑦ ᐃᔨᐅᑉ ᑕᕐᕋᑑᑎᖓᓂᒃ ᓱᒃᑯᐃᒍᓐᓇᓱᓂ, ᑕᑯᓐᓇᓯᐊᕈᓐᓀᓚᕿᑎᑦᓯᓗᓂ. ᐃᔩᒃᑭᒃ ᓱᕐᕋᑕᕕᓂᐅᑉᐸᑏᒃ ᐅᑯᓂᖓ ᐱᐅᓯᕐᑖᑐᐃᓐᓇᕆᐊᓖᒃ:

• ᐃᔨᐅᑉ ᑕᕐᕋᑑᑎᖓ ᐋᓐᓂᓇᖕᖏᑲᓗᐊᕐᓱᓂ ᐊᓕᑐᐃᓐᓇᕆᐊᓕᒃ, ᒪᒥᑦᑎᑕᐅᒍᓐᓇᓂᐊᕈᓐᓀᓱᓂ. ᑕᐅᑐᑦᓯᐊᖏᑦᑑᓚᕿᑎᑦᓯᓗᓂ, ᑕᑯᓐᓇᑕᕐᐱᓗ ᕿᑎᖓᒍᓪᓗᐊᖅ ᕿᕐᓂᑕᒥᒃ ᑕᕐᓵᐱᒻᒥᒃ ᑕᑯᓐᓇᑑᔮᓚᕿᓯᓗᑎᑦ. ᑫᕙᓪᓚᒍᓰᑦ ᐊᒥᓱᑦ ᐊᓂᒍᕐᓯᒪᓕᕐᒪᑕ ᑭᓯᐊᓂ ᐃᔨᑉᐱᑦ ᓱᕐᕋᑕᐅᓂᕕᓂᖏᑦ ᒪᓗᕐᓇᓯᒐᔭᕐᑐᑦ.
• ᐃᔨᐅᑉ ᑲᕕᕈᖓ ᐊᓕᑦᑕᕕᓂᐅᑉᐸᑦ ᑕᑯᓐᓇᓯᐊᖏᑦᑑᓚᕿᑎᑦᓯᒍᓐᓇᑐᑦ ᕿᕐᖓᕈᐊᕐᑑᓲᖑᓚᕿᑎᑦᓯᓗᑎᓗ.

ᑕᑯᓐᓇᑐᕕᓂᐅᓗᑎ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᐃᔨᓗᓕᕐᑐᕕᓂᐅᒍᕕᑦ, ᑲᒪᒋᔭᐅᑎᒋᐊᕐᑐᓴᐅᑎᒋᒋᐊᖃᕐᖁᑎᑦ ᐃᔨᓕᕆᔨᒧᑦ. 

ᐊᓃᕐᓂᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ

ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᕉᑕᕆᓐᓂᖓᓂ ᐊᓃᒐᓗᐊᕈᕕᑦ ᐃᓱᒫᓗᓐᓇᖏᑦᑐᖅ ᓯᕿᓂᖅ ᑕᑯᓐᓇᖏᑐᐊᕈᕕᐅᒃ. ᓯᓚᒥ ᓱᖃᑦᓯᓃᑦ ᑲᔪᓯᒍᓐᓇᑐᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ.

ᐃᑉᐱᒍᓱᑦᓯᐊᕆ!

ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᑕᑯᓐᓇᑌᓕᒋᑦ ᑕᑯᓐᓇᕈᓐᓇᐅᑏᓐᓂᒃ ᐃᒡᒐᓯᒪᖕᖏᑯᕕᒃ. ᑎᕐᕿᐊᓕᕆᑦᑐᒥᒃ ᓇᓴᕐᓯᒪᑦᓯᐊᓗᑎᓗ.

ᓄᓇᒦᒍᕕᑦ ᐊᓃᑐᐊᕈᕕᓪᓘᓃᑦ 

ᐊᑦᑕᓇᕐᑐᒦᑦᑎᓯᓐᓂᐊᖕᖏᓇᕕᑦ ᐃᓗᓯᕐᓱᓯᐊᕐᓃᓂᒃ, ᐃᓱᒪᑦᓯᐊᓂᕐᓂᓗ, ᓄᓇᒦᒍᕕᑦ, ᐊᓃᕈᕕᓪᓘᓃᑦ ᒪᓕᑦᑕᐅᒋᐊᓕᓐᓂᒃ ᒪᓕᑦᓯᐊᓗᑎᑦ.

• ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᑕᑯᓐᓇᑌᓕᒻᒪᕆᒋᑦ ᐊᑦᑕᓇᕐᑌᓕᒥᒌᒃᑯᑎᓂᒃ ᐃᔩᓐᓄᑦ ᐊᑐᖕᖏᑐᐊᕈᕕᑦ.
•    ᑕᑯᓴᕆᐊᖃᑦᓴᕈᕕᑦ, ᓯᕿᓂᕐᒧᑦ ᑐᕃᓐᓇᓗᑐᖁᔭᐅᖕᖏᑐᑦ (ᐅᑦᑑᑏᑦ ᑐᓄᖕᖓᓗᑎᑦ ᓯᕿᓂᕐᒧᑦ).
• ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᑕᑯᓐᓇᕆᐊᖃᖕᖏᑐᑎᑦ, ᐊᑦᔨᓕᐅᕆᒋᐊᖃᕐᓇᓗ (ᐆᑦᑑᑎᒋᓗᒋᑦ ᑎᒍᒥᐊᕈᑎᒃ, ᕿᕐᖑᑏᒃ, ᕿᖕᖑᑎᑯᑖᖅ) ᐃᔨᓄᑦ ᐊᑦᑕᓇᕐᑐᒦᑦᑎᓯᑦᑌᓕᒍᑎᖃᖕᖏᐸᑕ. ᓱᖃᑦᓯᓃᑦ  ᑌᒣᑦᑐᓂᑦ ᐱᐅᒡᒍᑎᓂᑦ ᐊᑐᕐᑐᑦ ᓄᕐᖃᖓᑫᓐᓇᕆᐊᓖᑦ ᑕᕐᕿᓗ ᓯᕿᓂᕐᓗ ᓇᓚᕋᑦᓯᒋᓪᓗᐊᓂᖓᓂ ᐱᔭᕇᖕᖏᓂᓕᒫᖓᓂ ᐊᑦᑕᓇᕐᑐᒦᑦᑌᓕᕈᒪᒍᕕᑦ.