ᐱᓇᓱᑦᑕᐅᒍᒪᔪᓂᒃ ᕿᓄᒍᑎ: ᐃᓄᒻᒪᕇᑦ ᐅᓗᖁᑎᖓᓂ 2024-ᒥ
ᐃᓄᒻᒪᕇᓂᒃᑯᐊ ᑐᖕᖓᕕᓪᓚᕆᑐᐊᒍᖃᑦᑕᓯᒪᔪᑦ ᓄᓇᓕᒻᒥ. ᓯᓚᑐᔫᑦᓱᑎᒃ ᐃᓅᓯᓕᒫᕐᓗ ᐊᑑᑎᓕᓂᐅᑦᓱᑎᒃ ᓱᓇᑐᐃᓐᓇᓂᒃ. ᐃᑦᔭᕋᑦᓴᓯᐊᖁᑎᒋᔭᐅᑦᓱᑎᒃ ᓯᕗᓕᕐᑎᖁᑎᒋᔭᐅᑦᓱᑎᓪᓗ ᓄᓇᓕᒻᒥ. ᑌᒣᒻᒪᑕᒐ ᑐᓴᐅᒪᔭᐅᑦᓯᐊᖁᔨᕗᒍᑦ ᐃᓄᒻᒪᕇᑦ ᐅᓪᓗᖁᑎᖓᑕ ᖃᐅᔨᒪᑎᑦᓯᒍᑕᐅᓛᕐᓂᖓᓂᒃ ᓇᐅᓕᒫᓄᑦ ᐅᒃᑑᐸᐅᓕᕐᐸᑦ, ᖁᕕᐊᓲᑎᐅᓛᕐᒪᑦ ᐅᐱᒍᓱᓐᓂᑕᖃᕐᓗᓂᓗ ᐃᓄᒻᒪᕆᓐᓂᒃ ᓄᓇᓕᑦᑎᓂ.
ᑕᒪᓐᓇ ᓇᐅᓕᒫᓂᒃ ᖃᐅᔨᒪᑎᑦᓯᓂᖅ ᐱᓯᒪᕗᖅ ᑐᖕᖓᕕᖏᓐᓂᑦ ᐃᓄᐃᑦ ᖃᐅᔨᒪᔭᑐᖃᖏᑦᑕ - ᐃᓗᓯᕐᓱᓯᐊᕐᓂᖅ, ᖃᓄᐃᖕᖏᓯᐊᕐᓂᖅ ᐊᒻᒪᓗ ᐃᓅᖃᑎᒌᑦᓯᐊᓂᖅ - ᓄᓇᕕᒻᒥᐅᓕᒫᑦ ᖃᓄᐃᖕᖏᓯᐊᑯᑦᓱᒋᑦ ᑎᒥᒃᑯᑦ, ᐃᓱᒪᒃᑯᑦ, ᐃᓅᓯᒃᑯᓗ.
ᓇᐅᓕᒫᓂᒃ ᑲᖐᓱᑦᑎᓯᒋᐊᕐᓂᒧᑦ ᑐᕌᒐᑦᑎᓄᑦ ᑎᑭᐅᑎᒐᓱᐊᕈᑎᕗᑦ:
- ᖁᕕᐊᓲᑎᖃᕐᓂᖅ ᐃᓄᒻᒪᕇᑦ ᐅᓪᓗᖁᑎᖓᓂᒃ ᓄᓇᓕᓐᓂ ᓱᒐᑦᓴᖃᕐᑎᓯᔪᓄᑦ ᐃᓚᐅᔪᖃᕐᓗᓂ.
- ᑭᖑᕚᕇᓂᒃ ᐱᑐᑦᓯᒪᖃᑎᒌᑦᑎᓯᒋᐊᑦᓯᐊᓂᖅ ᐃᓕᑦᓯᕙᓪᓕᐊᒍᑎᑦᓴᖃᕐᑎᓯᓂᕐᓗ.
- ᐃᓄᒻᒪᕆᓐᓂᒃ ᓂᐸᖃᕐᑎᓯᕕᑦᓴᖃᕐᑎᓯᓂᖅ ᐃᓚᐅᓂᖃᕐᑎᓯᖃᑦᑕᓂᕐᓗ ᐃᓕᑕᕆᔭᐅᒍᑎᑦᓴᖏᓐᓂᒃ ᐱᓪᓚᕆᐅᑎᑕᐅᒍᑎᑦᓴᖏᓐᓂᓗ.
- ᖃᐅᔨᒪᔭᐅᑎᑦᓯᓂᖅ ᐃᑲᔪᕐᓯᒪᓂᕐᓗ ᐃᓄᒻᒪᕆᓐᓅᓕᖓᔪᓂᒃ ᐱᒋᐊᕐᑎᑕᐅᓯᒪᔪᓂᒃ ᐱᒍᑦᔨᐅᑎᓂᓪᓗ.
ᐃᓚᐅᖃᑕᐅᒍᓐᓇᓂᖅ:
ᖁᕕᐊᓱᖃᑕᐅᓛᕐᖁᓯ ᐃᓄᒻᒪᕇᑦ ᐅᓪᓗᖁᑎᖓᓄᑦ ᓄᓇᓕᓐᓂ ᓱᒐᑦᓴᖃᕐᑎᓯᔪᑦᓴᓄᑦ ᐊᑐᐃᓐᓇᕈᕐᑎᕆᖃᑕᐅᓗᑎᑦ ᓇᐅᓕᒫᓂᒃ ᑲᖐᓱᑦᑎᓯᒋᐊᕐᓂᒧᑦ ᑐᕌᒐᑦᑎᓄᑦ ᑎᑭᐅᑎᒐᓱᐊᕈᑎᑦᑕ ᐃᓚᒋᒻᒪᐅᒃ:
ᓱᒐᑦᓴᖃᕐᑎᓯᒍᑕᐅᒍᓐᓇᒥᔪᑦ:
- ᐅᓂᒃᑳᑐᐊᕐᓃᑦ
- ᐃᓄᐃᑦ ᐱᕐᖁᓯᑐᖃᖏᓐᓂᒃ ᑕᑯᒥᓇᕐᑐᓕᐅᕐᓂᒧᑦ ᑲᑎᒪᓂᐊᕈᓰᑦ
- ᐃᓄᐃᑦ ᐃᓕᕐᖁᓯᑐᖃᖏᑎᒍᑦ ᑐᓴᕐᓂᔮᕐᑎᓯᓃᑦ
- ᐊᓯᓃᑦᑎᓯᖃᑦᑕᓃᑦ
- ᓂᕆᒻᒫᑎᑦᓯᓃᑦ
- ᖃᓄᐃᖕᖏᓯᐊᕐᑐᓴᐅᓂᕐᒧᑦ ᑲᑎᒪᓂᐊᕈᓰᑦ
- ᓈᓚᐅᑎᒃᑰᖃᑦᑕᓃᑦ ᖃᕆᑕᐅᔭᒃᑯᓘᓐᓃᑦ ᑐᓴᕋᑦᓴᓕᐅᖃᑦᑕᓃᑦ ᐃᓄᒻᒪᕆᓐᓅᓕᖓᔪᓂᒃ, ᐊᓯᖏᓪᓗ.
ᑮᓇᐅᔭᖃᕐᑎᑕᐅᒍᑎᑦᓭᑦ ᐃᑲᔪᕐᑕᐅᕕᑦᓭᓗ:
ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑮᓇᐅᔭᖃᕐᑎᓯᒍᓐᓇᐳᑦ ᓱᖃᑦᓯᑎᑦᓯᒍᒪᔪᖃᓛᕐᐸᑦ ᐃᓄᒻᒪᕇᑦ ᐅᓪᓗᖁᑎᖓᓂ, ᐊᑭᓖᒍᑎᑦᓴᓂᒃ ᐊᑐᐃᓐᓇᕈᕐᑎᑕᐅᓂᖓᓂᒃ ᖃᐅᔨᒪᔭᐅᒋᐊᖃᕐᓂᖓᓄᓪᓗ ᓱᑎᑦᓯᓂᐅᓛᕐᑐᑦ.
ᐱᓇᓱᐊᕐᑕᐅᒍᒪᔪᓂᒃ ᒪᓂᔨᒍᓯᖅ:
ᓯᕗᓪᓕᐹᖅ 1: ᖃᕆᑕᐅᔭᒃᑯᑦ ᐊᓪᓚᕕᐅᓗᑕ:
- Josée Duplantie, PPO | ᖃᓄᐃᖕᖏᓯᐊᕆᐊᖃᕐᓂᖏᑦ ᐃᓄᒻᒪᕇᑦ ᑲᒪᒋᔭᐅᑦᓯᐊᕆᐊᖃᕐᓂᖏᓪᓗ: josee.duplantie.rr17@ssss.gouv.qc.ca
- ᐃᓄᒻᒪᕇᑦ ᐅᓪᓗᖁᑎᖓᓂ ᑮᓇᐅᔭᖃᕐᑎᓯᒍᑎᑦᓭᑦ
- ᓀᓈᕐᓗᒋᑦ ᓱᑎᑦᓯᓂᕆᓛᕐᑕᓯ ᐊᓪᓚᓗᒋᑦ ᐊᐱᕐᓲᑎᑦᓴᖃᕈᕕᓪᓗ ᐊᐱᕐᓲᑎᑕᖃᕐᑎᓗᒋᑦ.
ᑐᖓᓕᐊ 2: Josée-ᒧ ᐊᓪᓚᑕᕕᓂᑎᑦ ᐊᐅᓪᓚᑎᑕᐅᓛᕐᑐᑦ ᖃᕆᑕᐅᔭᒃᑯᑦ ᑮᓇᐅᔭᖃᕐᑎᓯᒋᐊᓕᓐᓄᑦ ᑌᒪ ᑭᐅᔭᐅᓂᐊᓕᕐᒪᑦ ᑐᒃᓯᕋᐅᑎᓕᐊᑦ ᕿᓄᒍᑎᑕᖏᑦ ᐃᓚᐅᑦᓯᐊᑎᓪᓗᒋᑦ ᐊᐱᕐᓲᑎᕕᓂᑎᓪᓗ.
ᐱᖓᔪᐊ 3: ᑐᒃᓯᕋᐅᑎᓕᐊᑎᑦ ᐊᓪᓚᕕᒋᑦᓯᐊᓗᒋᑦ ᐅᑎᕐᑎᓂᐊᕐᓗᒋᑦ ᐅᕙᑦᑎᓄᑦ ᑲᒪᒋᓛᕋᑦᑎᒋᑦ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᑦ ᐱᓇᓱᑦᑎᖏᓐᓄᑦ ᑭᖑᓂᖓᒍᑦ ᖃᓄᐃᓕᖓᓕᕐᒪᖔᑕ ᕿᒥᕐᕈᔭᐅᓛᕐᑐᑦ ᑕᕐᕿ ᐊᓂᒍᓚᐅᕐᑎᓇᒍ.
ᒪᓐᓇ ᐱᓪᓚᕆᐊᓗᒃ:
ᑮᓇᐅᔭᓂᒃ ᑐᒃᓯᕋᐅᑏᑦ ᑎᑭᑎᑕᐅᖃᑦᑕᕆᐊᓖᑦ ᐊᐅᒡᒍᓯ 1, 2024-ᓗ ᓯᑦᑎᒻᐸ 31, 2024-ᓗ ᐊᑯᓐᓂᖓᓂ.
ᓇᑯᕐᒦᒃ ᐃᓱᒪᑦᓴᓯᐅᕈᑎᖃᕋᑦᓯ ᑕᒪᑐᒥᖓ ᐱᕕᑦᓴᐅᓚᖓᔪᒥᒃ ᐃᓚᐅᑦᓯᐊᓂᕐᒧᑦ ᓄᓇᓕᓐᓂ ᐃᓄᒻᒪᕆᑦᑕ ᐃᒻᒥᓂᒃ ᐊᐅᓚᑦᓯᓯᐊᕈᓐᓇᕆᐊᖃᕐᓂᖏᓐᓄᑦ.