ᐱᓇᓱᕝᕕᒥ ᖃᓄᐃᖕᖏᓯᐊᕆᐊᖃᕐᓂᖅ

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔩᑦ ᐱᓇᓱᐊᒐᖃᓗᐊᖑᐊᓲᑦ ᓴᐳᒻᒥᓂᖃᕐᓱᑎᒃ ᐱᓇᓱᑦᑎᓯᔪᕐᓂᓗ ᐱᓇᓱᑦᑎᓂᓪᓗ ᐱᓇᓱᒐᕐᒨᓕᖓᔪᓂᒃ ᖃᓄᐃᖏᓯᐊᕐᓂᑯᑦ ᐱᓀᓗᑕᖃᕐᑎᓯᑦᑌᓕᓂᕐᒧᑦ. ᒪᑯᓂᖓ ᐱᓇᓱᐊᒐᖃᓗᐊᖑᐊᓲᑦ:

  • ᐃᓕᑕᕆᔭᐅᑎᑦᓯᓱᑎᒃ ᖃᓄᐃᖏᓯᐊᕐᓂᒧᑦ ᐊᑦᑕᓇᑐᐃᓐᓇᕆᐊᓕᓐᓂᒃ ᐱᓇᓱᑦᑎᓄᑦ ᐊᑦᑐᑕᐅᑐᐃᓐᓇᕆᐊᓕᓐᓂᒃ;
  • ᑐᓴᕐᑎᓯᓗᑎᒃ ᐱᓇᓱᑦᑎᓂᒃ ᐱᓇᓱᑦᑎᓯᔪᕐᓂᓗ ᑕᒪᒃᑯᐊ ᐊᑦᑕᓇᕐᑐᐃᑦ ᖃᓄᐃᖏᓯᐊᕐᓂᒥᒃ ᓱᕐᕃᓐᓇᓂᖏᓐᓄᑦ ᐊᒻᒪᓗᑦᑕᐅᖅ ᐱᒪᑎᑦᓯᑌᓕᒪᔾᔪ+ᓂᒃ ᓄᐃᑦᓯᒍᑎᐅᓂᐊᕐᑐᓂᒃ;
  • ᐃᑉᐱᒋᔭᖃᕐᓗᓂ, ᔭᕆᐊᖃᕐᐸᑦ, ᐊᑐᕐᑎᓯᓂᕐᒥᒃ ᐊᓐᓂᐊᓂᓕᕆᓂᒃᑯᑦ ᑲᒪᒍᑎᐅᒋᐊᖃᕐᑐᓂᒃ;
  • ᑐᑭᓯᒪᐅᑎᑦᓴᑖᕐᕕᐅᒍᓐᓇᓗᓂ ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᓂᕐᒧᑦ ᐱᖁᔭᕐᓂᓗ ᒪᓕᒐᕐᓂᓗ;
  • ᑕᑯᓐᓈᓗᓂ ᐱᑕᖃᕐᑎᑕᐅᑦᓯᐊᒪᖔᑦ ᐊᓐᓂᓯᒪᔪᓕᕆᐅᓂᕐᒧᑦ ᐱᒍᑦᔨᒍᑎᐅᒍᓐᓇᑐᓄᑦ;

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔩᑦ ᐃᑉᐱᒋᔭᖃᓲᖑᒻᒥᔪᑦ ᐊᑐᕐᑎᑕᐅᔪᖃᑦᓯᐊᕋᓗᐊᕐᒪᖔᑦ ᐃᑲᔪᕐᓯᒪᐅᑎᓂᒃ ᐊᑦᑕᓇᖕᖏᑐᒃᑯᑦ ᐱᐊᕋᑦᓴᖃᕐᓂᓕᕆᓂᕐᒧᑦ ᓴᐳᑦᔨᓯᒪᒍᑎᑦᓴᒧᑦ ᐱᐊᕋᑦᓴᓖᑦ ᐊᒫᒪᑦᑎᓯᔪᐃᓪᓘᓃᑦ ᐱᓇᓱᑦᑎᖏᓐᓂᒃ.

ᐱᒍᑦᔨᒍᑎᐅᓲᕐᓄᑦ

  • ᐃᑲᔪᕐᓯᒪᐅᑏᑦ ᐊᑦᑕᓇᖕᖏᑐᒥᒃ ᐱᐊᕋᑦᓴᖃᕐᑎᓯᓂᕐᒧᐊᖓᔪᑦ ᐊᒫᒪᑦᑎᓯᔪᓂᓪᓘᓃᑦ;
  • ᖃᓄᐃᖏᓯᐊᕐᓂᒧᑦ ᐃᑲᔪᕐᓯᒪᐅᑎᓕᐊᖑᓯᒪᔪᓂᒃ ᐊᑐᕐᑎᑕᐅᔪᓂᒃ ᓄᐃᑕᐅᓯᒪᔪᓄᑦ ᑲᒪᒍᓐᓇᑐᓄᑦ ᓯᕗᓪᓕᐅᔭᐅᒋᐊᖃᕐᑐᕆᔭᐅᔪᓂᒃ
  • ᐱᒍᑦᔭᐅᒍᒪᔪᑦ ᐊᑦᔨᒋᖏᑐᓄᑦ ᐱᓇᓱᐊᕐᕕᓕᓐᓄᑦ ᖃᓄᐃᓕᖃᑦᑕᓱᒋᑦ

ᐊᖏᕈᑎᐅᒍᓐᓇᑐᓄᑦ ᑐᑦᓯᕋᐅᑎᓂᒃ

ᑐᑦᓯᕋᐅᑎᓂᒃ ᐊᖏᕈᑎᐅᒍᓐᓇᑐᑦ ᑐᖕᖓᕕᖃᕐᐳᑦ ᒪᑯᓂᖓ:

  • ᓄᓇᕗᕐᒥᓘᓐᓃᑦ ᐊᕕᑦᑐᓯᒪᔪᐃᓪᓘᓃᑦ ᐊᐅᓚᑦᓯᕕᓕᓐᓂᒃ;
  • ᑲᒪᒋᐊᕈᑎᐅᑐᐃᓐᓇᕆᐊᓕᓐᓂᒃ ᒪᓕᓪᓗᒋᑦ, ᐊᑯᓐᓂᒥᐅᑕᖃᕋᓗᐊᕐᑎᓗᒋᑦ, ᐱᕕᑦᓭᑦ, ᖃᐅᔨᒪᔭᐅᒻᒪᕆᑦᑐᑦ ᐊᑯᓂᕐᓂᖏᓪᓗ;

ᐊᑦᑕᓇᖕᖏᑐᒃᑯᑦ ᐱᐊᕋᑦᓴᖃᕐᓂᒧᑦ

ᐅᑯᐊ ᐱᖁᔦᑦ ᐱᑦᔪᑎᒋᑦᓱᒋᑦ ᐱᓇᓱᕝᕕᒥ ᖃᓄᐃᖏᓯᐊᕆᐊᖃᕐᓂᒧᑦ ᐊᑦᑕᓇᕐᑐᒥᑦᑌᓕᓂᕐᒧᓗ ᓇᐅᑦᓯᑐᐃᒍᑎᐅᔪᑦ ᐱᓇᓱᐊᕐᕕᒋᔭᐅᓲᓂᒃ ᐊᒻᒪᓗ ᐱᐊᕋᑦᓴᓖᑦ ᐊᒫᒪᑦᑎᓯᔪᐃᓪᓘᓃᑦ ᐱᓇᓱᐊᒐᖏᓐᓂᒃ.

ᐱᐊᕋᑦᓴᖃᕈᕕᑦ:

  • ᒪᓗᒋᔭᖃᕈᕕᑦ ᐊᑦᑕᓇᑐᐃᓐᓇᕆᐊᓕᒻᒥᒃ ᖃᓄᐃᖏᓯᐊᕐᓂᓄᑦ ᐅᕝᕙᓘᓐᓃᑦ ᐃᓅᓕᕋᑕᖕᖏᑐᒧᑦ ᐱᐊᕋᑦᓴᒧᑦ, ᑐᑭᓯᓂᐊᕐᕕᖃᕐᓗᑎᑦ ᐃᓚᒌᑦ ᐊᓐᓂᐊᓯᐅᕐᑎᖓᓂᒃ;
  • ᐊᓐᓂᐊᓯᐅᕐᑎᒧᑦ ᓇᐅᑦᓯᑐᕐᑕᐅᒪᓕᕈᓂ, ᑖᓐᓇ ᐊᓐᓂᐊᓯᐅᕐᑎ ᐃᒣᓕᒋᐊᖁᔨᒍᓐᓇᑐᖅ, ᒪᓕᓪᓗᒋᑦ ᖃᓄᐃᓕᖓᓕᕐᓂᖓᓂᒃ;
    • ᐊᓯᑦᔨᒋᐊᕐᓗᒍ ᐱᓇᓱᐊᕐᕖᑦ ᐅᕝᕙᓘᓐᓃᑦ ᐱᓇᓱᒐᑎᑦ;
    • ᐊᑦᑕᓇᖕᖏᓂᕐᓴᒧᑦ ᓅᓪᓗᒍ ᐱᓇᓱᐊᕐᕕᒧᑦ;
    • ᐱᒪᑎᑦᓯᑌᓕᒪᓂᕐᒧᑦ ᓴᓂᐊᓃᑦᑎᓯᒍᓐᓀᓗᓂ.

ᑯᐯᒃᑯᑦ ᐊᓐᓂᐊᓂᓕᕆᓂᕐᒧᑦ ᐊᑦᑕᓇᕐᑐᒦᑦᑌᓕᓂᕐᒧᓗ ᐱᓇᓱᐊᕐᕕᖓᑦ (ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᓂᕐᒧᑦ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᓗ ᑲᑎᒪᔨᖏᑦ) ᑐᑭᑖᓲᑦ ᐱᒐᓱᐊᕈᑏᑦ ᐱᕕᖃᕐᑎᑕᐅᑦᓯᐊᕈᓐᓇᒪᖔᑕ ᐱᒪᑎᑦᓯᑌᓕᓂᕐᒧᑦ ᓅᑦᑎᕆᓂᕐᒥᒃ ᐊᒻᒪᓗ ᐱᔪᓐᓇᐅᑎᓂᒃ ᐊᓯᐊᓂᒃ ᑮᓇᐅᔭᕐᑖᕈᓐᓇᐅᑎᓂᒃ.

ᐊᓐᓂᐊᓂᓕᕆᔨᒃᑯᑦ ᐃᒣᓕᒋᐊᖁᔨᒍᑎᖏᓐᓄᑦ

ᑐᑭᓯᒋᐊᕐᑐᖃᕈᒪᑉᐸᑦ ᐱᐊᕋᑦᓴᓕᓐᓄᑦ ᐱᓇᓱᕝᕕᐅᔪᐃᑦ ᖃᓄᐃᓕᖓᑦᓯᐊᕆᐊᖃᕐᓂᖏᓐᓄᑦ, ᑕᑯᒋᐊᕐᓗᑎᑦ ᐅᑯᓂᖓ.

ᖃᓄᐃᖏᓯᐊᕐᓂᓕᕆᓂᕐᒧᑦ ᐃᑲᔪᕐᓯᒪᐅᑏᑦ

ᐃᓕᑕᕆᔭᐅᑎᑦᓯᓗᓂ ᓇᓗᓀᔦᓗᓂᓗ ᖃᓄᐃᖏᓯᐊᕐᓂᒧᑦ ᐊᑦᑕᓇᕈᓐᓇᑐᓂᒃ
ᐃᑉᐱᒋᔭᖃᕐᓂᒧᑦ ᐱᓇᓱᑦᑏᑦ ᖃᓄᐃᖏᓯᐊᕐᓂᖏᓐᓂᒃ
ᑐᑭᓯᒪᐅᑎᑦᓭᑦ ᖃᓄᐃᖏᓯᐊᕐᓂᒧᑦ ᐊᑦᑕᓇᕈᓐᓇᑐᓄᑦ ᐊᒻᒪᓗ ᐱᒪᑎᑦᓯᑌᓕᒪᔾᔪᑎᐅᒋᐊᓕᓐᓄᑦ
ᓴᐳᒻᒥᒍᑏᑦ ᑎᒥᐅᔪᒥᒃ ᑲᒪᒋᐊᖕᖓᕈᑎᑦᓴᖏᓐᓄᑦ ᐊᓐᓂᓯᒪᔪᓕᕆᓂᖏᓐᓄᓗ

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔩᑦ ᐊᕐᕿᓱᐃᓲᑦ ᐊᑐᕐᑎᓯᑦᓱᑎᓪᓗ ᐱᓇᓱᕝᕕᒥ ᖃᓄᐃᖏᓯᐊᕐᓂᒧᑦ ᐃᑲᔪᕐᓯᒪᐅᑎᖏᓐᓂᒃ ᓇᒻᒪᓈᕐᓯᒪᑎᑕᐅᓂᖃᕐᑐᓂᒃ ᑎᒥᐅᔪᕐᒧᑦ. ᑕᒪᓐᓇ ᐱᓪᓗᒍ, ᐱᓇᓱᐊᖃᑎᖃᓲᑦ ᐱᓇᓱᑦᑎᓯᔪᕐᒥᒃ, ᖃᓄᐃᖏᓯᐊᕐᓂᓕᕆᓂᕐᒧᓗ ᐊᑦᑕᓇᕐᑐᒥᑎᓯᑦᑌᓕᓂᕐᒧᓗ ᑲᑎᒪᔨᐊᐱᖏᓐᓂᒃ ᐊᒻᒪᓗ ᐱᓇᓱᑦᑎᓂᒃ. ᑖᒃᑯᐊ ᐃᑲᔪᕐᓯᒪᐅᑏᑦ ᑐᕌᖓᒍᑎᖃᕐᑐᑦ ᐃᒣᓕᖓᔪᓂᒃ:

1° ᐃᓕᑕᕆᔭᐅᑎᑦᓯᓂᕐᒧᑦ ᓇᓗᓀᔦᓂᕐᒧᓗ ᖃᓄᐃᖏᓯᐊᕐᓂᑯᑦ ᐊᑦᑕᓇᕈᓐᓇ(ᓂᒃ

ᑖᑦᓱᒪ ᐃᑲᔪᕐᓯᒪᐅᑎᐅᑉ ᐊᓪᓗᕆᐊᕐᑎᓯᒍᑎᖓ ᐃᓕᑕᕆᔭᐅᑎᑦᓯᓂᐊᕐᑐᖅ ᓇᓗᓀᔦᑎᑦᓯᓗᓂᓗ ᖃᓄᐃᖏᓯᐊᕐᓂᑯᑦ ᐊᑦᑕᓇᕈᓐᓇᑐᓂᒃ ᐱᓇᓱᑦᑎᓄᑦ ᐊᑦᑐᑕᐅᑐᐃᓐᓇᕆᐊᓕᓐᓂᒃ ᐱᓇᓱᕝᕕᖏᓐᓂ. ᑲᒪᒋᔭᐅᔪᓕᒫᑦ ᖃᐅᔨᒪᔭᐅᑦᑌᓕᒪᑎᑕᐅᓂᐊᕐᑐᑦ ᑖᒃᑯᓄᖓ ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔨᓄᑦ.

ᐊᑦᑕᓇᕈᓐᓇᑐᐃᑦ ᓱᓇᐅᓂᖏᑦ ᓇᓗᓀᔭᕐᑕᐅᒍᓐᓇᑐᑦ ᒪᑯᐊᖑᒍᓐᓇᕆᐊᖏᑦ:

  • ᑎᒥᒨᓕᖓᔪᑦ (ᓂᑦᔮᔪᐃᑦ, ᓂᕈᒥᓐᓂᖓ, ᐃᑯᒪᖃᕐᓂᖓ);
  • ᐅᐊᕈᑎᑦᓴᔭᖏᑦ (ᐅᕐᓱᐊᓗᑦᓴᔦᑦ, ᐳᔪᕐᓗᐃᑦ, ᐳᔪᕆᓃᑦ);
  • ᐱᕈᒍᓐᓇᑐᐃᑦ (ᑎᒥᒧᑦ ᐱᐅᔫᖏᑐᑦ, ᖁᐱᕐᕆᓇᕐᑐᐃᑦ);
  • ᐱᓇᓱᕝᕕᒦᑦᑎᑕᐅᔪᓂᒃ (ᐊᑭᓐᓇᒥᐅᑕᓂᒃ, ᓂᒪᕝᕕᐅᖏᓐᓇᕆᐊᖃᓲᓂᒃ).

2° ᐃᑉᐱᒋᔭᖃᕐᓂᒧᑦ ᐱᓇᓱᑦᑏᑦ ᖃᓄᐃᖏᓯᐊᕐᓂᖏᓐᓂᒃ

ᐊᓪᓗᕆᐊᕈᑎᐅᑉ ᑐᖓᓕᖓ ᐃᓗᓕᓕᒃ ᐱᒪᑎᑦᓯᑌᓕᓂᕐᒥᒃ ᖃᐅᔨᒍᓐᓇᓂᕐᒥᓗ ᖃᓄᐃᖏᓯᐊᕐᓂᑯᑦ ᐱᓀᓗᑕᖃᕐᑐᖃᕐᒪᖔᑦ ᐱᓇᓱᑦᑎᓂᒃ, ᒪᓕᓪᓗᒋᑦ ᐊᑦᑕᓇᕈᓐᓇᑐᐃᑦ ᐃᓕᑕᕆᔭᐅᒪᔪᑦ ᓇᓗᓀᕐᑕᐅᒪᔪᐃᓪᓗ ᐊᓪᓗᕆᐊᖕᖓᕕᐅᒍᓐᓇᑐᕐᒥ. ᐱᓀᓗᑌᑦ ᖃᐅᔨᔭᐅᒍᓐᓇᑐᑦ ᒪᑯᑎᒎᓇ:

  • ᐱᓇᓱᒐᖃᕐᓯᒪᓂᖓᓂᒃ (ᐱᔭᑦᓴᖏᓐᓂᒃ, ᐱᓇᓱᒐᕆᓯᒪᔭᖏᓐᓂᒃ);
  • ᐊᐱᕆᐅᑎᓄᑦ;
  • ᖃᐅᔨᓴᕐᓂᓄᑦ;
  • ᑎᒥᒃᑯᑦ ᕿᒥᕐᕈᔭᐅᓂᖓᒍᑦ.

ᑭᖕᖒᒪᓇᕐᓂᖓᑎᒍᑦ, ᐱᓇᓱᑦᑏᑦ ᐊᓐᓂᐊᓂᓕᕆᔭᐅᓂᒃᑯᑦ ᑲᒪᒋᔭᐅᒋᐊᓪᓚᓂᖃᓲᑦ ᑕᒃᑯᐊ ᖃᓄᐃᖏᓯᐊᕐᓂᓕᕆᓂᕐᒧᑦ ᐃᑲᔪᕐᓯᒪᐅᑏᑦ ᐊᑐᕐᑎᑕᐅᓂᖃᕐᓂᓕᒫᖏᓐᓂ. ᐊᓐᓂᐊᓂᓕᕆᓂᕐᒧᑦ ᐊᓪᓚᓯᒪᔪᐃᑦ ᖃᐅᔨᒪᔭᐅᑎᑕᐅᑦᑌᓕᓯᒪᓂᐊᕐᑐᑦ ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔨᖏᓐᓄᑦ.

3° ᑐᑭᓯᒪᐅᑎᑦᓭᑦ ᖃᓄᐃᖏᓯᐊᕐᓂᑯᑦ ᐊᑦᑕᓇᕈᓐᓇᑐᓄᑦ ᐊᒻᒪᓗ ᐱᒪᑎᑦᓯᑌᓕᒍᑎᐅᒋᐊᓕᓐᓄᑦ

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᓂᕐᒧᑦ ᐃᑲᔪᕐᓯᒪᐅᑏᑦ ᑐᑭᓯᒪᐅᑎᑦᓴᑕᖃᕐᒥᔪᑦ ᒪᑯᓄᖓ:

  • ᐊᑦᑕᓇᕐᑐᓂᒃ ᐱᑕᖃᕐᑐᓂᒃ ᓱᕐᕃᒍᓐᓇᓂᖏᓐᓂᓗ ᖃᓄᐃᖏᓯᐊᕐᓂᒥᒃ;
  • ᐱᒪᑎᑦᓯᑌᓕᒪᒍᑎᐅᒍᓐᓇᑐᓂᒃ, ᐊᐅᓚᑦᓯᒍᑎᐅᒍᓐᓇᑐᓂᓪᓗ ᐲᕐᓯᒍᑎᐅᒍᓐᓇᑐᓂᓪᓗ ᖃᓄᐃᖏᓯᐊᕐᓂᑯᑦ ᐊᑦᑕᓇᕈᓐᓇᑐᓂᒃ (ᐅᑦᑑᑎᒋᓗᒍ ᓱᒃᑯᓇᕐᑐᓴᔭᕐᓂᒃ, ᐊᓂᕐᑎᕆᕕᖃᑦᓯᐊᕈᑎᓂᒃ, ᐊᓂᑎᑦᓯᕕᖏᓐᓂᒃ);
  • ᓇᒻᒥᓂᖅ ᓴᐳᑦᔨᓯᒪᒍᑏᑦ ᐱᐅᒃᑯᑎᖏᑦ.

4° ᓴᐳᒻᒥᓂᕐᒧᑦ ᑎᒥᐅᔪᒥᒃ ᑲᒪᒋᐊᖕᖓᕈᑎᓄᑦ ᐊᒻᒪᓗ ᐊᓐᓂᓯᒪᔪᓕᕆᓂᕐᓄᑦ

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔩᑦ ᖃᐅᔨᑎᑦᓯᓂᖃᓲᑦ ᑎᒥᐅᔪᓂᒃ ᐊᕐᕿᓱᐃᓯᒪᒍᑎᓄᑦ ᑲᒪᒋᐊᖕᖓᕈᑎᑦᓴᒧᑦ ᐊᓐᓂᓯᒪᔪᓕᕆᐅᑏᓪᓗ ᐱᒍᑦᔨᒍᑎᖏᓐᓄᑦ ᒪᓕᑦᓱᒋ5 ᐊᓐᓂᓯᒪᔪᓕᕆᓂᕐᒧᑦ ᒥᑭᓂᕐᐹᖏᑦ ᐊᕐᕿᓱᕐᑕᐅᒪᓂᖃᕐᑐᑦ ᒪᓕᒐᖏᑦ. ᑖᒃᑯᐊ ᖃᓄᐃᖏᓯᐊᕐᓂᓕᕆᔩᑦ ᐃᒣᓕᒋᐊᖁᔨᓲᑦ ᒪᑯᓄᖓ:

  • ᐊᓐᓂᓯᒪᔪᓕᕆᔨᐅᒋᐊᓖᑦ ᐅᓄᕐᓂᕆᒋᐊᓕᖏᓐᓄᑦ;
  • ᐊᓐᓂᓯᒪᔪᓕᕆᐅᑎᐅᒋᐊᓖᑦ ᐅᓄᕐᓂᕆᒋᐊᓕᖏᓐᓄᑦ ᐃᓗᓕᕆᒋᐊᓕᖏᓐᓄᓗ ᓇᓂᓐᓂᕆᒋᐊᓕᖏᓐᓄᓗ;
  • ᐊᓪᓚᓯᒪᔪᖃᐅᑎᒥᒃ ᐊᓐᓂᓯᒪᔪᓕᕆᐅᑎᓄᑦ ᑲᒪᒋᔭᐅᓯᒪᔪᓂᒃ;
  • ᐅᐃᒪᓇᕐᑐᖃᓕᕐᐸᑦ ᐅᖄᓚᐅᑎᖃᑦᓯᐊᕆᐊᖃᕈᑎᓄᑦ.

ᐱᒍᑦᔭᐅᒍᒪᔪᓄᑦ

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔩᑦ ᐃᑲᔪᓲᑦ ᐱᓇᓱᑦᑎᓂᒃ ᑲᒪᒋᔭᖃᕐᓂᒧᑦ ᐱᓇᓱᕝᕕᒥ ᖃᓄᐃᖏᓯᐊᕆᐊᖃᕐᓂᒧᑦ ᐱᓀᓗᑕᕆᔭᐅᔪᓂᒃ.

ᐱᒍᑦᔭᐅᒍᒪᐅᑏᑦ ᑲᑐᑦᔮᕆᔭᐅᓗᑎᒃ ᐊᕐᕿᓱᕐᑕᐅᒋᐊᓖᑦ ᐱᓇᓱᑦᑎᓯᔪᕐᒧᓗ ᐱᓇᓱᑦᑎᓄᓪᓗ.

ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᓂᕐᒧᑦ ᐃᑲᔪᕐᓯᒪᐅᑎᑎᒍᑦ ᑲᒪᒋᓯᒋᐊᕈᑏᑦ ᐱᕕᑭᑦᑑᑎᑕᐅᓂᖃᕐᑐᑦ ᓯᕿᕐᖑᔭᐅᑉ ᐃᖏᕐᕋᓂᖓᓄᑦ ᐊᒻᒪᓗ ᐱᓀᓗᑕᖃᕐᓂᒧᑦ ᐱᒍᑦᔭᐅᒍᒪᐅᑎᐅᔪᒥᒃ.

ᑲᒪᒋᐊᖁᔨᒍᑏᑦ ᓯᕗᒧᐊᕐᑎᑕᐅᓂᐊᕐᑐᑦ ᐱᓇᓱᕝᕕᒥ ᖃᓄᐃᖏᓯᐊᕐᓂᓕᕆᔨᒧᑦ, ᓇᐅᑦᓯᑐᐃᓯᓂᐊᕐᒪᑦ. ᑕᒪᓐᓇᐅᓕᕐᐸᑦ, ᐱᖓᓱᓂᒃ ᐱᕕᑦᓴᖃᑐᐃᓐᓇᕆᐊᓕᒃ ᒪᑯᓂᖓ:

  • ᑐᑭᓯᒪᐅᑎᑦᓴᖏᑦ ᐅᖄᔭᐅᒍᓐᓇᓂᐊᕐᑐᑦ ᐅᖃᓕᒪᐅᑎᒃᑯᑦ ᐅᕝᕙᓘᓐᓃᑦ ᐊᓪᓚᓯᒪᔪᓂᒃ ᑎᑭᑎᑕᐅᔪᖃᕐᓗᓂ ᐊᓪᓚᑖᕐᕕᑯᑦ;
  • ᑲᒪᒋᐊᕐᑕᐅᓕᕆᐊᓕᒃ ᐅᐃᒪᓇᑐᐃᓐᓇᕆᐊᓕᒃ, ᐱᓀᓗᑕᖃᕐᓂᒨᓕᖓᑐᐃᓐᓇᕆᐊᖃᕐᓱᓂᓗ ᐃᓪᓘᑉ ᐃᓗᐊᓂ ᐊᓂᕐᓂᖃᑦᓯᐊᖏᓐᓂᒧᑦ (ᐅᐊᕈᑎᑦᓴᔭᖃᕐᓂᒧᑦ, ᑎᒥᒥᒃ ᓱᒃᑯᓇᕈᓐᓇᑐᓂᓪᓘᓃᑦ), ᐅᕝᕙᓘᓐᓃᑦ ᐱᓇᓱᕝᕕᐅᑉ ᐃᓗᐊᓂ ᑲᒪᒋᔭᐅᒍᓐᓇᑐᓄᑦ;
  • ᐱᒍᑦᔭᐅᒍᒪᐅᑏᑦ ᓯᕗᒧᐊᕐᑎᑕᐅᒍᓐᓇᑐᑦ ᐊᓯᖏᓐᓄᑦ ᐱᕕᑦᓴᖃᕐᑎᓯᒍᓐᓇᑐᓄᑦ (ᐃᓄᓕᒫᑦ ᖃᓄᐃᖏᓯᐊᕐᓂᓕᕆᔭᐅᓂᖏᑦᑕ ᐱᓇᓱᐊᕐᕕᖓᓄᑦ, ᑯᐯᒃᑯᑦ ᐱᓇᓱᑦᑎᓕᕆᔨᖏᓐᓄᑦ, ᑲᕙᒫᐱᒃᑯᓄᑦ, ᑯᐯᒃᑯᑦ ᑲᕙᒪᑐᖃᒃᑯᓘᓐᓃᑦ ᑎᒥᖁᑎᖏᓐᓄᑦ, ᐊᓯᖏᓐᓄᓗ).