ᕿᒥᕐᕈᒋᐊᓪᓛᓂᖅ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᒍᑎᖏᓐᓂᑦ ᓄᓇᕕᒻᒥ: ᐊᑐᕐᑏᑦ ᐃᓱᒪᒋᔭᖏᑦ

ᐃᓂᓪᓚᑕᐅᓯᒪᓂᖓᒍᑦ ᓄᓇᓕᓕᒫᓂ ᐱᒍᑦᔨᐅᑏᑦ ᐸᕐᓀᑕᐅᒍᑎᖓᑕ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐃᓚᐅᑎᑦᓯᒍᒪᓯᒪᕗᑦ ᑕᑯᓐᓇᕈᓯᖏᓐᓂᒃ ᓄᓇᕕᒻᒥᐅᑦ ᐸᕐᓀᑕᒥᓄᑦ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐱᒍᑦᔨᐅᑎᓂᒃ ᓄᓇᕕᒻᒥ.

ᐱᓇᓱᐊᕐᑕᐅᔪᖅ ᑕᒪᓐᓇ, ᑐᕌᒐᖃᕈᑕᐅᔪᖅ ᓯᕗᓂᑦᓴᕆᒍᒪᓯᒪᔭᖓᓂᒃ ᐃᓄᐃᑦ, ᐊᑦᔨᒌᖕᖏᑐᑎᒍᑦ ᐱᓇᓱᐊᕐᑕᐅᕙᑉᐳᖅ, ᖃᐅᔨᓴᕐᓂᑕᖃᕐᐸᓱᓂ, ᐃᓚᖃᕐᒥᔪᒥᒃ ᖃᐅᔨᓴᕐᓂᒥᒃ ᐊᑕᐅᓯᐅᑦᑎᑐᑦ ᐊᐱᕐᓱᑕᐅᕙᒻᒥᑎᓪᓗᒋᑦ ᑲᑎᒪᑦᓱᑎᓪᓗ ᐃᓱᒪᑦᓴᓯᐅᖃᑎᒌᑉᐸᓱᑎᒃ, ᑕᒪᒃᑯᐊ ᐊᑑᑎᔭᐅᓯᒪᔪᑦ 2017-ᓗ 2019-ᓗ ᐊᑯᓐᓂᖓᓂ.

ᑕᒪᓐᓇ ᐱᓇᓱᐊᕐᑕᐅᓂᖃᕐᓯᒪᔪᖅ ᑐᑭᓯᑦᓯᐊᕆᐊᓪᓚᕈᒪᑦᓱᒋᑦ ᐊᑑᑎᔭᐅᖃᑦᑕᓯᒪᔪᑦ, ᐃᓱᒪᒋᔭᖏᓪᓗ ᓄᓇᕕᒻᒥᐅᑦ ᐱᒍᑦᔭᐅᒍᑎᒋᓲᖏᑦ ᐱᓪᓗᒋᑦ, ᓯᕗᓂᕐᒥ ᐱᒍᑦᔭᐅᒍᑎᒋᕙᓐᓂᐊᑕᖏᑦ ᐊᓯᑦᔨᒋᐊᕈᒪᒧᑦ ᐃᓄᐃᑦ ᓯᕗᓂᕆᒍᒪᓂᕐᓴᖓᓄᑦ ᖃᓄᐃᖕᖏᓯᐊᕆᐊᖃᕐᓂᖅ ᐱᓪᓗᒍ ᐃᓄᐃᑦ ᐱᒍᒪᔭᖏᑎᒎᕐᓂᓴᐅᖁᔨᒧᑦ ᐱᒍᑦᔨᐅᑎᓂᒃ.