ᐃᓚᒋᐊᕈᑎᒋᓗᒍ ᐋᓐᓂᓯᐅᕐᓂᒨᓕᖓᔪᑦ ᐃᖏᕐᕋᐅᑎᓕᕆᓃᑦ ᐱᕕᖃᕐᑎᑕᐅᓂᓖᑦ ᑕᒫᓂ ᓄᓇᕕᐅᑉ ᓄᓇᖁᑎᖓᓂ, ᑖᓐᓇ ᐱᕙᓪᓕᖁᑎᐅᔪᖅ ᐱᕕᑦᓴᖃᕐᑎᓯᕗᖅ ᐃᓚᐅᒍᓐᓇᑐᓄᑦ ᐃᓚᐅᔫᔫᑦ ᐃᑲᔪᕐᓯᔭᐅᒍᓐᓇᐅᑎᖏᓐᓂᒃ ᐅᐃᒪᓇᕐᑐᓯᐅᑏᑦ ᓄᓇᒃᑯᑦ ᐅᐃᒪᓇᕐᑐᓯᐅᑎᓕᕆᓂᕐᑎᒍᑦ ᐱᔾᔪᔨᒍᑏᑦ ᓄᓇᕕᐅᑉ ᓯᓚᑖᓂ.
ᐋᓐᓂᐊᓯᐅᕐᓂᑎᒍᑦ ᐃᖏᕐᕋᐅᑎᓕᕆᓂᐅᑉ ᐱᕙᓪᓕᖁᑎᖏᑦ ᐱᕕᖃᕐᑎᑕᐅᔪᑦ ᐅᐃᒪᓇᕐᑐᓯᐅᑏᑦ ᓄᓇᒃᑯᑦ ᐅᐃᒪᓇᕐᑐᓯᐅᑎᓕᕆᓂᕐᑎᒍᑦ ᐃᓚᓖᑦ ᐅᕙᖕᖓᑭᓯᐊᓂ ᐃᓚᖓᓂᒃ ᐱᔾᔪᔨᒍᑏᑦ ᐱᕕᖃᕐᑎᑕᐅᖕᖏᑐᓂ ᓇᐅᓕᒫᓅᓕᖓᔪᓄᑦ (ᐃᒻᒪᖃᐅᓰᕕᑦ ᓄᓇᒃᑰᔫᓂᒃ ᑯᐯᒃᒥ, ᐱᓇᓱᒃᑏᑦ ᐱᔪᖕᓇᐅᑎᖏᑦ ᐃᑉᐱᒋᔭᐅᒋᐊᖃᕐᓂᖏᑦ ᑕᒣᓐᓄᑦ ᐱᓇᓱᒃᑎᓄᑦ ᐱᓇᓱᐊᕐᕕᐅᔪᓄᓪᓗ) ᐅᕝᕙᓘᓐᓃᑦ ᓇᒻᒥᓂᖅ ᐃᒻᒪᖃᐅᑎᖃᕐᓂᒧᑦ ᐸᕐᓀᓯᒪᐅᑎᓖᑦ ᐊᑐᐃᓐᓇᐅᐸᑕ.
ᐱᒻᒪᕆᒃ
- ᓱᔪᕕᓂᐅᔪᖃᕐᐸᑦ ᐊᑐᕆᐊᖃᕐᑐᖃᕐᐸᑦ ᐅᐃᒪᓇᕐᑐᓯᐅᑎᓕᕆᒍᑎᐅᒋᐊᓕᒻᒥᒃ, ᐃᓚᐅᔫᔫᖅ ᑲᒪᔨᒋᔭᐅᔪᕐᓘᓃᑦ ᐁᑦᑐᐃᓯᒪᒋᐊᓕᒃ ᐊᖁᕐᑎᖓᓄᑦ ᐋᓐᓂᐊᕕᓕᐊᕆᐊᓕᐅᑉ ᐃᓚᐅᔫᒍᑎᖓᑕ ᑭᓯᑦᓯᒍᑎᖓᓂᒃ ᐋᓐᓂᐊᓯᐅᕐᑕᐅᒍᑎᐅᑉ ᐃᒻᒪᖃᐅᓯᕐᑕᐅᓂᕐᒧᑦ ᐃᓪᓓᒍᑎᑦᓴᔭᖓᓂᓗ, ᑌᒫᒃ ᐊᖁᕐᑎᒃ ᑐᔪᐃᒍᓐᓇᓂᐊᕐᒪᑦ ᑐᕃᓐᓇᑐᒥᒃ ᐅᕗᖓ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᐱᕕᖃᑐᐊᕐᐸᑦ.
- ᐊᖁᕐᑎᒃ ᑐᔪᐃᑉᐸᑦ ᐊᑭᓕᕋᑦᓴᒥᒃ ᑐᕃᓐᓇᑐᕐᑎᒍᑦ ᐃᓚᐅᔫᔪᒧᑦ ᐊᑭᓕᕐᑕᐅᒍᒪᐅᑎᒥᒃ, ᐃᓚᐅᔫᔪᖅ ᑲᒪᔨᒋᔭᖓᓘᓐᓃᑦ ᒪᓂᔨᒍᓐᓇᑐᖅ ᐊᑭᓕᕐᓯᒪᖕᖏᑕᒥᓂᒃ ᐊᑭᓕᕋᑦᓴᒥ ᑐᔪᐃᓗᓂ ᖃᕆᑕᐅᔭᑎᒍᑦ ᐅᕗᖓ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᑐᑭᓯᓐᓇᐅᑎᖃᑦᓯᐊᑐᓂᒃ ᑐᓴᕐᑕᐅᔭᕆᐊᓕᓐᓂᒃ ᐱᔭᕆᐊᑭᓪᓖᓯᒪᓂᐊᕐᒪᑦ ᐊᓂᒎᑎᑎᑦᓯᓂᕐᒥᒃ.