ᐸᕐᓀᓂᖅ ᐋᓐᓂᐊᓯᐅᕆᓂᕐᒧᑦ ᓄᓇᓕᓕᒫᓂ ᓄᓇᕕᒻᒥ

ᓄᓇᕕᒻᒥᐅᑦ ᑎᒥᒃᑯᑦ ᐃᓱᒪᒃᑯᓗ ᖃᓄᐃᖕᖏᓯᐊᕈᑎᑦᓴᖏᓐᓂᑦ ᐱᓇᓱᐊᕐᓂᖅ

ᐱᑦᔪᑎᖏᑦ?
  • ᐋᕐᖀᒋᐊᕐᓗᑎᑦ ᐃᓂᓪᓚᑎᕆᒋᐊᕐᓗᑎᓗ ᐋᓐᓂᐊᓯᐅᕆᒍᓯᕐᓂᑦ ᓄᓇᕕᒻᒥ ᑐᖕᖓᕕᖃᕐᓗᑎᑦ ᐱᒻᒪᕆᖁᑎᐅᔪᓂᑦ ᑕᑯᔭᓐᓇᐅᔮᕐᑕᐅᔪᓂᓗ ᓄᓇᕕᒻᒥᐅᓄᑦ.
  • ᐱᒍᑦᔨᓗᑎᑦ ᐱᑦᓯᐊᑐᓂᑦ ᓄᓇᓕᖏᓐᓂ ᓄᓇᕕᒻᒥ.
  • ᐱᒍᑦᔭᐅᓗᑎᑦ ᐃᓄᐃᑦ ᐃᓄᓐᓄᑦ.
  • ᐋᕐᖀᒋᐊᕐᓗᑎᑦ ᑲᔪᓯᑎᑦᓯᓗᑎᓗ ᐋᓐᓂᐊᓯᐅᕆᒍᑎᐅᒋᐊᓕᓐᓂᑦ ᑭᖕᖒᒪᒋᔭᐅᔪᓂᑦ ᓄᓇᕕᒻᒥ.
ᖃᓄᐃᓗᕈᑎᐅᓂᐊᕐᑐᑦ?
  1. ᐃᓚᐅᓗᑎᑦ ᐊᓯᑦᔨᒋᐊᕐᓂᐅᔪᓄᑦ ᑐᓴᕐᑎᓯᓗᑎᑦ ᐃᓱᒪᒋᔭᑎᓐᓂᑦ ᖃᐅᔨᓴᕐᓂᓂ, ᐊᐱᕐᓱᑲᑦᑕᓂᕐᓂᑦ ᐅᖄᖃᑎᒌᓐᓂᐅᔪᓂᓗ ᐊᑑᑎᑎᑕᐅᓛᕐᑐᓂᑦ ᐅᑯᓂᖓ ᐱᓇᓱᐊᕐᓗᑎᑦ:
    • ᖃᐅᔨᓴᕐᓂᖅ ᐃᓗᓯᕐᑎᒍᑦ ᑭᖕᖒᒪᒋᔭᐅᔪᓂᑦ ᓄᓇᕕᒻᒥᐅᓄᑦ (2040ᒧᑦ);
    • ᕿᒥᕐᕈᒋᐊᓪᓛᓗᑎᑦ ᑲᒪᒋᔭᐅᒍᑎᑎᓐᓂᑦ ᑲᒪᒋᔭᐅᒍᑎᒋᒍᒪᒐᔭᕐᑕᑎᓐᓂᓗ ᓄᓇᕕᒻᒥ.
  2. ᓄᐃᓗᒋᑦ ᑭᖕᖒᒪᒋᔭᐅᔪᑦ ᑐᖕᖓᕕᐅᒐᔭᕐᑐᑦ ᐅᑎᕐᑎᑕᐅᓂᖏᓐᓂᑦ ᓄᑖᑦ ᐱᒍᑦᔨᒍᑏᑦ ᓄᓇᕕᒻᒥ.
  3. ᑐᓂᔨᓗᑎᑦ ᐋᓐᓂᐊᓯᐅᕆᓂᕐᒧᑦ ᐸᕐᓀᒍᑎᒥᒃ ᑲᑎᖕᖓᔨᓄᑦ ᐊᒻᒪᓗ ᑐᕐᖃᑕᕐᕕᖓᓄ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ.
ᑐᕌᒐᖓ ᐋᓐᓂᐊᓯᐅᕆᓂᕐᒧᑦ ᐸᕐᓀᑕᐅᒍᑎᒃ ᓄᐃᑦᓯᓗᑎᑦ ᓄᓇᓕᓕᒫᑎᒍᑦ ᑕᑯᓐᓇᐅᔮᕐᑕᖏᓐᓂᑦ ᐱᕙᓪᓕᐊᑕᐅᒍᑎᑦᓴᖏᓐᓂᑦ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᒍᑎᓂᑦ: ᑕᑯᓐᓇᐅᔮᕐᑕᑎᑦ!