ᐃᓄᐃᑦ ᐱᒻᒪᕆᖁᑎᖏᓐᓂᒃ ᐱᓇᓱᐊᓲᖏᓐᓂᓗ

ᑖᓐᓇ ᐱᓇᓱᐊᕐᕕᒃ ᓄᐃᑕᐅᓯᒪᔪᑦ 2007-ᒥ ᐃᑉᐱᒋᔭᖃᕐᑎᓗᒍ ᐃᓄᐃᑦ ᐃᓪᓕᕆᔭᖏᓪᓗ ᐱᐅᓯᖏᓪᓗ ᐃᓚᐅᑎᑕᐅᑦᓯᐊᕋᓗᐊᕐᒪᖔᑕ ᐃᓗᐊᒍᕐᑎᓗᒋᑦ ᑎᓕᔭᐅᒪᒍᑎᐅᓯᒪᔪᑦ ᐃᓗᓯᓕᕆᔨᒃᑯᑎᒍᑦ. ᑖᓐᓇ ᐱᓇᓱᐊᕐᕕᒃ ᐱᓇᓱᐊᖃᑎᖃᓲᖑᒻᒥᔪᖅ ᑕᒪᖏᓐᓂᒃ ᐊᓐᓂᐊᕕᓐᓂᒃ ᓱᕐᖁᐃᑕᐅᒪᑎᑦᓯᒐᓱᐊᕐᓱᑎᒃ ᑕᒪᓐᓇ ᐃᓗᕐᕈᓯᓕᓐᓂᒃ ᐊᑦᑕᕆᔭᐅᒋᐊᖃᕐᓂᖅ ᐊᑑᑎᔭᐅᖁᓗᒍ ᐃᑲᔪᕐᓯᒪᐅᑎᓄᑦ ᐱᒍᑦᔨᒍᑎᓄᓪᓗ ᑕᒫᓂ ᓄᓇᒥ.

ᓄᓇᓕᓕᒫᑦ ᑎᒥᖁᑎᖏᑦ ᐱᓇᓱᐊᖃᑎᒋᔭᐅᓗᐊᖑᐊᖃᑦᑕᑐᑦ ᑕᒪᑦᓱᒧᖓ ᑎᒍᐊᒍᓯᑐᖃᓕᕆᓂᕐᒧᑦ. ᐱᓇᓱᑦᑎᑕᐅᔪᓂᒃ ᑕᒪᑦᓱᒧᖓ ᑎᒍᐊᕈᓯᑐᖃᓕᕆᓂᕐᒧᑦ ᑯᐯᒃᒥ, ᓄᐃᑕᐅᓯᒪᔪᓂᒃ ᑯᐯᒃᑯᑦ ᐃᕐᖃᑐᐃᔨᓕᕆᔨᖏᓐᓄᑦ ᐊᒻᒪᓗ ᑯᐯᒃᑯᑦ ᐊᓐᓂᐊᓂᓕᕆᔨᖏᓐᓄᑦ ᐃᒣᓕᒋᐊᖁᔨᔨᐅᓂᐊᕐᑎᓗᒋᑦ ᑐᑭᑖᕆᒍᑎᑦᓴᒧᑦ ᑕᒪᑦᓱᒧᖓ ᐃᓚᐅᑎᑦᓯᖏᓐᓂᒧᑦ ᑎᒍᓯᐊᕈᓯᑐᖃᐅᓲᓂᒃ ᑯᐯᒃᑯᑦ ᐱᖁᔭᖏᓐᓂ ᐃᑲᔪᕐᓯᒪᐅᑎᖏᓐᓂᓗ, ᐃᓄᓕᒫᓂᒃ ᑐᓴᕐᑎᓯᒍᑎᒥᓂᒃ ᓄᐃᑦᓯᓚᐅᔪᔪᑦ ᐁᕆᓕ 16, 2012-ᒥ. ᐅᑯᐊ ᖁᔦᑦ ᐊᓯᑦᔨᑕᐅᑎᑦᓯᓂᕐᒧᑦ ᐊᓯᖏᓐᓂᓗ ᐱᖁᔭᓕᐊᖑᓯᒪᔪᓂᒃ ᑕᒪᑦᓱᒧᖓ ᑎᒍᐊᕐᓂᒧᑦ, ᐊᖓᔪᕐᖄᕆᔭᐅᔫᑉ ᐱᔪᓐᓇᓯᑎᑕᐅᒪᓂᖓᓄᑦ ᐊᒻᒪᓗ ᑐᑭᓯᒪᐅᑎᑦᓴᓂᒃ ᖃᐅᔨᔭᐅᑎᑦᓯᓂᕐᒧᑦ, ᐃᓗᓕᑕᖃᓚᐅᔪᒻᒥᔪᓂᒃ ᓄᓇᖃᕐᖄᓯᒪᔪᐃᑦ ᑎᒍᐊᕈᓯᑐᖃᖓᓂᒃ, ᓵᕐᒧᑕᐅᓚᐅᕐᓯᒪᔪᑦ ᔫᓂ 13, 2012-ᒥ, ᑯᐯᒃᑯᑦ ᑲᕙᒪᖓᑕ ᐅᖃᕐᕕᒪᕆᖓᓂ. ᑭᓯᐊᓂ 2012-ᒥ ᐅᑭᐊᑦᓴᐅᑎᓗᒍ ᑯᐯᒃᒥ ᓂᕈᐊᕐᓂᖃᓚᐅᔪᓂᑯᖓᓄᑦ, ᑖᒃᑯᐊ ᐱᖁᔭᓕᐊᖑᒐᓱᐊᕐᑐᑦ ᓲᕐᓗ ᑐᖁᐃᓐᓇᓚᐅᔪᑦ ᑐᓂᔭᐅᒋᐊᓚᐅᕋᑎᓪᓘᓃᑦ ᐊᖏᕐᑕᐅᒪᕆᓚᐅᕋᑎᓪᓘᓃᑦ. ᓄᑖᒥᒃ ᐱᖁᔭᓕᐊᖑᒐᓱᐊᕐᑐᒥᒃ ᒪᓂᔭᐅᔪᖃᕆᐊᓪᓚᓯᒪᓕᕐᑐᖅ ᑯᐯᒃᑯᑦ ᑲᕙᒪᖓᑕ ᐅᖃᕐᕕᒪᕆᖓᓄᑦ ᐊᒻᒪᓗ ᑭᒡᒐᑐᕐᑎᒋᔭᐅᔪᐃᑦ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᓐᓄᑦ ᐊᒻᒪᓗ ᒪᑭᕝᕕᑯᓄᑦ ᑕᒪᑦᓱᒥᖓ ᐃᑉᐱᒋᔭᖃᓚᐅᕐᓱᑎᒃ.