ᐃᓚᒌᑎᒍᑦ ᐱᓗᑲᐅᑎᓂᖅ, ᐃᑦᓯᒎᓐᓂᓗᓐᓃᓗ

ᐃᓚᒌᑦ ᐱᓗᑲᑦᑕᐅᑎᓂᖏᓐᓄᑦ ᓄᓕᐊᓗᑲᓐᓂᒧᓪᓗ ᑲᒪᒋᔭᐅᓂᖃᓲᑦ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᓐᓄᑦ ᐃᓚᖃᕐᓱᑎᒃ ᓴᐳᑦᔨᓯᒪᓂᕐᒧᑦ ᐱᒍᑦᔨᒍᑎᓂᒃ, ᐱᕙᓪᓕᐊᑎᑦᓯᓱᑎᓪᓗ ᓄᑖᓂᒃ ᐱᒍᑦᔨᒍᑎᓂᒃ, ᐃᓚᐅᖃᑕᐅᑦᓱᑎᒃ ᐱᒪᑦᑌᓕᒪᓂᕐᒧᓗ ᑫᓪᓗᑐᐃᓂᕐᒧᓗ ᓱᓇᓱᐊᕐᑎᓯᓂᕐᒧᑦ, ᑐᑭᒧᐊᑦᑎᓯᑦᓱᑎᒃ ᓄᓇᓕᓕᒫᑦ ᐱᓇᓱᐊᖃᑎᒌᓐᓂᖏᓐᓂᒃ ᐊᒻᒪᓗ ᑐᕌᒉᓪᓗ ᐊᑑᑎᒐᑦᓴᓕᐊᖑᓯᒪᔪᐃᓪᓗ ᐱᑕᖃᕐᑎᑕᐅᑦᓯᐊᕋᓗᐊᕐᒪᖔᑕ ᑐᖕᖓᕕᐅᓂᐊᕐᑐᓄᑦ ᐱᓂᐊᕐᓂᖃᕈᑎᐅᓕᕐᐸᑕ ᑕᒪᒃᑯᐊ ᐱᑦᔪᑕᐅᔪᑦ ᓄᓇᕕᒻᒥ. 

ᓴᐳᒻᓱᑎᒃ ᓄᐃᑕᒌᕐᑐᓂᒃ ᐱᒍᑦᔨᒍᑎᓂᒃ
ᐱᕙᓪᓕᐊᑎᑦᓯᓂᕐᒧᑦ ᐱᒍᑦᔨᒍᑎᓂᒃ
ᑫᓪᓗᑐᐃᓂᕐᒥᓗ ᐱᒪᑎᑦᓯᑌᓕᓂᕐᒥᓗ
ᓄᓇᓕᓕᒫᓂᒃ ᐱᓇᓱᐊᖃᑎᖃᕐᓂᒧᑦ
ᑐᕌᒉᓪᓗ ᐊᑑᑎᔭᐅᒋᐊᓕᓐᓄᓗ
ᐊᑐᕐᓂᖃᑦᓯᐊᑐᑦ ᑕᑯᒋᐊᕐᑕᐅᓗᑎᒃ

ᓴᐳᒻᒥᓂᕐᒧᑦ ᓄᐃᑕᒌᕐᑐᓂᒃ ᐱᒍᑦᔨᒍᑎᓂᒃ

ᐱᒍᑦᔨᒍᑏᑦ ᐊᒻᒪᓗ ᑲᒪᒋᐊᑦᓴᐅᑎᒋᓲᖑᑦᓱᑎᒃ ᐱᓇᓱᑦᑏᑦ ᐱᒍᑦᔨᓲᑦ ᓴᐳᒻᒥᔭᐅᓲᖑᕗᑦ ᐃᒣᑦᑐᑯᑦ: 

  • ᑲᑎᒪᑦᓯᓂᒃᑯᑦ ᑐᑭᒧᐊᑦᑎᓯᔨᓂᒃ ᑖᒃᑯᓄᖓ ᒪᕐᕉᓄᑦ ᐋᓐᓂᐊᕕᒻᒪᕆᓐᓄᑦ ᐊᒻᒪᓗ ᓄᓇᓖᑦ ᑎᒥᖁᑎᖏᓐᓄᑦ; 
  • ᐃᓕᓐᓂᐊᑎᑦᓯᓂᒃᑯᑦ ᑲᒪᒋᐊᑦᓴᐅᑎᒋᒍᓐᓇᑐᓂᒃ ᐱᓇᓱᑦᑎᓂᒃ ᐱᓇᓱᒐᖏᓐᓂᒃ ᐱᔪᓐᓇᓂᖏᓐᓂᓗ; 
  • ᐱᕕᑦᓴᐅᔪᓂᒃ ᐊᑐᖃᑎᒋᓐᓂᑯᑦ ᐊᒻᒪᓗ ᑲᒪᒋᐊᑦᓴᐅᑎᒋᒍᓐᓇᑐᐃᑦ ᐊᑐᕐᑕᐅᑎᑦᓱᒋᑦ ᐊᓯᖏᓐᓄᑦ ᐱᑦᔪᔨᓲᖑᒻᒥᔪᓄᑦ. 
     

ᐱᕙᓪᓕᐊᑎᑦᓯᓂᕐᒧᑦ ᐱᒍᑦᔨᒍᑎᓂᒃ 

ᐱᒍᑦᔨᒍᑎᒥᒃ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᑭᖕᖒᒪᓇᕐᑐᓂᒃ ᐅᖄᒍᑕᐅᔪᖃᓲᖑᕗᖅ ᑲᑎᒪᑦᓯᓂᒃᑯᑦ ᓄᓇᓕᓐᓄᑦ ᐃᓚᐅᔪᓂᒃ, ᐱᒍᑦᔨᓲᓂᓪᓗ ᐊᒻᒪᓗ ᐊᐅᓚᑦᓯᓂᓕᕆᔨᓂᒃ.  ᑕᒪᒃᑯᐊ ᐱᒍᑦᔨᒍᑏᑦ ᑲᔪᓯᑎᑕᐅᓲᖑᒻᒪᑕ ᓄᓇᓖᑦ ᐋᓐᓂᐊᕕᖏᓐᓂ, ᐋᓐᓂᐊᕕᒻᒪᕆᓐᓂᓗ, ᓄᓇᓖᑦ ᑎᒥᖁᑎᖏᓐᓄᓗ ᐅᕝᕙᓘᓐᓃᑦ ᓄᓇᓕᓕᒫᑦ ᐊᐅᓚᑦᓯᔨᖏᓐᓄᑦ. 

ᑫᓪᓗᑐᐃᓂᕐᒧᑦ ᐊᒻᒪᓗ ᐱᒪᑎᑦᓯᑌᓕᓂᕐᒧᑦ 

ᑫᓪᓗᑐᐃᓃᑦ ᖃᓄᐃᖏᓯᐊᕐᑐᒥᒃ ᐱᐅᓯᖃᕐᓂᒥᒃ ᐊᒻᒪᓗ ᐱᒪᑎᑦᓯᑌᓕᒍᑏᑦ ᐱᓗᑲᓐᓂᒥᒃ ᐊᑐᓗᑲᓐᓂᒥᓪᓗ ᑕᒫᓂ ᓄᓇᒥ ᑲᔪᓯᑎᑕᐅᒍᓐᓇᑐᑦ ᐅᑯᑎᒎᓇ: 

  • ᑫᓪᓗᑐᐃᓂᕐᒧᑦ ᖃᐅᔨᔭᐅᑎᑦᓯᒐᓱᐊᕈᑎᓂᒃ ᐃᓱᓕᑎᑦᓯᒐᓱᐊᕈᑎᑦᓴᒧᑦ ᐃᓚᒌᑦ ᐱᓗᑲᓐᓂᖏᓐᓂᒃ; 
  • ᖃᓄᐃᓕᒋᐊᖁᔨᔩᑦ ᑲᑎᒪᔨᐊᐱᖏᑦᑎᒍᑦ ᓄᕐᖃᑎᑦᓯᒍᑎᑦᓴᒧᑦ ᐱᓗᑲᓐᓂᒥᒃ ᐊᑐᓗᑲᓐᓂᒥᓗ ᐊᒻᒪᓗ ᐊᑦᑕᓀᓪᓕᑎᑦᓯᓂᒃᑯᑦ ᐃᓄᐃᑦ ᓄᓇᓕᖏᓐᓂᒃ; 
  • ᖃᐅᔨᔭᐅᑎᑦᓯᒐᓱᐊᕐᓂᒥᒃ ᓱᓇᓱᐊᕐᑎᓯᓂᒃᑯᑦ ᓄᓇᓕᓐᓂ; 
  • ᐱᓇᓱᐊᖃᑎᖃᕐᓂᑯᑦ ᐃᓄᓕᒫᓂᒃ ᖃᓄᐃᖏᓯᐊᕐᓂᓕᕆᕕᐅᑉ ᐱᓇᓱᐊᕐᕕᖓᓂᒃ ᑲᔪᓯᑎᑕᐅᔪᖃᕐᑎᓗᒍ ᐅᑯᓂᖓ “ᐊᑦᑐᐃᓯᐊᕐᓂᖅ/ᐊᑦᑐᐃᓯᐊᖕᖏᓂᖅ” ᐱᐊᕋᕐᒥᒃ ᓄᓕᐊᓗᑲᑦᑎᓯᑌᓕᓂᕐᒧᑦ ᐃᑲᔪᕐᓯᒪᐅᑎᖏᓐᓂᒃ. 

 

ᓄᓇᓕᓕᒫᑦ ᐱᓇᓱᐊᖃᑕᐅᓂᖏᓐᓄᑦ 


ᓄᓇᓕᓕᒫᑦ ᐱᓇᓱᐊᖃᑕᐅᒍᓐᓇᓲᑦ ᒪᑯᑎᒎᓇ: 

  • ᓄᓇᓕᓕᒫᑦ ᑐᑭᒧᐊᑦᑎᓯᔩᑦ ᑲᑎᒪᔨᐊᐱᖏᑦ ᑕᒪᑦᓱᒧᖓ ᐱᓗᑲᓐᓂᒧᑦ ᓄᓕᐊᕐᓂᒥᒃ ᐊᑐᓗᑲᓐᓂᒧᓗ, ᑲᑎᒪᒍᑎᐅᓲᖑᒻᒪᑦ ᑲᑎᒪᔨᓄᑦ ᐱᓇᓱᐊᕐᕖᓗ ᓯᕗᓕᕐᑎᖏᓐᓄᑦ ᑎᒥᐅᔪᓃᑦᑐᓄᑦ ᓄᓇᕕᒻᒥ ᒪᕐᕈᕕᑦᓱᑎᒃ ᐊᕐᕌᒍᑕᒫᑦ; 
  • ᐱᓇᓱᑦᑎᑕᐅᔪᐃᑦ ᑲᑎᒪᔨᐊᐱᖏᑦᑎᒍᑦ ᑎᒃᑯᐊᑕᐅᓯᒪᔪᓄᑦ ᓄᓇᓕᓕᒫᑦ ᑐᑭᒧᐊᑦᑎᓯᔨᖏᓐᓄᑦ ᑲᒪᖁᔭᐅᑦᓱᑎᒃ ᐃᓕᑕᕆᔭᐅᒪᔪᓂᒃ ᐱᑦᔪᑕᐅᔪᓂᒃ ᐅᕝᕙᓘᓐᓃᑦ ᑲᔪᓯᑎᑦᓯᓂᕐᒧᑦ ᐱᓇᓱᐊᕐᑕᐅᒐᓱᐊᓗᐊᖑᐊᑐᓂᒃ; 
  • ᑯᐯᒃᒥ ᐊᒻᒪᓗ ᓄᓇᓕᓕᒫᑦ ᐊᕐᓀᑦ ᕿᒫᕕᖏᑦᑎᒍᑦ; 
  • ᑐᑭᓯᓂᐊᕐᓂᑯᑦ ᐱᓇᓱᐊᖃᑕᐅᓗᐊᖑᐊᓲᓂᒃ ᖃᓄᐃᓕᒋᐊᕐᑕᐅᒍᒪᓂᕐᒧᑦ ᑐᑭᒧᐊᑦᑎᑕᐅᒍᒪᓂᕐᒧᓗ ᐊᑦᔨᒋᖏᑐᓂᒃ ᐱᓇᓱᐊᕐᑕᐅᔪᖃᕐᑎᓗᒍ. 

 

ᑐᕌᒉᓪᓗ ᐊᑑᑎᔭᐅᒋᐊᓕᓐᓄᓗ 


ᑐᕌᒉᓪᓗ ᐊᑑᑎᔭᐅᒋᐊᓖᓪᓗ ᐃᓕᖓᔪᓂᒃ ᑕᒪᑦᓱᒧᖓ ᐃᓚᒌᑦ ᐱᓗᑲᓐᓂᖏᓐᓄᑦ ᓄᓕᐊᓗᑲᓐᓂᒧᓪᓗ ᓄᐃᑕᐅᔪᖃᕐᓯᒪᕗᖅ ᓄᓇᓖᑦ ᓄᓇᓕᓕᒫᓪᓗ ᑐᑭᓯᓂᐊᕐᕕᐅᑎᓪᓗᒋᑦ ᐊᐅᓚᑦᓯᔨᖏᑦ, ᐊᒻᒪᓗ ᓇᒻᒪᓕᑐᐊᕐᒪᑦ ᑯᐯᒃᑯ ᑲᕙᒪᖓᓄᑦ.  ᐃᓚᖃᕐᑐᐃᑦ ᒪᑯᓂᖓ: 

  • ᑲᕙᒪᒃᑯᑦ ᐸᕐᓇᓯᒪᐅᑎᖏᑦ ᑕᒪᑦᓱᒧᖓ ᓄᓕᐊᓗᑲᓐᓂᓕᕆᐅᑎᒧᑦ; 
  • ᑲᕙᒪᒃᑯᑦ ᐸᕐᓇᓯᒪᐅᑎᖏᑦ ᑕᒪᑦᓱᒧᖓ ᐁᑉᐸᕇᑦ ᐱᓗᑲᑦᑕᐅᑎᓂᖏᓐᓄᑦ; 
  • ᑲᒪᒋᐊᑦᓴᐅᑎᒋᓂᕐᒧᑦ ᐸᕐᓇᓯᒪᐅᑎᓂᒃ ᐃᓕᖓᔪᓂᒃ ᑲᒪᕕᐅᒍᓐᓇᑐᓄᑦ ᓄᓕᐊᓗᑲᑦᑕᐅᓂᑯᕐᓂᒃ; 
  • ᐊᐅᓚᑦᓯᒍᓯᕐᓂᒃ ᐊᕐᓀᑦ ᕿᒫᕕᖏᓐᓂᒃ ᓄᓇᕕᒻᒥ. 

 

ᐊᑐᕐᓂᖃᕈᓐᓇᑐᑦ ᑕᑯᒋᐊᕐᑕᐅᓗᑎᒃ 

 

ᑐᑭᓯᒪᐅᑎᑦᓴᖏᓐᓄᑦ ᓄᓕᐊᓗᑲᓐᓂᒧᑦ - ᑯᐯᒃᑯᑦ ᑲᕙᒪᖓᓂᑦ 
http://www.agressionssexuelles.gouv.qc.ca/en/   (ᖃᓪᓗᓈᑎᑐᑦ ᑭᓯᐊᓂ)
 
ᑐᑭᓯᒪᐅᑎᑦᓭᑦ ᐁᑉᐸᕇᑦ ᐱᓗᑲᐅᑎᓂᖏᓐᓄᑦ - ᑯᐯᒃᑯᑦ ᑲᕙᒪᖓᓂ 
http://domesticviolence.gouv.qc.ca/   (ᖃᓪᓗᓈᑎᑐᑦ ᑭᓯᐊᓂ)
 
ᐊᑐᓗᑲᓐᓂᖅ ᑕᒻᒪᑑᕗᖅ ᓇᓪᓕᑐᐃᓐᓇᖏᓐᓄᑦ ᐃᓗᕐᕈᓯᖃᕐᑐᓄᑦ - ᑲᓇᑕᐅᑉ ᐃᕐᖃᑐᐃᕕᓕᕆᔨᒻᒪᕆᖏᑦ 
http://www.justice.gc.ca/eng/rp-pr/cj-jp/fv-vf/culture/pdf/cult_inuitEN.pdf  (ᖃᓪᓗᓈᑎᑐᑦ ᑭᓯᐊᓂ)
 
ᑲᕙᒪᒃᑯᑦ ᐸᕐᓇᓯᒪᐅᑎᖏᑦ ᑕᒪᑦᓱᒧᖓ ᓄᓕᐊᓗᑲᓐᓂᒧᑦ 2008-2013 
http://www.scf.gouv.qc.ca/fileadmin/publications/Violence/plan-action-agressions-sexuelles_2008-2013_en.pdf   (ᖃᓪᓗᓈᑎᑐᑦ ᑭᓯᐊᓂ)
 
ᑲᕙᒪᒃᑯᑦ ᐸᕐᓇᓯᒪᐅᑎᖏᑦ ᑕᒪᑦᓱᒧᖓ ᐁᑉᐸᕇᑦ ᐱᓗᑲᑦᑕᐅᑎᓂᖏᓐᓄᑦ 2012-2017 
http://www.scf.gouv.qc.ca/fileadmin/publications/Violence/Plan_d_action_2012-2017_version_anglaise.pdf   (ᖃᓪᓗᓈᑎᑐᑦ ᑭᓯᐊᓂ)