- ᓱᓀᓐᓈ ᐊᓂᕐᕋᒥ ᐃᒻᒥᓂᕐᓱᒍᓐᓇᓂᕐᒧᑦ ᑮᓇᐅᔭᕐᑖᒍᓐᓇᓂᖅ
- ᖃᐅᔨᒪᔭᐅᓪᓚᕆᒋᐊᓖᑦ ᑲᒪᔨᒋᔭᐅᓲᓄᑦ ᐱᓇᓱᑦᑎᓄᑦ
- ᓇᐅᓕᒫᓄᑦ ᖃᕆᑕᐅᔭᕐᕕᖓᑕ ᒪᑉᐱᕋᖓ ᖃᕆᑕᐅᔭᑎᒍᓪᓗ ᑐᓴᐅᒪᑦᓯᓂᕐᒧᑦ ᐊᑐᕐᓂᖅ
- ᖃᓄᖅ ᐱᒐᓱᐊᒍᓐᓇᖃ ᐅᕝᕙᓘᓐᓃᑦ ᓴᐳᒻᒥᔭᐅᓕᒍᓐᓇᖃ
ᑕᒪᑦᓱᒪ ᐊᓂᕐᖃᒥ ᐃᒻᒥᓂᕐᓱᒍᓐᓇᓂᕐᒧᑦ ᑮᓇᐅᔭᕐᑖᕈᑎᐅᓲᑦ ᒥᑦᓵᓄᑦ
ᓯᕗᓂᐊᒍᑦ ᖃᐅᔨᒪᔭᐅᒍᑎᐅᓯᒪᔪᖅ ᐃᒪᒃ ᑐᕃᓐᓇᑐᒥᒃ ᑮᓇᐅᔭᕐᑖᒍᑎᒃ ᑮᓇᐅᔭᑦᓴᔭᖅ, ᐊᓂᕐᕋᒥ ᐃᒻᒥᓂᕐᓱᒍᓐᓇᓂᕐᒧᑦ ᑮᓇᐅᔭᕐᑖᕈᑎᐅᓲᖅ ᐱᕕᑦᓴᖃᕐᑎᓯᔪᖅ ᐃᓄᒻᒥᒃ ᐊᓂᕐᕋᒥᐅᑕᓕᒻᒥᒃ ᑮᑖᐱᒃ ᐱᒐᓱᐊᒍᓐᓇᑐᒥᒃ ᐱᓇᓱᑦᑎᑖᕐᓂᒥᒃ ᐱᒍᒪᔭᒥᓂᒃ ᐃᑲᔪᕐᓯᓂᐊᕐᑐᒥᒃ ᐊᓂᕐᕋᒥ ᓴᐳᒻᒥᔪᑦᓴᒥᒃ. ᑖᓐᓇ ᐃᑲᔪᕐᑕᐅᔪᖅ ᑲᒪᒋᔭᐅᑦᓱᓂ ᑌᔭᐅᓂᖃᓲᖅ ᐊᑐᕐᑎᒃ-ᐱᓇᓱᕝᕕᒃ, ᑖᓐᓇ ᐱᒐᓱᐊᕐᓂᖅ ᐊᑭᓖᑦᓯᐊᖃᑦᑕᓂᐊᕐᑎᓗᒍ, ᑮᓇᐅᔾᔭᓵᑦ ᐊᐅᓚᑕᐅᓂᖏᑦ, ᐱᓇᓱᑦᑎᓗ ᓴᐳᒻᒥᔭᐅᑦᓯᐊᑎᓪᓗᒋᑦ.
ᖃᐅᔨᒪᔭᐅᓗᐊᖕᖑᐊᕆᐊᓖᑦ ᑲᒪᒋᔭᖃᓲᓄᑦ:
- ᑫᕙᓪᓚᒍᓯᑕᓵᑦ ᑮᓇᐅᔾᔭᓵᑦ: $30/ᑫᕙᓪᓚᒍᓯ (ᐱᐅᓯᕐᓲᑎᐅᓲᑦ ᐱᔭᕐᑕᐅᓲᑦ ᐊᑑᑎᓲᑦ)
- ᐊᑭᓖᖃᑦᑕᓗᓂ ᐱᓇᓱᐊᕈᓰᒃ ᒪᕐᕈᑕᒫᑦ ᑐᕃᓐᓇᑐᒥᒃ ᑭᓇᐅᔭᒃᑯᕕᒻᒨᓯᓗᑎᒃ
- ᑮᓇᐅᔾᔭᓵᓕᕆᕿᔩᑦ ᐊᐅᓚᑦᓯᓲᑦ ᐅᕘᓇ Desjardins HR Solutions, ᑖᑦᓱᒪᓗ ᓄᓇᕕᒻᒥ ᐃᓗᓯᓕᕆᔨᒻᒪᕆᒃᑯᑦ ᓴᐳᒻᒥᓂᖓᒍᑦ
- ᐊᓯᔾᔨᒍᓐᓇᑐᕐᑎᒍᑦ ᐅᓪᓗᖁᑏᑦ ᐊᖏᕈᑎᕕᓃᑦ ᑖᑦᓱᒪᓗ ᐊᑐᕐᑎᖅ-ᐱᓇᓱᕝᕕᓗ
- CNESST ᓴᐳᒻᒥᔭᐅᓂᓕᒃ ᐱᓇᓱᓐᓂᒨᓕᖓᔪᓄᑦ ᐊᕐᖁᓇᕐᓂᓄᑦ
- ᐱᓇᓱᓐᓂᓅᓕᖓᔪᑦ ᐃᓕᖓᔪᑦ ᐊᑐᕐᑎᒃ-ᐱᓇᓱᕕᒃ, ᐋᓐᓂᐊᕕᐅᖕᖏᑐᖅ
ᐱᒻᒪᕆᒃ:
ᓯᕗᓪᓕᐹᖅ ᐊᑭᓖᓂᖅ ᐊᑯᓂᕈᑦᓯᑐᐃᓐᓇᕆᐊᓕᒃ ᐱᓇᓱᐊᕈᓯᓂᒃ ᓯᑕᒪᓂᒃ, ᓇᓗᓀᕐᓰᓂᖅ ᐱᔭᕇᕐᓯᒪᒋᐊᓕᒃ ᑮᓇᐅᔾᔭᓵᓄᓕᖓᔪᑦ ᐱᒋᐊᓚᐅᕐᑎᓇᒋᑦ.
ᓇᐅᓕᒫᓄᑦ ᖃᕆᑕᐅᔭᕐᕕᒃ & ᐊᓪᓚᑲᑦᑕᐅᑎᒍᑎᐅᓪᓗ ᐊᑐᕐᑕᐅᓂᖓ
ᐃᓕᖓᑐᐃᓐᓇᓗᑐᕐᑐᖅ ᓇᐅᓕᒫᓄᑦ ᖃᕆᑕᐅᔭᕐᕕᒃ ᐊᓪᓚᑲᑦᑕᐅᑎᒍᑎᓗ ᐊᑐᕐᑕᐅᔫᒃ ᐱᓗᐊᕐᑐᒥᒃ ᐊᑐᕐᑎᓄᑦ-ᐱᓇᓱᕝᕕᐅᔪᓄᑦ ᑲᒪᒋᔭᖃᓲᓄᓪᓗ ᐱᓇᓱᑦᑎᓄᑦ ᐊᑖᒍᑦ ᐊᓂᕐᕋᒥ ᐃᒻᒥᓂᕐᓱᒍᓐᓇᓂᕐᒧᑦ ᑮᓇᐅᔭᕐᑖᒍᑏᑦ ᐅᕗᖓ:
- ᒪᓂᓗᒋᑦ ᑫᕙᓪᓚᒍᓯᓕᐅᕈᑎᕕᓃᑦ ᑐᕃᓐᓇᑎᓗᒋᑦ ᐊᑭᓖᕐᑐᐃᓂᕐᓅᓕᖓᔪᓄᑦ
- ᐊᐱᕆᓗᓂ ᐊᐱᕐᓲᑎᐅᔪᓂᒃ ᐃᓕᖓᔪᓄᑦ ᐊᑭᓖᓂᕐᓄᑦ ᑫᕙᓪᓚᒍᓯᓕᐅᕈᑎᕕᓂᕐᓄᓗ
- ᑐᓴᐅᒪᖃᑎᖃᑦᓯᐊᓂᖅ ᑖᒃᑯᓂᖓ ᐱᔾᔪᔨᒍᑏᑦ ᐱᓪᓗᑯᒋᐊᓕᑎᒍᑦ ᑲᒪᒋᔭᖃᕐᓂᒨᒃᑯᑦ ᐊᓪᓚᕕᓕᕆᔨᖁᑎᖏᓐᓂᒃ
ᖃᓄᖅ ᐱᒐᓱᐊᕐᒍᓐᓇᓂᖅ ᐅᕝᕙᓘᓐᓃᑦ ᓴᐳᒻᒥᔭᐅᒍᓐᓇᓂᕐᒧᑦ
ᕿᒥᕐᕈᓃᑦ ᐱᓇᓱᐊᕐᓂᓄᓪᓗ ᑐᑦᓯᕋᐅᑏᑦ ᐱᔭᕇᕐᑕᐅᓲᑦ ᐃᓗᓯᓕᕆᔨᒻᒪᕆᒃᑯᑦ ᐱᔾᔪᔨᓂᖏᑦᑕ ᐱᓇᓱᑦᑎᖏᓐᓄᑦ ᐱᓇᓱᐊᖃᑎᖃᕐᓱᑎᒃ ᐃᓚᒌᓂᒃ ᑲᒪᒋᔭᖃᓲᓂᓪᓗ. ᑐᑦᓯᕋᐅᑏᑦ ᕿᒥᕐᕈᔭᐅᒋᐊᓕᕐᕿᓲᑦ ᑖᒃᑯᓄᖓ ᐱᔾᔪᔨᒍᑏᑦ ᐱᓪᓗᑯᒋᐊᓕᑎᒍᑦ ᑲᒪᒋᔭᖃᕐᓂᒧᑦ ᐱᓇᓱᒃᑎᖏᓐᓄᑦ ᓇᓗᓀᑦᓯᐊᓂᐊᕐᓗᒋᑦ ᐱᒍᓐᓇᓯᒍᓐᓇᒪᖔᑕ, ᖃᓄᓪᓗᐊᑎᒋ, ᓈᒻᒪᓈᕐᑐᑎᒍᓪᓗ ᐱᓇᓱᐊᕐᓂᐅᔪᑦ ᐊᔾᔨᒌᖕᖏᑐᓄᑦ.