ᐊᐅᓚᑦᓯᓂᕐᓂᒃ ᐱᒍᑦᔨᓂᕐᓄᑦ

ᐊᐅᓚᑦᓯᓂᓕᕆᓂᕐᒧᑦ ᐱᒍᑦᔨᕕᐅᑉ ᐱᓇᓱᐊᕐᕕᖓᑦ ᒪᑯᓂᖓ ᑲᒪᒋᔭᖃᓲᑦ: 

  • ᐊᒡᒍᑐᐃᑦᓱᑎᒃ ᑮᓇᐅᔭᑎᒍᑦ ᐱᕕᑦᓴᐅᔪᓂᒃ ᑕᑯᓐᓈᓂᖃᕐᓱᑎᒃ ᑲᔪᓯᑎᑦᓯᒋᐊᖃᕐᓂᒥᒃ ᓄᓇᓕᓕᒫᑦ ᐱᒍᑦᔨᕕᖏᑦᑕ ᑎᒥᖁᑎᖏᓐᓄᑦ ᐸᕐᓇᓯᒪᐅᑎᖏᓐᓂᒃ; 
  • ᐊᒡᒐᑐᐃᑦᓱᑎᒃ ᐊᐅᓚᑦᓯᒍᑏᑦ ᐸᑦᔭᖏᓐᓂᒃ; 
  • ᑲᒪᒋᔭᐅᑎᑦᓯᒋᐊᓪᓚᓱᑎᒃ ᐸᑦᔭᕆᔭᐅᔪᓂᒃ ᐊᒻᒪᓗ ᐃᑲᔪᕐᑕᐅᒍᑎᓂᒃ; 
  • ᕿᒥᕐᕈᓱᑎᒃ ᐱᑕᖃᓪᓚᕆᑦᑐᐃᑦ ᐱᕕᑦᓴᐅᓂᖏᓐᓂᒃ ᑭᖕᖒᒪᑦᓯᒍᑎᓂᒃ. 

ᑖᓐᓇ ᐊᐅᓚᑦᓯᓂᕆᓂᕐᒧᑦ ᐱᒍᑦᔨᕕᐅᑉ ᐱᓇᓱᐊᕐᕕᖓ ᐃᓚᖃᓲᖑᒻᒥᔪᖅ ᐅᑯᓂᖓ 

  • ᑮᓇᐅᔭᓕᕆᕕᐅᓪᓗ ᐱᓇᓱᑦᑎᓕᕆᕕᐅᓪᓗ ᐱᓇᓱᐊᕐᕕᖏᓐᓂᒃ; 
  • ᐊᐅᓚᑦᓯᓂᓕᕆᔩᑦ ᐱᒍᑦᔨᕕᖏᓐᓂᒃ; 
  • ᐱᖁᑎᒻᒪᕆᓐᓂᒃ; 
  • ᖃᕆᑕᐅᔭᒃᑯᑦ ᐱᒍᑦᔨᒍᑏᑦ.

ᑖᓐᓇ ᐱᓇᓱᐊᕐᕕᒃ ᓴᐳᒻᒥᔨᐅᓲᖑᒻᒥᔪᖅ ᐊᕐᕌᒍᑕᒫᑦ ᐱᕙᓪᓕᐊᑎᑕᐅᒋᐊᖃᓱᓃᒃ ᑲᒪᒋᐊᓪᓚᕈᑎᐅᓲᓂᓪᓗ ᓄᓇᓕᓕᒫᓄᑦ ᐸᕐᓇᑕᐅᒪᓂᐊᕐᑐᓂᒃ.  ᐸᕐᓇᑕᐅᒪᓂᐊᕐᑐᓂᒃ ᐸᕐᓇᑕᐅᔪᖃᕐᑎᓗᒍ, ᑖᓐᓇ ᐱᓇᓱᐊᕐᕕᒃ ᑲᒪᒋᔭᖃᓯᓲᖑᒻᒥᔪᖅ ᐱᕙᓪᓕᐊᑎᑕᐅᔪᖃᕐᑎᓗᒍ ᑲᒪᒋᔭᐅᔪᖃᕆᐊᓪᓚᑎᓪᓗᒍᓗ ᑮᓇᐅᔭᒻᒪᕆᑦᑎᒍᑦ ᐱᓇᓱᐊᕐᑕᐅᔪᓂᒃ ᐊᑯᓃᖏᑐᓄᓪᓗ ᐊᑯᓃᕐᑐᓄᓪᓗ ᑮᓇᐅᔦᕈᑎᐅᓯᒪᔪᓂᒃ ᐃᓗᓐᓀᓄᑦ ᐋᓐᓂᐊᓂᓕᕆᕕᓕᒫᓄᑦ ᐃᓄᓕᕆᓂᕐᒥᓗ ᐱᒍᑦᔨᕕᓕᒫᖏᓐᓄᑦ. 
 
ᑖᓐᓇ ᐱᓇᓱᐊᕐᕕᒃ ᓴᐳᒻᒥᓂᖃᓲᖑᒻᒥᔪᖅ ᑖᒃᑯᓂᖓ ᒪᕐᕉᓂᒃ ᐋᓐᓂᐊᕕᒻᒪᕆᓐᓂᒃ ᑕᒫᓂ ᓄᓇᒥ ᐊᑦᔨᒋᖏᑐᓂᒃ ᐱᔭᑦᓴᕆᓲᖏᓐᓂᒃ ᒪᑯᓂᖓ ᐸᑦᔭᖃᕆᐊᖃᕐᓂᖏᓐᓂᒃ ᐊᓯᖏᓐᓂᓗ ᑮᓇᐅᔭᓕᕆᐅᑎᒋᓲᖏᓐᓂᒃ, ᑲᒪᒋᑦᓱᒋᓪᓗ ᐱᖁᑎᒻᒪᕆᖏᑦ ᓴᓇᒋᐊᓪᓛᖃᑦᑕᓱᒋᓪᓗ ᐊᓯᑦᔨᖃᑦᑕᓱᒋᓪᓗ ᕆᐊᖃᓕᑐᐊᕐᒪᑕ. 
 
ᐊᐅᓚᑦᓯᓂᓕᕆᓂᕐᒥᒃ ᐱᒍᑦᔨᕕᐅᑉ ᐱᓇᓱᑦᑎᖏᑦ ᓄᐃᑦᓯᓲᖑᕗᑦ ᑲᔪᓯᑎᑦᓯᓱᑎᓪᓗ ᐱᕈᕐᓭᓱᑎᓪᓗ ᐱᐅᔪᕐᓂᒃ ᐱᕙᓪᓕᓇᕐᑐᓂᓪᓗ ᓲᓱᒋᔭᖃᑦᓯᐊᑐᒥᓗ ᐱᓇᓱᐊᖃᑎᒌᓐᓂᒥᒃ ᑕᒪᒃᑯᐊ ᐱᕕᑦᓴᐅᔪᑦ ᐊᑐᕐᓂᖃᑦᓯᐊᖁᒧᑦ ᐊᑐᕐᑕᐅᓯᐊᖁᒧᓪᓗ.