ᐸᕐᓀᓂᕐᓄᑦ ᐱᔭᑦᓴᓕᕆᓂᕐᓄᓗ

ᑖᓐᓇ ᐱᓇᓱᐊᕐᕕᒃ ᐸᕐᓀᕆᓂᕐᒧᑦ ᐃᑲᔪᕐᓯᒪᐅᑎᓕᕆᓂᕐᒧᓗ ᐱᓇᓱᐊᒐᖃᓲᖑᕗᖅ ᓯᑕᒪᓗᐊᖑᐊᓂᒃ ᒪᑯᓂᖓ: ᑎᒥᐅᔪᕐᒥᒃ, ᑐᑭᒧᐊᑦᑎᓯᓂᕐᒥᒃ ᓇᓗᓀᔦᓂᕐᒥᓗ ᐱᒍᑦᔨᔨᐅᒍᓐᓇᑐᓂᒃ ᓄᓇᕕᐅᑉ ᓄᓇᖓᓂ.  ᑕᒪᒃᑯᐊ ᐊᑑᑎᒋᐊᖃᓪᓚᕆᓲᖑᑦᓱᑎᒃ ᒪᑯᓂᖓ: 

  • ᓇᐅᑦᓯᑐᕐᑕᐅᔪᖃᕐᑎᓗᒍ ᑭᖕᖑᒪᓇᕐᑐᓂᒃ, ᓇᓗᓀᔭᕐᒥᓗᒋᑦ ᐱᕕᑦᓴᐅᒍᓐᓇᑐᓕᒫᑦ ᐊᒻᒪᓗ ᑐᑭᓕᐅᕆᓗᓂ ᓯᕗᓪᓕᐅᔭᐅᒋᐊᓕᓐᓂᒃ ᓴᐳᒻᒥᔭᐅᓗᑎᒃ ᐋᓐᓂᐊᕕᓐᓄᑦ ᐱᓇᓱᐊᖓᓄᑦ ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᕐᒧᑦ; 
  • ᑕᑯᔭᐅᒍᓐᓇᓯᑎᓗᒋᑦ ᑲᔪᓯᑎᓗᒋᓪᓗ ᐊᒥᓱᒐᓚᓐᓂᒃ ᑯᐯᒃᑯᓗ ᑲᕙᒪᑐᖃᒃᑯᓗ ᐃᑲᔪᕐᓯᒪᐅᑎᖏᓐᓂᒃ; 
  • ᑐᑭᒧᐊᑦᑎᑕᐅᔪᖃᕐᑎᓗᒍ ᐱᒍᑦᔨᒍᑎᑦᓴᓕᐊᖑᓯᒪᔪᓂᒃ ᑕᒫᓂ ᓄᓇᒥ; 
  • ᓄᐃᑕᐅᔪᖃᕐᑎᓗᒍ ᐱᕕᖃᕈᓐᓇᐅᑎᑦᓴᓂᒃ ᐱᔭᐅᑎᑦᓯᓯᐊᕈᓐᓇᓂᐊᕐᑐᓂᒃ ᑕᒪᒃᑯᓂᖓ ᐱᒍᑦᔨᒍᑎᓂᒃ; 
  • ᑐᑭᒧᐊᕐᑎᑕᐅᔪᖃᕐᑎᓗᒍ ᐱᒍᑦᔨᒍᑎᐅᓲᓂᒃ ᓄᓇᓖᑦ ᑎᒥᖁᑎᖏᓐᓄᑦ ᐊᒻᒪᓗ ᐃᓚᒌᓄᐊᖓᔪᓄᑦ ᐱᕕᑦᓴᐅᑎᑕᐅᒍᓐᓇᑐᓄᓪᓗ; 
  • ᐃᑲᔪᕐᓯᒪᐅᑏᑦ ᐃᑉᐱᒋᔭᐅᖏᓐᓇᖃᑦᑕᓗᑎᒃ ᓇᓗᓀᔮᕐᑕᐅᔪᖃᕐᓗᓂᓗ ᐃᑲᔪᕐᓯᒪᐅᑎᓂᒃ; 
  • ᓴᐳᒻᒥᔭᐅᔪᖃᕐᓗᓂ ᐃᑲᔪᕐᓯᒪᐅᑎᒥᒃ ᐊᓯᑦᔨᒋᐊᕐᑕᐅᔪᖃᕐᐸᑦ; 

 
ᑖᓐᓇ ᐱᓇᓱᐊᕐᕕᒃ ᑲᔪᓯᑎᑦᓯᔨᐅᓂᐊᕐᑐᖅ ᐱᕙᓪᓕᐊᑎᑦᓯᔨᐅᓗᓂᓗ ᒪᑯᓂᖓ ᐃᑲᔪᕐᓯᒪᐅᑎᓂᒃ: 

  • ᐃᑲᔪᕐᓯᒪᐅᑎᓂᒃ ᐱᐊᕋᕐᓅᓕᖓᔪᓂᒃ, ᐅᕕᒃᑲᓅᓕᖓᔪᓂᓪᓗ ᐊᒻᒪᓗ ᐃᓚᒌᓄᑦ; 
  • ᐃᑲᔪᕐᓯᒪᐅᑎᓂᒃ ᐃᓄᓐᓄᐊᖓᔪᓂᒃ ᐃᒻᒥᓂᕿᑦᓯᐊᕈᓐᓇᖏᑦᑐᓄᑦ; 
  • ᐃᑲᔪᕐᓯᒪᐅᑎᓂᒃ ᑲᒪᒋᔭᖃᕐᑐᒧᑦ ᐃᓱᐃᓪᓕᖓᐅᑎᔪᖃᓕᕐᐸᑦ ᐃᓚᒌᑦ ᐱᓗᑲᐅᑎᓂᖏᓐᓄᑦ, ᐃᒥᐊᓗᒻᒥᓗ ᐋᖓᔭᓐᓇᑐᓂᓪᓗ ᐃᕐᖃᑕᐅᓲᓂᓪᓗ ᐊᑐᓗᑦᑕᐅᓂᖏᓐᓄᑦ; 
  • ᐃᑲᔪᕐᓯᒪᐅᑎᓂᒃ ᐃᓱᒪᒃᑯᑦ ᐱᓀᓗᑕᖃᕐᑎᓯᑦᑌᓕᒪᓂᕐᒧᑦ ᐱᒍᑦᔨᒍᑎᓄᑦ; 
  • ᓄᓇᓕᓐᓂ ᐃᑲᔪᕐᓯᒪᐅᑎᖏᓐᓂᒃ; 
  • ᐋᓐᓂᐊᓂᓕᕆᐅᑎᓄᑦ; 
  • ᑎᒥᒃᑯᑦ ᖃᓄᐃᖏᓯᐊᕐᓂᓕᕆᓂᕐᒧᑦ.