ᑕᓯᐅᕐᕕᒃ (ᑰᑦᔪᐊᕌᐱᒃ)
ᑐᕌᕈᑎᖓ ᖃᕆᑕᐅᔭᒃᑯᑦ: tasiurvikfamilyhouse@gmail.com
ᕓᔅᐳᒃᖓ: https://www.facebook.com/tasiurvik
P.O. Box 519
403 Katimavik Avenue
Kuujjuaraapik (QC), JOM 1G0
(819) 929-3277
ᑐᕌᕋᖏᑦ:
- ᑕᓯᐅᕐᕕᒃ ᑐᕌᕋᓕᒃ ᐊᐅᓚᑦᓯᓂᕐᒥᒃ ᐃᓪᓗᒥᒃ ᑌᑲᓂ ᐊᖑᑏᑦ, ᐊᕐᓀᓗ, ᐱᐊᕃᓪᓗ ᐅᕕᒐᕐᑐᐃᓗ ᐃᓕᑦᓯᕕᖃᕈᓐᓇᓗᑎᒃ, ᐱᑐᑦᓯᒪᕋᓱᐊᕐᓗᑎᓪᓗ, ᐃᑉᐱᒍᓱᑦᓯᐊᓗᑎᓪᓗ ᐊᒻᒪᓗ ᓄᐃᑦᓯᒐᓱᐊᕐᓗᑎᒃ ᓄᓇᓕᒻᒥᒃ ᓲᖑᔫᑦᓯᐊᑐᒥᒃ;
- ᐱᔪᓐᓇᑎᑦᓯᓂᕐᒧᑦ ᓱᖃᑦᓯᓂᕐᓂᒃ ᐱᒋᐅᕐᓴᐅᑎᓂᓪᓗ ᐱᔪᓐᓇᑎᑦᓯᓂᕐᒧᑦ ᑰᑦᔪᐊᕌᐱᒻᒥᐅᓄᑦ, ᑕᓯᐅᕐᕕᐅᑉ ᐃᓪᓗᖓᓂ, ᓄᓇᓕᒻᒥ ᐊᒻᒪᓗ ᓄᓇᒥ;
- ᐃᑲᔪᕐᓂᒧᑦ ᐃᓕᓐᓂᐊᑎᑦᓯᓂᕐᒥᒃ ᐃᓄᐃᑦ ᐃᓗᕐᖁᓯᖏᓐᓅᓕᔫᓂᒃ ᐱᒻᒪᕆᐅᑎᑕᐅᖏᓐᓂᓗ ᐅᕕᒐᕐᑐᓄᑦ ᐃᓚᒌᑦᑐᓄᓪᓗ ᑰᑦᔪᐊᕌᐱᒻᒥ;;
- ᑕᑯᒐᓱᐊᕐᓂᖅ ᐋᕐᕿᒍᑎᓂᒃ ᐱᓀᓗᑕᓄᑦ ᐊᒻᒪᓗ ᐱᓀᓗᑕᕐᑖᑌᓕᑎᑦᓯᓂᕐᒧᑦ ᐃᓚᒌᑦᑐᓄᑦ ᑰᑦᔪᐊᕌᐱᒻᒥ ᐊᖑᑏᓪᓗ, ᐊᕐᓀᓗ, ᐱᐊᕃᓪᓗ, ᐅᕕᒐᕐᑐᐃᓗ ᐱᔪᓐᓇᑎᓗᒋᑦ ᐸᕐᓇᓯᒪᐅᑎᓂᒃ ᐱᓀᓗᑕᓄᑦ ᐆᑦᑑᑎᒋᓗᒋᑦ ᐱᔪᓐᓇᐅᑏᑦ ᐱᕈᕐᓭᓂᕐᒧᑦ ᐱᐊᕋᕐᒥᓂᒃ, ᓂᕿᑦᓯᐊᓂᒃ, ᐃᓄᐃᑦ ᐃᓗᕐᖁᓯᖏᑦᑕ ᐱᒻᒪᕆᐅᑎᑕᖏᓐᓂᒃ, ᐊᐅᓚᑦᓯᐊᓂᕐᒧᑦ ᐆᒥᓱᓐᓂᒥᒃ ᐊᒻᒪᓗ ᑕᑯᒐᓱᐊᕐᓂᒧᑦ ᐋᕐᕿᒍᑎᓂᒃ ᐱᓀᓗᑕᓄᑦ, ᐊᒻᒪᓗ ᓱᖃᑦᓯᓂᕐᓂᒃ ᐆᑦᑑᑎᒋᓗᒋᑦ ᐃᒐᓂᖅ, ᒥᕐᓱᓂᖅ ᐊᒻᒪᓗ ᓱᖃᑦᓯᓂᕐᓂᒃ ᐊᑑᑎᔪᓂᒃ ᐃᓄᐃᑦ ᐃᓗᕐᖁᓯᖏᑦᑕ ᐊᑑᑎᓲᑐᖃᖏᓐᓂᒃ, ᐃᑲᔪᕐᑕᐅᓗᑎᒃ ᐃᓄᑐᖃᕐᓄᑦ ᐊᒻᒪᓗ ᓄᓇᓕᓐᓄᑦ ᖃᐅᔨᒪᓂᖃᑦᓯᐊᑐᓄᑦ;
- ᐊᐅᓚᑦᓯᓂᕐᒧᑦ ᐃᒐᕕᒻᒥᒃ ᓄᓇᓕᒻᒥ.
ᖃᕐᒫᐱᒃ (ᑲᖏᕐᓱᐊᓗᑦᔪᐊᖅ)
ᑐᕌᕈᑎᖓ ᖃᕆᑕᐅᔭᒃᑯᑦ: Coordinator@qarmaapik.ca
ᕓᔅᐳᒃᖓ: ᖃᕐᒫᐱᒃ | ᕓᔅᐳᒃ
P.O. Box 219
Kangiqsualujjuaq (QC) J0M 1N0
Office: 819-337-5597
On call /Safe House: 819-337-5307
ᑐᕌᕋᖏᑦ:
- ᖃᕐᒫᐱᐅᑉ ᐃᓪᓗᖓ ᐃᑲᔪᓲᖅ ᐊᖓᔪᕐᖄᕆᔭᐅᔪᓂᒃ ᑲᒪᔨᓂᓪᓗ ᑎᑭᐅᑎᑦᓯᐊᓂᕐᓴᐅᒐᓱᐊᕐᓂᒧᑦ ᐱᐊᕋᖏᑦᑕ ᑭᖕᖒᒪᒋᔭᖏᓐᓂᒃ, ᖃᓂᓪᓕᒋᐊᕋᓱᐊᕐᓂᒧᑦ ᐃᓚᒥᓂᒃ ᐊᒻᒪᓗ ᐊᑑᑎᒋᐊᓪᓛᕋᓱᐊᕐᓂᒧᑦ ᐃᓄᐃᑦ ᐃᓚᒌᑦ ᐊᑑᑎᓲᑐᖃᖏᓐᓂᒃ ᐱᒻᒪᕆᐅᑎᑕᖏᓐᓂᓗ ᓄᓇᓕᒻᒥ.
- ᖃᕐᒫᐱᐅᑉ ᐃᓪᓗᖓ ᓄᐃᑕᐅᔪᕕᓂᖅ ᐱᐊᕋᕐᓂᒃ ᐊᕐᓵᑕᐅᑌᓕᑎᑦᓯᒐᓱᐊᕐᓱᑎᒃ ᐊᓯᐊᓄᑦ ᐃᓚᒌᑦᑐᓄᑦ ᐊᒻᒪᓗ/ᐅᕝᕙᓘᓐᓃᑦ ᐊᓯᐊᓄᑦ ᓄᓇᓕᒻᒨᑕᐅᑌᓕᑎᑦᓯᒐᓱᐊᕐᓱᑎᒃ ᐅᕕᒃᑫᑦ ᓴᐳᒻᒥᔨᒃᑯᖏᓐᓄᑦ. ᑐᕌᕋᖃᕐᒥᓱᑎᒃ ᐃᑲᔪᕐᓂᒥᒃ ᐃᓚᒌᑦᑐᓂᒃ ᑭᖕᖒᒪᑦᓯᔪᓂᒃ ᐊᒻᒪᓗ ᖃᓂᓪᓕᒋᐊᕐᑎᓯᒐᓱᐊᕐᓂᒧᑦ ᐅᕕᒐᕐᑐᓂᒃ, ᐃᓄᓐᒪᕆᓂᓪᓗ ᓄᓇᓕᓐᓂᓗ ᐃᓄᑐᖃᕐᓄᑦ ᐃᑲᔪᕐᑕᐅᓗᑎᒃ, ᖃᐅᔨᒪᓂᖃᑦᓯᐊᑐᓂᒃ ᐃᓄᐃᑦ ᐃᓗᕐᖁᓯᖏᑦᑕ ᐊᑑᑎᓲᑐᖃᖏᓐᓂᒃ ᐱᒻᒪᕆᐅᑎᑕᖏᓐᓂᓗ.
ᐊᑑᑎᑎᑦᓯᑌᓕᓂᕐᒧᑦ ᐊᑑᑎᔭᐅᒍᒪᖕᖏᑐᓂᒃ:
- ᐱᔪᓐᓇᑎᑦᓯᓂᕐᒧᑦ ᐅᖄᖃᑎᖃᕐᓂᒥᒃ ᐊᒻᒪᓗ ᐸᕐᓇᓯᒪᐅᑎᓂᒃ ᐊᖓᔪᕐᖄᕆᔭᐅᔪᓄᑦ ᑲᒪᔨᓄᓪᓘᓃᑦ, ᐅᖄᖃᑎᖃᕐᓗᑎᒃ ᐃᓄᑐᖃᕐᓂᒃ ᖃᖓᑐᐃᓐᓇᖅ ᐅᖄᖃᑎᖃᕈᓐᓇᓕᑐᐊᕋᒥᒃ;
- ᐃᑲᔪᕐᓂᒧᑦ ᐊᖓᔪᕐᖄᕆᔭᐅᔪᓄᑦ ᑲᒪᔨᓄᓪᓘᓃᑦ ᐃᒻᒥᓂᒃ ᓲᓱᑦᓴᓯᐊᕐᓂᒥᒃ ᐊᒻᒪᓗ ᐱᔪᓐᓇᐅᑎᖃᑦᓯᐊᓂᕐᒥᒃ ᐱᕈᕐᓭᓕᑐᐊᕋᒥᒃ ᐱᐊᕋᕐᒥᓂᒃ ᐃᓚᒥᓂᒃ ᖃᓄᐃᖕᖏᓯᐊᕐᑐᒥᒃ ᐃᑲᔫᑎᑦᓯᐊᓲᒥᓪᓗ.
ᐊᓂᕐᕋᖅ ᓴᐳᒻᒥᓂᖃᑦᓯᐊᑐᖅ :
- ᐱᔪᓐᓇᑎᑦᓯᓂᖅ ᐊᓂᕐᕋᒥᒃ ᓴᐳᒻᒥᓂᖃᑦᓯᐊᑐᒥᒃ ᐱᐊᕋᕐᓄᑦ (ᐅᑭᐅᓕᓐᓄᑦ 0-ᒥᒃ 17-ᒧᑦ) ᐃᓄᒻᒪᕆᓄᓪᓗ.
ᐃᕿᑦᓯᕕᒃ (ᓴᓪᓗᐃᑦ)
ᑐᕌᕈᑎᖓ ᖃᕆᑕᐅᔭᒃᑯᑦ: iqitsivik@outlook.com
ᕓᔅᐳᒃᖓ: https://www.facebook.com/groups
P.O. Box 29
352 Aqutikallak
Salluit (QC), J0M 1S0
(819) 255-8338
ᑐᕌᕋᖓ:
- ᐱᔪᓐᓇᑎᑦᓯᓗᑎᒃ ᐱᒍᑦᔨᒍᑎᓂᒃ ᖃᓄᐃᑦᑐᑐᐃᓐᓇᓂᒃ ᒪᓕᑦᓯᐊᑐᓂᒃ ᐱᒻᒪᕆᐅᑎᑕᐅᔪᓂᒃ ᐱᒻᒪᕆᐅᑎᑦᓯᔪᓂᒃ ᓄᐃᑦᓯᓂᕐᒥᒃ ᐃᓅᖃᑎᒌᑦᓯᐊᓂᕐᒥᒃ ᐃᑲᔪᖃᑎᒌᑦᓯᐊᑐᓂᒃ, ᐱᕙᓪᓕᑎᑦᓯᓇᕐᑐᓂᒃ, ᓲᓱᑦᓴᑐᓂᒃ ᐊᑦᔨᒌᖕᖏᓂᕐᒥᒃ ᐊᒻᒪᓗ ᐱᐅᓯᐅᒥᑎᑦᓯᔪᓂᒃ ᓄᓇᓕᐅᑉ ᐱᕙᓪᓕᒐᓱᐊᕐᓂᖓᓄᑦ. ᐱᓇᓱᖃᑎᒌᓪᓗᑎᒃ ᐱᐊᕋᕐᓂᒃ, ᐃᓚᒌᑦᑐᓂᒃ ᐊᖓᔪᕐᖄᕆᔭᐅᔪᓂᓪᓗ ᑲᒪᔨᖏᓐᓂᓗ ᐱᐅᓯᐅᒥᑎᑦᓯᒐᓱᐊᕐᓂᒧᑦ ᓲᖑᔫᑦᓯᐊᓂᕐᒥᒃ. ᓄᐃᑦᓯᒐᓱᐊᕐᓂᒧᓪᓗ ᐱᔪᓐᓇᓯᐊᕐᑐᓂᒃ ᐊᒻᒪᓗ ᓲᓱᑦᓴᓯᐊᕐᓂᒧᑦ ᓄᐃᑦᓯᒋᐊᓪᓛᕋᓱᐊᕐᓂᒥᒃ ᖃᓄᐃᖕᖏᓯᐊᕐᓂᒥᒃ.
ᐱᒍᑦᔨᒍᑎᖏᑦ:
- ᐊᑑᑎᔭᐅᒍᓐᓇᑐᑦ ᐃᑲᔪᕐᓂᒧᑦ ᐃᓄᓐᓂᒃ ᐊᑦᓱᕈᕐᓇᑐᒃᑰᑐᓂᒃ ᐊᑑᑎᓗᐊᖃᑦᑕᓂᕐᒧᑦ ᐅᐃᕆᓯᒪᐅᑎᓅᓕᖓᔪᓂᒃ, ᐱᑦᓯᐊᑕᐅᓲᖕᖏᑐᓂᒃ ᐃᓱᒪᒥᑎᒍᑦ ᐊᒻᒪᓗ ᐋᓐᓂᐊᖃᓗᐊᕐᑐᓂᒃ ᐃᑉᐱᓂᐊᕐᓂᑎᒍᑦ. ᐃᓂᖃᕐᑎᑕᐅᓛᕐᓱᑎᒃ ᐊᑑᑎᔪᒥᒃ ᐃᓄᐃᑦ ᐃᓗᕐᖁᓯᖏᓐᓂᒃ, ᓲᓱᑦᓴᓂᕐᒧᑦ ᐊᓯᑦᔩᓂᕐᒥᒃ ᐃᓅᓯᖓᓂᒃ ᓴᐳᒻᒥᓂᖃᑦᓯᐊᑐᒥᒃ, ᓲᓱᒋᔭᐅᑦᓯᐊᓗᑎᒃ ᐱᑦᓯᐊᑕᐅᓗᑎᓪᓗ.
- ᓄᐃᑦᓯᐊᒋᐊᓪᓛᓂᕐᒧᑦ, ᐱᐅᓯᐅᒥᑎᑦᓯᒐᓱᐊᕐᓂᒧᓪᓗ ᐊᖓᔪᕐᖄᕆᔭᐅᔪᓂᒃ-ᐱᐊᕋᕐᓂᓗ ᖃᓂᓪᓕᒋᐊᕐᑎᓯᒐᓱᐊᕐᓂᒧᑦ, ᖃᓂᓪᓕᒋᐊᕐᑎᓯᒐᓱᐊᕐᓂᒧᓪᓗ ᑭᖑᕚᕇᓐᓂᒃ ᐅᖄᖃᑎᒌᑦᓯᐊᓗᑎᒃ, ᐊᑑᑎᓗᑎᒃ ᓱᖃᑦᓯᓂᕐᓂᒃ ᐊᒻᒪᓗ ᐃᑉᐱᒍᓱᑦᓯᐊᓗᑎᓪᓗ ᐃᓚᒌᑦᑐᑦ ᓄᓇᕐᖃᑎᒌᑦᑐᐃᓗ:
- ᓲᓱᑦᓴᓂᕐᒧᑦ ᐃᓚᒌᑦᑐᓂᒃ ᐃᓄᓐᓂᓗ ᐃᓚᐅᖃᑕᐅᑦᓯᐊᓂᕐᒥᒃ ᓄᓇᓕᒻᒥ, ᐊᑯᓂ ᓄᓇᓕᒻᒦᒍᓐᓀᑐᕕᓂᐅᑉᐸᑕ, ᓇᓪᓕᓂᖃᑦᓯᐊᑎᑦᓯᒐᓱᐊᕐᓂᒧᑦ ᐃᓚᒌᑦᑐᓂᒃ, ᐃᓕᑕᕐᓯᓯᒪᓂᕐᒧᓗ ᑭᖕᖒᒪᒋᔭᕐᒥᓂᒃ ᓇᓪᓕᒋᔭᐅᓂᕐᒥᒃ ᐃᓚᒌᑦᑐᑦ ᖃᓄᐃᓕᖓᓂᖏᑦ ᐊᓯᑦᔨᑐᕕᓂᐅᒐᓗᐊᕐᐸᑕ: ᐊᑑᑎᑦᓯᐊᕋᓱᐊᕐᓗᑎᒃ ᓴᓇᖕᖑᐊᓂᕐᒥᒃ ᒪᒥᓴᕋᓱᐊᕐᓂᒧᑦ, ᐊᓪᓚᖑᐊᕐᓗᑎᒃ, ᑖᓂᓯᕐᓗᑎᓪᓘᓃᑦ, ᓂᑦᔭᓗᑦᑖᓂᕐᒥᒃ ᐊᑑᑎᓪᓗᑎᓪᓘᓃᑦ, ᒥᖑᐊᖕᖑᐊᓗᑎᓪᓘᓃᑦ ᐅᕝᕙᓘᓐᓃᑦ ᐅᓂᒃᑳᖑᐊᕐᓗᑎᒃ.
ᒥᐊᓂᕐᓯᕕᒃ (ᑲᖏᕐᓱᔪᐊᖅ)
ᑐᕌᕈᑎᖓ ᖃᕆᑕᐅᔭᒃᑯᑦ: pilurtuutl@mianirsivik.ca
ᕓᔅᐳᒃᖓ: ᒥᓂᐊᕐᓯᕕᒃ ᐃᓚᒌᑦ ᐃᓪᓗᖓ | ᕓᔅᐳᒃ
P.O. Box 189
Kangiqsujuaq (QC), J0M 1K0
Office: 819-338-0653 | 819 338-0888
General and after hour (safe house): 819-337-5307
ᑐᕌᕋᖏᑦ:
- ᒪᓂᐊᕐᓯᕕᒃ ᐃᓚᒌᑦ ᐃᓪᓗᖓ ᓄᐃᑕᐅᓯᒪᔪᖅ ᑲᑎᒪᔨᐊᐱᓐᓄᑦ ᖃᓄᐃᖕᖏᓯᐊᕐᓂᒧᑦ ᓴᐳᒻᒥᓂᖃᑦᓯᐊᑎᑦᓯᓱᑎᒃ, ᑐᖕᖓᓇᕐᑑᑎᑦᓯᓱᑎᓪᓗ, ᒪᒥᓴᕐᕕᓯᐊᖑᑎᑦᓯᓱᑎᓪᓗ ᑲᖏᕐᓱᔪᐊᒥ ᐃᓄᓐᓂᒃ ᓄᓇᓕᓐᓂᓗ ᖃᓄᐃᖕᖏᓯᐊᖁᔨᑦᓱᑎᒃ ᐱᕕᑦᓴᓯᐊᖃᖁᔨᑦᓱᑎᓪᓗ ᐅᑭᐅᕐᑕᑐᒥ.
ᐱᒍᑦᔨᒍᑎᖏᑦ:
- ᐱᔪᓐᓇᑎᑦᓯᓂᕐᒧᑦ ᐊᓂᕐᕋᒥᒃ ᓴᐳᒻᒥᓂᖃᑦᓯᐊᑐᒥᒃ ᑐᖕᖓᓇᑦᓯᐊᑐᒥᓪᓗ ᑲᖏᕐᓱᔪᐊᒥᐅᓄᑦ;
- ᐊᐅᓚᑦᓯᓂᕐᒧᑦ ᐸᕐᓇᓯᒪᐅᑎᒥᒃ ᐱᒍᑦᔨᒍᑎᓂᓪᓗ ᓄᓇᓖᑦ ᖃᓄᐃᖕᖏᓯᐊᕐᓂᖏᓐᓄᑦ;
- ᐊᑑᑎᔭᐅᓗᓂ ᒪᒥᓴᕐᓂᒧᑦ ᓇᒻᒥᓂᖅ ᐃᓚᕗᓐᓂᓗ;
- ᐊᑐᐃᓐᓇᕈᕐᑎᓯᓂᕐᒧᑦ ᐱᔪᓐᓇᑎᑦᓯᓂᕐᒧᓗ ᓱᖃᑦᓯᓂᕐᓂᒃ ᓄᓇᓖᑦ ᖃᓄᐃᖕᖏᓯᐊᕐᓂᖏᓐᓄᑦ;
- ᓇᓪᓕᑐᐃᓐᓇᖏᑦ ᓱᖃᑦᓯᓃᑦ ᐊᑦᔨᐸᓱᓖᑦ ᓱᖃᑦᓯᓂᕐᓂᒃ ᐅᖃᕐᑕᐅᑫᓐᓇᑐᓂᒃ.
- ᐃᓚᒌᑦ ᐃᓪᓗᖓ ᓴᐳᒻᒥᓂᖃᑦᓯᐊᓛᕐᑐᖅ ᑐᖕᖓᓇᑦᓯᐊᓗᓂᓪᓗ ᐱᔪᓐᓇᑎᑦᓯᓗᓂ ᐸᕐᓇᓯᒪᐅᑎᓂᒃ ᐱᒍᑦᔨᒍᑎᓂᓪᓗ ᐃᑲᔪᕋᓱᐊᕐᓂᒧᑦ ᑲᖏᕐᓱᔪᐊᒥᐅᓂᒃ ᖃᓄᐃᖕᖏᓯᐊᕋᓱᐊᕐᓂᖏᓐᓄᑦ. ᓴᐳᒻᒥᓂᖃᑦᓯᐊᓛᕐᑐᖅ ᐃᓄᓐᓄᑦ ᒪᒥᓴᕈᒪᔪᓄᑦ ᓇᒻᒥᓂᒃ ᐃᓚᒥᓂᓪᓘᓃᑦ ᐃᑲᔪᕐᑕᐅᒐᓱᐊᕐᓂᒧᑦ ᓲᓱᒋᔭᐅᒐᓱᐊᕐᓂᒧᓪᓗ. ᐃᓱᒪᒋᔭᐅᑦᓯᐊᖏᓐᓃᑦ ᕿᒪᑦᑕᐅᓛᕐᑐᑦ ᐅᒃᑯᐊᒥ. ᐃᓄᓕᒫᑦ ᐃᓚᐅᖃᑕᐅᓛᕐᑐᑦ ᓲᓱᒋᔭᐅᑦᓯᐊᓛᕐᑐᑦ ᐊᑑᑎᖁᔭᐅᓗᑎᒃ ᐱᔪᓐᓇᑕᓕᒫᑦᓯᐊᒥᓂᒃ, ᐃᓕᑕᕐᓯᓯᒪᑦᓯᐊᓗᑎᒃ ᒪᒥᓴᕐᓂᖅ ᖃᖓᑐᐃᓐᓇᖅ ᐊᑑᑎᔭᐅᒍᓐᓇᒪᑦ.
ᐃᓪᓗᒃ ᓴᐳᒻᒥᓂᖃᑦᓯᐊᑐᖅ:
- ᐱᔪᓐᓇᑎᑦᓯᓲᖅ ᐊᓂᕐᕋᒥᒃ ᓴᐳᒻᒥᓂᖃᑦᓯᐊᑐᒥᒃ ᐱᐊᕋᕐᓄᑦ (ᐅᑭᐅᓕᓐᓄᑦ 0-ᒥᒃ 17-ᒧᑦ) ᐃᓄᒻᒪᕆᓄᓪᓗ.
ᐱᑐᐊᑦ (ᐳᕕᕐᓂᑐᖅ)
ᑐᕌᕈᑎᖓ ᖃᕆᑕᐅᔭᒃᑯᑦ: family.house.pituat@outlook.com
ᕓᔅᐳᒃᖓ: ᐱᑐᐊᑦ ᐃᓚᒌᑦ ᐃᓪᓗᖓ | ᕓᔅᐳᒃ
P.O. Box 494
35 Uqaituk street
Puvirnituq (QC), J0M 1P0
(819) 988-2323
ᐱᑐᐊᑦ ᐃᓚᒌᑦ ᐃᓪᓗᖓ, ᑮᓇᐅᔭᓕᐅᑐᐃᓐᓇᕋᓱᓲᖕᖏᓱᓂ, ᐅᒃᑯᐃᓚᐅᔪᖅ ᒫᑦᔨ 15-ᒥ, 2022, ᐱᓇᓱᐊᑦᓯᐊᑐᖅ ᓄᓇᖃᕐᓂᒧᑦ ᖃᓄᐃᖕᖏᓂᕐᓴᐅᔪᒥᒃ. ᐃᓪᓗᒃ ᐊᕕᑦᑐᓯᒪᔪᖅ ᒪᕐᕉᓂᒃ ᐱᒻᒪᕆᐅᔫᓂᒃ: ᐃᓪᓗᒥᒃ ᐃᓚᒌᓄᑦ ᐳᓛᕐᕕᓕᒻᒥ ᐃᒐᕕᓕᒻᒥᓗ, ᐊᒻᒪᓗ ᐁᑉᐸᖓ ᓴᐳᒻᒥᓂᖃᑦᓯᐊᒥᔪᖅ ᐊᑯᓂᒨᖕᖏᑐᖅ ᐊᑑᑎᔭᐅᒍᓐᓇᓗᓂ ᐃᓚᒌᓄᑦ. ᐱᑐᐊᑦ ᐱᔪᓐᓇᑎᑦᓯᔪᖅ ᓱᖃᑦᓯᓂᕐᓂᒃ ᖃᓄᐃᑦᑐᑐᐃᓐᓇᓂᒃ ᓲᓱᑦᓴᑐᓂᒃ ᐃᓅᓯᖃᑦᓯᐊᓂᕐᒥᒃ ᖃᓄᐃᖕᖏᓯᐊᕐᑐᒥᒃ, ᐅᑯᐊ ᐆᑦᑑᑎᒋᓗᒋᑦ ᑲᑐᑦᔨᖃᑎᒌᑦᑐᑦ ᐃᑲᔪᖃᑎᒌᓐᓂᒧᑦ ᐃᓄᓐᓂᒃ ᐱᓀᓗᑕᓕᓐᓄᑦ ᐅᐃᕆᓯᒪᑎᓅᓕᖓᔪᓂᒃ, ᐱᒋᐅᕐᓴᐅᑏᑦ ᐃᒐᒋᐅᕐᓴᓂᕐᒧᑦ, ᐊᒻᒪᓗ ᐁᑦᑐᐃᓂᖅ ᐊᓐᓄᕌᕐᓂᒃ ᐁᑦᑑᑕᕕᓂᕐᓂᒃ. ᐊᒻᒪᓗ, ᐯᕆᑦᓯᕕᒻᒥᒃ ᒥᑭᔪᒥᒃ ᐱᔪᓐᓇᑎᑦᓯᓲᖑᒻᒥᔪᖅ ᐱᐊᕋᕐᓄᑦ ᐊᖓᔪᕐᖄᕆᔭᖏᑦ ᐃᓚᐅᖃᑕᐅᑎᓪᓗᒋᑦ ᑖᒃᑯᓂᖓ ᓱᖃᑦᓯᓂᕐᓂᒃ.