 | ᐃᓚᐅᒍᑎᓖᑦ ᐃᓚᐅᒍᑎᒥᓂᒃ ᐊᑐᖏᓐᓇᓕᒫᕆᐊᖃᕐᐳᑦ (ᑕᓪᓕᒪᓂᒃ ᑭᑎᑦᔪᑎᑕᓕᒻᒥᒃ ᒪᑭᕝᕕᒥᑦ ᐃᓚᐅᒍᑎᑖᕆᓯᒪᔭᒥᓂᒃ) |
 | ᖃᐅᔨᒍᒪᔪᖅ ᐃᓚᐅᒍᑎᓕᒃ ᑕᒪᑐᒥᖓ ᐱᕙᓪᓕᖁᑎᑖᕐᑕᕈᓐᓇᒪᖔᕐᒥ ᓱᓇᓂᓪᓗ ᐱᒍᑦᔭᐅᒍᑎᖃᕈᓐᓇᒪᖔᕐᒥ, ᖃᐅᔨᒋᐊᕈᓐᓇᐳᖅ ᐅᕗᖓ: |
 | 1-844-442-6442 (NIHB) ᐊᓪᓕᕇᕐᑐᓂᑦ ᓂᕿᑦᓯᑐᓄᑦ 8:30-ᒥᑦ ᐅᓪᓛᑯᑦ 4:30-ᒧᑦ ᐅᓐᓄᓴᒃᑯᑦ |
 | ᐱᒍᑦᔭᐅᓲᒍᕗᑦ ᒪᓕᑦᑕᐅᑎᓪᓗᒋᑦ ᐃᑲᔪᕐᓯᔭᐅᒍᑏᑦ ᑐᑭᒧᐊᒍᑎᑦᓴᖏᑦ ᒪᓕᑦᑕᐅᒋᐊᓕᑦᑕᖏᓪᓗ. ᑲᒪᒋᔭᑦᓴᖃᕐᐳᖅ ᑖᓐᓇ ᐱᒍᑦᔭᐅᒋᐊᓕᒃ/ᑲᒪᔨᖓᓘᓐᓃᑦ ᐊᑭᓖᒋᐊᖃᕐᓂᕈᓂ ᐱᒍᑦᔭᐅᒍᑎᕕᓂᕐᒥᓂᒃ 100%-ᖓᓂᒃ ᐊᑭᓕᕐᑕᐅᒋᐊᖃᖕᖏᐸᑦ ᑐᕃᓐᓇᑐᒃᑯᑦ ᐱᒍᑦᔨᔪᕕᓂᖅ. |
 | ᐊᑐᕐᑎ/ᑲᒪᔨᖓᓘᓐᓃᑦ ᐊᑭᓖᓐᓂᕈᓂ ᑐᕃᓐᓇᑐᒃᑯᑦ ᓂᐅᕕᕐᕕᕕᓂᕐᒥᓂᒃ ᐄᕐᖃᒐᕐᓂᒃ, ᐋᓐᓂᐊᓯᐅᕐᑕᐅᒍᑎᓂᒃ ᐱᒍᑦᔭᐅᒍᑎᐅᒋᐊᓕᓐᓂᓘᓐᓃᑦ ᐊᑭᓕᕐᑕᐅᒍᓐᓇᑐᓂᒃ ᓄᓇᕕᒻᒥ ᐃᒻᒪᖃᐅᑎᑦᓴᖃᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᑖᕐᑕᕈᑎᖓᑎᒍᑦ ᐅᑎᕐᑎᓯᕕᐅᒍᒪᓐᓂᕈᓂ:
|