ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᓄᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᖃᕐᕕᒋᔭᖓᑕ ᐃᔨᓕᕆᔭᐅᓂᕐᒧᑦ ᐱᕙᓪᓕᖁᑏᑦ ᓱᓇᒦᕗᑦ ᐃᔨᓕᕆᔭᐅᓂᕐᒥᒃ ᐋᕐᕿᒋᐊᕆᓂᕐᓂᓗ ᐃᔭᐅᑎᓂᒃ, ᐃᓚᐅᑎᓪᓗᒋᑦ:
- ᐃᔨᓕᕆᔭᐅᓃᑦ, ᐃᒻᒪᖃᐅᓯᕐᓯᒪᖕᖏᑐᓄᑦ ᑯᐯᒃᒥ ᐅᕝᕙᓘᓐᓃᑦ ᓄᓇᖃᕐᕕᐅᔪᒥ;
- ᐋᕐᕿᒋᐊᕐᓯᒪᔪᑦ ᐃᔭᐅᑏᑦ ᐆᑦᑑᑎᒋᓗᒋᑦ ᐃᔭᐅᑏᑦ ᐃᔨᒨᓲᓪᓗ ᑕᑯᓐᓇᓯᐊᕈᑏᑦ ᐅᓐᓂᑑᑎᐅᔪᑦ ᐃᔨᓕᕆᔨᒧᑦ;
- ᐃᔭᐅᑏᑦ ᐋᕐᕿᒋᐊᕐᑕᐅᓂᖏ.
ᐃᔨᓕᕆᔭᐅᓂᕐᒨᓕᖓᔪᑦ ᐱᕙᓪᓕᖁᑏᑦ ᓱᓇᒥᑦᑕᐅᔪᑦ ᒪᓕᑦᓱᒋᑦ ᐱᕙᓪᓕᖁᑎᐅᔫᑉ ᒪᓕᒐᖏᑦ. ᐃᔨᓕᕆᔭᐅᓂᖃᕆᐊᓕᒃ ᐃᔨᓕᕆᔨᒃ ᐃᓕᑕᕆᔭᐅᓗᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ.
ᐱᒻᒪᕆᒃ
- ᐃᓚᐅᔫᔫᖅ ᑲᒪᔨᒋᔭᖓᓘᓐᓃᑦ ᐊᐱᕐᓱᒋᐊᓕᒃ ᐋᓐᓂᐊᓯᐅᑎᓕᕆᔨᒥᒃ ᖃᐅᔨᒋᐊᕐᕕᖃᖁᔨᓗᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᐱᕕᖃᓂᐊᑐᐊᕈᓂ ᐊᖏᕐᑕᐅᒍᑎᒥᒃ ᓇᓗᓀᕐᓯᔪᒥᒃ ᐅᑎᕐᕕᐅᒍᑎᐅᒍᓐᓇᑐᒥᒃ ᓱᕐᖁᐃᑕᐅᑦᓯᐊᓚᐅᑲᑦᑎᓗᒍ ᐃᓚᐅᔫᔫᑉ ᐱᒍᓐᓇᕕᖃᕐᓂᖓᓂᒃ, ᐊᓪᓚᓯᒪᔫᓗᓂ ᐋᓐᓂᐊᓯᐅᑎᑖᕈᑎᒃ, ᐊᒻᒪᓗ ᐋᓐᓂᐊᓯᐅᑎᓕᕆᔨᐅᑉ ᐱᓇᓱᐊᕐᓂᕕᓂᖓ.
- ᐊᖏᕐᑕᐅᒍᑎᐅᔪᖅ ᒪᓂᔭᐅᔪᖅ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᓇᓗᓀᕐᓯᓯᒪᒐᔭᕐᑐᖅ ᐅᓄᕐᓂᖓᓂᒃ ᐅᑎᕐᑎᑕᐅᒍᑎᑦᓴᖓᓂᒃ ᑐᕃᓐᓇᑐᒧᑦ ᐋᓐᓂᐊᓯᐅᑎᓕᕆᔨᒧᑦ. ᐃᒣᓕᖓᔪᒦᑉᐸᑦ ᑖᓐᓇ ᐱᕙᓪᓕᖁᑎᐅᔪᖅ ᐱᕕᖃᕐᑎᓯᖕᖏᐸᑦ ᐊᑭᓕᕐᑕᐅᑎᑦᓯᒍᓐᓇᖏᑉᐸᑦ ᐃᓗᓐᓇᖓᓂᒃ, ᐃᓚᐅᔫᔫᖅ ᐊᑭᓖᔪᑦᓴᕈᕋᔭᕐᑐᖅ ᐊᒥᐊᒃᑯᖏᓐᓂᒃ ᐋᓐᓂᐊᓯᐅᑎᓕᕆᔨᒧᑦ.