ᕿᓄᒍᑎᓕᐅᒍᒪᔪᖃᕐᐸᑦ
cfi.nrbhss@ssss.gouv.qc.ca
1-833-405-1234
ᑕᑯᒋᐊᕋᑦᓴᐅᒥᔪᑦ Microsoft Booking: https://bit.ly/CFI-Booking
ᐅᒃᑯᐃᖔᕐᕕᖏᑦᑕ ᑫᕙᓪᓚᒍᓯᖏᑦ
ᐊᓪᓕᕇᒥ ᓂᕿᑦᓯᑐᓄᑦ
8:30 ᐅᓪᓛᑯᑦ - 4:30 ᐅᓐᓄᓴᒃᑯᑦ
ᓱᓇᓂᒃ ᐱᒍᑦᔭᐅᒍᑎᑦᓴᑕᓕᒃ ?
ᕿᑐᕐᖓᕆᔭᐅᔫᑉ ᐊᑑᑎᔭᖓ ᐊᑦᔨᒋᔭᐅᓲᒍᖕᖏᑐᖅ.
ᑕᑲᒃᑯᐊᑕᒐ ᐆᑦᑐᕋᐅᑎᑦᓭᑦ ᓱᓇᐅᒻᒪᖔᑕ ᐃᓚᖏᑦ ᐱᒍᑦᔭᐅᒍᑎᐅᓲᑦ:
- ᐱᒍᑦᔨᒍᑎ ᐱᓇᓱᑦᑎᒪᕆᓐᓄᑦ (ᓴᐅᓂᓕᕆᔨ, ᐱᐅᓯᕐᓲᑎᐅᖕᖏᑐᒃᑯᑦ ᐃᓕᓭᔨ, ᐱᓇᓱᒐᕐᑎᒍᑦ ᐃᓱᐊᕐᓭᔨ, ᓄᓕᐊᕐᓂᓕᕆᔨ, ᐅᖄᕆᐅᕐᓴᑎᑦᓯᔨ, ᐊᓯᖏᓪᓗ)
- ᓇᓗᓀᕐᑕᐅᓯᒪᓂᖅ ᕿᑲᑫᓐᓇᓂᒧᑦ ᕿᑐᕐᖓᓄᑦ ᐱᓪᓗᑯᒋᐊᓕᓐᓂᒃ
- ᐃᑲᔪᕐᓯᔭᐅᓂᖅ ᖃᐅᔨᓴᕐᑕᐅᒍᑎᕕᓃᑦ ᑮᓇᐅᔭᕐᑐᕈᑎᕕᓂᖏᓐᓂᒃ (ᖃᕆᑕᓕᕆᔭᐅᓂᖅ ᐃᓱᒪᓕᕆᔭᐅᓂᕐᓗ, ᐃᓱᒪᓕᕆᔭᐅᓂᖅ ᐃᓕᓐᓂᐊᓂᖓᒍᑦ, ᐊᓯᖏᓪᓗ);
- ᓇᓗᓀᕐᑕᐅᓯᒪᓂᖅ ᐋᓐᓂᐊᓯᐅᕐᑕᐅᓂᕐᒧᑦ ᐱᓇᓱᒍᑎᑦᓭᑦ;
- ᐋᕐᕿᓱᒋᐊᕐᓯᒪᔪᓂᒃ ᐃᖏᕐᕋᐅᑎᖃᕐᑎᓯᓂᖅ;
- ᐃᑲᔪᕐᓯᓂᖅ ᐃᓚᒌᖑᔪᓂᒃ (ᐱᐊᕋᕐᓄᑦ/ᕿᑐᕐᖓᕆᔭᐅᔪᓄᓪᓗ ᐱᑦᓴᔭᖏᓐᓂᒃ ᐱᑖᕐᑎᓯᓂᖅ, ᓂᕿᑎᒍᑦ ᐃᑲᔪᕐᓯᓂᖅ, ᐃᓪᓗᒥ ᐊᑦᑕᑐᐊᒥ ᐃᑲᔪᕐᓯᓂᖅ, ᐊᓯᖏᓪᓗ)
- ᐃᓱᐊᕐᓭᓃᑦ (ᐊᓪᓚᖑᐊᕐᓂᑯᑦ ᓴᓇᖕᖑᐊᓂᒃᑯᑦ ᐃᓱᐊᕐᓭᓂᖅ, ᓯᐅᕋᕐᒥ ᐱᖕᖑᐊᑎᑦᓯᓂᒃᑯᑦ ᐃᓱᐊᕐᓭᓂᖅ, ᐆᒪᔪᓄᑦ ᐃᑲᔪᕐᓯᔭᐅᓂᒃᑯᑦ ᐃᓱᐊᕐᓭᓂᖅ, ᐊᓯᖏᓪᓗ)
- ᐃᓕᓐᓂᐊᓂᕆᔭᖏᓐᓂᒃ ᐃᑲᔪᕐᓯᓂᖅ (ᐊᓂᕐᕋᐅᔨᒐᕐᓂᒃ ᐃᓕᓴᐅᑎᓂᒃ ᐃᑲᔪᕐᓯᓂᖅ, ᐃᓕᓴᕐᓂᒨᓕᖓᔪᓂᒃ ᐱᑦᓴᑕᖃᕐᑎᓯᓂᖅ, ᐱᓇᓱᑦᑎᑐᐃᓐᓀᑦ ᐃᑲᔪᕐᓯᔩᑦ, ᐊᓯᖏᓪᓗ)
- ᐊᓯᖏᓪᓗ.
ᖃᐅᔨᒪᔭᐅᓪᓚᕆᒋᐊᖃᕐᒥᔪᖅ ᓯᕗᓪᓕᐅᔨᓚᕗᑦ ᕿᑐᕐᖓᕗᑦ ᑐᕌᒐᖃᖕᖏᒋᐊᖓ ᐃᓇᖐᒐᓱᐊᕐᓂᒥᒃ ᓄᐃᑕᒌᕐᑐᓂᒃ ᐱᒍᑦᔨᒍᑎᓂᒃ, ᐱᓇᓱᐊᕐᑕᐅᓂᐅᔪᓂᒃ, ᐅᕝᕙᓘᓐᓃᑦ ᑮᓇᐅᔭᖃᕐᑎᑕᐅᒍᑎᓂᒃ.
ᑭᓇᒃᑯᑦ ᐱᒍᑦᔭᐅᒍᓐᓇᐸᑦ ?
ᐃᓄᑐᐃᓐᓇᓕᒫᑦ ᕿᑐᕐᖓᐅᔪᑦ ᓄᓇᕕᒻᒥᐅᑦ, ᓇᓂᒥᐅᖑᒐᓗᐊᕈᑎᒃ ᑲᓇᑕᒥ, ᑐᑦᓯᕋᐅᑎᓕᐅᕈᓐᓇᑐᑦ ᑮᓇᐅᔭᓂᒃ ᐅᕗᖓ ᓯᕗᓪᓕᐅᔨᓚᕗᑦ ᕿᑐᕐᖓᕗᑦ (CFI) ᓄᓇᕕᒻᒥ.
ᕿᑐᕐᖓᐅᔪᑦ ᐃᒣᒋᐊᓕᒃ ᒪᕐᕉᓂᒃ ᖃᓄᐃᓕᖓᓂᐅᔪᓂᒃ:
- ᐃᓕᑕᕆᔭᐅᓂᖃᕐᓗᑎᒃ ᒪᑭᕝᕕᑯᓐᓄᑦ ᐃᓚᐅᔫᒋᐊᖏᓐᓂᒃ ᓄᓇᕕᒻᒥ.
- ᐅᑭᐅᑭᓗᐊᕐᓂᕋᕐᑕᐅᔪᑦ ᑯᐯᒃᒥ ᓄᓇᒋᔭᕐᒥᓂᓪᓘᓃᑦ.
ᐊᐱᕐᓲᑎᑦᓴᖃᕈᕕᑦ ᕿᓄᒍᑏᑦ ᐱᓪᓗᒍ, ᖃᐅᔨᒋᐊᕐᕕᖃᕈᓐᓇᐳᑎᑦ ᕿᑐᕐᖓᕗᑦ ᓯᕗᓪᓕᐅᔨᓚᕗᑦ ᓄᓇᕕᒻᒥ ᐱᓇᓱᐊᕐᑐᓂᒃ.