ᓴᐳᒻᒥᓂᖅ ᐃᓄᐃᑦ ᐃᓚᒌᑦ ᑲᒪᒋᔭᐅᑦᓯᐊᓂᖏᓐᓄᑦ ᐱᐅᓯᕐᓱᓯᐊᖕᖏᑐᖁᑎᓕᓐᓄᑦ
 |
ᓕᓕᐅᑉ ᑮᓇᐅᔭᖁᑎᖏᓐᓅᓕᖓᔪᖅ
ᓕᓕᐅᑉ ᑮᓇᐅᔭᖁᑎᖏᑦ ᑮᓇᐅᔭᑎᒍᑦ ᐃᑲᔪᕐᓯᐅᑎᐅᕗᑦ ᓄᐃᑕᐅᒪᑦᓱᑎᒃ ᒪᑭᕝᕕᑯᓐᓄᑦ ᓴᐳᒻᒥᒍᑎᑦᓴᐅᓱᑎᒃ ᐃᓄᐃᑦ ᐃᓚᒌᖁᑎᖏᓐᓄᑦ ᑲᒪᒋᔭᓕᓐᓄᑦ ᐊᓂᕐᕋᒥᐅᑕᖃᕐᓱᑎᒃ ᑌᒫᒻᒪᕆᒃ ᐱᐅᓯᙯᓐᓇᓕᒫᕐᑐᒥᓪᓘᓐᓃᑦ ᑎᒥᒥᒍᑦ ᐃᓱᒪᒥᒍᓪᓘᓐᓃᑦ ᐱᐅᓯᕐᓱᓯᐊᖕᖏᑐᕐᑎᒎᔨᐊᖃᕈᑎᒃ.
ᑮᓇᐅᔦᑦ ᐃᓕᑕᕐᓯᔪᑦ ᐱᒻᒪᕆᐅᒋᐊᖏᑦ ᐃᑲᔪᕐᑎᒌᓐᓂᖏᑦᑕ ᐃᓚᒌᑦ ᑲᒪᒋᔭᖃᕐᓂᒧᑦ ᖃᐅᑕᒫᑦ ᓴᐳᒻᒥᓱᑎᓪᓗ ᐃᑲᔪᕐᓱᑎᓪᓗ ᑮᓇᐅᔭᕐᑑᑎᒋᒋᐊᓪᓚᒋᐊᓕᒻᒥᓂᒃ ᑕᒪᑦᓱᒧᖓ ᑲᒪᔨᐅᓂᕐᒥᓄᑦ.
ᐱᒐᓱᐊᕐᓂᖅ ᐊᑦᓯᔭᐅᒪᔪᖅ ᐃᕐᖃᐅᒪᒍᑕᐅᑦᓱᓂ ᓕᓕ ᒣᓇᒧ ᐃᓄᒃᔪᐊᒥᐅᒧᑦ, ᖃᐅᔨᔭᐅᑎᑦᓯᒐᓱᐊᒻᒪᕆᓐᓂᕆᓯᒪᔭᖓ ᐃᑲᔪᕐᓯᓯᒪᒻᒪᑦ ᖃᐅᔨᔭᐅᑎᑦᓯᓂᕐᒥᒃ ᐱᔭᕆᐊᑐᔪᒃᑰᓲᖑᓂᖏᓐᓂᒃ ᓵᖕᖓᔭᖏᑦ ᐃᓄᐃᑦ ᐃᓚᒌᓄᑦ ᑲᒪᒋᔭᖃᕐᓱᑎᒃ ᓇᓪᓕᒋᔭᒥᓂᒃ ᐱᐅᓯᕐᓱᓯᐊᖕᖏᑑᔨᐊᖁᑎᒥᓂᒃ.
ᑭᓈ ᐱᒍᓐᓇᓂᖃᕐᖃ?
ᐱᒐᓱᐊᕐᑐᑦ ᐅᑯᓂᖓ ᓄᐃᑕᒍᑎᖃᕆᐊᓖᑦ:
- ᐃᓚᐅᔫᓗᑎᒃ ᔦᒥᓯ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ (JBNQA)
- ᐊᓂᕐᕋᒥᐅᖃᑎᖃᕐᓗᑎᒃ ᑌᒫᒻᒪᕆᒃ ᐅᕝᕙᓘᓐᓃᑦ ᐱᐅᓯᙯᓐᓇᓕᒫᕐᑐᒥᓪᓘᓐᓃᑦ ᑎᒥᒥᒍᑦ ᐃᓱᒪᒥᒍᓪᓘᓐᓃᑦ ᐱᐅᓯᕐᓱᓯᐊᖕᖏᑐᕐᑎᒎᔨᐊᖃᕈᑎᒃ
- ᐅᑭᐅᖃᕐᓗᑎᒃ 64 ᐅᕝᕙᓘᓐᓃᑦ ᐅᑭᐅᑭᓐᓂᓴᐅᓗᑎᒃ
ᐊᖓᔪᕐᖄᕆᔭᐅᔪᑦ ᐅᕝᕙᓘᓐᓃᑦ ᑲᒪᔪᑦᓴᓕᐊᕆᔭᐅᒪᓕᐊᖑᓯᒪᔪᑦ ᐱᒐᓱᐊᒍᓐᓇᑐᑦ ᐱᒍᔾᔨᓗᑎᒃ ᐃᓚᐅᒍᓐᓇᑐᓄᑦ ᐱᐊᕋᕐᓄᑦ.
ᑮᓇᐅᔭᑎᒍᑦ ᐃᑲᔪᕐᓯᒍᑎ
ᐱᓚᐅᒍᓐᓇᑐᑦ ᐃᓚᒌᑦ ᐱᑐᐃᓐᓇᕆᐊᓖᓕᑦ ᑮᓇᐅᔭᑎᒍᑦ ᓴᐳᒻᒥᓂᕐᒧᑦ ᐃᑲᔪᕐᓯᓂᐊᕐᑎᓗᒋᑦ ᓵᖕᖓᓯᓂᕐᒧᑦ ᑮᓇᐅᔭᕐᑑᑎᒋᐊᓪᓚᓂᒃ ᐃᓕᖓᑦᓱᑎᒃ ᑲᒪᒋᔭᖃᕆᐊᖃᕐᓂᒧᑦ ᐱᕐᖃᔭᑦᓯᐊᖏᑦᑐᓕᕆᓂᕐᒨᓕᖓᔪᓄᑦ. ᑕᑯᒋᐊᓪᓚᒍᓐᓇᖁᑎᑦ ᑐᑭᓯᒋᐊᓪᓚᒍᑎᓂᒃ ᖃᓄᓪᓗᐊᑎᒌᑐᑦ ᒥᑦᓵᓄᑦ ᑐᕃᓐᓇᓗᑎᑦ ᖃᕆᑕᐅᔭᑎᒍᑦ ᐅᕗᖓ Makivvik website
ᖃᓄᖅ ᐱᒐᓱᐊᒍᓐᓇᖃ
ᐱᕐᖃᔭᑦᓯᐊᖏᑦᑑᓂᕐᒧᑦ ᐱᕙᓪᓕᖁᑎᓂᒃ:
- ᐱᔭᕇᕐᓗᒋᑦ ᑕᑕᕐᓴᒐᑦᓴᔭᖅ ᐊᓪᓚᕕᑦᓴᖅ ᐊᑐᐃᓐᓇᐅᔪᖅ ᒪᑭᕝᕕᐅᑉ ᖃᕆᑕᐅᔭᕐᕕᖁᑎᖓᓂ ᐊᐅᓪᓚᑎᓗᒍᓗ ᐅᕗᖓ ᖃᕆᑕᐅᔭᑎᒍᑦ Lillysfund@makivvik.ca ᒪᓕᑦᑕᐅᑎᓪᓗᒋᑦ ᓱᓕᓂᕃᒍᑏᑦ ᐃᓚᐅᒍᓐᓇᓂᕐᒧᑦ ᑖᑦᓱᒧᖓ ᑲᓇᑕᐅᑉ ᐱᕐᖃᔭᑦᓯᐊᖏᑦᑑᓂᕐᒧᑦ ᑖᒃᓰᑦ ᑮᓇᐅᔦᑦ ᐅᕝᕙᓘᓐᓃᑦ ᐱᕙᓪᓕᖁᑏᑦ.
ᐱᑦᑕᖏᑐᐊᕈᕕᑦ ᑲᕙᒪᑐᖃᒃᑯᑎᒎᕐᑐᓂᒃ ᐱᕐᖃᔭᑦᓯᐊᖏᑦᑑᓂᕐᒧᑦ ᐱᕙᓪᓕᖁᑎᓂᒃ, ᐋᓐᓂᐊᓯᐅᕐᓂᓕᕆᔨ ᑲᒪᒋᔭᖃᕆᐊᖃᕋᔭᕐᑐᖅ ᐃᓕᓐᓂᒃ ᑌᒫᒻᒪᕇᒻᒪᖔᕐᐱᑦ ᐱᐅᓯᙯᓐᓇᓂᓐᓂᓗ ᐱᕐᖃᔭᑦᓯᐊᖏᑦᑑᓂᕐᒨᓕᖓᔪᓄᑦ ᐊᑐᕐᓗᓂ ᐱᔾᔪᔨᒍᑏᑦ ᐱᓪᓗᑯᒋᐊᓕᑎᒍᑦ ᑲᒪᒋᔭᖃᕐᓂᒧᑦ ᑲᒪᒍᑎᒧᑦ.
- ᐅᐯᓗᑎᑦ ᐋᓐᓂᐊᕕᐊᐱᓐᓂᒃ ᓄᓇᓕᓐᓂ ᑐᑦᓯᕋᖃᕐᓗᑎᓪᓗ ᑲᒪᒋᔭᐅᒍᒪᓂᕐᒧᑦ ᓕᓕᐅᑉ ᑮᓇᐅᔭᖁᑎᖏᓐᓄᑦ ᓈᒻᒪᓈᒍᑎᖃᕐᒪᖔᕐᐱᑦ ᐋᓐᓂᐊᓯᐅᕐᑎᒪᕆᒻᒧᑦ. ᐱᖃᑦᑕᕇᑐᐊᕈᕕᑦ ᓴᐳᒻᒥᔭᐅᓂᕐᒥᒃ ᐃᓄᓕᕆᔨᒃᑯᓂᒃ, ᑐᑦᓯᕋᐅᑎᒥᒃ ᑕᑕᕐᓭᒍᓐᓇᒥᔪᑦ ᑲᒪᒋᔭᐅᒍᑎᑎᓐᓄᑦ.