ᑎᓕᔭᐅᒪᒍᑎᖏᑦ
ᒪᓕᑦᓱᒋᑦ ᐅᑯᐊ ᐱᖁᔦᑦ ᐱᑦᔪᑎᒋᑦᓱᒋᑦ ᐋᓐᓂᐊᓂᓕᕆᓂᕐᒧᓗ ᐃᓄᓕᕆᓂᕐᒧᓗ ᐱᒍᑦᔨᒍᑏᑦ, ᑖᓐᓇ ᐱᓇᓱᐊᕐᕕᖓᑦ ᐃᓄᓐᓂᒃ ᐋᓐᓂᐊᓂᓕᕆᓂᕐᒧᑦ ᑲᒪᒋᔭᖃᓲᖑᒻᒪᑦ ᓄᓇᓕᓕᒫᑦ ᐃᓄᐃᑦ ᖃᓄᐃᖏᓯᐊᕐᓂᓕᕆᔭᐅᓂᖏᑦᑕ ᐃᑲᔪᕐᓯᒪᐅᑎᖏᓐᓂᒃ. ᑕᒪᓐᓇ ᐱᑦᔪᑎᒋᑦᓱᒍ, ᓄᐃᑦᓯᓲᖑᒻᒪᑦ ᓯᕗᓪᓕᐅᔭᐅᒋᐊᓕᓐᓂᒃ, ᐱᒍᑦᔨᒍᑎᑦᓴᓂᓪᓗ ᐊᕐᕿᓱᐃᑦᓱᑎᒃ ᐊᒻᒪᓗ ᓄᐊᑦᓯᓱᑎᒃ ᐱᕕᑦᓴᐅᒍᓐᓇᑐᓂᒃ.
ᑲᑐᑦᔨᖃᑕᐅᑦᓱᑎᒃ ᐊᑦᔨᒋᖏᑐᓄᑦ ᐱᓇᓱᐊᕐᑕᐅᔪᕐᓄᑦ, ᐃᓚᐅᑎᓪᓗᒋᑦ ᑖᒃᑯᐊ ᒪᕐᕉᒃ ᐋᓐᓂᐊᕕᒻᒪᕆᒃ, ᑖᓐᓇ ᐱᓇᓱᐊᕐᕕᖓᑦ ᖃᓄᐃᖏᓯᐊᕐᓂᓕᕆᓂᕐᒧᑦ ᐊᑐᕐᑎᓯᒐᓱᐊᓲᑦ ᓄᓇᓕᓕᒫᑦ ᐃᓄᐃᑦ ᐋᓐᓂᐊᓂᓕᕆᓂᒃᑯᑦ ᐃᑲᔪᕐᓯᒪᔭᐅᒍᑎᖏᓐᓂᒃ, ᒪᑯᓂᖓ ᐃᑉᐱᒋᔭᖃᓲᓂᒃ:
- ᓴᐳᑦᔨᓯᒪᑦᓱᑎᒃ ᐃᓄᓕᒫᑦ ᐋᓐᓂᐊᓂᓕᕆᔭᐅᒍᑎᖏᓐᓂᒃ, ᐃᓚᖃᕐᑐᓂᒃ ᒪᑯᓂᖓ ᐃᒻᒪᓇᕐᑐᑎᒍᑦ ᐋᓐᓂᐊᓕᕈᑕᐅᒍᓐᓇᑐᓂᑦ ᓇᔪᕐᑕᐅᓲᓪᓗ ᖁᐱᕐᕆᓇᕐᑐᖃᕐᓂᖏᓐᓄᑦ. ᑕᒪᑦᓱᒪᐅᑉ ᐱᓇᓱᐊᕐᑕᐅᓂᖓ ᐃᓚᖃᓲᖑᒻᒥᔪᖅ ᐃᓕᑕᕆᔭᐅᔪᖃᕐᑎᓗᒍ ᐃᓄᐃᑦ ᐊᑦᑕᓇᕐᑐᓯᐅᑐᐃᓐᓇᕆᐊᖃᓕᕐᓂᖏᓐᓂᒃ ᐊᒻᒪᓗ ᓄᐃᑦᓯᓱᑎᒃ ᐊᕐᕿᒋᐊᕈᑎᑦᓴᐅᓂᐊᕐᑐᓂᒃ;
- ᐋᓐᓂᐊᓕᕈᑕᐅᓲᓄᑦ ᐱᔭᐅᒪᑎᑦᓯᑌᓕᓂᕐᒥᒃ;
- ᖃᓄᐃᖏᓯᐊᕐᓂᓕᕆᓂᕐᒥᒃ ᑫᓪᓗᑐᐃᒍᑎᓂᒃ;
- ᖃᐅᔨᔭᐅᑎᑦᓯᓱᑎᒃ ᐃᑉᐱᒋᔭᖃᕐᓱᑎᓪᓗ ᓄᓇᕕᐅᑉ ᐃᓄᖏᑦᑕ ᖃᓄᐃᓕᖓᓕᕐᓂᖏᓐᓂᒃ ᖃᓄᐃᖏᓯᐊᕐᓂᓕᕆᓂᒃᑯᑦ, ᑐᑭᓯᒪᑎᑦᓯᓱᑎᓪᓗ ᐃᓄᓐᓂᒃ ᖃᓄᐃᖏᓯᐊᕐᓂᓕᒫᒃᑯᑦ ᖃᓄᐃᓕᖓᓕᕐᓂᖏᓐᓄᑦ.
ᐅᑯᐊ ᐃᑲᔪᕐᓯᒪᐅᑎᒋᔭᐅᓲᑦ ᑲᒪᒋᔭᐅᓂᖃᕐᓱᑎᒃ ᐅᑯᓄᖓ ᐱᓇᓱᐊᕐᕕᖓᑦ ᐃᓄᐃᑦ ᐋᓐᓂᐊᓂᓕᕆᔭᐅᓂᖏᓐᓄᑦ:
- ᐱᔭᐅᒪᑎᑦᓯᑌᓕᒪᑦᓱᑎᒃ ᐊᐅᓚᑦᓯᓱᑎᓪᓗ ᐃᒻᒪᓇᕐᑐᓄᑦ ᐋᓐᓂᐊᓕᕐᑎᑕᐅᒪᓂᕐᒥᒃ, ᐱᓗᐊᕐᑐᒥᒃ MADO-ᓄᑦ;
- ᐱᔭᐅᒪᑎᑦᓯᑌᓕᒪᑦᓱᑎᒃ ᐊᐅᓚᑦᓯᓱᑎᓪᓗ ᓄᓕᐊᕐᓂᑯᑦ ᖁᐱᕐᕆᓇᕐᑐᓂᒃ ᐊᒻᒪᓗ ᐊᓴᐱᕐᓂᒃ;
- ᐱᔭᐅᒪᑎᑦᓯᑌᓕᒪᑦᓱᑎᒃ ᐊᐅᓚᑦᓯᓱᑎᓪᓗ ᐱᑕᑦᓴᖃᑦᓯᐊᖏᓐᓂᒥᒃ;
- ᓄᓇᓕᓕᒫᑦ ᑲᐳᕐᑕᐅᓂᖓᑕ ᐃᑲᔪᕐᓯᒪᐅᑎᖏᓐᓂᒃ;
- ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᓂᕐᒧᑦ ᐃᑲᔪᕐᓯᒪᐅᑎᖏᓐᓂᒃ;
- ᑫᓪᓗᑐᐃᑦᓱᑎᒃ ᖃᓄᐃᖏᓯᐊᕐᑐᒥᒃ ᐃᓅᓯᖃᕐᓂᒥᒃ;
- ᑫᓪᓗᑐᐃᑦᓱᑎᒃ ᓂᕿᖃᑦᓯᐊᑎᑦᓯᓂᕐᒥᒃ;
- ᐊᑦᑐᐃᓯᐊᕐᓂᓗ/ᐊᑦᑐᐃᓗᑲᓐᓂᓗ ᐃᑲᔪᕐᓯᒪᐅᑎᖏᓐᓂᒃ;
- ᐃᑉᐱᒋᔭᖃᕐᓱᑎᒃ ᓄᓇᓕᓕᒫᑦ ᐃᓄᖏᑦᑕ ᖃᓄᐃᖏᓯᐊᕐᓂᑯᑦ ᖃᓄᐃᓕᖓᓕᕐᓂᖏᓐᓂᒃ (ᖃᐅᔨᓴᕐᓂᑯᑦ (ᖃᓄᐃᑉᐱᑖ, ᑭᒍᑎᓕᕆᔭᐅᓂᒃᑯᑦ, ᐃᓅᒍᓐᓀᑕᕐᓂᑯᑦ, ᐊᓯᖏᓐᓂᓗ);
- ᓄᓇᓕᓕᒫᑎᒍᑦ ᓂᕿᓄᑦ ᑐᕌᒐᖏᓐᓂᒃ;
- ᐃᓄᓕᒫᑦ ᐋᓐᓂᐊᓂᓕᕆᔭᐅᓂᒃᑯᑦ ᐃᑲᔪᕐᓯᒪᐅᑎᖏᓐᓂᒃ;
- ISPEC ᐃᑲᔪᕐᓯᒪᐅᑎᖏᓐᓂᒃ.
ᓄᓇᓕᓕᒫ ᓂ ᐱᓇᓱᐊᕐᑕᐅᒋᐊᓖ ᑦ ᓇᐅᓕᒫᓂᒃ ᐃᓗᓯᓕᕆᓂᑎᒍᑦ
ᓄᓇᕕᒻᒥ ᓂᕿᖃᑦᓯᐊᓂᕐᒧᑦ ᐊᒻᒪᓗ ᖃᓄᐃᖏᓯᐊᕐᓂᓕᕆᓂᕐᒧᑦ ᑲᑎᒪᔨᐊᐱᖏᑦ
ᓄᓇᕕᒻᒥ ᓂᕿᖃᑦᓯᐊᓂᕐᒧᑦ ᐊᒻᒪᓗ ᖃᓄᐃᖏᓯᐊᕐᓂᓕᕆᓂᕐᒧᑦ ᑲᑎᒪᔨᐊᐱᖏᑦ ᖃᓄᐃᓕᒋᐊᖁᔨᔨᐅᑦᓱᑎᒃ ᖃᑎᒪᔨᐊᐱᒋᔭᐅᓂᖃᕐᐳᑦ ᐃᓄᓕᒫᓂᒃ ᐊᓐᓂᐊᓂᓕᕆᔨᐅᑉ ᑐᑭᒧᐊᑦᑎᓯᔨᒻᒪᕆᖓᓄᑦ.
ᑖᒃᑯᐊ ᑲᑎᒪᔨᐊᐲᑦ ᑐᕌᒐᖃᓗᐊᖑᐊᑐᑦ ᓄᓇᓕᓕᒫᑎᒍᑦ ᑐᑭᒧᐊᑦᑎᓯᒋᐊᖃᕐᓂᒥᒃ ᖃᓄᐃᓕᐅᖃᑎᖃᕆᐊᖃᕐᓂᒥᓪᓗ ᑕᒪᒃᑯᓄᖓ ᐊᕙᑎᒥ ᖃᓄᐃᖏᓯᐊᕐᓂᓕᕆᓂᕐᒧᑦ, ᓂᕿᖃᑦᓯᐊᓂᕐᒧᓗ ᐊᒻᒪᓗ ᓴᓗᒣᓪᓕᓇᕐᑐᓄᑦ. ᐱᓗᐊᕐᑐᒥᒃ ᑖᒃᑯᐊ ᑲᑎᒪᔨᐊᐲᑦ ᐊᕐᖁᑎᒋᔭᐅᓯᓲᑦ ᑕᒪᒃᑯᓄᖓ ᖃᐅᔨᓴᕐᑎᓄᑦ ᐊᒻᒪᓗ ᓄᓇᕕᐅᑉ ᓄᓇᓕᖏᓐᓄᑦ ᑐᑭᓯᒪᐅᑎᑦᓴᖃᕐᑎᓯᑦᓱᑎᓪᓗ ᐃᓄᐃᑦ ᑐᑭᓯᒪᒐᑦᓴᖏᓐᓂᒃ ᑕᒪᒃᑯᓄᖓ ᑐᑭᓯᒪᐅᑎᑦᓴᓕᕆᔭᐅᒍᑎᓄᑦ ᐃᓕᖓᓂᖃᕐᑐᓄᑦ ᐊᕙᑎᒥ ᖃᓄᐃᖏᓯᐊᕐᓂᓕᕆᓂᕐᒧᐊᖓᔪᓂᒃ ᓱᒃᑯᓇᕐᑐᓄᓪᓗ ᓄᓇᕕᒻᒥ. ᑖᒃᑯᐊ ᑲᑎᒪᔨᐊᐲᑦ ᓄᓇᓕᓕᒫᓄᑦ ᐃᓗᕐᕈᓯᓕᕆᔭᐅᓂᖏᓐᓂᒃ ᐃᑉᐱᒋᔭᖃᓲᖑᒻᒥᔪᑦ ᖃᐅᔨᓴᕐᑕᐅᓂᖃᓕᑐᐊᕐᒪᑕ ᐋᓐᓂᐊᓂᓕᕆᓂᒃᑯᑦ, ᓂᕿᖃᑦᓯᐊᓂᒃᑯᓗ ᐊᒻᒪᓗ ᓱᒃᑯᓇᕐᑐᓕᕆᓂᕐᓄᑦ.
ᑲᑎᒪᔨᐊᐲᑦ ᑲᑎᒪᓂᖃᓲᑦ ᐱᖓᓱᕕᑦᓱᑎᒃ ᐊᕐᕌᒍᑕᒫᑦ ᑲᔪᓯᑎᑦᓯᒐᓱᐊᕐᓱᑎᒃ ᑎᓕᔭᐅᒪᒍᑎᒥᓂᒃ. ᑲᑎᒪᔨᐊᐲᑦ ᑲᑎᕝᕕᐅᓲᖑᒻᒥᔪᖅ ᑭᒡᒐᑐᕐᑎᒋᔭᐅᔪᕐᓄᑦ ᐊᒥᓱᒻᒪᕆᓐᓄᑦ ᑎᒥᐅᔪᓄᑦ ᐱᓇᓱᐊᒐᖃᓲᓂᒃ ᑌᒣᑦᑐᓕᕆᓂᕐᒧᐊᖓᒻᒥᔪᓂᒃ.