ᑯᔭᓐᓂᑯᑦ ᐊᑦᔨᐅᖏᑦᑐᑎᑕᐅᓂᕐᓗ

ᓱᒧᑦ ᖁᕕᐊᓱᑎᖃᕆᐊᖃᑉᐱᑕ ᖁᕕᐊᒋᔭᖃᓐᓂᒥᑦ ᓄᓇᕕᒻᒥ?

ᐃᓚᖓᓂᒃ ᐃᑉᐱᓂᐊᓱᖑᕗᒍᑦ ᐃᓱᐃᑦᓱᒥᑦ ᓄᑖᓄᑦ ᓱᓇᑐᐃᓐᓇᓂᒃ ᐊᒻᒪᓗ ᐊᑦᔨᐅᖏᑦᑐᓂᕐᒥ. ᐱᐅᓯᕐᓱᓯᑐᐃᓐᓇᖅ ᖁᐃᓕᕐᑕᓇᕐᑐᓱᓂ ᓯᕗᓪᓕᒥ, ᑭᓯᐊᓂᑕᒐ ᐃᓄᓐᓂᒃ ᖃᓄᐃᑦᓴᖁᔨᖕᖏᑐᒍᑦ ᐅᕙᑦᑎᓂᒃ, ᐱᒻᒪᕆᐅᒻᒪᑦ ᖃᓄᐃᒋᔭᐅᒍᒪᒐᓂ ᐊᓯᑦᑎᓄᑦ ᐃᓄᖃᑎᒋᔭᐅᒍᒪᒐᑦᑕ. ᐅᖃᒐᓗᐊᕈᑦᑕ ᐱᐅᓯᑦᑎᓂᒃ ᑕᑯᓐᓇᑕᐅᓂᒃᑯᑦ, ᐃᓄᐃᑦ ᐃᓗᓐᓇᑎᒃ ᐊᔨᒋᖕᖏᒪᑕ ᓱᓱᒋᔭᐅᒍᒪᑦᓱᑎᓪᓗ ᐊᖏᕐᑕᐅᓯᒪᓗᑎᒃ ᖃᓄᐃᓕᖓᐅᓯᒥᓂᒃ.

ᓱᓇᐅᕙ ᖁᕕᐊᒋᔭᖃᓐᓂᖅ?

ᖁᕕᐊᒋᔭᖃᓐᓂᖅ ᑭᓇᐅᓂᑦᑎᓂᒃ ᑌᒣᑦᑐᕗᖅ. ᐊᖏᕐᓯᒪᑦᓱᑕ ᐃᒻᒥᓂᒃ ᐊᓯᑦᑎᓂᓪᓗ. ᐅᑭᐅᕗᑦ ᑲᒪᒋᖏᓱᒍ, ᓇᑭᒥᐅᔭᐅᓂᑦᑎᓂᒃ, ᑯᔭᓐᓂᑯᓪᓗ ᐃᓱᒪᕐᓱᓂᖅ. ᐃᕐᖃᐅᒪᑦᓯᒍᑎᐅᒻᒥᔪᖅ ᐊᔪᐃᓐᓇᑐᕕᓃᑦ ᓯᕗᓪᓕᑕ ᐱᔪᓐᓇᐅᑎᖃᑎᑕᐅᖁᓪᓗᑕ.

ᐅᓂᒃᑲᐅᓯᕐᑎᒍ, ᓂᐅᔪᐊᒃ ᓯᑎᒥ, ᔪᓂ 1969-ᖑᑎᓪᓗᒍ ᐳᓕᓯᒃᑯᑦ ᐃᑎᓚᐅᕐᓯᒪᒻᒪᑕ ᐊᑭᓐᓇᓕᐊᕕᓂᐊᓪᓗᒻᒥᒃ ᐊᖑᑎᐅᖃᑎᒌᑦ ᑯᔨᓐᒍᐃᓯᒥ. ᑕᒪᓐᓇ ᐅᓇᑕᕈᑎᐅᔪᕕᓂᖅ ᑲᒪᔨᐅᔪᓄᑦ, ᐱᓇᓱᑦᑎᐅᔪᓄᓪᓗ ᓯᓚᕐᖃᑎᒋᓄᓪᓗ. ᐅᓪᓗᐃᑦ ᐱᖓᓱᔪᕐᑐᑦ ᐅᓇᑕᐅᑎᕙᑦᑐᕕᓂᐅᒪᑕ. ᓇᒻᒪᓴᖕᖏᑐᑦ ᓄᐃᑕᐅᖁᔨᔪᕕᓂᐅᒻᒪᑕ ᐊᓐᓇᐅᖃᑎᒌᑦ ᐊᖑᑎᐅᖃᑎᒌᑦ LGBTQ+ ᐃᓄᐃᓪᓗ ᐃᓄᖃᑎᒋᒍᓐᓇᓂᐊᕐᒪᑕ ᒪᑐᐃᖓᑦᓯᐊᑐᒥᒃ ᐊᑦᑕᓇᕐᑐᒥᒍᓐᓇᐃᓗᑎᓪᓗ ᑎᒍᔭᐅᓂᐊᖕᖑᕈᓐᓀᓗᑎᒃ.

ᐊᕐᕋᒍ ᐊᓂᒍᕐᒪᑦ, ᐃᕐᖃᐅᒪᔭᐅᓂᖃᓪᑎᓗᒍ ᑯᔨᓐᒍᐃᓴᒥ ᓇᒻᒪᒋᐅᑎᖕᖏᓂᐊᓗᒃ, ᐊᒥᓱᐊᓗᐃᑦ ᐊᕐᓇᐅᖃᑎᒋᑦ ᐊᖑᑎᐅᖃᑎᒋᑦ ᐱᑦᔪᑎᒋᑦᓱᒋᑦ ᓄᐊᓚᐅᕐᓯᒪᒻᒪᑕ ᐊᕐᖁᑎᖏᓐᓂᒃ ᓂᐅᔪᐊᕐᒥ ᓄᐃᑕᑎᑦᓯᓱᑎᒃ ᐊᒻᒪᓗ ᐃᕐᖃᐅᒪᒋᑦᓱᒋᑦ ᓱᓂᐅᔪᕕᓂᕐᒥ. ᑕᒪᓐᓇᑕᒃᑲ ᖁᕕᐊᒋᔭᖃᓐᓂᐅᑉ ᐱᒋᐊᓯᓂᕕᓂᖓ. ᑌᓱᒪᓂ1969-ᖑᑎᓪᓗᒍ ᓇᒻᒪᒋᐅᑎᖕᖏᓂᐊᓗᒃ ᐱᒋᐊᓚᐅᕐᓯᒪᕗᖅ ᓄᐃᑕᐅᓚᕿᓱᓂ LGBTQ+-ᑯᑦ ᐱᔪᓐᓇᐅᑎᖏᓐᓂᒃ ᑎᒥᐅᔪᑦᓱᓂ.

ᖁᕕᐊᒋᔭᖃᓐᓂᖅ ᐱᕕᑦᓴᐅᕗᖅ ᑕᒃᑯᓄᖓ LGBTQ+-ᑯᓐᓄᑦ ᑲᑎᖁᓪᓗᒋᑦ ᖁᕕᐊᓱᖃᑎᒋᓐᓂᒥᑦ ᐊᖏᕐᑕᐅᓯᒪᓂᕐᒧᑦ ᑯᔭᓐᓂᑯᑦ ᐊᒻᒪᓗ ᐊᑦᔨᐅᖏᑦᑐᑎᑕᐅᓂᖅ. ᑭᓇᓕᒫᑯᑦ ᐃᓚᐅᖁᔭᐅᕗᑦ ᓄᐃᑕᑎᑦᓯᖁᓪᓗᒋᑦ ᓴᐳᒻᒥᓂᕐᒥᓂᒃ ᑕᒪᑦᓱᒧᖓᐅᓕᖓᔪᒥᑦ.

ᑕᑯᔪᓐᓴᐅᓱᖑᕗᒍᑦ ᑐᓴᕈᑎᑎᒍᑦ ᖁᕕᐊᒋᔭᖃᓐᓂᐅᑉ ᒥᑦᓵᓄᑦ ᐊᑦᔨᒋᓐᖏᑐᓂᒃ, ᑭᓯᐊᓂ ᖁᕕᐊᓱᑎᖃᓐᓂᖅ ᐊᖏᓐᕐᓴᐅᔪᖅ ᒪᓕᑦᑕᕆᑐᓂᒃ ᓂᔭᓗᑕᓱᑎᓪᓗ, ᓴᐳᒻᒥᓂᐅᕗᖅ ᐊᑦᔨᐅᖏᑦᑐᑎᑕᐅᓂᕐᒧᑦ ᐊᒻᒪᓗ ᐃᓚᐅᑎᑕᐅᓗᑎᒃ ᓄᓇᓕᒻᒥᐅᓄᑦ. ᓯᕗᓪᓕᐸᐅᑎᑕᐅᕗᖅ ᐅᖃᐅᓯᕆᔭᐅᑦᓱᓂ ᖃᓄᐃᒋᔭᐅᒍᒪᖕᖏᓂᖅ ᐊᒻᒪᓗ ᓇᓪᓕᓂᕐᒧᑦ.

ᖃᓄᖅ ᑐᑭᖃᑉᐸ ᓴᐃᒻᒪᑎᖓ?

ᐊᔭᒍᑕᑦ ᓭᒻᒪᑎᒃ ᑕᑯᑦᓴᐅᓂᖓ ᐃᓕᖓᕗᖅ LGBTQ+-ᑯᑦ ᖁᕕᐊᓱᑎᒋᑦᓱᒍ. ᐊᑦᔨᐅᖏᑦᑐᑎᑕᐅᓂᕐᒧᑦ, ᓄᐃᕙᓪᓕᐊᓯᒪᔪᖅ, ᓯᕗᓪᓕᒥ ᓄᐃᑕᐅᓚᐅᕐᓯᒪᑎᓪᓗᒍ ᓴᓐᕙᕋᔅᓯᔅᑯᒥ 1978-ᒥ ᓯᑕᒪᐅᔪᕐᑐᓱᑎᒃ ᑕᐅᑦᑐᖏᑦ ᐊᑐᓂ ᑐᑭᖃᕐᓱᑎᒃ ᐊᐅᐸᕐᑐᖅ ᐃᓄᓯᖅ, ᐊᐅᐸᓚᖓᔪᖅ ᐃᓱᐊᕐᑐᒥᑦ ᖁᕐᓱᑕᖅ ᓯᕿᓂᕐᒥᑦ ᓄᓇᐅᔭᖅ ᓄᓇᒥᒃ, ᑐᖑᔪᕐᑕᖅ ᑕᐅᑐᓕᐅᕐᓂᖅ, ᐊᐅᐸᓪᓗᕆᑦᑐᖅ ᐅᑉᐱᓂᕐᒧᓕᖓᔪᖅ.

2018-ᒥᓂᑦ, ᑲᔪᓯᓂᖓᓄᑦ ᖁᕕᐊᒋᔭᖃᓐᓂᒧᑦ ᓭᒪᑎᖓ ᑕᑯᔭᐅᓂᕐᓴᐅᕙᑦᑐᖅ. ᐃᓚᐅᑎᑦᓯᓂᕐᓴᐅᒪᑦ ᐃᓚᖃᓕᑐᐊᕐᒪᑦ ᖃᑯᕐᑕᒥᒃ ᐱᖕᑭᒧᑦ ᑐᖑᔪᕐᑕᒧᓪᓗ ᖃᓄᐃᑦᑐᓴᔭᐅᓂᕐᒧᓕᖓᔪᑦ ᓭᒻᒪᑎᖓ, ᐊᒻᒪᓗ ᑲᔪᖅ ᕿᕐᓂᑕᕐᓗ ᑕᑯᓴᐅᒥᑦᓱᑎᒃ.

ᑯᔭᓐᓂᖅ, ᐃᑦᓯᒋᔭᖃᓐᓂᓗ ᐊᒻᒪᓗ ᐃᓄᓕᕐᓱᓂ ᐱᐅᓯᓕᕕᓂᐊᓂᖓ

ᓱᓇᐅᕙ LGBTQ+ ᑐᑭᖓ?

ᐊᑦᓯᕋᒍᓰᑦ ᐊᒥᓱᑲᓪᓚᐃᑦ ᐊᑐᕐᑕᐅᓲᑦ ᐊᑦᔨᒋᑦᑎᑕᐅᖕᖏᑐᓂᒃ ᓇᓗᓇᕐᓯᒍᑎᐅᑦᓱᓂ. ᐅᑦᑐᑎᒋᑦᓱᒍ, LGBTQ+ ᐃᓕᖓᔪᖅ ᐊᕐᓇᐅᖃᑎᒌᑦ ᐊᖑᑎᐅᖃᑎᒌᑦ ᓇᓪᓕᐊᒍᕐᑐᑦ ᐱᐅᓯᕐᒥᒍᕐᑐᑦ, ᐊᑦᔨᒋᑦᑐᖅ ᓄᓇᖁᑎᒋᓐᓂ. 25LGBTQ+ ᐃᓚᐅᑎᑦᓯᑎᓪᓗᒍ ᐅᑉᐱᓂᑦ ᒪᕐᕉᒃ (2S) ᑯᔭᕐᓂᖅ(I), ᐊᒻᒪᓗ ᑯᔭᕐᓂᖅ (A) ᐃᓄᐃᑦ ᓄᓇᓕᒻᒥᑐᑦ ᐃᓚᐅᒻᒥᑎᓪᓗᒋᑦ. ᓇᓪᓕᐊᒍᑐᐃᓐᓇᖅ ᐊᑦᓯᕋᕐᑕᐅᓂᖏᑦ ᐱᒐᓗᐊᕐᒥᑎᓪᓗᒋ, ᐊᑦᔨᖃᖕᖏᑐᓂᖅ ᑭᒡᒐᑐᕐᑕᐅᕗᖅ ᐊᓯᖏᑦᑎᒍᑦ ᐃᓗᓐᓂᒃ ᐃᓚᐅᑎᑦᓯᑐᐊᕋᒥ.

ᐊᑦᓯᕋᒍᑎᐅᒍᓐᓇᒥᔪᑦ:

ᓇᓪᓕᐊᒍᕐᓂᖃᖕᖏᑐᑦ: ᐃᓄᒃ ᐃᑦᓯᒍᓱᓐᓂᓕᒃ ᐊᖑᑎᐅᒍᓂ ᐊᕐᓇᒥᑦ ᐊᕐᓇᐅᒍᓂ ᐊᖑᑎᒥᑦ. ᓇᓪᓕᐊᒍᕐᓂᖃᖕᖏᑐᑦ ᐃᑦᓯᒍᕐᓂᐅᕗᖅ ᑯᔭᕐᓂᑯᑦ.

ᐊᖑᑎᐅᖃᑎᒋᑦ: ᐃᓄᒃ ᐃᑦᓯᒍᓐᓂᓕᒃ ᐊᑦᔨᒥᓂᒃ. ᐊᖑᑎᐅᒍᓂ ᐊᖑᑎᒥᒃ, ᐊᕐᓇᐅᒍᓂ ᐊᕐᓇᒥᑦ. ᐊᑦᔨᒥᓂᒃ ᐃᑦᓯᒍᕐᓂᓕᒃ ᐃᑦᓯᒍᕐᓂᐅᕗᖅ ᑯᔭᓐᓂᑯᑦ.

ᓇᓪᓕᐊᒍᑐᐃᓐᓇᑐᖅ: ᐃᓄᒃ ᑯᔭᓐᓂᑯᑦ ᐃᑦᓯᒍᓱᑦᑐᖅ ᑕᒪᒋᓐᓄᑦ ᐊᖑᑎᓄᑦ ᐊᕐᓇᓄᓪᓗ. ᓇᓪᓕᐊᒍᑐᐃᓐᓇᑐᖅ ᐃᑦᓯᒍᕐᓂᐅᕗᖅ ᑯᔭᓐᓂᑯᑦ.

ᓇᓪᓕᐊᒍᖕᖏᑐᖅ: ᐃᓄᒃ ᐃᑦᓯᒍᕐᓂᖃᖕᖏᑐᖅ ᑭᓇᒧᓪᓗᓃᑦ. ᓇᓪᓕᐊᒍᖕᖏᑐᑦ ᐃᑦᓯᒍᕐᓂᐅᒋᕗᑦ ᑯᔭᓐᓂᑯᑦ.

ᐃᒣᑦᑐᖃᕈᒪᓂᖅ: ᐃᓄᒃ ᑯᔭᓐᓂᑯᑦ ᐃᑦᓯᒍᕐᓂᖃᕐᑐᖅ ᐃᓄᒃ ᐱᐊᓯᑦᓴᔭᖃᑐᐊᕐᐸᑦ, ᓇᓪᓕᐊᒍᒐᓗᐊᕐᐸᑦ ᐱᐅᓯᖃᕐᑐᐊᕐᐸᑦ. ᐃᒣᑦᑐᖃᕈᒪᓂᖅ ᐃᑦᓯᒍᕐᓂᐅᒋᕗᖅ

ᐊᑦᔨᒥᓂᒃ ᐃᑦᓯᒍᓱᓐᓂᓕ: ᐊᖑᑎᒃ ᐃᑦᓯᒍᓱᑦᑐᖅ ᐊᖑᑎᐅᖃᑎᒥᓂᒃ. ᐃᓚᖓᓂᒃ ᐊᑦᔨᓂᐊᕐᑐᖅ ᐅᖃᐅᓯᐅᕗᖅ ᐃᓗᓐᓈᒍᑦ ᐃᑦᓯᒍᕐᓂᓖᑦ ᐊᖑᑎᐅᑉᐸᑕ ᐊᖑᑎᒥᑦ, ᐊᕐᓇᐅᐸᑕ ᐊᕐᓇᒥᑦ.

ᐊᕐᓇᐅᐊᑎᒥᓂᒃ ᐃᑦᓯᒍᕐᓂᓕᒃ: ᐊᕐᓇᖅ ᐃᑦᓯᒍᕐᓂᓕᒃ ᐊᕐᓇᐅᖃᑎᒥᓂᒃ.

ᐃᓄᓕᕐᓱᓂ ᐱᐅᓯᓕᕕᓂᖅ: ᐃᓄᒃ ᑭᓇᐅᓂᖓ ᐃᓄᓕᕐᓱᓂ ᐃᓕᖓᓐᓂᖏᑦᑐᖅ ᑯᔭᓐᓂᑯᑦ.

ᓇᓪᓕᐊᒍᕐᓂᖓ ᐃᓕᖓᑎᑦᓯᖏᑦᑐᖅ ᐊᖑᑎᐅᒻᒪᖓᑦ ᐊᕐᓇᐅᒪᖓᓪᓗᓃᑦ. ᐅᕝᕙᓗᓐᓃᑦ ᐃᑎᑕᕐᓯᖏᑦᑐᖅ ᓇᓪᓕᐊᖑᓂᖏᓐᓂᒃ.

ᓇᓪᓕᐊᖑᓂᖃᖕᖏᑐᑦ: ᐃᓄᒃ ᐃᓕᑕᕐᓯᖃᔭᖕᖏᑐᖅ ᓇᓪᓕᐊᒍᕐᒪᖓᒻᒥ ᐃᓕᑕᕐᓯᓂᖃᖕᖏᑐᑦ ᐊᖑᑎᓄᑦ ᐊᕐᓇᓄᓪᓗ.

ᐅᑉᐱᓂᓕᒃ ᒪᕐᕈᐃᓕᖓᔪᓐᓂᒃ: ᓄᓇᖃᖄᓯᒪᔪᑦ ᐃᓚᖏᑦ ᒪᕐᕈᐃᓕᖓᑎᑦᓯᒍᓐᓇᑐᑦ ᑕᒪᒋᓐᓂᒃ ᐊᖑᑎᒥᑦ ᐊᕐᓇᒥᓪᓗ.

ᐊᐱᕐᓱᑎᖃᕐᓂᖅ: ᐃᓄᒃ ᓱᕐᖁᐃᓱᖕᖏᑐᑦ ᓇᓪᓕᐊᖑᒻᒪᖓᒻᒥ ᐃᑦᓯᒍᕐᓂᑎᒍᑦ ᐊᒻᒪᓗ ᐱᐅᓯᓕᕕᓂᐅᑉᐸ ᑭᓇᐅᓂᖓ.

ᒪᕐᕈᓂᒃ ᐃᑦᓯᒍᕐᓂᖃᕐᑐᑦ: ᐃᓄᒃ ᐃᓄᓕᕐᓯᒪᔪᖅ ᑕᒪᒃᑭᓱᓂ ᐃᓕᑕᕐᓯᐅᑎᒋᔭᐅᓂᖏᓐᓄᑦ ᑎᒥᖓ

ᐃᑲᔪᕐᑎ: ᐃᓚᐅᖏᑐᖅ LGBTQ+-ᑯᓐᓄᑦ ᐃᑲᔪᕐᑐᓱᓂ LGBTQ+-ᑯᓐᓂᒃ ᐱᒐᓱᐊᕐᑕᖏᓐᓄᓗ.

ᓱᓇᐅᕙ ᐃᓕᑕᕐᓯᐅᑎ?

ᐃᓕᑕᕐᓇᐅᑎᕗᑦ ᖃᓄᖅ ᐃᒻᒥᓂᒃ ᐃᓕᑕᕐᓯᒪᖔᑕ. ᑕᑯᑦᓴᐅᓂᑦᑎᒍ ᑕᑯᓐᓇᑕᐅᒻᒪᖔᑕ ᑭᓇᐅᓂᑦᑎᓂᒃ. ᐃᓚᖃᓱᖑᒻᒥᔪᑦ ᐃᓕᑕᕐᓇᐅᑎᕗᑦ ᐊᑦᔨᒋᔭᐅᖕᖏᓂᑦᑎᓂᒃ. ᐃᓚᖓᑦ ᓇᓪᓕᐊᖑᓂᑦᑕ ᐃᓕᑕᕐᓇᐅᑎᖓ, ᐅᑯᓂᖓ:

ᐃᓄᓕᕐᓱᑎᒃ ᐃᓕᑕᕐᓇᐅᑎ: ᐊᓐᓂᐊᓯᐅᕐᑏᑦ ᐃᓐᓂᓱᕐᓯᔨᓪᓗ ᓇᓗᓇᕐᓯᕙᑉᐳᑦ ᐃᓄᓕᑐᐊᕐᒪᑕ. ᑎᒥᖓᑕ ᖃᓄᐃᑦᑐᓂᖓ ᑯᔭᓐᓂᑯᑦ. ᑭᓯᐊᓂ ᑎᒥᖓᑕ ᐊᐅᓚᒍᓯᖓᓄᓕᖓᔪᑦ ᑕᑯᑦᓱᒍ ᐃᓄᓕᕐᓱᓂ ᐊᖑᑎᐅᓐᓂᒪᖔ ᐊᕐᓇᐅᓂᕐᒪᖔᑦ.

ᑯᔭᓐᓂᑯᑦ ᐃᑦᓯᒍᕐᓂᖓ: ᐃᑉᐱᓂᐊᕐᓂᖓ ᐅᒻᒪᑎᒃᑯᑦ ᐊᒻᒪᓗ ᑯᔭᓐᓂᑯᑦ ᐃᑦᓯᒍᕐᓂᖓ ᐃᓄᒻᒧᑦ. ᑎᒥᐅᑉ ᐱᐅᓯᕐᓱᑎᖓ ᐊᒻᒪᓗ ᐃᑉᐱᓂᐊᒍᑎᖓ (ᐃᑦᓯᒍᕐᓂᖅ) ᑯᔭᓐᓂᑯᑦ ᐃᑦᓯᒍᕐᓂᖓ ᐊᓯᖃᖕᖏᑐᖅ, ᐃᑉᐱᓂᐊᕐᓂᕆᔭᐃᑦ ᐃᑦᓯᒍᕐᓂᕆᔭᐃᑦ ᑎᒥᑉᐱᑦ ᐱᐅᓯᖓ. ᑐᑭᓯᑦᓱᒍ, ᐃᓄᐃᑦ ᐃᑦᓯᒍᕐᑕᑎᑦ ᓇᓪᓕᒋᑦᓱᒋᑦ.

ᓇᓪᓕᐊᖑᑎᖓᑕ ᐃᓕᑕᕐᓇᐅᑎᖓ: ᖃᓄᖅ ᑕᑯᓐᓇᑕᐅᒪᖔᑦ: ᐃᑉᐱᓂᐊᒍᓯᕗᑦ ᐊᖑᑎᐅᑐᐊᕈᑦᑕ ᐊᕐᓇᐅᑐᐊᒍᑦᑕᓗᓐᓃᑦ, ᑕᒪᒋᓐᓂᓗᓐᓃᑦ ᐅᓱᖓᑦ ᖃᐅᔨᒍᑎᒋᑦᓱᒍ. ᐃᓚᖓᓂᑦ ᐃᓄᓕᕐᓱᓂ ᖃᓄᐃᑦᑐᓂᕕᓂᖓ, ᑭᓯᐊᓂ ᐊᑦᔨᐅᖏᑦᑐᕋᔭᕐᒥᔪᖅ.

ᐃᓄᓕᕐᓱᓂ ᖃᓄᐃᑦᑐᓂᕐᒪᖓᑦ: ᐱᐅᓯᕆᔭᖓ ᐃᓅᑉ ᖃᓄᐃᑦᑐᔭᐅᓂᖓ. ᐃᓚᖃᕈᓐᓇᒥᔪᖅ ᐃᓕᕐᖁᓯᖓᓄᑦ ᑕᑯᓐᓇᑕᐅᒍᓯᖓᓗ, ᐅᑦᑐᑎᒋᑦᓱᒋᑦ ᐊᓐᓄᕋᖏᑦ ᓄᔭᖏᑦ ᐱᐅᓴᕐᓯᒪᓂᖓ ᑎᒥᖓᑕᓗ ᐅᖄᓂᖓ ᐊᒻᒪᓗ ᓂᐱᖓ. ᐃᓄᓕᕐᓱᓂ ᖃᓄᐃᑦᑐᓂᖓ ᐊᓯᑦᔨᕙᓪᓕᐊᓲᖅ ᐃᓄᖃᑎᒥᓄᑦ ᐊᒻᒪᓗ ᐃᓄᓕᕐᓱᓂ ᐃᓕᑕᕐᓇᐅᑎᖓ. ᐅᑦᑐᑎᒋᑦᓱᒍ, ᐃᓕᑕᕐᓯᐅᑎᖓ ᐊᕐᓇᐅᓱᓂ, ᑭᓯᐊᓂ ᐊᖑᑎᑦᓴᔭᐅᒍᓐᓇᑐᖅ ᐅᕝᕙᓗᓐᓃᑦ ᐃᑦᓯᒍᕐᓂᖃᖕᖏᓱᓂ ᓇᓪᓕᐊᒍᑦ.

ᑐᑭᓯᓐᓇᐅᑎᖓ, ᖃᓄᖅ ᐅᖃᒍᓯᒐ ᑭᓇᐅᒻᒪᖔᒻᒪ ᐊᒻᒪᓗ ᖃᓄᖅ ᓯᓚᕐᔪᐊᖅ ᑐᑯᓐᓇᖁᒻᒪᖔᑯ.

ᖃᓄᖅ ᐃᑲᔪᕐᓯᒪᒍᓐᓇᐱᑕ ᐱᕕᖃᑎᑕᐅᓂᕐᒧᑦ ᒪᑯᐃᖓᑦᓯᐊᑐᒧ ᓄᓇᕕᒃ?

ᖃᓄᖅ ᐱᐅᓯᖃᕆᐊᖃᑉᐱᑕ ᓄᐃᑦᓯᒍᒪᔪᖃᓕᕐᐸᑦ.

ᓄᐃᒋᐊᒍᒪᓕᕐᐸᑕ LGBTQ+-ᑯᓐᓄᑦ ᐃᓚᐅᔪᖅ ᐅᖃᓯᑉᐸᑦ ᖃᓄᐃᑦᑐᔭᐅᓂᕐᒥᓂᑦ ᐅᕝᕙᓗᓐᓃᑦ ᐃᓄᓕᕐᓱᓂ ᖃᓄᐃᑦᑐᕕᓂᐅᓂᕐᒥᓂᒃ. ᓄᐃᒋᐊᕈᒪᓂᖅ ᐃᒻᒥᓄᓕᖓᔪᖅ. ᐃᓄᒃ ᓄᐃᒋᐊᒍᒪᓕᕐᑐᖅ ᖃᖓᑐᐃᓐᓇᐅᒍᓐᓇᑐᖅ ᓄᐃᑎᑕᐅᒃᑲᕋᓱᐊᕈᓐᓀᓗᓂ. ᐅᑭᐅᓂᒃ ᐊᒥᓱᑐᕋᔭᕐᑐᑦ ᐅᖃᕙᓪᓕᐊᓕᕈᑎᒃ ᑭᓇᐅᓂᕐᒥᓂᒃ. ᐃᓄᐃᑦ ᐊᒥᓱᑦ ᓄᐃᒋᐊᒍᒪᓕᕐᑐᑦ ᐊᑯᓂ ᐃᓱᒪᔪᕕᓂᐅᒐᒥᒃ ᐱᔭᕐᓂᑐᑦᓱᓂᓗ ᖃᓄᖅ ᓄᐃᑦᓯᒋᐊᒥᒃ ᖃᓄᕐᓗ ᐅᖃᓂᐊᕐᒪᖔᒻᒥ.

ᓄᐃᒋᐊᒍᒪᔪᑦ ᐊᑐᓂ ᐃᓱᐃᓪᓕᐅᑎᑦᓯᕋᔭᕐᑐᑦ ᐊᒻᒪᓗ ᐱᔭᕐᓂᑐᕋᔭᕐᓱᓂ. ᐃᓱᒪᒋᓗᒍ ᓄᐃᒋᐊᕈᒪᔪᖅ ᒪᔪᑎᑎᒍᑦ; ᐃᓄᒃ ᒪᔪᕋᓯᑉᐸᑦ ᑐᓪᓕᕋᕐᑕᖓ ᐃᑉᐱᒋᑦᓱᒍ. ᓄᐃᒋᐊᒍᒪᓕᕐᑐᒧᑦ ᑌᒪᑦᓴᐃᓇᒥᔪᖅ. ᓄᐃᒋᐊᒍᒪᓕᕐᐸᑦ ᐃᓄᒃ ᑲᔪᓯᓚᖓᒻᒪᖔᑦ ᒪᔪᑎᑎᒍᑦ, ᑭᓯᐊᓂ ᐊᓪᓗᕆᐊᕐᓂᖓ ᑲᔪᓯᑦᓯᐊᖏᑐᐊᕐᐸᑦ (ᖁᓄᒻᒥᒍᑎᐅᑉᐸᑦ), ᐊᓱᐃᓛ ᐱᔭᕐᓂᓕᐅᕋᔭᕐᑐᑦ ᑐᖓᓕᕆᓕᕐᑕᖓᓂ. ᑌᒣᒻᒪᑦ ᐱᒻᒪᕆᐅᕗᖅ ᐃᕐᖃᐅᒪᒋᐊᒥᒃ ᖃᓄᐃᓕᔭᐅᓂᕗᑦ ᑭᓇᑐᐃᓐᓇᒥᒃ ᓄᐃᒋᐊᒍᒪᓕᕐᑐᒧᑦ ᐱᒻᒪᕆᐊᓗᒻᒪᑦ. ᐅᑯᐊᑕᒃᑲ ᐱᐅᓯᕆᕆᐊᓕᕗᑦ ᓄᐃᒋᐊᒍᒪᓕᕐᑐᓄᑦ.

ᑐᓵᓗᒋ. ᓄᐃᒋᐊᕈᒪᓕᕐᑐᑦᐱᔭᕐᓂᓕᐅᕐᒪᑕ. ᐅᖃᑎᓪᓗᒍ ᐊᖏᕐᓯᒪᓗᒋᑦ ᐅᖃᐅᓯᖏᑦ. ᐅᖃᐅᓯᕐᒥᓂᑦ ᐊᑐᑦᓯᐊᕋᓱᐊᕐᒪ.
ᓇᑯᕆᓗᒍ ᐃᓄᒃ ᓱᓱᑦᓴᑐᖅ ᐃᓕᓐᓂᒃ. ᐃᓄᒃ ᑐᑭᖃᕆᐊᓲᖅ ᐃᓕᓐᓄᑦ ᓄᐃᒋᐊᓯᑐᐊᕋᒥ ᐃᒻᒥᓄᑦ ᐊᑦᑕᕆᔭᐅᒍᒪᑦᓱᓂ.
ᒪᑐᐃᖕᖓᓯᐊᕐᓃᑦ ᑕᑯᑦᓴᐅᑎᓪᓗᒍ. ᐅᖃᐅᑎᓗᒍ ᐊᑐᐃᓐᓇᐅᓯᐊᕐᓂᓂᑦ. ᐊᔪᐃᓐᓇᕆᒍᓐᓀᓗᒍ. ᐃᓱᕐᕆᖏᒃᑯᕕᑦ ᐅᖃᕕᑦᓴᐅᕋᔭᕐᒥᔪᒧᑦ ᐅᓐᓂᑐᑎᒋᓗᒍ ᐃᑲᔪᕈᓐᓇᑐᕆᔦᑦ.
ᓱᕐᖁᐃᓱᕐᕕᒋᓗᒋᑦ. ᐃᓄᒃ ᐃᓕᓐᓄᑦ ᖃᐃᔪᖅ ᓱᕐᖁᐃᑕᐅᒍᒪᒻᒪᑦ. ᐃᓱᒪᓗᕋᔭᕐᑐᑦ ᖃᓄᖅ ᐱᐅᓯᖃᓐᓂᐊᒪᖔᑉᐱᑦ ᓱᕐᖁᐃᓱᒋᑦ ᐅᖃᐅᑎᓗᒍ ᐱᓀᓗᑕᖃᖕᖏᒋᐊᑉᐱᑦ ᐊᒻᒪᓗ ᐃᓕᕋᑯᔨᖁᒍᓐᓀᓗᒋᑦ ᑭᓇᐅᓂᖏᓐᓂᒃ.
ᐅᖃᐅᑎᑦᑌᓕᒃᓗᒍ ᐃᓄᒃ ᖃᐅᔨᒪᒋᐊᕐᐱᑦ ᒪᓗᒍᓱᒋᐊᑉᐱᑦ. ᓯᕗᓂᐊᒍ, LGBTQ+-ᑯᓄᑦ ᐃᓚᐅᔪᖅ ᐊᑯᓂᑲᓪᓚ ᐃᔨᕐᑐᐊᖃᓱᖑᒻᒪᑕ ᑭᓇᐅᓂᕐᒥᓂᒃ. ᖃᐅᔨᒪᔪᕕᓂᐅᓂᕋᒍᕕᑦ ᐊᐱᕐᓱᕋᔭᕐᒪᑕ ᑭᓇᒃᑯᑦ ᖃᐅᔨᒪᒻᒥᒪᖔᑕ.
ᓱᓱᒋᑦᓯᐊᓗᒋᑦ ᐅᖃᓗᑭᑕᓱᖑᖕᖏᓂᕐᓂᑦ. ᐅᖃᖃᑦᑕᕈᓐᓀᓗᑎᑦ ᑭᓇᒃᑯᑐᐃᓐᓇᓄᑦ ᓄᐃᒋᐊᕈᒪᓕᕐᑐᓂᒃ. ᐃᓄᒃᐊᑐᐃᓐᓇᐅᕋᔭᖕᖏᒪᑦ ᐅᖃᐅᓯᖃᕆᐊᒥᑦ ᐃᓄᐃᑦ ᐊᓯᖏᓐᓄᑦ. ᑲᑉᐱᐊᓱᕋᔭᕐᑐᑦ ᒥᑭᓪᓕᑎᕐᑕᐅᓂᕐᒥᑦ ᐊᑭᒋᐊᕐᑕᐅᓂᕐᒥᓗᓐᓃᑦ. ᐅᐃᒪᓴᕈᓐᓀᓗᒋᑦ.
ᓱᕐᖁᐃᓱᒋᑦ ᐃᓄᒃ ᓄᐃᒋᐊᕈᒪᔪᖅ ᐊᑦᑕᓇᕐᑐᒥᖕᖏᑲᓗᐊᕐᒪᖔᑦ. LGBTQ+-ᑯᓄᑦ ᐃᓚᐅᔪᖅ ᐊᑦᑕᓇᕐᑐᒥᒍᓐᓇᒪᑕ ᓴᓚᕐᖃᑕᕆᔭᐅᓂᒃᑯᑦ ᐱᓗᑲᑦᑕᐅᓗᑎᓪᓗᓃᑦ. ᓱᕐᖁᐃᓯᒋᑦ ᐃᓄᒃ ᐃᓕᓐᓂᒃ ᑲᐱᐊᓇᖕᖏᒋᐊᑉᐱᑦ ᐃᑲᔪᕋᓱᐊᒃᑭᑦ ᕆᐊᖃᓕᑐᐊᕐᐸᑕ.

ᖃᓄᑦ ᐃᑲᔪᑉᑎᒋᔭᐅᒍᓐᓇᒪᖔᐱᑦ.

ᐃᑲᔪᕐᑎ ᐃᓚᐅᔭᖏᑦᑐᑦ LGBTQ+-ᑯᓐᓄᑦ ᓴᐳᒻᒥᒍᓐᓇᓱᓂ ᐱᔪᓐᓇᐅᑎᓂᒃ ᓴᐳᒻᒥᒍᓐᓇᓱᓂ. ᑭᓇᑐᐃᓐᓇᐅᒍᓐᓇᑐᖅ ᐃᑲᔪᕐᑎ. ᐱᒻᒪᕆᐊᓗᐃᑦ, ᓴᐳᒻᒥᒍᓐᓇᑐᑦ ᓄᐃᒍᒪᓕᕐᑐᓄᑦ. ᐊᓂᕐᑎᕆᔪᑦᓱᑎᒃ ᐃᓚᓐᓇᑎᑐᑦ.

ᐃᑲᔪᕐᑎ

1. ᐃᓕᑕᕐᓯᓂᖅ ᖃᓄᐃᓕᒋᐊᕐᓂᓗ

ᑐᑭᓯᒐᓱᐊᑦᓯᐊᓗᑎᑦ ᓱᓇᐅᒻᒪᖔᑦ ᐊᑦᔨᐅᖏᓐᓂᕋᐅᑎ
ᐃᓱᐃᓪᓕᐅᓂᖅ ᒥᑭᓪᓕᑎᕆᓂᕐᓗ ᐊᓯᑎᓐᓂᒃ ᑕᒻᒪᒪᑦ.
ᐃᓕᑕᕐᓯᓂᖅ ᒥᑭᓪᓕᑎᕆᓂᖅ ᓄᐃᑕᒻᒪᑦ ᐃᓄᖃᑎᒋᑎᒍᑦ.

2. ᖃᐅᔨᒪᒐᓱᒋᑦ

ᖃᐅᔨᓴᕆᑦ ᐊᑐᑎᔭᐅᓯᒪᔪᓂᒃ ᐸᕐᓯᖓᐅᑎᐅᕙᑦᑐᕕᓂᕐᓂᒃ
ᑐᓴᐅᒪᔭᐅᒋᐊᓕᓐᓂᒃ ᕿᓂᕐᓗᑎᑦ ᓴᖕᖓᔭᐅᔪᓂᒃ ᓴᖕᖓᔭᐅᔪᓄᑦ ᒥᑭᓪᓕᑎᕐᑕᐅᓱᑎᒃ

3. ᐊᓯᑎᓐᓂᒃ ᐃᓕᓐᓂᐊᑎᑦᓯᓗᑎᑦ

ᐅᖃᕕᒋᓗᒋᑦ ᐃᓚᑎᑦ ᐱᒻᒪᕆᐊᓂᖓᓂᒃ ᐊᑦᔨᖃᑦᑎᑕᐅᖏᓂᖅ
ᑐᓴᐅᒪᔭᐅᒋᐊᓕᓐᓂᒃ ᐊᕕᓯᐊᓗᑎᑦ ᐅᓂᒃᑲᐅᓯᕐᓂᓗ ᐊᑦᔨᖃᑦᑎᑕᐅᖏᓂᕐᒧᑦ
ᑫᓗᑐᕐᓗᒋᑦ ᐃᓚᓐᓈᑎᑦ ᐃᓚᐅᑎᑦᓯᓯᐊᕐᓂᒥᑦ ᓱᒐᓚᓐᓂᖏᓐᓄᑦ

4. ᓴᐳᒻᒥᓂᖅ ᑫᓪᓗᑐᐃᓂᕐᓗ

ᑐᓵᓗᒋ ᐅᖃᐅᓯᕆᔭᐅᔪᑦ ᐊᓯᖏᓐᓄᑦ ᐅᖃᔭᐅᓕᕐᐸᑕ
ᐃᓚᐅᖃᑦᑕᓗᑎᑦ ᓱᒐᓚᓐᓂᖏᓐᓄᑦ ᑫᓪᓗᑐᐃᔪᓂᒃ ᐃᓚᐅᑎᑦᓯᓂᕐᒧᑦ

5. ᐱᒋᐊᕐᑎᓯᓂᖅ ᐱᑎᑦᓯᑌᓕᓂᕐᓗ

ᐊᕐᕿᓱᐃᓗᑎᒃ ᓴᓂᐅᓚᖓᔪᓂᒃ ᐊᑦᔨᐅᖏᑦᑐᑎᑕᐅᓂᕐᒧᑦ
ᓇᒻᒪᓴᖕᖏᒋᐊᒥᒃ ᒪᓕᒐᐅᔪᓂᒃ ᒥᑭᓪᓕᑎᕆᔪᓂᒃ ᐊᓯᑎᓐᓄᑦ
ᐊᕐᕿᒍᑎᑦᓴᐅᔪᓂᒃ ᓄᐃᑦᓯᒐᓱᐊᕐᓗᑎᑦ ᒥᑭᓪᓕᑎᕆᓂᖃᓕᕐᐸᑦ

ᑐᓴᐅᒪᔭᐅᒋᐊᓖᑦ ᓴᐳᒻᒥᔪᐃᓪᓗ ᐱᑦᓴᖁᑏᑦ

ᐃᒻᒥᓂᒃ ᓱᓱᒋᔭᖃᑉᐳᖓ(ᖃᓪᓗᓇᑎᑐ/ᐃᓄᑎᑐᑦ/ᒍᐃᒍᐃᑎᑐ www.irespectmyself.ca

ᑲᒪᑦᓯᐊᑐᑦ (ᖃᓪᓗᓇᑎᑐ/ᐃᓄᑎᑐᑦ/ᒍᐃᒍᐃᑎᑐ: www.nunavuthelpline.ca

ᓄᓇᖃᖄᓯᒪᔪᑦ ᒪᓐᑐᕆᐊᓪ(ᖃᓪᓗᓇᑎᑐ/ᒍᐃᒍᐃᑎᑐᑦ: www.nativemontreal.com

ᐅᕕᒃᑫᑦ ᐃᑲᔪᕐᑕᐅᕕᖓᑦ (ᖃᓪᓗᓇᑎᑐ/ᒍᐃᒍᐃᑎᑐᑦ: www.kidshelpphone.ca

ᐅᕕᒃᑫᑦ ᐅᖃᓚᐅᑎᖓᑦ (ᖃᓪᓗᓇᑎᑐ/ᒍᐃᒍᐃᑎᑐᑦ: www.teljeunes.com

ᖃᓪᓗᓇᑎᑐᑦ ᐅᖃᓚᐅᑎᖓᑦ (ᖃᓪᓗᓇᑎᑐ/ᒍᐃᒍᐃᑎᑐᑦ:www.interligne.co

LGBT+ ᐃᓚᒋᑦ ᑲᑐᔨᖃᑎᒋᑦ(ᖃᓪᓗᓇᑎᑐ/ᒍᐃᒍᐃᑎᑐᑦ www.familleslgbt.org