ᐱᒪᑎᑦᓯᑌᓕᓂᕐᒧᑦ ᐊᒻᒪᓗ ᖃᓄᐃᖏᓯᐊᕐᓂᒥᒃ ᑫᓪᓗᑐᐃᓂᕐᒧᑦ
ᓱᓀᓂᒃᑯᐊ ᐱᒪᑎᑦᓯᑌᓕᒪᓂᕐᓗ ᖃᓄᐃᖏᓯᐊᕐᓂᒥᒃ ᑫᓪᓗᑐᐃᓂᕐᓗ? ᑕᒡᒐᓂ ᐊᓪᓚᑕᐅᓯᒪᔪᑦ ᓄᐃᑕᑎᑦᓯᔪᑦ ᐱᓂᐊᕐᓂᓕᒫᖑᓯᒪᓕᕐᑐᓂᒃ ᖃᓄᐃᓕᔪᖃᕐᑎᓯᑦᑌᓕᒍᑎᑦᓴᒧᑦ ᐊᑑᑎᒍᒪᓇᖕᖏᑐᓂᒃ. ᓄᓇᕕᒻᒥ, ᑕᒪᓐᓇ ᐱᒪᑎᑦᓯᑌᓕᒪᓂᕐᓗ ᖃᓄᐃᖏᓯᐊᕐᓂᒥᒃ ᑫᓪᓗᑐᐃᓂᕐᓗ ᐊᑑᑎᔭᐅᓪᓚᕆᓲᖑᒻᒪᑕ ᐊᑦᔨᒋᖏᑐᓂᒃ ᐊᑑᑎᔭᐅᔪᖃᕐᑎᓗᒍ ᓱᓇᓱᐊᕐᑕᐅᔪᖃᕐᑎᓗᒍᓗ.
ᐊᒥᓱᒻᒪᕆᓐᓂᒃ ᐃᓄᓐᓂᒃ ᖃᓄᐃᖏᓯᐊᕐᓂᓕᕆᔨᖏᓐᓂᒃ ᐱᓇᓱᐊᕐᑐᖃᕐᐳᖅ ᒪᑯᓄᖓ ᐃᓕᖓᔪᓄᑦ:
- ᑐᕌᒐᓕᐅᕐᓱᑎᒃ ᐃᓄᐃᑦ ᖃᓄᐃᖏᓯᐊᕐᓂᓕᕆᔭᐅᒍᑎᑦᓴᖏᓐᓄᑦ (ᐅᑦᑑᑎᒍᓗ ᓱᐴᕈᓯᔭᕐᑌᓕᒪᓂᕐᒧᑦ);
- ᓇᔪᕋᑦᓴᓕᐅᖃᑦᑕᓱᑎᒃ ᐱᐅᔫᓂᖃᕐᑐᓂᒃ ᖃᓄᐃᖏᓯᐊᕐᑐᒥᒃ ᐃᓅᓯᖃᕐᑎᓯᒍᑎᑦᓴᒧᑦ (ᐅᑦᑑᑎᓗᒍ ᑭᒡᒐᑐᕐᑐᖃᕐᑎᓗᒍ ᐱᕕᖃᕐᑎᓯᒍᑎᑦᓴᒧᑦ ᓂᕿᓂᒃ ᓄᑖᓂᒃ);
- ᐱᓕᐅᒥᑎᑦᓯᒋᐊᕐᓱᑎᒃ ᓄᓇᓕᓐᓂ ᐱᓂᐊᕐᓂᕆᔭᐅᔪᕐᓂᒃ (ᐅᑦᑑᑎᒋᓗᒍ ᖃᓄᐃᖏᓯᐊᕐᓂᓕᕆᔩᑦ ᑲᑎᒪᔨᐊᐱᖏᓐᓂᒃ);
- ᖃᓄᐃᖏᓯᐊᕐᓂᓕᕆᓂᕐᒧᑦ ᐱᒍᑦᔨᒍᑎᖏᓐᓂᒃ ᐊᕐᕿᓱᐃᒋᐊᕐᓱᑎᒃ (ᐃᒫᒃ ᐱᔭᐅᒪᑦᑌᓕᓂᕐᒥᒃ ᖃᓄᐃᓕᐅᓲᕆᓗᒋᑦ ᐋᓐᓂᐊᕕᓕᐊᕐᓯᒪᒍᑎᖓ ᑲᒪᒋᔭᐅᓕᑐᐊᕐᐸᑦ);
- ᐱᕙᓪᓕᐊᑎᑦᓯᓱᑎᒃ ᐃᓄᑑᓈᕐᑎᑐᐃᑦ ᐱᔪᓐᓇᓯᐊᕐᓂᖏᓐᓂᒃ (ᐅᑦᑑᑎᒋᓗᒍ ᐱᒋᐅᕐᓴᑎᑕᐅᔪᖃᕐᓱᓂ ᐊᑦᔨᒋᖏᑐᓂᒃ ᐋᓐᓂᐊᓂᓕᕆᐅᑎᐅᓲᓂᒃ).
ᐅᑯᐊ ᐊᓪᓚᓯᒪᔪᑦ ᐱᑦᔪᑕᐅᔪᖅ ᐱᓂᐊᕐᓂᖃᕈᑎᐅᓲᖑᑦᓱᑎᒃ ᐱᒪᑎᑦᓯᑌᓕᒪᓂᕐᒥᓗ ᖃᓄᐃᖏᓯᐊᕐᓂᓕᕆᓂᕐᒥᓗ ᑫᓪᓗᑐᕐᑕᐅᔪᖃᕐᑎᓗᒍ ᑕᒪᒃᑯᓄᖓ ᓄᓇᕕᒻᒥᐅᓄᑦ:
- ᖃᓄᐃᖏᓯᐊᕐᑐᓂᒃ ᓂᕿᖃᕐᓂᒧᑦ;
- ᓂᕿᙯᓐᓇᓯᐊᕐᓂᒥᒃ;
- ᐅᕕᒃᑲᓂᒃ ᐊᒻᒪᓗ ᐃᓚᒌᓂᒃ;
- ᓱᐴᕈᓯᔭᕐᓂᒥᒃ;
- ᓇᔪᕐᑕᐅᒍᓐᓇᑐᓂᒃ ᐱᐅᔫᓂᖃᕐᑐᓂᒃ ᖃᓄᐃᖏᓯᐊᕐᑐᒥᒃ ᐃᓅᓯᖃᕐᓂᒧᑦ;
- ᐃᙯᓕᓴᓲᖑᓗᓂ ᐃᓅᓯᖃᕐᓂᑯᑦ;
- ᐃᓱᒪᒃᑯᓗ ᐃᓅᖃᑕᐅᓂᒃᑯᓗ ᖃᓄᐃᖏᓯᐊᕐᓂᓕᕆᓂᕐᒥᒃ;
- ᐱᑕᑦᓴᖃᑦᓯᐊᖏᑦᑑᓂᕐᒥᒃ;
- ᖃᓄᐃᖏᓯᐊᕐᑐᑯᑦ ᐃᓕᓐᓂᐊᕕᖃᕐᓂᒧᑦ;
- ᑲᓇᑕᐅᑉ ᑕᕐᕋᖓᓂᒥᐅᓂᒃ ᓂᕿᖃᕐᑎᓯᓂᕐᒧᑦ ᑲᑎᒪᔨᐊᐱᖏᑦ.
ᖃᓄᐃᖕᖏᓯᐊᕐᓂᒧᓕᖓᔪᓂ ᐅᓪᓗᖁᑎᖏᑦ ᓄᐃᑕᑎᑦᓯᔪᑦ ᑲᓇᑕᓕᒫᒥ ᓯᓚᕐᔪᐊᓕᒫᒥᓗ ᐱᓇᓱᐊᕐᑕᐅᔪᓂᑦ ᖃᓄᐃᖕᖏᓯᐊᕐᓂᒧᓕᖓᔪᓂᑦ ᐊᑦᔨᒌᖕᖏᑐᓂᑦ.
ᑖᓐᓇ ᐅᓪᓗᖁᑎ ᓄᐃᑕᕕᓂᖅ ᐅᑯᑎᒎᓇ:
- ᑐᓴᕐᑎᓯᒍᑎᐅᓗᓂ ᓄᐃᑕᒌᕐᑐᓂᑦ ᐃᓗᓯᕐᓱᓯᐊᕐᓂᒧᓕᖓᔪᓂᑦ ᑐᓴᕐᑎᓯᒍᑎᓂᑦ;
- ᑐᓴᐅᒪᕕᑦᓴᓯᐊᓂᒃ ᐃᓗᓯᕐᓱᓯᐊᕐᓂᒧᓕᖓᔪᓂᑦ ᓄᐃᑦᓯᓗᓂ;
- ᑎᒥᐅᔪᓂᑦ ᓄᓇᓕᓐᓂ ᓄᓇᓕᓕᒫᓂᓗ ᓄᓇᓕᒻᒥ ᖃᓄᐃᖕᖏᓯᐊᕐᓂᒧᓕᖓᔪᓂᑦ ᓱᖃᑦᓯᒍᑎᓂᑦ ᓄᐃᑕᑎᑦᓯᓗᓂ.
ᐊᒥᓲᓂᕐᓴᑎᒍᑦ ᐃᓗᓯᕐᒧᓕᖓᔪᑦ ᐃᓚᐅᔪᑦ ᐅᓐᓗᖁᑎᒥ ᐃᓕᖓᕗᑦ ᓄᓇᕕᓕᒫᒥ ᐃᓗᓯᕐᓱᓯᐊᕆᐊᖃᕐᓂᒧᑦ ᐱᒻᒪᕆᖁᑎᒋᔭᐅᔪᑦ. ᐱᐅᔫᑦᓱᓂ ᐊᕐᕌᒍᓕᒫᒥ ᓱᖃᑦᓯᒍᑎᖃᕐᓃᑦ ᑖᒃᑯᓄᖓᓄᓕᖓᔪᓂᑦ, ᖃᖓᑐᐃᓐᓇᐅᑎᓪᓗᒍ ᑐᓴᐅᒪᔭᐅᑎᑦᓯᒐᓱᖃᑦᑕᕆᑦᓯ ᓄᓇᓕᑦᓯᓂ.
ᐅᓇᓗ, ᐃᓚᖏᓐᓄᑦ ᐊᓪᓚᑕᐅᒪᔪᓄᑦ, ᑮᓇᐅᔭᖃᕐᑎᓯᒍᑎᐅᒍᓐᓇᖁᑦ ᐊᒻᒪᓗ ᑐᓴᐅᒪᔭᐅᑎᑦᓯᒍᑎᑦᓴᓂ/ᐃᓕᓐᓂᐊᑎᑦᓯᒍᑎᑦᓴᓂᑦ ᐊᑐᐃᓐᓇᖃᕐᖁᑦ: ᐅᖄᕕᖃᕈᓐᓇᖁᑎᑦ ᐱᓇᓱᑦᑎᓂᑦ ᓇᓪᓕᑐᐃᓐᓇᖏᓐᓂᑦ ᑐᑭᓯᒋᐊᕈᒪᒍᕕᑦ.
ᑐᑭᓯᒋᐊᓪᓚᑐᖃᕈᒪᑉᐸᑦ, ᐅᖄᓚᕕᖃᕈᓐᓇᐳᑎᑦ ᑲᒪᔨᓂᒃ ᑲᒪᒋᔭᖃᓲᓂᒃ ᐊᑦᔨᒋᖏᑐᓂᒃ ᐱᑦᔪᑕᐅᔪᓂᒃ. ᐱᓇᓱᐊᕐᑕᐅᒍᒪᔪᒧᑦ ᑮᓇᐅᔭᑦᓴᖏᓐᓂᒃ ᑐᑦᓯᕋᕈᒪᒍᕕᑦ, ᑕᑕᕐᓭᒋᐊᓕᒃ (ᖃᓪᓗᓈᑎᑐᑦ ᑭᓯᐊᓂ) ᐅᕙᑦᑎᓄᑦ ᙯᓗᒋᑦ. ᓇᑯᕐᓴᓂᐊᕐᐳᒍᑦ ᕿᒥᕐᕈᓕᑐᐊᕈᑦᑕ ᑐᑦᓯᕋᐅᑎᑎᓐᓂᒃ.