ᐁᑉᐸᕇᑦᓯᐊᕈᓐᓇᓂᖅ ᐃᓕᓭᒍᑕᐅᓂᖓᓗ

ᖃᓄᐃᖏᓯᐊᕐᓂᑯᑦ ᓄᓕᐊᕈᓐᓇᓂᖃᕈᓂ ᖃᓄᐃᓕᐅᖃᑎᒌᑦᓯᐊᓂᐅᕗᖅ, ᐊᖏᖃᑦᑕᐅᑎᓂᐅᕗᕐ, ᓲᓱᒋᔭᖃᕐᓂᐅᓱᓂ ᐊᒻᒪᓗ ᓇᓪᓕᓂᐅᑦᓱᓂ.
ᖃᓄᐃᖏᓯᐊᕐᓂᑯᑦ ᓄᓕᐊᕈᓐᓇᓂᖃᕐᓂᖅ: ᐱᒪᑎᑦᓯᑌᓕᓂᖅ, ᑫᓪᓗᑐᐃᓂᖅ ᐊᒻᒪᓗ ᐃᓕᓐᓂᐊᑎᑦᓯᓂᖅ, ᓄᓇᓕᓕᒫᑎᒍᑦ ᓱᓇᓱᐊᕐᑎᓯᓃᑦ
ᖃᓄᐃᖏᓯᐊᕐᓂᒧᑦ ᓄᓕᐊᕈᓐᓇᓂᒃᑯᑦ ᐃᓚᒌᑦᓯᐊᕈᑎᓂᖅ ᐊᒻᒪᓗ ᐊᑦᑕᓇᖕᖏᑐᒃᑯᑦ ᓄᓕᐊᕐᓂᒥᒃ ᐊᑑᑎᓲᖑᓗᓂ
ᐊᑦᑕᓇᖕᖏᓂᕐᓴᒥᓪᓂ, ᐃᓱᒪᒥᓐᓂᓴᐅᒍᓐᓇᓗᓂ
ᓄᓇᕕᒻᒥ ᓄᓕᐊᕐᓂᒥᒃ ᐃᓕᓐᓂᐊᑎᑦᓯᒍᑏᑦ: ᐳᕐᑐᓂᓕᓐᓂᒃ 7, ᐳᕐᑐᓂᕐᓴᒥ 1 ᐊᒻᒪᓗ 2 ᐊᒻᒪᓗ IPL
ᐱᐊᕋᑦᓴᑖᕆᒃᑯᓯᕐᓯᒪᓗᓂ ᐊᒻᒪᓗ ᐃᓚᒌᑎᒍᑦ ᐸᕐᓀᓂᓯᒪᓗᓂ
ᓄᓕᐊᕐᓂᑯᑦ ᐁᑦᑑᑎᐅᓲᑦ ᐊᒻᒪᓗ ᐊᐅᒃᑰᓱᑎᒃ ᐊᓐᓂᐊᓕᕐᓇᑐᐃᑦ
ᐃᑉᐱᒋᔭᐅᒍᑎᖓᓄᑦ ᐊᖑᒪᑦᓯᑎᑦᓯᒋᐊᕐᓃᑦ

ᖃᓄᐃᖏᓯᐊᕐᓂᑯᑦ ᓄᓕᐊᕈᓐᓇᓂᖃᕐᓂᖅ: ᐱᒪᑎᑦᓯᑌᓕᓂᖅ, ᑫᓪᓗᑐᐃᓂᖅ ᐊᒻᒪᓗ ᐃᓕᓐᓂᐊᑎᑦᓯᓂᖅ, ᓄᓇᓕᓕᒫᑎᒍᑦ ᓱᓇᓱᐊᕐᑕᐅᓂᖃᕐᑐᑦ

  • ᖃᓄᐃᖏᓯᐊᕐᓂᑯᑦ ᓄᓕᐊᕈᓐᓇᕕᖃᕐᓂᖅ ᓲᕐᓗ ᐃᓪᓗᕕᒐᔭᐅᕐᑐᖅ: ᐊᑐᓂᑦ ᓯᒃᑭᑕᓕᐊᖏᑦ ᐱᒻᒪᕆᐅᓂᓖᑦ
  • ᖃᓄᐃᖏᓯᐊᕐᓂᑯᑦ ᐃᓚᒌᑦᓯᐊᕈᑎᓂᕐᒧᑦ ᐱᓇᓱᐊᕈᓯᖃᕐᑎᓯᓂᖅ (ᕕᕗᐊᕆ 14 ᐱᓇᓱᐊᕈᓯᖓᓂ):  ᖃᓄᐃᖏᓯᐊᕐᑐᒥᒃ ᐃᓚᒌᑦᓯᐊᖃᑎᖃᕈᕕᑦ ᐊᓕᐊᓱᓐᓂᖃᓚᖓᕗᑎᑦ ᐃᑉᐱᓂᐊᕐᓂᑯᑦ, ᐃᓱᒪᒃᑯᑦ, ᓄᓕᐊᕐᓂᑯᑦ ᑎᒥᑎᒍᓪᓗ.
  • ᓯᓚᕐᔪᐊᒥ ᐊᓴᐱᒥᒃ ᐅᓪᓗᖃᕐᑎᓯᓂᖓᑦ, ᑏᓯᒻᐱᕆ 1-ᒥ, ᖃᐅᔨᔭᐅᑎᑦᓯᒋᐊᕐᓂᐅᓲᖑᕗᖅ, ᓱᓇᐅᖏᑑᑎᑦᑌᓕᑦᓱᒋᓪᓗ, ᐃᓕᓐᓂᐊᑎᑦᓯᓂᕐᓴᐅᕕᐅᑦᓱᓂᓗ ᐊᒻᒪᓗ ᐃᕐᙯᑎᑦᓯᒋᐊᕈᑕᐅᑦᓱᓂ ᐃᓄᓐᓂᒃ ᑕᒪᓐᓇ ᑲᒪᒋᔭᐅᒍᓐᓇᕋᓗᐊᕐᓱᓂ ᑭᓯᐊᓂ ᐊᕐᕿᑕᐅᒍᓐᓇᖏᑦᑐᖅ ᓱᓕ.
  • ᓄᓇᕐᔪᐊᒥᖑᖃᑎᒌᑦ ᐅᓪᓗᖃᕐᑎᓯᓂᖓᓄᑦ ᓄᓕᐊᕐᓂᖃᑦᓯᐊᑎᑦᓯᒐᓱᐊᕐᓂᒧᑦ, ᒣ 17-ᒥ ᐊᕐᕌᒍᑕᒫᑦ ᐅᐱᒋᔭᐅᓂᖃᓲᖑᒻᒪᑦ, ᐅᖄᖃᑎᒋᑦᑎᓯᒍᑎᐅᒍᓐᓇᑐᓂᒃ ᓄᓕᐊᓕᕆᓂᕐᒥᒃ, ᐊᒻᒪᓗ ᐱᒻᒪᕆᐅᒋᐊᖓᓄᑦ ᓲᓱᒋᔭᖃᑦᓯᐊᕆᐊᖃᕆᐊᒥᒃ ᐃᓄᓐᓂᒃ ᐃᓗᓐᓈᒍᑦ ᓄᓕᐊᕈᓐᓇᓂᒃᑯᑦ ᐱᐅᓯᖃᕐᓂᖏᓐᓂᒃ
  • Ruban en route / Ribbon on the Way / ᑕᕐᓴᖅ ᙯᔪᖅ– ᑳᖏᕐᓂᑯᓕᐅᕐᑎᐅᖏᑦᓱᓂ ᑎᒥᐅᔪᖅ ᑐᕌᒐᖃᕐᓱᓂ ᐃᓕᓐᓂᐊᑎᑦᓯᓚᖓᓂᕐᒥᒃ ᐅᕕᒃᑲᓂᒃ ᐱᒪᑎᑦᓯᑌᓕᓂᒃᑯᑦ ᑐᑭᓯᓂᕐᓗᑕᐅᒪᔪᐃᓪᓗ ᑐᑭᑖᕐᑎᒋᐊᕐᓗᒋᑦ ᐊᓴᐱᐅᑉ ᒥᑦᓵᓄᑦ, ᓯᑕᒪᒋᓕᕐᑕᖓᓂᒃ ᓄᓇᕕᒻᒥ ᐊᕐᕕᑕᓛᕐᓂᐊᑐᑦ (ᐱᖓᓱᓄᑦ ᐃᓕᓐᓂᐊᕕᓐᓄᑦ ᑌᒪᖓᑕᒫᑦ) ᐅᑦᑑᐱᕆ 2016-ᒥ, ᐃᓄᑦᔪᐊᒥ, ᓴᓪᓗᓂ ᐊᒻᒪᓗ ᑲᖏᕐᓱᔪᐊᒥ.

    ᑖᒃᑯᐊ Ribbon on the Way-ᑯᑦ ᖃᕆᑕᐅᔭᒃᑯᑦ ᓱᓇᓱᐊᕐᑎᓯᒍᓐᓇᓲᑦ ᐊᒻᒪᓗ ᓄᐃᑕᔪᖃᕐᓱᓂ ᐅᖄᔪᕐᒥᒃ ᐃᓄᒻᒥᒃ ᐊᓴᐱᓕᒻᒥᒃ.
     
  • ᑲᓇᑕᓕᒫᒥ ᓄᓇᓕᓕᒫᑦ Hepatitis C-ᒥᒃ ᖃᐅᔨᔭᐅᑎᑦᓯᒐᓱᐊᕐᓂᐅᑉ ᑕᕐᕿᖓ ᐊᒻᒪᓗ ᓯᓚᕐᔪᐊᒥ Hepatitis-ᒧᑦ ᐅᓪᓗᖃᕐᑎᓯᓂᕐᒧᑦ
    http://pauktuutit.ca/hepatitiscawareness/    (ᖃᓪᓗᓈᑎᑐᑦ ᑭᓯᐊᓂ)
    http://pauktuutit.ca/news/world-hepatitis-day/(ᖃᓪᓗᓈᑎᑐᑦ ᑭᓯᐊᓂ)

ᖃᓄᐃᖏᓯᐊᕐᓂᑯᑦ ᓄᓕᐊᕐᓂᑯᑦ ᐃᓚᒌᑦᓯᐊᕈᑎᓂᕐᒧᑦ ᐊᒻᒪᓗ ᐊᑦᑕᓇᖕᖏᑐᒃᑯᑦ ᓄᓕᐊᕐᓂᖃᕈᓐᓇᓂᕐᒧᑦ
​ᖃᐅᔨᒪᔭᐅᒋᐊᓕᒃ ᐅᓄᕐᓂᓭᑦ ᑐᑭᓯᒪᐅᑎᑦᓭᑦ ᑕᒡᒐᓂ ᐊᓪᓚᑕᐅᓯᒪᔪᑦ ᐱᔭᐅᓯᒪᒻᒪᑕ ᐅᑯᓇᖕᖓᑦ ᓄᓇᕗᑦ ᓄᓕᐊᕐᓂᑯᑦ ᖃᓄᐃᖏᓯᐊᕐᓂᓕᕆᓂᕐᒧᑦ ᐃᑲᔪᕐᓯᒪᐅᑎᖏᓐᓂᑦ

  • ᖃᓄᐃᖏᓯᐊᕐᓂᑯᑦ ᐃᓚᒌᑦᓯᐊᕈᑎᓃᑦ, ᖃᓄᐃᓕᐅᖃᑦᑕᐅᑎᑦᓱᑎᒃ ᓇᓪᓕᑳᕈᓐᓇᓱᑎᓪᓗ


ᖃᓄᐃᖏᓯᐊᕐᓂᑯᑦ ᐃᓚᒌᑦᓯᐊᕋᓱᐊᕐᓃᑦ ᑕᓪᓕᒪᓂᒃ ᐱᐅᔫᑎᑕᐅᓲᖅ ᐊᒥᓱᓄᑦ ᒪᑯᓂᖓ: ᐊᑦᑕᓇᕐᑐᒦᑦᑌᓕᒪᑦᓱᑎᒃ, ᓱᓕᑦᓯᐊᖏᓐᓇᓕᒫᕐᓗᓂ, ᐊᖏᕐᑕᐅᒪᓂᖃᑦᓯᐊᓗᓂ, ᓲᓱᒋᔭᖃᕐᓗᓂᓗ ᐊᓕᐊᒋᔭᖃᕐᓗᓂᓗ

​ᐊᑦᑕᓇᖕᖏᓂᕐᓴᒦᓐᓂᒧᑦ, ᐃᓱᒪᒥᓐᓂᓴᐅᒍᓐᓇᕐᒧᑦ

  • ᐊᑦᑕᓇᖕᖏᓂᕐᓴᑯᑦ ᓄᓕᐊᕐᓂᖃᓚᖓᒍᓂ ᐱᒋᐊᕐᕕᖃᓚᖓᔪᖅ ᑐᑭᑖᑦᓯᐊᕈᓐᓇᕆᐊᒥᒃ, ᓄᓕᐊᕐᓂᑯᑦ ᖁᐱᕐᕆᑌᓕᒪᓗᓂ, ᐱᐊᕋᑦᓴᖃᕈᓂ ᖏᒃᑯᓂᓗᓐᓃᑦ, ᐊᓐᒪᓗ ᐃᑉᐱᓂᐊᕐᓂᑯᑦ ᐃᓚᐅᖃᑕᐅᑦᓱᓂ ᓄᓕᐊᖃᑎᑎᓐᓄᑦ.  ᐃᓚᖏᓐᓄᑦ ᐊᑦᑕᓇᖏᓂᕐᓴᒥᒃ ᓄᓕᐊᕐᓂᖃᕋᓱᐊᕐᓂᖅ ᑐᑭᖃᕐᑎᑕᐅᒍᓐᓇᓲᖑᒻᒥᔪᖅ ᓄᓕᐊᕐᑌᓕᒪᖃᑦᑕᓂᒃᑯᑦ ᐅᕝᕙᓘᓐᓃᑦ ᐃᒻᒥᓂᒃ ᓄᓕᐊᕐᓂᖃᕐᓗᓂ, ᑕᒪᓐᓇ ᐱᐅᓂᕐᐸᐅᖏᓐᓇᓱᓂᓗ ᓴᐳᑦᔨᓯᒪᒍᑎᐅᓗᓂ ᑕᒪᒃᑯᓇᖕᖓᑦ ᓄᓕᐊᕐᓂᑯᑦ ᖁᐱᕐᕆᓇᕐᑐᓂᑦ ᐊᒻᒪᓗ ᐱᐊᕋᑦᓴᑖᓕᐊᕆᓂᕐᒥᑦ.  ᐊᓯᖏᑦ ᐱᐅᓯᖃᓲᑦ ᐁᑉᐸᕆᓲᒥᓂᒃ ᑭᓯᐊᓂ ᐃᓚᑐᐊᖃᓲᖑᒋᐊᒥᒃ ᐅᕝᕙᓘᓐᓃᑦ ᐅᓲᑉ ᐴᖓᓂᒃ ᐊᑐᕐᓱᑎᒃ.  ᐊᑦᑕᓇᖕᖏᓂᕐᓴᑯᑦ ᓄᓕᐊᕐᓂᖃᓲᖑᓂᖅ ᓲᓱᒋᔭᖃᕐᑎᓯᒍᑕᐅᓲᖑᒻᒪᑦ ᐃᒻᒥᓂᒃ ᑎᒥᓐᓂᓗ, ᐁᑉᐸᓄᓪᓗ ᐊᒻᒪᓗ ᑖᑦᓱᒪᐅᑉ ᑎᒥᖓᓄᑦ.

    ᐊᑭᓐᓇᒥᐅᑕᖅ

​ᓱᓇᐅᓇ ᖃᓄᐃᖏᓯᐊᕐᓂᑯᑦ ᐃᓚᒌᑦᓯᐊᓂᖅ?
ᐅᖃᐅᓯᕆᔭᐅᑐᐃᓐᓇᕈᓐᓇᒥᔪᖅ ᑕᒪᓐᓇ ᖃᓄᐃᖏᓯᐊᕐᓂᑯᑦ ᐃᓚᒌᑦᓯᐊᓂᖃᑐᐊᕈᕕᑦ ᐁᑉᐯᓗ ᐊᓕᐊᓱᓚᖓᕗᑎᒃ ᐃᑉᐱᓂᐊᕐᓂᑯᑦ, ᐃᓱᒪᒃᑯᑦ, ᓄᓕᐊᕐᓂᑯᑦ ᐊᒻᒪᓗ ᑎᒥᒃᑯᑦ.  ᑲᑎᒪᐅᑎᒋᐊᒥᒃ ᐊᓕᐊᑐᐃᓐᓇᓚᖓᑦᔭᖏᑦᑐᑎᒃ, ᑭᓯᐊᓂ ᐱᐅᓯᖃᕈᓐᓇᐳᑎᑦ ᑕᑯᑦᓴᐅᑎᑦᓯᓗᑎᑦ ᐃᒻᒥᓂᓪᓚᕆᒃ ᐊᒻᒪᓗ ᐁᑉᐯᑦ ᑌᒣᒍᓐᓇᒥᑎᓗᒍ.  ᐃᓗᓐᓇᑎᒃ ᐃᓚᒌᑦᓯᐊᕈᑎᔪᓕᒫᑦ ᐊᑦᔨᒋᓲᖑᑦᔭᖏᓪᓚᑦ, ᑭᓯᐊᓂᓕ ᖃᓄᐃᖏᓯᐊᕐᓂᑯᕐᑐᐃᑦ ᑕᓪᓕᒪᓂᒃ ᐱᐅᔫᒍᑎᖃᓲᑦ ᒪᑯᓂᖓ:
 

  • ᐊᑦᑕᓇᖕᖏᑐᒦᓐᓂᒧᑦ: ᖃᓄᐃᖏᓯᐊᕐᑐᑯᑦ ᐃᓚᒌᑦᓯᐊᓂᕐᒦᑐᐊᕈᓂ ᐊᑦᑕᓇᖕᖏᑐᒦᓐᓇᑑᓚᖓᔪᖅ.  ᐃᓱᒫᓗᓚᖓᑦᔭᖏᑦᑐᑎᑦ ᐁᑉᐸᓄᑦ ᐋᓐᓂᑕᐅᓚᖓᒋᐊᒥᒃ ᑎᒥᒃᑯᑦ ᐃᑉᐱᓂᐊᕐᓇᑐᒃᑯᓘᓐᓃᑦ, ᐊᒻᒪᓗ ᐊᑐᕈᒪᓂᖃᕈᓐᓀᓗᓂᓗ ᐱᓗᑲᓐᓂᒥᒃ ᐁᑉᐸᓂᒃ.  ᓄᑖᓂᒃ ᐅᑦᑐᕋᕈᓐᓇᕆᕗᑎᑦ (ᐅᑦᑑᑎᒋᓗᒍ ᐅᓐᓄᑯᑦ ᐃᓕᓐᓂᐊᖃᑦᑕᓗᓂ) ᐅᕝᕙᓘᓐᓃᑦ ᓱᓇᑐᐃᓐᓇᒥᒃ ᐃᓱᒪᒋᔭᕐᓂᒃ ᐊᓯᑦᔩᓗᑎᑦ (ᐅᑦᑑᑎᒋᓗᒍ ᓄᓕᐊᕈᓯᐅᓲᕐᒨᓕᖓᔪᒧᑦ) ᑲᑉᐱᐊᒋᒍᓐᓀᓗᒍ ᐁᑉᐸᐱᑦ ᖃᓄᐃᓕᓚᖓᓂᖓᑦ.
     
  • ᓱᓕᑦᓯᐊᓂᖅ: ᐱᒻᒪᐅᓂᖃᕐᑐᒥᒃ ᐃᔨᕐᓯᓯᒪᒋᐊᖃᖕᖏᐳᑎᑦ ᐁᑉᐸᓂᑦ ᐊᒻᒪᓗ ᐃᓱᒪᒋᔭᑎᓐᓂᒃ ᐅᖄᒍᓐᓇᓱᑎᒃ ᑭᓪᓕᓯᓂᐊᕐᑕᐅᓂᐊᖒᕈᓐᓀᓗᑎᑦ ᓇᕐᖓᕆᔭᐅᒍᓐᓀᓗᑎᓪᓘᓃᑦ.  ᐅᖃᕈᓐᓇᓯᐊᕐᓱᑎᓪᓗ ᑕᒻᒪᑐᕕᓂᐅᒋᐊᕐᐱᑦ.  ᐊᖏᖃᑎᒌᒍᓐᓀᕈᑦᑎᒃ ᑐᑭᑖᖃᑎᒌᑦᓯᐊᕈᓐᓇᐳᑎᒃ ᓱᓕᔪᓂᒃ ᐅᖄᖃᑎᒌᑐᐊᕈᑦᑎᒃ.
     
  • ᐊᖏᕈᑎᖃᕐᓯᒪᓂᕐᒧᑦ: ᐁᑉᐯᓗ ᐃᕝᕕᓗ ᖃᓄᐃᒋᐅᑎᖕᖏᑑᒋᐊᖃᕐᐳᑎᒃ.  ᓇᑯᕐᓴᕈᓐᓇᐳᑎᑦ ᐁᑉᐸᐱᑦ ᐃᒻᒥᒍᑦ ᐱᐅᓯᕆᓲᖏᓐᓂᒃ (ᑕᑯᕐᖓᑐᔫᒐᓗᐊᕐᐸᑦ ᐃᑉᐱᓂᐊᕈᐊᕐᑑᐸᓪᓘᓃᑦ).  ᑕᒪᒃᑯᐊ “ᐊᕐᕿᕋᓱᐊᕆᐊᖃᑦᔭᖏᑦᑕᑎᑦ” - ᐁᑉᐸᐱᑦ ᐱᐅᓯᕆᓲᖏᓐᓂᒃ ᐱᐅᑦᓴᖏᒃᑯᕕᑦ, ᕿᒥᕐᕈᒍᒪᓚᖓᔪᑦᓴᐅᕗᑎᑦ ᓱᒧᑦ ᑌᒣᑦᑑᑎᓗᒍ ᐃᓚᐅᖃᑕᐅᑐᐃᓐᓇᓲᖑᒻᒪᖔᕐᐱᑦ.
     
  • ᓲᓱᒋᐊᖃᕐᓂᒧᑦ: ᓱᓱᒋᐅᑎᔪᒻᒪᕆᐅᓲᖑᕗᑎᒃ.  ᐊᖏᓂᕐᓴᐅᑎᓲᖑᒐᑎᓪᓗ ᒥᑭᓂᕐᓴᐅᑎᒐᑎᓪᓗ ᐁᑉᐸᓄᑦ ᐱᒻᒪᕆᐅᓂᕐᑎᒍᑦ.  ᓲᓱᒋᐅᑎᑦᓱᑎᒃ ᐊᑐᓂᑦ ᐱᔪᓐᓇᐅᑎᖃᕆᐊᑦᑎᒃ ᐃᒻᒥᒎᓕᖓᔪᓂᒃ ᐃᓱᒪᖃᕈᓐᓇᕆᐊᑦᑎᒃ.  ᑕᒪᓐᓇ ᑐᑭᖃᑦᔭᖏᑦᑐᖅ ᖃᓄᐃᖏᓴᕐᑐᔮᕆᐊᖃᖕᖏᒋᐊᒥᒃ ᐁᑉᐸᐱᑦ ᓱᓂᓕᒫᑦᓯᐊᖏᓐᓂᒃ ᐅᕝᕙᓘᓐᓃᑦ ᓱᖕᖏᑑᒍᑎᖏᓐᓂᒃ (ᐅᑦᑑᑎᒋᓗᒍ ᐃᑲᔪᕐᑕᐅᒋᐊᖃᑦᓴᐸᑦ ᐃᒥᐊᓗᒻᒥᒃ ᐱᓀᓗᑕᖃᕐᓂᖓᓄᑦ).  ᐱᒪᓗᐊᕐᑌᓕᒪᒋᐊᕐᓂᖅ ᓇᒻᒥᓂᖅ ᓲᓱᒋᔭᖃᕆᐊᒥᒃ ᑕᑯᑦᓴᐅᑎᑦᓯᒪᑦ.
     
  • ᐊᓕᐊᒋᔭᖃᕐᓂᒧᑦ: ᖃᓄᐃᖏᓯᐊᕐᓂᑯᑦ ᐃᓚᒌᑦᓯᐊᕈᑎᓂᖅ ᒪᕐᕉᓄᑦ ᐃᓄᓐᓄᑦ ᑲᒪᑦᓯᐊᕈᑎᓂᑐᐃᓐᓇᐅᔭᖏᓪᓚᖅ - ᐊᓕᐊᓲᑎᒋᐊᖃᕐᒥᒪᑎᒃ.  ᖃᓄᐃᖏᓯᐊᕐᑐᒥᒃ ᐃᓚᒌᑦᓯᐊᕈᑎᑐᐊᕈᑎᒃ, ᓄᒃᑭᓯᒪᑦᓯᐊᕈᓐᓇᐳᑎᑦ ᐃᓅᑦᓯᐊᓗᑎᓪᓗ ᐁᑉᐸᐱᑦ ᓴᓂᐊᓂ.  ᐱᖕᖑᐊᖃᑎᒌᒍᓐᓇᐳᑎᒃ ᐃᔪᖃᑎᒋᓪᓗᑎᓪᓗ.  ᐊᓕᐊᓲᑎᒍᓐᓇᐳᑎᒃ.

​ᑖᒃᑯᐊ ᑐᑭᓯᒪᐅᑎᑦᓭᑦ ᐱᔭᐅᓯᒪᔪᑦ ᐅᑯᓇᖕᖓᑦ www.sexualityandu.ca  (ᖃᓪᓗᓈᑎᑐᑦ ᑭᓯᐊᓂ).  ᑕᑯᒋᕈᓐᓇᐳᑎᑦ ᖃᕆᑕᐅᔭᒃᑯᑦ ᑐᑭᓯᒋᐊᓪᓚᕈᒪᒍᕕᑦ.

  • ᐅᓱᐃᑦ ᐴᖏᑦ
    ᓄᓕᐊᓕᑐᐊᕈᓂ (ᐅᖁᒻᒥᐊᖃᑦᑕᓗᓂ, ᐳᓚᒪᖃᑦᑕᓗᓂ ᐃᑎᒃᑯᓘᓐᓃᑦ), ᐅᓱᐃᑦ ᐴᖏᑦ ᓄᓕᐊᕐᓂᑯᑦ ᖁᐱᕐᕆᑌᓕᒪᒍᑎᑦᓯᐊᖑᒍᓐᓇᐳᑦ.  ᓄᓇᕕᒻᒥ ᐅᓱᐃᑦ ᐴᖏᑦ ᐊᑐᐃᓐᓇᐅᑎᑕᐅᓲᑦ ᓄᓇᓖᑦ ᐊᓐᓂᐊᕕᓕᒫᖏᓐᓂ, ᐅᓄᕐᓂᓴᓂᓪᓗ ᓂᐅᕕᕐᕕᓂ ᐃᓚᖏᓐᓂᓗ ᐃᓕᓐᓂᐊᕕᓐᓂ ᐊᒻᒪᓗ ᒥᕝᕕᓂ.
     
  • ᑲᐴᑎᒧᑦ ᐊᖓᔮᓐᓇᑐᕐᑐᓂᖅ ᐊᒻᒪᓗ ᑲᐴᑎᓂᒃ ᖁᐱᕐᕈᐃᔭᕐᑕᐅᒪᔪᓂᒃ ᐱᕕᖃᕈᓐᓇᓂᕐᒧᑦ
    ᑲᐴᑎᒧᑦ ᐊᖓᔭᓐᓇᑐᕐᑐᓲᑦ ᐁᑦᑑᑎᖃᕈᓐᓇᓲᖑᕗᑦ ᐊᓐᓂᐊᒥᒃ ᐊᓴᐱᑖᕐᑎᓯᒍᓐᓇᑐᒥᒃ ᐊᒻᒪᓗ hepatitis B-ᒥᒃ ᐊᒻᒪᓗ C-ᒥᒃ ᐊᑐᖃᑦᑕᐅᑎᑐᐊᕈᑎᒃ ᑲᐴᑎᓂᒃ ᐊᒻᒪᓗ ᓄᓕᐊᑐᐊᕈᑎᒃ ᓴᐳᑦᔨᓯᒪᒍᑎᖃᖕᖏᑑᓗᑎᒃ.  ᑲᐴᑎᓂᒃ ᖁᐱᕐᕈᐃᔭᕐᑕᐅᒪᔪᓂᒃ ᐊᑐᐃᓐᓇᐅᑎᑦᓯᓱᓂ ᑲᐴᑎᒥᒃ ᐊᑐᓲᓄᑦ ᐃᑯᓪᓚᐅᒥᑎᑦᓯᓯᒪᒍᓐᓇᑐᖅ ᐊᑦᑕᓇᑐᐃᓐᓇᕆᐊᓕᒻᒥᑦ.  ᓄᓇᓕᓕᒫᑦ ᐃᓄᓕᒫᓂᒃ ᐊᓐᓂᐊᓂᓕᕆᕖᑦ ᐱᓇᓱᐊᕐᕕᖏᑦ ᑎᓕᔭᐅᓯᒪᔪᑦ ᑖᒃᑯᓄᖓ ᓄᓕᐊᕐᓂᑯᑦ ᖁᐱᕐᕆᑎᑦᓯᑌᓕᔨᐅᑉ ᐱᓇᓱᐊᕐᕕᖓᓄᑦ ᑯᐯᒃᑯᑦ ᐊᓐᓂᐊᓂᓕᕆᔨᖏᓐᓄᑦ ᑲᔪᓯᑎᑦᓯᒋᐊᖃᕆᐊᒥᒃ ᑌᒣᑦᑐᓄᑦ ᑎᓕᔨᓯᒪᒍᑎᓂᒃ ᑕᒫᓂ ᓄᓇᖏᓐᓂ.  ᓂᕆᐅᑦᑐᒍᑦ ᑖᒃᑯᐊ ᓄᓇᕕᒻᒥ ᐃᑲᔪᕐᓯᒪᐅᑏᑦ ᑲᔪᓯᑎᑕᐅᓂᐊᕆᐊᖏᑦ 2016 ᐱᒋᐊᕐᖃᒥᐅᓕᕐᐸᑦ.
  • ᐅᕕᓂᒃᑯᑦ ᐊᓪᓚᖑᐊᕐᑕᐅᓂᕐᒧᑦ ᐊᒻᒪᓗ ᐅᕕᓂᒻᒥᒃ ᑭᓓᓯᒪᒍᑎᓄᑦ
    ​ᖃᐅᔨᒪᕖᑦ ᓱᓇᑐᐃᓐᓀᑦ ᒪᑯᐊ (ᒥᕐᖁᑏᑦ, ᑭᑭᐊᑦ ᓄᕗᖏᑦ, ᓱᓪᓗᓖᑦ ᐊᓪᓚᐅᑎᐅᑉ ᐃᒪᑦᓴᔭᖏᓪᓕ) ᖁᐱᕐᕆᓇᕈᓐᓇᕆᐊᖏᑦ, ᐋᓐᓂᐊᑖᕐᕕᐅᒍᓐᓇᕆᐊᖏᓪᓗ hepatitis B-ᒥᓗ C-ᒥᓗ ᐊᒻᒪᓗ ᐊᓴᐱᑖᕐᑎᓯᒍᓐᓇᑐᒥᒃ?  ᐊᑦᑕᓇᕈᓐᓇᓂᖓᓂᒃ ᐃᑯᓪᓚᐅᒥᑎᑦᓯᒍᓐᓇᐳᑎᒃ ᐊᓪᓚᖑᐊᕐᑎᒋᔦᓪᓗ ᐊᒻᒪᓗ ᐅᕕᓂᓐᓂᒃ ᑭᓓᒍᓐᓇᑐᓂᒃ.

ᓄᓇᕕᒻᒥ ᓄᓕᐊᕐᓂᒥᒃ ᐃᓕᓐᓂᐊᑎᑦᓯᓂᕐᒧᑦ ᐃᑲᔪᕐᓯᒪᐅᑏᑦ -

ᐳᕐᑐᓂᕐᓴᓖᑦ 7 ᐊᒻᒪᓗ

ᐳᕐᑐᓂᕐᓴᓂ 1 ᐊᒻᒪᓗ 2 ᐊᒻᒪᓗ IPL


ᓄᓇᕕᒻᒥ ᓄᓕᐊᕐᓂᒥᒃ ᐃᓕᓐᓂᐊᑎᑦᓯᓂᕐᒧᑦ ᐃᑲᔪᕐᓯᒪᐅᑏᑦ, ᐊᑐᐃᓐᓇᐅᑎᑕᐅᑦᓱᑎᒃ ᐱᖓᓱᓂᒃ ᐅᖃᐅᓯᖃᕐᑎᓗᒋᑦ, ᐱᕙᓪᓕᐊᑎᑕᐅᓯᒪᕗᖅ ᓄᓇᕕᒻᒥ, ᐃᓗᓪᓕᑐᕐᑕᐅᒪᑦᓱᓂ ᐅᕕᒃᑲᓄᑦ, ᐊᖓᔪᕐᖄᕆᔭᐅᔪᕐᓄᑦ ᐃᓕᓐᓂᐊᑎᑦᓯᔨᓄᓪᓗ ᐊᒻᒪᓗ ᐃᓱᒪᒋᒻᒥᓱᒋᑦ ᐃᓄᐃᑦ ᐃᓪᓕᕆᔭᖏᑦ.  ᐅᖃᐅᓯᖃᕐᑐᑦ ᒪᑯᓂᖓ ᐃᒻᒥᓂ ᓲᓱᒋᔭᖃᕐᓂᒥᒃ, ᖃᓄᐃᖏᓯᐊᕐᑐᒥᒃ ᐃᓚᒌᑦᓯᐊᕈᑎᓂᕐᓂᒃ, ᑎᒥᒥᒃ ᐊᒻᒪᓗ ᐊᐅᓚᑕᐅᓲᓂᒃ, ᐱᐅᓯᕆᓲᖏᓐᓂᓗ ᐊᑦᑕᓇᕐᑐᑯᑦ ᐊᑦᑕᓇᖕᖏᑐᒃᑯᓗ, ᓄᓕᐊᕐᓂᑯᑦ ᖁᐱᕐᕆᓇᕐᑐᓂᓪᓗ ᐊᒻᒪᓗ ᐊᐅᒃᑯᑦ ᐋᓐᓂᐊᑖᕆᔭᐅᒍᓐᓇᑐᓂᒃ, ᐅᓲᑉ ᐴᖓᓂᒃ ᐊᑐᕆᐊᖃᕐᓂᒧᓪᓗ ᐊᒻᒪᓗ ᐱᐊᕋᑦᓴᑖᕆᒃᑯᑎᓂᒃ.

ᑲᑎᕕᒃ ᐃᓕᓐᓂᐊᓂᓕᕆᕕᖓᑦ ᐃᓕᓐᓂᐊᕕᓐᓂᒃ ᐊᑐᕐᑕᐅᖁᔨᓲᖑᒐᓗᐊᕐᑎᓗᒋᑦ, ᑐᑭᑖᕐᑕᐅᒋᐊᖃᓲᖑᓂᖏᑦ ᐊᑐᕐᑐᓴᐅᒻᒪᖔᕐᒥᒃ ᐃᓄᑑᓈᕐᑎᑐᓄᑦ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᓐᓄᑦ ᐱᓇᓱᑦᑎᖏᓐᓄᓗ.  ᐋᓐᓂᐊᓯᐅᕐᑏᑦ ᐱᓇᓱᐊᖃᑎᖃᖁᔭᐅᓲᖑᒻᒪᑕ ᐃᓕᓐᓂᐊᕕᓐᓂᒃ ᑕᒪᑦᓱᒧᖓ ᐃᑲᔪᕐᓯᒪᐅᑎᒥᒃ ᐊᑑᑎᔭᐅᑎᑦᓯᓕᕈᑎᒃ.  ᓴᓇᕐᕈᑎᓕᐊᖑᓯᒪᔪᑦ ᐊᑐᓂᑦ ᐳᕐᑐᓂᕐᓴᓂ ᐃᓕᓐᓂᐊᕕᓐᓂᓗ ᐊᒻᒪᓗ ᓄᓇᓖᑦ ᐋᓐᓂᐊᕕᖏᓐᓂ ᐊᑐᐃᓐᓇᐅᑎᑕᐅᓲᖑᕗᑦ.

ᑐᑭᓯᒋᐊᓪᓚᕈᒪᔪᖃᕐᐸᖅ ᐅᖄᖃᑎᒋᓗᒍ ᐋᓐᓂᐊᓯᐅᕐᑎᒃ ᑕᒪᑦᓱᒧᖓ ᓄᓕᐊᕐᓂᑯᑦ ᖃᓄᐃᖏᓯᐊᕐᓂᓕᕆᓂᒃᑯᑦ ᐃᑲᔪᕐᓯᒪᐅᑎᖏᓐᓂᒃ ᐅᕙᓂ 819 964-2222, ᐊᒻᒪᕕᒋᓗᒍ 269.

​ᐱᐊᕋᑦᓴᑖᕆᒃᑯᓯᕐᓯᒪᓗᓂ ᐊᒻᒪᓗ ᐃᓚᒌᑎᒍᑦ ᐸᕐᓀᓂᓯᒪᓗᓂ

  • ᓄᓕᐊᕈᓐᓇᓲᑦ ᐁᑉᐸᕆᑦᑐᑦ ᐊᒻᒪᓗ ᐊᕐᓀᑦ ᑐᑭᑖᕈᓐᓇᓲᑦ ᖃᖓᐅᓕᕐᐸᑦ ᕿᑐᕐᖏᐅᔪᑦᓴᐅᓕᕆᐊᒥᒃ ᐃᓚᒥᓄᑦ ᐊᑐᕐᓗᑎᒃ ᐃᓅᓕᕐᑎᓯᓂᕐᒥᒃ ᐊᐅᓚᑦᓯᓂᕐᒥᒃ.  ᐊᒥᓱᒐᓚᓐᓂᒃ ᐱᐊᕋᑦᓴᑖᕐᑎᓯᑦᑌᓕᒍᑎᓂᒃ ᐱᕕᖃᕐᑎᑕᐅᔪᖃᓲᖑᕗᖅ ᐊᒻᒪᓗ ᐅᓱᐃᑦ ᐴᖏᑦ ᐃᓚᒋᔭᐅᓲᖑᑦᓱᑎᒃ.  ᖃᐅᔨᒪᔭᐅᒋᐊᓕᒃ ᑕᒪᒃᑯᐊ ᐱᐊᕋᑦᓴᑖᕇᒃᑯᑏᑦ ᐁᔭᒉᑦ ᓴᐳᑦᓯᔨᒪᓲᖑᖏᒪᑕ ᖁᐱᕐᕆᓇᕐᑐᓂᑦ.  ᐊᑐᖏᓐᓇᖃᑦᑕᑐᑦᓴᐅᕗᑎᑦ ᐅᓲᑉ ᐴᖓᓂᒃ ᐁᑉᐸᐱᑦ ᓄᓕᐊᕐᓂᕆᓯᒪᔭᖓᓂᒃ ᓯᕗᓂᐊᒍᑦ ᖃᐅᔨᒪᖕᖏᑯᕕᑦ, ᐊᑕᐅᓯᑐᐃᓐᓇᐅᖏᑦᑐᒥᓗ ᑐᑎᖃᑦᑕᓯᒪᒍᕕᑦ ᐅᕝᕙᓘᓐᓃᑦ ᖃᐅᔨᒪᖕᖏᑯᕕᑦ ᖁᐱᕐᕆᓯᒪᒋᐊᒥᒃ.  ᑕᑯᔭᐅᒍᒪᕆᐊᖃᕐᐳᑎᑦ ᐋᓐᓂᐊᓯᐅᕐᑎᒥᒃ ᐃᕐᖑᓯᐅᕐᑎᒥᓪᓘᓃᑦ ᓄᓇᓖᑦ ᐋᓐᓂᐊᕕᖓᓂ ᐅᖄᖃᑎᒋᓗᒋᑦ ᓱᓀᑦ ᐱᐊᕋᑦᓴᑖᕆᒃᑯᑎᐅᒍᓐᓇᑐᑦ ᐱᐅᓂᕐᐸᐅᒪᖔᑕ ᐃᓕᓐᓄᑦ.\
    • ​ᐱᐊᕋᑦᓴᑖᕆᒃᑯᑏᑦ ᐊᑦᔨᒋᖏᑑᓂᖏᓐᓄᑦ (ᐱᑐᕝᕕᒋᓗᒍ) (ᖃᓪᓗᓈᑎᑐᑦ ᑭᓯᐊᓂ)
    • ᐅᐃᒪᓇᕐᑐᒥᒃ ᐱᐊᕋᑦᓴᑖᕆᒃᑯᑎᐅᑦᓱᑎᒃ ᐄᔭᒉᑦ
      ᐅᐃᒪᓇᕐᑐᒥᒃ ᐱᐊᕋᑦᓴᑖᕆᒃᑯᑎᐅᑦᓱᓂ ᐄᔭᒐᖅ, ᖃᐅᔨᒪᔭᐅᒍᓯᖃᕐᒥᓱᓂ ᐅᓪᓛᑯᑦ ᐄᔭᐅᓲᑦᓴᔭᐅᒋᐊᖓᓂᒃ ᐊᑐᕐᑕᐅᔪᖃᕈᓐᓇᑐᖅ ᐱᖓᓱᐃᑦ ᐅᓪᓗᐃᑦ ᐃᓗᐊᓂ ᓄᓕᐊᕐᑐᕕᓂᐅᓯᒪᓗᓂ ᓴᐳᑦᔨᓯᒪᒍᑎᖃᖕᖏᓗᑎᒃ (ᐱᔭᐅᑦᓴᐅᑎᒋᒍᓂ ᐊᑐᕐᓂᖃᑦᓯᐊᓂᕐᓴᐅᓂᐊᕐᑐᖅ)
      http://irespectmyself.ca/Emergency%20Contraception%20Pill    (ᖃᓪᓗᓈᑎᑐᑦ ᑭᓯᐊᓂ)

​ᓄᓕᐊᕐᓂᑯᑦ ᐁᑦᑑᑎᐅᒍᓐᓇᑐᑦ ᐊᒻᒪᓗ ᐊᐅᒃᑯᑦ ᐊᓐᓂᐊᓕᕈᑎᐅᒍᓐᓇᑐᓄᑦ

ᐋᓐᓂᐊᑖᕐᓇᑐᐃᑦ ᐁᑦᑑᑎᒋᔭᐅᒍᓐᓇᑐᑦ ᓄᓕᐊᕐᓂᑯᑦ ᐅᕝᕙᓘᓐᓃᑦ ᓱᓇᒐᓚᓐᓂᒃ ᐊᑐᖃᑎᒌᓐᓂᑯᑦ, ᒪᑯᑎᒍᓇ ᑲᐴᑎᓄᑦ, ᓯᖁᒥᑦᓯᓲᒥᒃ ᐅᕕᓂᒻᒥᒃ.  ᑕᒪᒃᑯᐊ ᐊᓐᓂᐊᓕᕐᓇᑐᐃᑦ ᑌᔭᐅᒍᓯᖃᕐᑐᑦ ᐃᒣᑦᑐᓂᒃ ᓄᓕᐊᕐᓂᑯᑦ ᐁᑦᑑᑎᐅᓲᑦᓴᔦᑦ ᐊᒻᒪᓗ ᐊᐅᒃᑯᑦ ᐋᓐᓂᐊᓇᕐᑐᑖᕐᓇᑐᓂᒃ.  ᑕᒪᒃᑯᐊ ᐋᓐᓂᐊᑖᕐᓇᑐᐃᑦ ᐃᒣᑦᑑᒍᓐᓇᒪᑕ chlamydia, gonnerrhoea, HIV/AIDS, hepatitis B ᐊᒻᒪᓗ C, ᐊᒻᒪᓗ syphilis.  ᑕᒪᒃᑯᓄᖓ ᐋᓐᓂᐊᑖᕐᑌᓕᓃᑦ, ᐊᒻᒪᓗᑦᑕᐅᑦ ᖃᐅᔨᓴᕐᑕᐅᓃᑦ ᑲᒪᒍᑎᐅᔪᐃᓪᓗ ᐋᓐᓂᐊᑖᕐᓯᒪᔪᓂᒃ ᓄᓇᕕᒻᒥᐅᓂᒃ ᐊᑑᑎᔭᐅᓪᓚᕆᒋᐊᖃᕐᐳᑦ ᓄᓇᓖᑦ ᖃᓄᐃᖏᓯᐊᕐᓂᒦᒍᒪᑐᐊᕈᑎᒃ.

  • Gonorrhea ᐊᒻᒪᓗ chlamydia
    Gonorrhea ᐊᒻᒪᓗ chlamydia ᐋᓐᓂᐊᖑᕗᑦ ᑌᒣᓕᑎᑕᐅᓱᖑᑦᓱᑎᒃ ᖁᐱᕐᕈᑯᓗᓐᓄᑦ ᐁᑦᑑᑎᐅᓲᓄᑦ ᓄᓕᐊᕐᓂᑯᑦ ᐃᓅᓕᕐᑎᓯᓂᒃᑯᓘᓐᓃᑦ.  ᑖᒃᑯᐊ ᐊᓐᓂᐊᓕᕐᑎᓯᒍᓐᓇᓲᑦ pharynx-ᒥᒃ, ᐃᑎᕐᒥᓗ, cervix-ᒥᓗ ᐃᓪᓕᐊᖃᐅᑎᒥᓪᓗ, ᐃᑦᔪᓂᓪᓗ ᐅᓱᒻᒥᓗ ᐊᒻᒪᓗ ᐃᔨᓂ.  ᑕᒪᓐᓇ ᖁᐱᕐᕆᓇᕐᑐᖅ ᓂᐸᖃᖕᖏᑑᑦᓯᐊᕈᓐᓇᐳᖅ ᐊᒻᒪᓗ ᐃᓱᐃᓪᓕᖓᐅᑎᐅᒍᓐᓇᑐᑦ ᐃᑉᐱᓇᕈᓐᓀᓗᑎᒃ.  ᑕᒪᒃᑯᐊ chlamydia ᐊᒻᒪᓗ gonorrhoea, ᑲᒪᒋᔭᐅᓇᓵᑐᐊᕈᑎᒃ, ᐊᕗᖓᓕᒫᖅ ᖁᓕᕈᕐᑎᓯᑦᑖᕈᓐᓇᑐᑦ ᐃᓪᓕᐊᖃᐅᑎᒥᒃ, ᐋᓐᓂᐊᒍᑎᐅᒍᓐᓇᓱᑎᓪᓗ ᐊᒻᒪᓗ ᐱᐊᕋᑦᓴᑖᕐᖃᔦᕐᓗᓂ.  ᑭᓯᐊᓂ, ᖃᐅᔨᔭᐅᑦᓴᐅᑎᒋᑐᐊᕋᒥᒃ, ᐊᕐᕿᑕᐅᒍᓐᓇᓲᑦ ᐄᔭᒐᕐᓄᑦ.  ᓄᓇᕕᒻᒥᐅᑦ ᓄᓕᐊᓲᖑᑐᐊᕈᑎᒃ ᖃᐅᔨᓴᕐᑕᐅᖃᑦᑕᑐᑦᓴᐅᕗᑦ ᐊᕐᕌᒍᑕᒫᑦ gonorrhoea ᐊᒻᒪᓗ chlamydia-ᖃᕐᒪᖔᕐᒥᒃ, ᐅᕝᕙᓘᓐᓃᑦ ᖃᐅᔨᓴᕐᑕᐅᑲᑦᑕᓂᕐᓴᐅᓗᑎᒃ ᓄᑖᓂᒃ ᐊᒥᓱᓂᓪᓘᓃᑦ ᓄᓕᐊᖃᑦᑕᑐᐊᕈᑎᒃ.
    • ᖃᕆᑕᐅᔭᒥᑦᑐᑦ ‘ᐃᒻᒥᓂᒃ ᓲᓱᒋᔭᖃᕐᐳᖓ / I Respect Myself / Je me respecte (ᐱᑐᕝᕕᒋᓗᒍ) (ᖃᓪᓗᓈᑎᑐᑦ ᑭᓯᐊᓂ)
  • HIV/ᐊᓴᐱᑖᕐᑎᓯᒍᓐᓇᑐᑦᓱᓂ ᐋᓐᓂᐊᖑᔪᖅ
    HIV ᐊᓐᓂᐊᖑᕗᖅ ᐊᓴᐱᑖᕐᑎᓯᒍᑕᐅᒍᓐᓇᓱᓂ.  ᑕᒪᓐᓇ HIV ᐁᑦᑑᑎᒋᔭᐅᒍᓐᓇᑐᖅ ᐃᓄᒻᒥᑦ ᐃᓄᒻᒧᑦ ᐊᐅᖓᑎᒍᑦ (ᑲᐴᑎᒥᒃ ᐊᑐᖃᑎᒌᑐᐊᕈᑎᒃ, ᐱᐊᕋᑦᓴᓕᓐᓂᓗ ᐊᓈᓇᒋᔭᐅᔪᓂᒃ, ᐅᑦᑑᑎᒋᓗᒍ), ᖃᐸᒃᑯᓗ ᐅᕝᕙᓘᓐᓃᑦ ᐅᑦᓱᖓᑕ ᐊᓂᐊᑦᓯᓂᖓᒍᑦ (ᓄᓕᐊᕐᓂᑯᑦ)  ᑕᒪᓐᓇ ᐁᑦᑑᑎᒋᔭᐅᒍᓐᓇᖏᑦᑐᖅ ᓭᒧᕐᓂᑯᑦ, ᖁᐃᕐᑐᓂᒃᑯᓘᓐᓃᑦ ᐅᕝᕙᓘᓐᓃᑦ ᓂᕆᖃᑎᒌᓐᓂᑯᑦ.  ᖃᐅᔨᔭᐅᔪᖃᓚᐅᕐᓯᒪᖕᖏᑐᖅ HIV ᐊᕐᕿᑕᐅᒍᓯᖓᓂᒃ, ᑭᓯᐊᓂ ᑲᒪᒋᔭᐅᒍᓐᓇᓲᑦ ᐋᓐᓂᐊᖓᓂᒃ ᐊᐅᓚᑦᓯᒍᑎᒋᔭᐅᒍᓐᓇᓲᓄᑦ ᐊᒻᒪᓗ ᑕᒪᒃᑯᐊ HIV-ᓖᑦ ᐃᓅᓯᖃᑦᓯᐊᑐᐃᓐᓇᕈᓐᓇᓂᐊᓕᕐᒪᑕ ᐱᕙᓪᓕᐸᓪᓕᐊᓂᖃᕐᑐᒥᒃ.  ᓄᓇᕕᒻᒥᐅᑦ ᐊᓴᐱᑖᕐᑎᓯᒍᓐᓇᑐᓂᒃ/ᐊᓴᐱᓂᒃ ᐋᓐᓂᐊᓕᓐᓂᒃ ᓴᐳᒻᒥᔭᐅᓯᒪᖁᓗᒋᑦ ᑕᒫᓂ ᓄᓇᑦᑎᓂᒃ ᐊᒻᒪᓗ ᓄᑖᓂᒃ ᐋᓐᓂᐊᑖᕐᑎᓯᑦᑌᓕᒪᒍᑎᑦᓴᒧᑦ, ᑐᓴᕆᐊᑦᓯᐊᕈᓐᓇᐳᑎᑦ ᑕᒪᑦᓱᒪ ᐊᓴᐱᐅᑉ ᒥᑦᓵᓄᑦ.
  • Syphilis/ᓯᕕᓕᔅ
    ᖃᕆᑕᕐᒧᑦ.  ᑕᒪᓐᓇ ᐊᑦᑕᓇᕐᑐᒪᕆᐅᕗᖅ ᐱᐊᕋᑦᓴᒧᑦ ᐊᓈᓇᖓ ᑌᒣᑦᑐᒥᒃ ᖁᐱᕐᕆᓯᒪᑐᐊᕐᐸᑦ ᐱᐊᕋᑦᓴᖃᕐᓗᓂ.  ᖃᐅᔨᔭᐅᑦᓴᐅᑎᒋᑐᐊᕈᓂ ᑕᒪᓐᓇ syphilis ᐊᕐᕿᑕᐅᒍᓐᓇᑐᖅ ᑲᐴᑎᒧᑦ ᐋᓐᓂᐊᓯᐅᑎᑐᕐᑎᑕᐅᒍᓂ.ᖃᕆᑕᐅᔭᒃᑯᑦ ‘ᐃᒻᒥᓂᒃ ᓲᓱᒋᔭᖃᕐᐳᖓ/I repect myself (ᐱᑐᕝᕕᒋᓗᒍ: ) (ᖃᓪᓗᓈᑎᑐᑦ ᑭᓯᐊᓂ)
  • Hepatitis C
    Hepatitis C ᐋᓐᓂᐊᕕᖑᕗᖅ ᐊᐅᒥᓲᖑᑦᓱᓂ, ᐁᑦᑑᑎᒋᔭᐅᓲᖑᑦᓱᓂ ᑲᐴᑎᒥᒃ ᐊᑐᖃᑎᒌᑦᑐᖃᑐᐊᕐᒪᑦ.  ᑕᒪᓐᓇ ᓱᕐᕃᓯᒪᒍᓐᓇᑐᖅ ᑎᖑᒥᒃ ᐊᒻᒪᓗ ᐊᕐᕿᑕᐅᕐᖃᔭᖕᖏᑐᕐᑖᑎᑦᓯᒍᓐᓇᓱᓂ cirrhosis-ᒥᓗ.
  • Hepatitis B  (ᖃᓪᓗᓈᑎᑐᑦ ᑭᓯᐊᓂ)
    Hepatitis B ᐋᓐᓂᐊᖑᕗᖅ ᐁᑦᑑᑎᒋᔭᐅᒍᓐᓇᓱᓂ ᐊᐅᒃᑯᑦ, ᑲᐴᑎᓂᒃ ᐊᑐᖃᑎᒌᑦᑐᓄᓗᐊᖑᐊᖅ ᓄᓕᐊᕐᓂᑯᓪᓘᓃᑦ.  ᓱᕐᕃᒍᓐᓇᓲᖑᕗᖅ ᑎᖑᒥᒃ ᐊᒻᒪᓗ ᐊᕐᕿᑕᐅᕐᖃᔭᖕᖑᑐᕐᑖᕈᑎᐅᒍᓐᓇᓱᓂ cirrhosis-ᒥᓗ.
     
  • HPV, ᐅᓱᒃᑯᑦ/ᐅᑦᓱᑯᑦ ᖁᐱᕐᕈᓯᒪᓂᕐᒧᑦ (ᖃᓪᓗᓈᑎᑐᑦ ᑭᓯᐊᓂ)
    Herpes ᐋᓐᓂᐊᖑᕗᖅ ᑲᓚᓕᕐᑎᓯᒍᓐᓇᓱᓂ ᖃᓂᒃᑯᑦ ᐅᓱᒃᑯᓘᓐᓃᑦ/ᐅᑦᓱᑯᓪᓘᓂᑦ.  ᐁᑦᑑᑎᐅᒍᓐᓇᓱᓂᓗ ᑯᓂᐅᕐᓂᑯᑦ ᓄᓕᐊᕐᓂᑯᓪᓘᓃᑦ.  ᑕᒪᒃᑯᐊ ᑲᓓᑦ ᐊᓐᓂᐊᓇᕐᑐᒪᕆᐅᓲᖑᕗᑦ ᐊᒻᒪᓗ ᐅᑎᕐᑕᕈᓐᓇᓱᑎᒃ ᐃᓄᑉ ᐋᓐᓂᐊᑕᓕᐅᑉ ᐃᓅᓯᓕᒫᖓᓂ.  ᑕᒪᓐᓇ Herpes ᐊᐅᓚᑕᐅᓂᖃᕈᓐᓇᓲᖑᕗᖅ ᐋᓐᓂᐊᓯᐅᑎᓄᑦ ᑭᓯᐊᓂ ᐊᕐᕿᑕᐅᒍᓐᓇᖏᑦᑐᖅ.
     
  • ​Chlamydia ᕿᒥᕐᕈᐊᒍᓗᐃᑦ (ᐊᓪᓚᓯᒪᔪᐃᑦ ᐱᑐᕝᕕᒋᓗᒋᑦ)
  • ᐅᓱᒃᑯᑦ/ᐅᑦᓱᑯᑦ ᖁᐱᕐᕆᓯᒪᓂᕐᒧᑦ ᕿᒥᕐᕈᐊᒍᓗᐃᑦ (ᐱᑐᕝᕕᒋᓗᒍ)
  • ᐅᓱᒃᑯᑦ/ᐅᑦᓱᑯᑦ ᐅᖕᖑᖃᕐᓂᒧᑦ (ᐱᑐᕝᕕᒋᓗᒋᑦ ᐊᓪᓚᓯᒪᔪᑦ)
  • Gonorrhea ᕿᒥᕐᕈᐊᒍᓗᐃᑦ (ᐱᑐᕝᕕᒋᓗᒍ )
  • Hepatitis B ᕿᒥᕐᕈᐊᒍᓗᖏᑦ (ᐱᑐᕝᕕᒋᓗᒍ)
  • HIV – AIDS/ᐊᓴᐱᒨᓕᖓᔪᑦ ᕿᒥᕐᕈᐊᒍᓗᐃᑦ (ᐱᑐᕝᕕᒋᓗᒍ)
  • ᖃᐅᔨᒪᒋᐊᖃᕐᓂᒧᑦ ᕿᒥᕐᕈᐊᒍᓗᐃᑦ (ᐱᑐᕝᕕᒋᓗᒍ)
  • ᖃᓄᐃᓪᓗᐊᑐᒥᒃ ᐱᕕᖃᕐᐳᖓ? ᕿᒥᕐᕈᐊᒍᓗᐃᑦ – (ᐱᑐᕝᕕᒋᓗᒍ)
  • Syphilis ᕿᒥᕐᕈᐊᒍᓗᐃᑦ (ᐱᑐᕝᕕᒋᓗᒍ)
     

ᐃᑉᐱᒋᔭᖃᕐᓂᒧᑦ ᐊᖑᒪᑦᓯᑎᑦᓯᒋᐊᕈᑏᑦ

Gonorrhea ᐊᒻᒪᓗ chlamydia ᖁᐱᕐᕆᓯᒪᓃᑦ ᓄᓇᕕᒻᒥ ᐳᕐᑐᓂᕐᓴᐅᕗᑦ ᑕᒪᖕᖓᑦ ᑯᐯᓕᒫᒥᑦ, ᑕᒪᓐᓇᓗ ᐃᑉᐱᒋᔭᐅᓯᒪᓕᕐᓱᓂ 20 ᐊᕐᕌᒍᐃᑦ ᐅᖓᑖᓅᓕᕐᑐᓂᒃ.

ᑭᓯᐊᓂᓕ, ᐊᓯᖏᑦ ᐃᓄᐃᑦ/ᓄᓇᓕᑐᙯᑦ ᑲᓇᑕᒥ ᑌᒣᓕᖓᑎᓐᓇᒋᑦ, ᓄᓇᕕᒻᒥ ᐊ.ᓴ.ᐱ.ᐅᑉ ᖁᐱᕐᕈᖓᓂᒃ ᐁᑦᑐᑕᐅᓯᒪᔪᑦ ᑌᒣᓪᓗᐊᓭᓐᓇᐳᑦ, ᑕᒐᑕᒐᐅᓂᖓᓂ, ᐃᑭᑦᑐᒪᕆᐅᑦᓱᑎᒃ. ᐊᒥᓱᒻᒪᕆᓐᓄᑦ ᐁᑦᑐᑑᑕᐅᓯᒪᑎᓪᓗᒋᑦ ᒪᑯᐊ gonorrhea, chlamydia ᐊᒻᒪᓗ syphillis , ᐃᓱᒫᓗᓐᓇᑑᓕᕐᖁᖅ ᐊ.ᓴ.ᐱ.ᐅᑉ ᖁᐱᕐᕈᖓᑕ ᐁᑦᑐᑑᑕᐅᕙᓪᓕᐊᓂᕆᑐᐃᓐᓇᕆᐊᖃᕐᓂᖓ.

ᓯᕗᓂᑦᓴᒥᒃ ᐃᑉᐱᒋᔭᖃᕈᒪᒍᕕᑦ: ᐊᕐᕿᓱᕐᓯᒪᔪᓂᓪᓗ ᑭᓯᑕᐅᒪᔪᓂᓪᓗ ᐃᓄᓐᓄᐊᖓᔪᓄᑦ (ᑐᓴᕐᑎᓯᒍᑎᐅᓲᓂᒃ ᐊᕐᕌᒍᑕᒫᑦ, ᐱᒋᐊᕐᕕᖃᕐᑎᓗᒋᑦ 2016-ᒥ.