ᐱᐅᔪᖅ-ᐊᑦᑐᐃᓂᖅ/ᐱᐅᖏᑐᖅ-ᐊᑦᑐᐃᓂᖅ ᐃᓕᓐᓂᐊᕈᑏᑦ

ᓱᓇᐅᕚᑦ ᐱᐅᔪᖅ ᐊᑦᑐᐃᓂᖅ/ᐱᐅᖏᑐᖅ-ᐊᑦᑐᐃᓂᖅ ᐃᓕᓐᓂᐊᕈᑏᑦ?
ᕿᑐᙵᕋ ᓱᓇᓂᒃ ᐃᓕᓐᓂᐊᑎᑕᐅᓛᕐᖃ?
ᑭᓇᓐᑯᑦ ᐃᓕᓐᓂᐊᑎᑦᓯᓛᕐᖃᑦ, ᖃᓄᐃLᓘᕐᓗᑎᒃᓗ ᐃᓕᓐᓂᐊᑎᑦᓯLᓛᕐᖃᑦ?

ᓱᓇᐅᕚᑦ ᐱᐅᔪᖅ ᐊᑦᑐᐃᓂᖅ/ᐱᐅᖏᑐᖅ-ᐊᒃᑐᐃᓂᖅ ᐃᓕᓐᓂᐊᕈᑏᑦ?

ᐱᐅᔪᖅ ᐊᑦᑐᐃᓂᖅ/ᐱᐅᖏᑐᖅ-ᐊᑦᑐᐃᓂᖅ ᐃᓕᓐᓂᐊᕈᑏᑦ ᐊᑦᑕᓇᕐᑐᒦᑦᑕᐃᓕᓂᕐᒥᒃ ᑎᒥᒃᑯᑦ, ᐃᓕᓐᓂᐊᑎᑦᓯᒍᑎᐅᓲᑦ ᐱᐊᕋᕐᓂᒃ ᐅᖄᒋᐊᒥᒃ ᐱᓄᐃᓗᑕᒥᒃ ᐃᑉᐱᒋᑦᓯᐊᕆᐊᓕᖅᒥᒃ ᐱᐊᕋᐃᑦ ᐊᑐᕐᓂᓗᑦᑕᐅᓂᖅ ᓱᓇᐅᒻᒪᖓᑦ ᐃᓕᓐᓂᐊᑎᑕᐅᓲᑦ, ᓇᓐᒥᓂᕐᓗ ᑎᒥᒥᒎᑦ ᐊᑦᑕᓇᕐᑐᒦᑕᐃᓕᓂᕐᒥᒃ, ᑭᓇᒃᑯᓂᒃᓗ ᐃᑲᔪᕐᑎᖃᕈᓐᓇᒪᖓᑕ, ᖃᓄᐃᓘᕆᐊᖃᒪˉᑕᓗ ᑲᑉᐱᐊᓵᕐᑕᐅᒍᑎᒃ ᐋᓐᓂᑕᐅᒍᑎᑦᓘᓃᑦ. ᐱᐅᔪᖅ-ᐊᑦᑐᐃᓂᖅ/ᐱᐅᖏᑐᖅ-ᐊᑦᑐᐃᓂᖅ ᐃᓕᓐᓂᐊᕈᑏᑦ ᐃᓕᑦᓯᒍᑕᐅᓲᑦ ᐱᐊᕋᕐᓄᑦ ᖃᐅᔨᒪᓪᓚᕆᒋᐊᓕᖏᓐᓂᒃ ᐊᑦᑕᓇᑐᒦᑕᐃᓕᓂᕐᒧᑦ, ᐱᕈᕐᐸᓕᐊᓂᖏᓄᑦ ᓈᒻᒪᖁᐊᕇᑦ ᓈᒻᒪᓈᑕᐅᒪᑦᓱᑎᒃ. ᑖᒃᑯᐊ ᐃᓕᓐᓂᐊᕈᑏᑦ ᑐᓵᒍᒥᓇᕐᑑᓱᑎᒃ ᐃᓕᓐᓂᐊᑎᑦᓯᒍᑕᐅᓲᑦ ᓇᒻᒥᓂᖅ ᐃᑉᐱᒋᑦᓯᐊᓂᕐᒥᒃ, ᐊᓯᒋᔭᓂᒃᓗ ᐃᑉᐱᒍᓱᑦᓯᐊᓂᕐᒥᒃ, ᐃᓚᑦᔪᒍᓱᖕᓂᒥᒃᓗ, ᒥᑕᖕᓂᒥᓗ ᓱᓕᑦᓯᐊᓂᕐᒥᓗ, ᓲᓱᑦᓴᓂᕐᒥᓗ, ᑲᒪᑦᓯᐊᕆᐊᖃᕐᓂᒥᒃᓗ.

ᕿᑐᙵᕋ ᓱᓇᓂᒃ ᐃᓕᓐᓂᐊᑎᑕᐅᓛᕐᖃ?

ᐱᐊᕋᐃᑦ ᒪᑯᓂᖓ ᑐᓴᐅᒪᑎᑕᐅᒋᐊᓖᑦ ᐊᑐᕐᓂLᓗᑦᑕᐅᓂᐅᔭᖏᓂᕐᓴᐅᖁᓪᓗᒋᑦ:

1. ᐊᑦᑐᑕᐅᓂᖅ ᐱᐅᔫᒍᓐᓇᑐᖅ, ᐱᐅᖏᑑᒍᓐᓇᓱᓂᓗ, ᓇᓗᓕᕐᓇᕈᓐᓇᓱᓂᓗ
2. ᐱᐊᕋᐃᑦ ᐊᓂᓇᕋᒥᒃ ᖃᐅᔨᒪᒋᐊᓖᑦ ᐊᑦᑕᓇᕐᑐᒥᑦᑕᐃᓕᓂᐅᑉ ᒪᓕᒐᖏᓐᓂᒃ.
3. ᐱᐊᕋᐃᑦ "ᐊᐅᑲ
!" ᓚᒍᓐᓇᑐᑦ ᐊᑦᑐᑕᐅᒍᒪᖏᒍᑎᒃ.
4. ᐱᐊᕋᐃᑦ ᐃᓄᒻᒪᕆᒧᑦ ᐅᖃᕐᕕᒋᒍᒪᔭᒥᓄᑦ ᐅᖃᕈᓐᓇᑐᑦ ᐃᕐᓯᒎᕐᓂᓗᒃᑕᐅᓂᕈᑎᒃ, ᓱᓇᐅᒋᔭᐅᖏᑑᖃᑦᑕᕈᑎᑦᓘᓃᑦ, ᓇᓗᓕᕐᓇᑐᓂLᓘᓃᑦ ᐊᑦᑐᑕᐅᖃᑦᑕᕈᑎᒃ.
5. ᐊᑐᕐᓂᓗᑦᑕᐅᓂᕐᒧᑦ ᐱᐊᕋᖅ ᐸᓯᔭᑦᓴᐅᖏᑐᖅ

ᑭᓇᓐᑯᑦ ᐃᓕᓐᓂᐊᑎᑦᓯᓛᕐᖃᑦ, ᖃᓄᐃLᓘᕐᓗᑎᒃᓗ ᐃᓕᓐᓂᐊᑎᑦᓯLᓛᕐᖃᑦ?

ᑖᒃᑯᐊ ᐃᓕᓐᓂᐊᕈᑏᑦ ᐋᕐᕿᓱᕐᓯᒪᔪᑐᖃᐃᑦ ᓈᒻᒪᓯᓕᑎᕐᑕᐅᒪᔪᑦ ᓄᓇᕕᒥ ᐊᑐᕐᑕᐅᒍᓐᓇᑐᓕᐊᖑᑦᓱᑎᒃ ᐃᓄᑐᐃᓐᓇᓄᑦ, ᐃᓄᑐᐃᓐᓇᐅᖏᑦᑐᓄᓪᓗ ᐱᓇᓱᑦᑎᓄᑦ ᑲᑐᑦᔭᐅᓱᑎᒃ ᑎᒥᐅᔪᓂ ᐅᑯᓇᖓᑦ ᐱᓯᒪᔪᓄᑦ: ᓄᓇᕕᒃ ᓄᓇᓕᓕᑦ ᑲᑎᒪᔨᖏ ᐃᓗᓯᓕᕆᓂᕐᒥ ᐱᒍᑦᔨᓂᕐᓄᑦ, ᑲᑎᕕᒃ ᐃᓕᓐᓂᐊᓂᓕᕆᓂᖅ, ᑲᑎᕕᒃ ᐳᓖᓰᑦ, ᐅᖓᕙᒥ ᑐᓚᑦᑕᕕᒃ, ᐃᓄᓕᕆᔨᒃᑯᑦ, ᐱᐊᕋᐃᑦ ᐅᕕᒃᑲᐃᓗ ᓴᐳᒻᒥᔨᖏᑦ. ᐅᑉᐱᕆᔭᖃᕐᑐᒍᑦ ᐱᐊᕋᐃᑦ ᐊᑐᓂ ᑐᓂᔭᑦᓴᖃᒪᑕ ᓄᓇᓕᒥᓄᑦ, ᓯᓚᕐᔪᐊᒧᓪᓗ. ᐃᑲᔪᕈᒪᕗᒍᑦ ᐱᐊᕋᕐᓂᒃ ᐊᑦᑕᓇᕐᑐᒦᒍᓇᐃᓗᑎᒃ ᐱᔪᓐᓇᑐᕆᓂᕐᑖᐸᓪᓕᐊᓗᑎᒃ ᐱᕈᕇᖁᑦᓱᒋᑦ ᑎᑭᐅᑎᑦᓯᐊᓗᑎᒃ ᐱᔪᓐᓇᓯᓂᕐᒧᑦ. ᐅᒃᐱᕆᔭᖃᐳᒍᑦ ᕿᑐᖓᓖᑦ ᑐᓵᔭᐅᔭᕆᐊᖃᓂᖏᓂᒃ, ᑐᓴᐅᒪᑎᑕᐅᓗᑎᒃᓗ, ᐊᑐᑎᖃᑎᑕᐅᑦᓯᐊᓗᑎᒃᓗ ᐃᑲᔪᓯᒪᒍᓐᓇᖁᓪᓗᒋᑦ ᕿᑐᖓᒥᖕᓂᒃ. ᑕᒃᑯᐊ ᐃᓕᓐᓂᐊᑎᑦᓯᒍᑕᐅᓛᕐᑐᑦ ᐃᓕᓂᐊᑎᑦᓯᓕᓂᐅᔪᓄ ᐃᓄᑦᑎᑐᑦ, ᐃᑲᔪᕐᑎᖃᕐᓗᑎᒃ ᓄᓇᓕᒥ ᐱᓇᓱᑦᑎᓂᒃ ᐃᑲᔪᕐᓂᒧᑦ.